Ka Leo o ka Lahui, Volume II, Number 402, 3 March 1892 — Page 3
This text was transcribed by: | John Reppun |
This work is dedicated to: | Chartrand Rogers Ohana |
KA LEO O KA LAHUI.
"E Mau ke Ea o ka Aina i ka Pono."
HE LUAU MANAWALEA NA KA AHAHUI HOOULU O HOOLA LAHUI
-
E na makamaka a me na hoaloha a pau o ke kulanakauhale nei:
ALOHA OUKOU:
E malama ia ana he luau manawalea ma Manamana i keia Poaono ae, Maraki 5, na ka Ahahui Hooulu a Hoola Lahui no ka pomaikai o ka Home Hoohanau o Kapiolani.
E na makamaka a me na hoa aloha e naue mai, a e kipa. Ke hea nei ka Makia o ko kakou Moi aloha Kalakaua i hala, penei:
E hanai ai a hewa ae ka waha.
Eia no ka uku la o ka leo.
Imua o oukou e na makamaka makee a aloha alii, ina ke o mau nei no ka mana o ka leo alii o ko kakou moi aloha iwaena o kakou a pau alaila, e hoikeike kakou ma ke ano ohohia e hele mai e akoakoa a pau.
E loaa no na balota ma ka puka mai ka hapalua a ka hookahi dala.
Owau no me ka haahaa.
MRS. EUGENIA REIS.
Kakauolelo o ka A. H. & H. L.
-
HE HOOMAKEAKA.
-
I kekahi la, oiai kekahi mau mea elua e maau hele ana ma na alanui o ke kulanakauhale nei, he kane a he wahine, a e kamoe ana ko laua alahele no Hale Kauila, kahi hoi o ka Hui o Hakapila ma e ku nei i keia wa.
I ko laua hiki ana aku ma ka puka komo, na ninau ae la ke kane i ka wahine, oiai he makapo oia, a i kakaule ia ke kumu o kona hiki ana ilaila, i ka pane ana ae:
Ua hiki anei kaua i kahi o Hakapila ma?
Ae, wahi a ka pane, a eia kaua i ka puka komo kahi i ku ai.
I keia wa i hele mai ai kekahi kupakako o loko a ninau mai la?
Pehea makemake?
Ia wa i pane aku ai ke kane makemake ike ia Haukapila.
Aole maanei. Haukapila Halemai Moiwahine.
Ua palua a pakolu ka ninau ana, a pela no hoi ka haina. A i ka hope loa, ua hookuke ia mai la laua e hoi, me ka hoouluhua hou ole aku, oiai, ua piena loa kahi kupakako, a ua namunamu hoi na wahi elemakule. O ke kumu n ai o keia, oia no ka ike ole i ka olelo Beritania, a loli ai ka inoa o Hakapila i Haukapiia, oia hoi Halemai Moiwahine.
-
NU HOU KULOKO.
-
Mai hoike hoino oe i kou hoaloha o nahu auanei oe i kou a lelo.
-
No ke ake nui o Gehazi i ka waiwai alunu, ua lepera ia oia. He hopena oiaio no keia no ka poe e ake ana e alunu.
-
Me he hmea auwana la ka lahui kanaka poo ole a e like hoi me he mauna kiekie la i kahiko ia i ka hau ke Lii hoopno ma kona aupuni iho.
-
He ohu ka hewa aohe kuahiwi kau ole, aka e auhea ana nae a nalo iho i na kukuna elino o ka la: pela no ke aloha o ke Akua maluna o ka mea ana i aloha nui ai i uhi paa ia e na kuaua i ka ino.
-
Eia mai ka makou wehewehe Baibala ke oili pua-o aku la ma ka aoao elua o ka LEO ka makou moolelo pookela loa i ko na nupepa e ae. Haawi wale ia mai, haawi wale aku makou. Ai iho a kona, inu no a maona.
Hookahi no ko makou oili pu ana aku me na kukuna olino o ka la. Hura!
-
He mea maa loa e ike ia aku nei ma na kaa hapaumi, o na ohua wahine a pau e makemake ana e kau aku he hoopaa iaka holo ana, a ina he kane Hawaii hoi, he alualu aku a kau ae me ke ano kupono ole. Ua hana iake kane mai ka lepo mai a o ka wahine mai ka iwiaoao mai o ke kane, a e hanu like ana no nae laua ma ka pukaihu.
