Ka Leo o ka Lahui, Volume II, Number 389, 15 February 1892 — Page 3
| This text was transcribed by: | Laura Yamamoto |
| This work is dedicated to: | Awaiaulu |
KA LEO O KA LAHUI.
"E Mau ke Ea o ka Aina i ka Pono."
NU HOU KULOKO.
I ka Poaono nei i kuai kudala ia aku ai e Jas. Mokana na aina o ka Moi Kalakaua i make.
I ka Poalima nei i haalele iho ai ka mokuahi Gaelic ia nei no iokahama, Iapana.
Ke halii la no ka maluhia ma Samoa, pela no lono hope i lohe ia mai nei ma ka mokuahi Mariposa i ka Poaha nei.
He oili pulelo hou aku koe o ka makou moolelo hou no ka pomaikai o ko makou mau kini heluhelu, i keia pule no.
Ua kauohaia aku ka mokukaua Iroquis e ke aupuni Amerika e holo mai no Honolulu nei. Aia keia moku ma Samoa i keia manawa, a he manawa ku wale mai no paha nona.
Ua holo mahuka mai la kekahi lio me ke kaa huila lua mai Leleo mai, a hiki mawaho ae nei o Kamaki Kuea ua okaoka liilii iho la ke kaa, a pakele no ka lio. No Mr. F.W. McChesney keia waiwai.
Huai ka Ulu o Lele i ka Hon. W. White, i ka po Poaha nei ma ka halawai i malamaio ma ka halepaikau, ma alanui Moiwahine, ke hele la a makulukulu, nakolokolo ka hale i na leo hauoli o na makaainana. Eo no ia Lahaina!
Ua loheia na @alowale ka ilio a kekahi wahine, a ua manao wale ia ua hele e imi kahu hou. No ka malama pono ole no hoi paha o ke kahu mua. Aloha ino ka hoi. Mai uwe oe, o ka hoi mai no koe o ko wahi hapo huiuhaia nui.
Ma ka Poalima nei i lawe ia aku ai e ka mokuahi )@aelic a kiola ia aku ma na aekia o Kina o Junn Hook, kela pake nana i hoopahaohao ae i keia kulanakauhale me kana mau hana akamai aihue a powa. O Bila Kamaa ole kona lua ma ia ano hana.
Piha ino ka halawai a na moho a ka Aoao Hawaii Liberala i haawi ai ma ka hale paikau kahiko, i ka po Poaha nei. Nui ka minamina ia no ka haiki o kahi halawai, a ina paha i Ema Kuea. ina ua nani loa. Ka hana ana iho la no ia o ka maunu maikai, i ka piko no oe la lihaliha.
Ua holo o Pohaku ka Luna Hoohana o ka nupepa “Elele” no ka manawa ilalo o Puuloa e imi ai ia Kaahupahau, ke kaea a oia mau kai. A o ka mea aka, mai weluwelu liilii kahi apana pahu hao o ka haina pono ole i ka hou o ko lakou lae.
I ka wa e holo mai ana o kekahi wahi opuu pop@lo maluna o kona lio mai Kalihi mai i ka Poa @o iho nei a ma Waikiki iki mai o ka uapo o Hooliliamanu, ua halawai iho la me ia he elua mau Pake e paani ana iwaenakonu o ke alanui, a ma o ka ulia laki, ua pakele iho ia kahi o laua mai haki pu ka wawae i kapuai o ka lio. E akahele hou mai hele iwaena o ke alanui e paani ai, o laa auanei ka uku hoopai kupono no ka poe hookuli.
O ke kumu i haule ai o W.B. Keanu o Nawaieha; J. Kamakele o ka Uahi Kokolo o Kula a me J. Nazareta o Molokai Nui a Hina; no ko lakou hoole ana aole lakou he moho na ka Aoao Liberala, a no ia kumu, ua hoole ka poe koho ia lakou no ko lakou kue i ka makemake o ka lahui. Lolo!
Ma ke ahiahi Poaha o ka pule i hala, ua malamaia ka halawai makaainana nui a ka Aoao Lahui Hawaii Liberala, ma ka Halepaikau kahiko ma alanui Moiwahine, a no ka nui ohohia o na makaainana no ke kahea ia ana o ua halawai la, ua hoopiha ia ka hale halawai e kekahi heluna nui ao koho ia hoi ua oia aku mamua o elua tausani ka heluna. Ua piha kui i na makaainana mailoko a kuku iwaho, a o ka hele no ia o ka piha a ke kahua lepo ma Ewa iho o ka hale paikau. Ua hauoli ka manao o ka lehulehu i ka lohe ana i na manao wiwo ole o na moho a ka Aoao Liberala, a ka lahui hoi i hooikaika ai a e hooikaika mau nei no ka pono o ko kakou noho ana. I nui ke aho e na koo o Hawaii.
OHE HAWAII.
E loaa no ma ka Halekuai Haukilima o HART & Co. na ohe ku pono i ka hana ie papale a hana peahi. E kipa mai e ike nou iho, oiai he oluolu na kuka ana a he oluelu no hoi ka ahuau.
