Ka Leo o ka Lahui, Volume II, Number 438, 22 April 1892 — Page 3

KA LEO O KA LAHUI.

"E Mau ke Ea o ka Aina i ka Pono."

 

            He manawa ku wale mai no no he Kinau i ka la apopo.

 

            Ua hoonee ia ae la na Lunakanawai o ka Aha Kiekie Bikekona a me Dole ma na anuu maluna ae.

 

            Ke hanaia nei ka hoopii kipaku a Okuu ia J. A. Cummins imua o Alabati a me ke Kiure Hawaii.

 

            Mawaena o Mahina Hoaka a me Kamehameha ka paani kinipopo o ke la apopo.

 

            I keia kakahiaka e niau aku ai ka Malulani no ke Kai Maokioki o Kona me Kau.

 

            E hui ana na Bana a elua o ka Hawaii a me ko ka Manuwa, a e paani ana ma ka pa Hotele! keia Poakahi ae.

 

            Mapopo ka ike o ka moi Koratina a oialau na olelo i keia kakahiaka.  Aloha ino ka luaui makuakane o ua Awareda nei a kaua.

 

            Ua hookohuia ma ka la 16 iho nei o keia mahina o S. E. Kaleikau i Agena Hooiaio Palapala Kepa no ka Apana o Wailuku, Maui.

 

            Ma ka la 19 iho nei o keia mahina, maloko o ka Hale Hoohanau Keiki Kapiolani, ua hanau mai na Mrs. Mary Akaka he kaikamaihne nei nepunepu.

 

            Eia ke hoomaamaa ia nei kekahi mau lio heihei ma na wanaao poniponi, ma ke ka-make ana i ka holo a puni o Kapiolana Paka, i ole ai e ike ia ko lakou manawa holo e kekahi poe mea lio e ae.

 

            Ma ke Poakolu iho nei, mawaena o na loaa ao kanawai hou i hiki aku imua o Lunakanawai Kiekie Alapaki, ua loaa ia Mr. Chas. Williams o Hamakua, Hawaii, ka laikini loio no na aha haahaa o keia aupuni; a o ka hapa nui iho aohe maopopo.

 

            he halawai ka ka Hui Liberala Hawaii ma ke ahiahi nei.  Nolaila, i ka po nei i lohe ia ai ko Akepoka leo, Nawahi a me kekahi poe e ae.  E ka poe aloha aina, a e na lala o ka Hui Liberala, e makaala ae i keia ahiahi, he ole ka lohe pepeiao.

 

            He 500 daia ka uku makana a ka Ilamuku o ke Aupuni i ka mea a mau mea paha nana i pepehi kel@ Pake i maopopo ole kona inoa, nona ke kino make i loaa aku iloko o ke awa ma ke kakahiaka o ka la 17 iho nei.  Nui no kela makana.

 

            Eu ke kioi paa ia nei ka mokuahi Australia i hiki ole ai ke hoopae ia mai ka opiuma i manaoia he nui maluna ona.  Na ka Papai KE@@ MANA ELEU, he Papai holomua keia, aole he like me kahi hulu makua holo hope e noho la i ke kai hawanawana.

 

            Ua oleloia mai makou, ua oinoia ae la e ka ha omo wai lepo o ka Eli Awa Hou, ua opa pu ia aku la kekahi pauku hao a pelupu a pae ana i kula.  He oloolo haneri paona ke koikoi, he ano eono kapuai ka loa.  Me hiki io paha i keia hao i ke palu a omo ia iloko o ke paipu, a pae aku i Kapua, aka, he puua nae keia moolelo mai ke Keena mai e hookamaemae ana i ka Eli Awa Hou.

 

            Ka ka moku kiakahi hou Kaiulani ka eo a laua me ka mokukuna Mokuola ma ke ku mua ilalo o Ewa mai Honolulu aku nei ao akahi minute ke kowa mawaena o laua; oiai o Mokuola ka mua o ka holo ana mailuna nei aku no kekahi mau haneri i-a, a he hope aku ke kiakahi Kaiulani.  Ua nui ke pahaohao o na ona nona keia moku iho pu-a o ka uahi o kana huakai mau loa.

 

            Ua makemakeia ka poe noi hana no ka hoomaemae hou ana i ka @ina poepoe o Kapiolani Paka e hele aku ia A. J. Cartwright i ke awakea o keia la.  E uleu ae e ka poe makapehu hana o keia wa wi o ka aina, aohe he hewa o ka hookokoke makapo aku, malia o haule pu aku i ka lua, kani ka aka a ia kiui, ke a mai la ke ahi.

 

HE HOIKE AKU I KA OIAIO.