-
I kekahi anoano ahiahi pouliuli, oiai hoi kekahi kanaka e moe ana iloko o na haawina o ka ehaeha a ka mai, pane aku la kana wahine i kela mau olelo e manene ai kona pepeiao, oiai hoi ke kane e kulou ana no ke kunu kaiea, i ka i ana aku: “ina me keia ka aa o kou mau maka i kou wa e kunu ai i ka po, e maka’u loa ana au ia oe.” He aha ke ano o ke kaona o ka olelo a keia wahine, ua hoowahwaha anei oia i kana kane iloko o na apona a ke kaumaha, a i ole ua loaa anei oia i ka mai opulepule i hoopuka ai kona mau lehelehe i kela mau huaolelo ma-kona. E na wahine Hawaii, ami hoao e hana elike me keia wahine, ka hoike a maka aku i kona maka’u i kana kane, oiai e kaomi ana ka ehaeha maluna o ke kino o kana kane.
-
HOOLAHA! HOOLAHA!
-
Ke kauoha ia aku nei na mea @ pau, no lakou na uwati a mea gula e waiho nei mai ko’u Hale Hana Uwati, e pono e kii koke mai iloko o keia mau la a hiki i ka la 9 o Maraki. Ua hala anei ka mahina okoa i kahea ia ai o ka poe i kuleana, aina aole e kii mai kapoe mea uwati a mea gula, alaila, e hoolilo aku ana no wau ma ia hope aku.
FAI KEE & CO.
Helu 37 Alanui Nuuanu. 9t-@
OLELO HOOLAHA.
-
Ke papa loa aku nei au i na ana kanaka a pau e noho ana ma keia Paeaina, aole e hoaie mai i kuu wahine mare ia ANE PAHIA ma ko’u mua a ke papa pu ia aku nei no hoi, aole e malama iaia a o ka mea hoolohe ole i keia, alaila e hoopii ia ana lakou ma ke anawai oiai ua hoolele kumu ole mai oia ia’u.
Owau no me ka oiaio.
G. H. PAHIA.
Honolulu, Maraki 2, 1892. Mar 2ti
-
HOOLAHA HOU E ALA, E ALA. B. F. EHLERS & CO. – PAINAPA.
HELU 99 Alanui Papu.
MA KA HALEKUAI O PAINAPA I KEIA MANAWA, UA HOEMI HOU IHO MAKOU I NA KUMUKUAI O NA LOLE WAHINE KANE ME KO KAMALII NA KE KUMUKUAI MAKEPONO O KA HOEMI NAAUPO ANA: -
Na Palule *2.50 he $1.50 wale no, a o na Palule $1.50 he $1.00 wale no. ke ike mai la oukou i ke emi loa ana.
Kupaianaha maoli keia emi naaupo ana e hele koke mai, o nele auanei oukou.
@@@ B. K. EHLERS & CO.
-
Na PaikiNi Hou
Na Kaikini Hou
O NA ANO A PAU E KINIKOHU AI O KE ANO AHIAHI, E LOAA NO MA KAHI –
Chas. Fishels
KIHI O ALANUI PAPU A ME HOTELE.
Ko makou halekuai hoopau nui, ma o MR. CHAS J. FISHELS la, he mau wa wai hou loa ko makou i koaa mai nei mai ka hikina mai, o na ano like ole he nui wale. Eia ma ko makou halekuai nei na paa lole o linohau ai o na Keonimana a luhiehu o na Lede, na aulii o na Kamalii –
Na KINAMU Na ALAPIA
Na KALAKOA Malina Na KIHEI Silika
NANAHE o na ano he nui A pela wale aku.
E huea pau ia aku ana keia mau waiwai a pau imua ou, aole hoi o oe wale o na
Lede kekahi, pau pu aku hoi me na keiki, mau e wao noia iho i na anoai
a kou puuwai, oia ka papa luhi o Apua la, ke anapu nei ka wai
liula i Mana.
E hele mai i hookahi, e hele mai no a pau loa, mai ke mai a ka liilii
Chas J. Fishels.
350=t@d Halekuai alakai o na kumukumi haahaa loa.
NA SILIKA WAILIULA!
Na Silika Aulii o na Lede!!
-
E NA KEONIMANA A ME NA LEDE E MAKAUKAU EIA ka nani ke alohi nei i ka Papalohi o Maukele; a ina he mau okeni kau, e kipa mai ma ka HALEKUAI.
S. N. SACHS,
Ke Alakai o na Kumukuai emi o keia Taona.
Honolulu, Alanui Papu, Helu 104.
E HOOKO IA no kou makemake ke kipa mai oe io makou nei. Eia na SILIKA pahoe o na ano like ole, he 60 keneta wale no ke kumukuai o ka @@. Eia hou no na SILIKA i miloia me na lope huluhulu o Inia Komohana, e loaa no ia oe ma ke kumukai haahaa loa, he 75 keneta malalo o ke kumukuai mua.