Honolulu, Feb. 15, 1892
389d-3ts
HOOLAHA PA AUPUNI.
E ike auanei na kanaka a pau eia ma ka Pa Aupuni o Makiki nei kekahi lio hele hewa, lio k@ulaula, keokeo ma ka lae, eha ia na uha mua, eha ia maluna o ke kua aoao akau 3 wawae keokeo paa i kapuai hao, hao kuni uha hope JA (i akau O ka mea a mau mea nona keia lio @ pono e ku koke mai o hala na la he 12, e kuai kudala aku no au ke hiki aku i ka la 20 o Feb., 1892, i ka hora 12 awakea Poaono.
D. KAOAO,
Luna Pa Aupuni.
feb11 3ts.
HOOLAHA HOU E ALA, E ALA.
B.F. Ehlers & Co.-PAINAPA.
HELU 99 Alanui Papu.
E NA MAKAMAKA maikai, e naue hou mai e ike ia PAINAPA (B.F. Ehlers & Co.) oiai, e wehe ana ko makou mau puka i kapo, mai keia manawa aku a hiki i ka Hape Nuia. Nolaila, e naue mai oukou a pau mai ke nui a ka liilii, e ike i na mea hou o kela a me keia ano. Merry Christmas oukou a pau! Eo mua no ia PAINAPA.
E kipa mai e na makamaka, i hoopau ia ai ko oukou kanalua no ka makou kuai hoopoho aku ia oukou. Owau me ka oiaio,
B.F. EHLERS & CO.
Na PaikiNi Hou Na Pikini Hou
O NA ANO A PAU, E KINIKOHU AI O KE ANO AHIAIII, E LOAA NO MA KAHI-
Chas. Fishels,
KIHEO ALANUI PAPU A ME HOTELE,
Ko makou halekuai hoopau nui, ma o MR. CHAS J. FISHELS la, he mau wawai hou loa ko makou, i loaa mai nei mai ka hikina mai, o na ano like ole he nui wale. Eia ma ko makou halekuai nei na paa lole e @nohau ai o na keonimara a luhie@@ o na Le@@ na a@lii o na Kamalii-
NA KINAMU NA ALAIIA
Na KALAKOA Malina Na KIHEI Silika4
NANAHE o na ano he nui A pela wale aku.
E huea pau ia aku ana keia mau waiwai a pau imua ou, aole hoi o oe wale o na
Lede kekahi, pau pu aku hoi me na keiki, nau e wae @ou iho i na ano@i a kou puuwai, eia ka papa lo@i o Apua la, ke anapa nei ka wai liula i Mana.
E hele mai i hookahi, e hele mai no a pau loa, mai ke nui a ka liilii.
Chas. J. Fishels.
Halekuai alakai o na kumukuai haahaa loa.
HOOLAHA PA AUPUNI.
E ike auanei na kanaka a pau, eia ma ka Pa Aupuni o Makiki nei kekahi mau lio helehewa. Lio k@lo kia, 4 wawae keokeo, keokeo ka lae, paa ka wawae i kapuai hao, he mau hao kuni ano e ma na uha hope a elua. Lio w@ulaula, keokeo loihi ma ka lae, elua wawae keokeo ak he mau keokeo uuku ma na wawae hema, paa na wawae i kapuai hao, aole he ike ia o ke kuni. O ka mea a mau mea nona keia mau lio, e po no e kii koke mai o hala na la he 15, e kuai kudala aku no au ke hiki aku i ka la 20 o Feberuari, 1892, hora 12 awakea Poaono.
D. KAOAO,
F.S. 3tsd. Luna Pa Aupuni.
A. HERING M. PAULY
Ka Hale Hana Novelty.
E lawe no laua a e hana i na ano ha na kalai a hana hoonihoniho ma ka laau a ma ka niho palaoa paha; hoohinuhinu a anaauai ana a mania na pupu a me kukui, a me na pena hoonani o na kaupoku o na numi; hooponopono hou, hoomaemae ana o na pila, na pu, na mea kaupaona a mea mama oia ano.
NA HANA MEA UWILA, NA HANA MEKINI, A ME HANA LAKA.
E hana ia no na kuui, na ana kii, pela aku, e like me ke kauoha.
E hele mai io maua.
132 Alanui Papu, Honolulu 335-tf-d.
HE HOOLAHA I KE AKEA.
E ike ananei na ano lahui a pau, e noho ana ma ke Aupuni Hawaii, mai na kane, wahine, a me na keiki, i loaa i na ma i o kela a me keia ano, e nane mai i ko’u Keena hana, a na’u e hoopaii aku i na ehaeha a ka ma’i maluna o oukou e na makamaka, he hiki ia’u ke lapaau i na ano ma’i a pau, ma;i iloko o ka opu, hu’i ke kino, aki iloko o ka iwi, eha o ke poo, ma iwahine a pela aku. Mai hoololohe aku e na hou hele mai @@@@@ hele m@@@ elua, hele mai no a pau loa; he oluolu ka auhau, ke hui me ia ma na kukai olelo ana; ua makaukau wau e pulama mai i na kono ana mai mai no Mokupuni mai, me ka eleu a me ka hi kiwawa loa, he makamaka a he hoaloha maikai no oukou e na Hawaii.