HONOLULU, Aperila 4, 1892

            Ke hoike nei keia, owau o ka mea nona ka inoa malalo iho, i kumu e hooia ia ai na hana kamahao a Mr. Marcus W. Lowell, a i mea hoi e maopopo ai i ka lehulehu, ua lawelawe lapaau eia i ka'u wahine mare i ka makahiki 1886, mahope o ka loaa ana iaia o kekahi ma'i i oleloia he ma'i hookaawale ohana, ua lapaau oia a ua ola a oi aku mamua o na mea i ike ia mawaena o na Kauka i lapaau iaia.  He umi makahiki kona loohia ana i keia ma'i, a iloko o hookahi mahina, ua hoopakele o Mr. Lowell, mamuli o kona aloha i kuu wahine iloko o ia manawa.

            No ka oiaio o keia, ke kau nei au i ko'u inoa.

JOHN KAHIKINA KELEKONA

 

OLELO HOOLAHA!

            Ke papa ia aku nei na mea a pau aole e lawe i na Pua Amaama, na Amaama nunui a liilii, a me na i'a e ao mai na Kai o Moanalua, e paa nei ma ko'u inoa malalo o ka Palapala Sila Nui, Helu 7858, a me ke Kai o Kaliawa, e pili ana maloko o na palena i hoakakaia iloko o ka Palapala Hooiaio Palena, oia ia wahi.

S. M. DAMON

Aperila 21, 1892                                             apr 21-1w-d.

 

ILIO NALOWALE!

            Ua nalowale ma ka po o kala 16 iho nei he wahi ilio Nufaunelana huluhulu kalakoa, eleele me ke keokoe uuku, no ehiku pule wale no.  E loaa no ka uku makana kupono i ha mea nana e hoihoi ma i ua wahi ilio mahuka la ma kahi o

E. D. TENNEY

Kihi o alanui Lunalilo me Penesacola.

Aperila 19-1s dly.

 

HE WATI HAULE!

            Ua loaa kekahi WATI DALA ma na huina o na alanui Beritania a me loaa, ma ke awakea o ka Poaoho la 2 o keia mahina.  Ke kauoha pu ia aku nei ka mea nana kela wati e pono oiia e kii koke mai, o hala auanei na la ke 15, lilo loa ia'u kela wate.  Eaku pu mai oia i na lii o ka ao laha ana a e  hoike pu mai oia i ka helu o ka wati a e loaa no au iaia ma kahi o ke Kauka Palani mawaena o ke alanui Miller a me Puowaina i na wa a pau o ka la.  Owau no me ka oiaio loa.

J. W. H. K. HOLUALOA OPIO

Mana, Honolulu, Oahu.  Aper. 4, '92

Apr. 15 1w.

 

HOOLAHA PA AUPUNI

            E ike auanei na kanaka a pau, eia ma ka Pa Aupuni o Makiki nei, kekahi hoki hele hewa.  Hoki w ulaula 4 wawae eleele, he mau kiko keokeomaluna o ke kua nao kuni, @ kuni aoao hema o ka a-i, ua ako ia ka hulu o ka hualo.  O ka mea a mau mea nana keia hoki e pono e kii koke mai o hala na la ke 13 e kuai kudala aku no au ke hiki aku i ka la 23 o Aperila, born 12 o ko awakea Ponono.

D. KAOAO,

Luna Pa Aupuni.

apr. 1, t-d.

 

HOOLAHA PA AUPUNI.

            E ike auanei na kanaka a pau, eia ma ka Pa Aupuni o Makiki nei, kekahi mau lio hele hewa.  Liok, eleele, alua wawae keokeo hope he@@.  Kikokiko keekeo ma ke kua, kiko keokeo ma ka lae.  Hao kuni PK me kekahi hailono ano e malolo pono ne o kela PK, uha hope akau.

            Lio k. eleele, kiko keokeo ma ka lae hookahi wawae keokeo hope a@, keokeo uuku ma ka wawae hope he@@, hao kuai VH wawae hope ak.  Iio w. ulaula, hookahi wawae keoko hope hem, he keoko maku ma ka wawae mua ak. hao kuni VH wawae hope hem. O ka mea a mau mea nona keia mau lio, e pono e kii koke mai, o hala na la ne 16, e kuai kudala aku no au ke hiki aku i ka la 23 o Aperila, 1892, hora 12 awakea Poaono.

D. KAOAO,

Luna Pa Aupuni.

Aperila 7, 1892.  tf-d.

 

MAU AINA PA HALE.

            He mau aina Pahale keia ma ka Alanui Makiki, a o ka poe e makemake ana i ka aina i wahi noho no lakou, e ninau mai ia.

R. W. WILIKOKI,

mar15 2wkad.

 

OLELO HOOLAHA

            Ke papa loa aku nei au i na ano kanaka a pau e noho ana ma keia Paeaina, ao'e e hoaie mai i kuu wahine mare ia ANE PAHIA ma ko'u inoa, a ke papa pu ia aku nei no hoi, aole e malama iaia a o ka mea hoolohe ole i keia, alaila o hoopii ia ana lakou ma ke kanawai, oiai ua haalele kumu ole mai oia ia'u.

