Ka Leo o ka Lahui, Volume II, Number 391, 17 February 1892 — Page 3

KA LEO O KA LAHUI.

"E Mau ke Ea o ka Aina i ka Pono."

 

NU HOU KULOKO.

 

Nui ka ulua ma Kaluahole i keia mau la. Ua hiki no o ka rula ia.

 

He mea ole wale no ka ua i ka poe puni hoolohe b@n@ @@@@@ me ia ikeia ma ka po Poakahi nei.

 

I keia Poakahi ae ka la hanau o Keoki Wakinekona, ka mea nana i paani ke kuokoa o Amerika Huipuia.

 

I ka hapa napoo la onehinei i @aukawewe mai ai ke Kahili alii o @@ Kona i ke Awa lai o Kou nei.

 

Ua ike ia aku he eha mau moku Okohola e holoholo ae ana mawaho o Molokai i ke ahiahi lapule nei.

 

Nui na ohua a ka Alameda i halihali mai nei no keia Awa i ka la Lapule nei.

 

I keia kakahiaka e haalele mai ai ka mokukaua Manukolohala i ke awa lai o Kou nei no ke kai hawanawana o Kawaihae.

 

He 44 inoa e kau nei ma ka papa hoopaa inoa o ka Hotele Hawaii, ke poe malihini wale no ka hapa @ni o keia poe inoa, na ka Alameda i lawe mai nei.

 

Ua hai ia mai ia makou, aia ka ma kekahi wahi o koa uka aku nei he palahe mai la na alanui i ka nokenoke mau a na omaka wai o Kulanihakoi. He ola ia.

 

He anaina hula Europa ka i malama ia ma ka hale waapa o ka Hui Myrtle i ka po Poakahi nei, a ua nui ka poe puni hooponiniu i hiki ae malaila.

 

He hoopii ka ka Hui Hana Hao Uniona, ia Mr. Wilimana me Merhtern, no ka lawe ana o keia mau keonimana i kekahi mau mea liilii o ia hela hana.

 

O ke Pukiki i pahu ia ai ka lima o kekahi mea hoopahu ma ke awa aa nei o Puuloa i ka Poaono i hala, aa oki ia he 4 o kona mau manamanalima i ka Poakahi nei. Ma ka Halemai Moiwahine i oki ia ai.

 

Me he ala ua lilo i ka piko pau @ole ke komolima daimana o kekahi o no alii o ka mokukaua Penesecola, no ka mea, ke hoolaha nei ka @na, e loaa no i ka mea e hoihoi mai ana i ua waiwai holo malu nei he hookahi haneri ala paa.

 

Nui na kanaka me na haole limahana i hoopauia mai na mahiko mai. O ke kumu, no ka manaola na koho lakou i ka Aoao Liberala. He mea hou ka pau koke o ke aloha o ua poe waiwai nei i na kanaka me na haole e hana ana malaio o lakou; no ka piha loa nae paha i ka ukiuki no ka haule ana o na moho a lakou.

 

Feberuari 16, 1892, ua hana ae ia mai ka puhaka mai o Mr. a me Mrs. Marie Keahi he keikikane nui nepunepu, no keia au hou e nee nei, a o ka hua mua hoi maiwaena mai o ka noho pono ana o keia mau opio. Ke kalokalo aku nei keia maka peni ia olua, e malama i ka olua kamaiki, a e pulama iaia @a ma ano a pau, a e hooloihi ia ke oia o ke kamaiki opio a kau i ka pua-aneane, no ka wa mau loa.

W. HALAILUA K. KAHULAMU

Manamana, Feb. 17, 1892.

 

Ekolu wale no makou, ha i ka mikini oili pulelo i ka morning. Eo no ia makou.

 

Ke ike mau nei makou ma na kolamu o na nupepa kue ia makou, i ka papa inoa o na Alii a me na Lunamakaainanana o na aoao kalaiaina i puka iho nei; o mea a me mea he niu ia, oia la a me i nei ae, he kulolo ia. O keia ke helu a kamalii kolohe o Kawaapae. Aia nae a huaelo ae kekahi hua o ka punana a lakou no e hoomoemoe nei, ia wa e kuhikuhi ai no mea a me mea ka hewa.

