Ka Leo o ka Lahui, Volume II, Number 389, 15 February 1892 — Na Anoai. [ARTICLE]

Na Anoai.

Ua huliamahi ka lahui Hawaii mahope o ka Aoao Lahui Liberala. Ke kupaa la no na Hawaii o ka Papa Ola mamuli o ka lahui, a e hoonoho ana no he Hawaii ka Luna Alanui. He palapala hoopii ka ka [ ] Oiwi e pakaukau nei no kekahi hoa o lakou, e hoonoho ia i luna alanui no Honolulu. Ua hoao kekahi o na lun Nana Koho o Hawaii e apuka i ke koho ia ana o kekahi moho a ka lahui, aka, e mihi ana oia a haalulu. Ina he Hawaii ke kue i ke kanawai a me ka pono, ua wikiwiki ka waha o na keiki a na misionari e ahewa. Ua huli na Kumu Haole o Laie mahope o Kikila. No ka hoopunana ana paha o ka Mahimahi malalo pono o ko lakou ike ana, ma La-ie-maloo. Aia ka Hoopono i Kahaluu kahi noho ai, me kona kokoolua a me na kini lehulehu a ko laua noho pono i hoolaukanaka ai ia kaha. Ke neenee mai nei o Haha ia KA LEO, aneane koe, e oniu mai i na a-la i koe iho nei ia mea ma i haule aku nei ma Koolau. Alua hookele o ka nupepa "Elele" i pupula, o Pohaku iho la ka lua. Ka uku iho la no ia o ke kuko hewa i ka pono o ka lahui. Nui ka I'a Anae ma Kaluahole, Waikiki, i kela pule aku nei; hookahi no kuu ana o ka upena, piha pono ke kaa i ka i'a. O ka i'a ia ke hele la a palale mawaho o ka pili mahamaha. Hoi puolo no kamahele o kahi alii.