Owou iho no,
DR. LEONG KEONGPONG.
Helu 40, Huina o na alanui Kamika me Hotele, Honolulu, Oahu. Aug 31. 1y
NA SILIKA WAILIULA!
Na Silika Aulii o na Lede!!
E NA KEONIMANA A ME NA LEDE, E MAKAUKAU, EII
ka nani ke alohi nei i ka Papaloni o Maukele; a ina he mau okeni kau, e kipa mai ma ka HALEKUAI o
S.N. SACHS,
Ke Alakai o na Kumukuai emi o keia Taona.
Honolulu, Alanui Papu, Helu 104.
E HOOKO LA no kou makemake ke kipa mai oe io makou nei. Eia na SILIKA oahee o na ano like ole, he 60 keneta wale no ka kumukuai o ka I-a. Eia hou no na SILIKA i milioia me na lopi huluhulu o Inia Komohana, e loaa no ia oe ma ke kumukai haahaa loa, he 75 keneta malalo o ke kumukuai mua.
Eia hou mai: Na SILIKA Aulii o Inia Hikina, he aulii, a he milolii ke nana iho, a he 50 keneta ke emi malalo o ke kumukuai mau; a he helu ekahi hoi o ka nani ke ike iho. Aole hoi o ia wale, eia iho na HULUHIPA o na kahakahana like ole, a pau no e wae e like me kou makemake, he 50 keneta no ka I-a/ Na KINAMU pahee, i miloia me na lopi lilina, he 50 a 75 keneta o ka I a.
O na Ano Aaahu Aulii a Pau,
O na ano like ole, eia la ua ku ke ahna. Na AI-KALA he elua paa no 25 keneta; a e loaa no hoi ia oe he 5 paa no $1.00, o ke ano a ka iini e lia ai. Eia hou na A-IKALA Aulii o Carolina Hema, i loaa mailoko mai o na lopi aulii o Marina, a i hanaia hoi me ka mikioi, he 15 keneta a hiki i ke 35 keneta.
Na SILIKA WAILIULA, he 35 a ke 50 keneta o ka I-a, he mau mea hou wale no. Na VELEVETA nani lua ole, he Omaomao he Hauhuli, he Kalina, he Keokeo, he Haulaula.
Eia hoi na PAPALE hulu nani he lehulehu wale, e hoohuelo ai o na Lede maka onaona; na aulii hoi o no kama a kakou, eia ke alohi mai nei na papale like ole o ma ano he lehulehu wale.
Na Paiki-ili pahee e kohu ai ka huakai hele, a me na Eke paa lima a na Lede e hoomahie ai. A ina he makemake kou e ike i ka oiaio o ka makou, e kipa mai e ikemaka, oiai ke hoemi nei makou i ke kumukuai o keia mau waiwai, i loaa ke kowa kaawale no na waiwai hou e hoahu aku ai.
E na hoaloha, e kipa, e ike kumaka i ka nani o Aipo, he ole ka lohe pepeiao.
N.S. SACHES:
373-dtf. 104 Alanui Papu, Honolulu
EGANA & GUNN.
ALANUI PAPU, Na Hale Hou o BURU A MA, Helu 100.
Ke Kuai Hoopau, ma ke Dala Kuike, no Ekolu Pule mai ka Poakahi, Feberuari 8, 1892.
E kuai aku ana no maua i ko maua HALE KUAI, ma ke KUMU KUAI HOEMI LOA, i ike ole ia ka lua ma keia taona.
I loaa ai hoi he kowa kupono no na WAIWAI HOU o keia ano keia ano he nui loa, i kupono hoi no ke Kau e Enohau ai:
Na Mikilinia aulii
Na Ribine hoohuelo,
Na Lei-a’i, na Silika pahee.
Na Paa Lole Huluhulu pahee o na ano like ole.
Na Ka@imea o na ano a pau,
Na Paku nanahe no na moe e hoopulelo ai,
Na pale puka-aniani a me na pale puka komo, e kinikohu ai ke nana aku.
Na Paa lole hoopumehana o na kania a kakou, hui pu hoi me ka panio o na papale.
Na Papale Kapu.
Na Papale hulu,
Na Eke paa lima,
Na paiki ili palua i kupono no ka holomoku.
Na A’ikala o na an@ a pau.
Na Kakini hoopumehana o @@@@@@ nei.
A PELA AKU, A PELA AKU.
HELE MAI HOOKAHI, HELE MAI ELUA, HELE MAI NO A PAU LOA. E WAE OE NOU IHO, A KU I KE KOIIOI, ALAILA HIU AE, LAWE NO A LILO.
he wa maikai loa keia no na Lede a me na Keonimaoa o kipa mai ai i ko maua HALEKUAI nei. Mai hoohewahewa ia kakou hoa kanaka-E hea, e kipa ka anoi, eia ka nani ma ko
EGANA ME GUNN.
ALANUI PAPU, HELU 199 335-3wd