 

He wahi lono ka i hoea mai i o makou nei, ua kui ia kekahi Iapana paahao e ka wiliki o Kawa ma ka waha, a hakihaki ka niho, kahe nui mai la hoi ke koko; a o ka pilikia nui i ikeia no ua Iapana la, aole e hiki iaia ke ai i ka ai no kekahi la okoa, no ka nui loa o ka eha. Ina he oiaio keia lono, he mea pono e lawe ia imua o kekahi aha, a e hana ia ka pono kaulike mawaena o ka haku a me ke kauwa.

 

OHE HAWAII.

E loaa no ma ka Halekuai Haukilima o HART & Co. na ohe ku pono i ka hana ie papale a hana peahi. E kipa mai e ike nou iho, oiai he oluolu na kuka ana, a he oluolu no hoi ka ahuau.

Honolulu, Feb. 15, 1892.

389d-3ts.

 

HOOLAHA PA AUPUNI.

            E ike auanei na kanaka a pau eia ma ka Pa Aupuni o Makiki nei kekahi lio hele hewa, lio k@ ulaula, keokeo ma ka lae, eha ia na uha mua, eha ia maluna o ke kua aoao akau 3 wawae keokeo paa i kapuai hao, hao kuni uha hope J A G akau. O ka mea a mau mea nona keia lio e pono e kii koke mai o hala na la he 12, e kuai kudala aku no au ke hiki aku i ka la 20 o Feb., 1892, i ka hora 12 awakea Poaono.

            D. KAOAO,

            Luna Pa Aupuni.

            Feb11 3ts.

 

HOOLAHA PA AUPUNI.

            E ike auanei na kanaka a pau, eia ma ka Pa Aupuni o Makiki nei kekahi mau lio helehewa. Lio k@lo kia, 4 wawae keokeo, keokeo ka lae, paa ka wawae i kapuai hao, he mau hao kuni ano e ma na uha hope a elua. Lio w ulaula, keokeo loihi ma ka lae, elua wawae keokeo ak@ he mau keokeo uuku ma na wawae hema, paa na wawae i kapuai hao, aole he ike ia o ke kuni. O ka mea a mau mea nona keia mau lio, e pono e kii koke mai o hala na la he 15, e kuai kudala aku no au ke hiki aku i ka la 20 o Feberuari, 1892, hora 12 awakea Poaono.

            D. KAOAO.

            Luna Pa Aupuni.

            F 8 3tsd

 

1. HERING.                   M. PAULY

 

Ka Hale Hana Novelty.

            E lawe no laua a e hana i na ano hana kalai a hana hoonihoniho ma ka laau a ma ka niho palaoa paha; hoohinuhinu a anaanai ana a mania na pupu a me kukui, a me na pena hoonani o na kaupoku o na rumi; hooponopono hou, hoomaemae ana o na pila, na pu, na mea kaupaona a mea mama oia ano.

 

NA HANA MEA UWILA, NA HANA MEKINI, A ME HANA LAKA.

            E hana ia no na kuni, na ana kii, pela aku, e like me ke kauoha.

            E hele mai io maua.

            132 Alanui Papu, Honolulu    335-tf-d.

 

HE HOOLAHA I KE AKEA.

            E ike auanei na ano lahui a pau, e noho ana ma ke Aupuni Hawaii, mai na kane, wahine, a me na keiki; i loaa i na ma’i o kela a me keia ano, e nane mai i ko’u Keena hana, a na’u e hoopau aku i na ehaeha a ka ma’i maluna o oukou e na makamaka, ke hiki ia’u ke lapaau i na ano ma’i a pau, ma’i iloko o ka opu, hu’i ke kino, aki iloko o ka iwi, eha o ke poo, ma’iwahine a pela aku. Mai hoololohe aku e na hoa, hele mai hookahi, hele mai elua, hele mai no a apau loa; he oluolu ka auhau, ke hui me ia ma na kukai olelo ana; ua makaukau wau e pulama mai i na kono ana mai mai na Mokupuni mai me ka eleu a me ka hikiwawe loa, he makamaka a he hoaaloha maikai no oukou e na Hawaii.