Eia hou mai: Na SILIKA Aulii o Inia Hikina, he aulii a he milolii ke ana iho , a he 50 keneta ke emi malalo o ke kumukuai mau; a he helu ekahi hoi o ka nani ke ike ih o. aole hoi o ia wale, eia iho na HULUHIPA o na kahakahana like ole, a nau no e wae e like me kou makemake, he 50 keneta no ka I-a. Na KINAMU pahee, i miloia me na lopi lilina, he 50 a 75 keneta o ka i-a.
O na ano Aaahu Aulii a Pau,
O na ano like ole, eia la ua ku ke ahna. Na AI-KALA, he elua paa no 25 keneta; a e loaa no hoi ia oe he 5 paa no $1.00 o ke ano a ka iini e lia ai. Eia hou na A-IKALA Aulii o Carolina Hema, i loaa mailoko mai o na lopi aulii o Marina, a i hanaia hoi me ka inikioi, he 15 keneta a hiki i ke 35 keneta.
Na SILIKIA WAIKIULA, he 35 a ke 50 keneta o ka I-a he mau mea hou wale no . Na VELEVET nani lua ole, he Omaomao, he Hauliuli, he Kalina, he Keokeo, he Haulaula.
Eia hoi na PAPALE hulu nani he lehulehu wale, e hoohuelo ai o na Lede maka onaona; na aulii hoi o no kama a kakou, eia ke alohi mai nei na papale like ole o na ano he lehulehu wale.
Na Palemau kane o luna, o na ano a pau he 50 cts. O ka PALEMAI a o ka oi loa aku, i ko na wahi e ae.
Na PALEMAI wawae, o na ano a pau, na Palemai wawae huluhulu Canton, no 50 cts; na Palemai wawae Jean-mai ke 50 ahiki i ke 75cts. o ka mea hookahi
Na KAKINI o na kane, o na ano a pau, i loaa ole ma na wahi e @@ ke kuai nei makou he 2 paa no 25 cts: aka, e hele mai a ike kumaka nou iho ke kuai nei makou he 5 paa no
$1.00 he makepono loa.
Na Papale mauu o na kane na Papale manu o na kamalii, a me na Papale hulu o na ano a pau.
Na paiki-ili pahee e kohu ai ka huakai hele, a me na Eke paa lima a na Lede e hoomahie ai. A ina he makemake kou e ike i ka oiaio o ka makou, e kipa mai e ikemaka, oiai ke hoemi nei makou i ke kumukuai o keia mau waiwai, i loaa ke kowa kaawale no na waiwai hou e hoahu aku ai.
E na hoaloha, e kipa, e ike kumaka i ka nani o Aipo, he ole ka lohe pepeiao.
- N.S. SACHS: -
373-dtf 104 Alanui Papu. Honolulu.
-
HOOLAHA NO KA MANAWA.
-
EGANA & GUNN.
ALANUI PAPU. Na Hale Hou o BURUA MA, Helu 100
MA A MAHOPE AKU O KA LA EKAHI O APERILA. E HOOKELE ANA MAKOU I KAMAKOU KUAI ANA MA KE DALA KU IKE WALE NO.
Ua makemake makou e hookaa ia na bila e aie nei ia makou ma ia wa.
E hoomau ia aku no ko makou , kuai hoopau ana a hiki i ka la mau o Aperila.
I loaa ai hoi he kowa kupono no na WAIWAI HOU o kela ano keia ano he nui loa i kupono hoi no ke Kau e linohou ai:
-
Na Mikilima aulii,
Na Ribine hoohuelo.
Na Lei-a i na Silika pahee.
Na Paa Lole Huluhulu pahee o na ano like ole.
Na Kaaimea o na ano a pau,
Na Paku nanahe no na @@@ e hoopulelo ai
Na pale puka-aniani a me na pale puka komo, e kinikohu ai ke ana aku,
Na Paa lole hoopumehana o na kama a kakou hui pu hoi me ka panio o na papale.
Na Papale Kapu.
Na Papale hulu
Na Eke paa lima
Na Paiki ili palua i kupono no ka holonaoku.
Na Alikala o na ano a pau,
Na Kakini hoopumehana, o na ano ho nui,
A PELA AKU, A PELA AKU,
HELE MAI HOOKAHI, HELE MAI ELUA, HELE MAI NO A PAU LOA E WAE OE NOU IHO, A KU I KE KOIIKOI.
ALAILA HIU AE LAWE NO A LILO
E hele mai o ike i nakuai hoohaule nui ana a makou e kukala aku mai i ke akea:
EGANA ME GUNN
ALANUI PAPU, HELU 100 @@@@