            Owou iho no,

            DR. LEONG KENG PONG.

            Helu 40, Huina o na alanui Kamika me Hotele, Honolulu, Oahu. Aug. 31. 1y

 

HOOLAHA HOU E ALA, E ALA.

B.F. Ehlers & Co - PAINAPA

HELU 99 Alanui Papu.

            E NA MAKAMAKA maikai, e naue hou mai e ike ia PAINAPA : B. F. Ehlers & Co. mai, e wehe ana ko makou mau puka i ka po mai keia manawa aku a hiki i ka hape Nuia. Nolaila, e naue mai oukou a pau mai ke uui a ka liilii, e ike i na mea hou o kela a me keia ano. Merry Christmas oukou a pau! Eo mua no ia PAINAPA.

            E kipa mai e na makamaka, i hoopau ia ai ko oukou kanalua no ka makou kuai hoopoho aku ia oukou. Owau me ka oiaio,

B.F. Ehlers & Co.

 

Na PaikiNi Hou, Na Paikini Hou

O NA ANO A PAU, E KINIKOHU AI O KE ANO AHIAHI. E LOAA NO MA KAHI –

Chas. Fishels,

KIHI O ALANUI PAPU A ME HOTELE,

Ko makou halekuai hoopau nui, aia o @@ CHAS. J. FISHELS la, he mau waiwai hou loa ko makou, i loaa mai nei mai ka hikina mai o na ano iike ole he nui wale. Eia ma ko makou halekuai nei na paa lole e linohau ai o na Keonimana, a luhiehu o na Lede, na aulii o na Kamalii –

Na KINAMU            Na ALAPIA

Na KALAKOA Malina          Na KIHEI Silika

NANAHE o na ano he nui     A pela wale aku.

E huea pau ia aku ana keia mau waiwai a pau imua ou, aole hoi o oe wale o na Lelo kekahi, pau pu aku hoi me na keiki, mau e wau nou iho i na aho@i a kou puuwai, eia ka papa lohi o Apua la, ke anapa hoi ka wai liula i Mana.

E hele mai i hookahi, e hele mai no a pau, loa, mai ko n@@ a ka lilili.

Chas. J. Fishels.

350-tfd.           Halekuai alakai o na kumukuai haahaa loa.

 

NA SILIKA WAILIULA

Na Silika Aulii o na Lede!!

 

E NA KEONIMANA A ME NA LEDE, E MAKAUKAU. EIA ka nani ke alohi nei i ka Papalohi o Maukele; a ina ke mau okeni kau, e kipa mai ma ka HALEKUAI o

S. N. SACHS,

Ke Alakai o na Kumukuai emi o keia Taona.

Honolulu, Alanui Papu, Helu 104.

            E HOOKO IA no kou makemake ke kipa mai oe ia makou nei. Eia na SILIKA oahee o na ano like ole, he 60 keneta wale no he kumukuai o ka I-a. Eia hou no na SILIKA i miloia me na lopi huluhulu o Inia Kemohana, e loaa no ia oe ma ke kumukai haahaa loa, he 75 keneta malalo o ke kumukuai mua.

            Eia hou mai: Na SILIKA Aulii o Inia Hikina, he aulii, a he milolii ke nana iho, a he 50 keneta ko emi malalo o ke kumukuai mau; a he helu ekahi hoi o ka nani ke ike iho. Aole hoi o ia wale. Eia iho ma HULUHIPA o na kahakahana like ole, a nau no e wae e like me kau makemake, he 50 keneta no ka I-a. Na KINAMU pahee, i miloia me na lopi lilina, he 50 a 75 keneta o ka I a.

O na Ano Aaahu Aulii a Pau,

            O na ano like ole, eia la ua ku ko ahua. Na AI-KALA, he elua paa no 25 keneta; a e loaa no hoi ia oe he 5 paa no $1.00, o ke ano a ka iini e lia ai. Eia hou na A-IKALA Aulii o Carolina Hema, i loaa mailoko mai o na lopi aulii o Marina, a i hanaia hoi me ka mikioi, he 15 keneta a hiki i ke 35 keneta.

            Na SILIKA WAILIULA, he 35 a ke 50 keneta o ka I-a, he mau mea how wale no. Na VELEVETA nani lua ole, he Omaomao, he Hauliuli, he Kalina, he Keokeo, he Haulaula.

            Eia hoi na PAPALE hulu nani he lehulehu wale, e hoohuelo ai o na lede maka onaona; na aulii hoi o no kama a kakou, eia ke alohi mai nei na papale like ole o na ano he lehulehu wale.

            Na PALEMAI kane o luna, o na ano a pau, he 50 cts. o ka PALEMAI a o ka oi loa aku i ko na wahi e ae.

            Na PALEMAI wawae, o na ano a pau, na Palemai wawae huluhulu Canton, no 50 cts.; na Palemai wawae Jean mai ko 50 ahiki i ke 75 cts. o ka mea hookahi.

            Na KAKINI o na kane, o na ano a pau, i loaa ole ma na wahi e ae, ke kuai nei makou he 2 paa no 25 cts.; aka, e hele mai a ike kumaka nou iho ke kuai nei makou he 5 paa no $1.00 he makepono loa.

            Na Papale mauu o na kane, na Papale mauu o na kamalii, a me na Papale hulu o na ano a pau.

            Na Paiki ili pahee e kohu ai ka huakai hele, a me na Eke paa lima a na Lede e hoomahie ai. A ina he makemake kou e ike i ka oiaio o ka makou, e kipa mai e ikemaka, oiai ka hoemi nei makou i ke kumukuai o keia mau waiwai, i loaa ke kowa kaawale no na waiwai hou e hoahu aku ai.

            E na hoaaloha, e kipa, e ike kumaka i ka nani o Aipo, he ole ka pepeiao.

            N. S. SACHS

104 Alanui Papu, Honolulu

373-dtf.

 

HOOLAHA NO KA MANAWA.

EGANA & GUNN.

ALANUI PAPU. Na Hale Hou o BURUA MA, Helu 100

 

            MA A MAHOPE AKU O KA LA EKAHI O APERILA, E HOOKELE ANA MAKOU I KA MAKOU KUAI ANA MA KE DALA KU IKE WALE NO.

            Ua makemake makou e hookaa ia na hila e aie nei ia makou ma ia wa.

            E hoomau ia aku no ko makou kuai hoopau ana a hiki i ka la mua o Aperila.

            I loaa ai hoi he kowa kupono no na WAIWAI HOU o kela ano keia ano he nui loa, i kupono hoi no ke Kau e linohau ai:

Na Mikilima aula,

Na Ribino hoohuelo,

Na Lei-a@@, na Silika pahee.

Na Paa Lole Huluhulu pahee o na ano like ole.

Na Kasimea o na ano a pau,

Na Paku nanahe no na moe e hoopulelo ai,

Na pale puka-aniani a me na pale puka komo, e kinikohu ai ke nana aku,

Na Paa lole hoopumehana o na kama a kakou, hui pu hoi me ka panio o na papale.

Na Papale Kapu

Na Papale @@@@.

Na I@ke paa lima.

Na Paiki ili paiua i kupono no ka holomoku.

Na A’ikala o na ano a pau,

Na Kakini hoopumehana o na ano he nui.

A PELA AKU,           A PELA AKU.

            HELE MAI HOOKAHI, HELE MAI ELUA, HELE MAI NO A PAU LOA. E WAE OE NOU IHO A KU I KE KOIIKOI. ALAILA HIU AE LAWE NO A LILO.

            E hele mai e ike i nakuai hoohaule nui ana a makou e kukala aku nei i ke akea.

            EGANA ME GUNN.

            ALANUI PAPU, HELU 100.                        383-3@D.