            Owau no me ka oiaio.

G. H. PAHIA

Honolulu, Maraki 2, 1892.  mar. 2tf

 

HE HOOLAHA I KE AKEA.

            E ike auanei na ano lahui a pau, e noho ana ma ke Aupuni Hawaii, mai na kane, wahine, a me na keiki; i loaa i na ma'i o keia a me keia ano, e nana mai i ko'u Keena hana. aa na'u e h@@@ aku i na ehaeha a ka ma'i maluna o oukou e na makamaka, he hiki ia'u ke lapaau i na ano ma'i a pau, ma'i iloko o ka opu, hu'i ke kino, aki iloko o ka iwi, eha o ke poo, ma'i wahine a pela aku.  Mai hoololohe aku e na hoa, hele mai hookahi, hele mai elua, hele mai no a pau loa; he oluolu ka auhau, ke hui me ia ma na kukai olelo ana; na makaukau wa o pulama mai i na kono ana mai mai na Mokupuni mai, me ka eleu a me ka hikiwawe loa, he makamaka a he hoaloh@ maikai no oukou e na Hawaii.

Owou iho no,

DR. LEONG KENG TONG.

Helu 40, Huina o na alanui Kamika mo Hotele, Honolulu, Oahu.  Aug 31.  1v

 

HOOLAHA. HOU

E ALA, E ALA.

B. F. Ehlers & Co.- PAINAPA.

HELU 99 Alani Papu.

MA KA HALEKUAI O PAINAPA I KEIA MANAWA. UA HOEMI HOU IHO MAKOU I NA KUMUKUAI O NA LOLE WAHINE, KANE, ME KO KAMALII.  MA KE KUMUKUAI MAKEPONO LOA.  NO KA MEA, HE WA PILIKIA KEUA NOLAILA KE KUMU O KA HOEMI NAAUPO ANA:--

Na Palule $2.50 he $1.50 wale no a o na Palule $1.50 he $1.00 wale no.  Ke ike mai la oukou i ka emi loa ana.

Kupaianaha maoli keia emi naaupo ana e hele koke mai, o pele auanei oukou.

tf         B. F. EHLERS & CO

 

Na Paikini Hou

Na Paikinii Hou

            O NA ANO A PAU, E KINIKOHU AI O KE ANO AHIAHI, E LOAA NO   MA KAHI

Chas. J. Fishels,

KIHI O ALANUI PAPU A ME HOTELE

            Ko makou halekuai hoopau nui, ma o MR CHAS. J. FISHELS la he mea   waiwai hou loa ko makou, i loaa mai nei mai ka hikina mai o na ano   like ole he nui wale.  Eia ma ko makou halekuai nei na paa lole e   linohau ai o na Keonimaka, a luhieh@ o na Lede. na aulii o na   Kamalii -

Na KINAMU Na ALAPIA

Na KALAKOA Malina Na KIHEI Silika

            NANAHE o na ano he nui  A pela wale aku.

E huea pau ia aku ana keia mau waiwai a pau imua ou, aole hoi o    oe wale o na Lede kekahi, pau pu aku hoi me na keiki, mau o wae   nou iho i ma anoai a kou puuwai, eia ka papa lohi o Apua la, ke   anapa nei ka wai liula i Mana.

E hele mai i hookahi, e hele mai no a pau loa, mai ke nui a ka   liilii.

Chas. J. Fishels.

350-tfd. Halekuai alakai o na kumukuai haahaa loa.

 

Na Lako Lole Hou oke Kau

Makalii

Ku Ka Paila!  Hana ka Haawe!!

E Ohi Oe a luhi ko kino

E Weheia Ana ke Kuai Ahulau Nui o na Lole ma

KA HALEKUAI WAIPAHE O

N. S. SACHS,

            He oluolu me ka Holopono ke Kumukuai, oiai o ko makou Makia la; Nolaila o hele mai a pau i ikemaka i ka makou mau waiwai hou o kela a me keia ano, he ole ka lohe pepeiao.  E alawa iho i kekahi o ka makou mau kumukuai e hooko aku nei.

            NA LOLE KINAMU e kohu ai ka hooheheloana ma na alanui o ke kulanakauhale nei.  Na Lole Papamu o na la maka kanaka nui a me na Lole Kakaa Loloa o na ano a pau, e kaha ai ka maka o na opio o ka aoao oolea, $1.00 wala ao.  He 6 l-A

            NA LOLE MAKALENA Keokeo o na ano kikokiko a paa a ka manao komo ao ai, he makepono loa ke kumukuai, oia hoi,

He 5 I-A no

            NA LOLE HAPA SILIKA i kakau aulii o na ano a pa @ a i hiki hoi ke holoi ia me ka pilikia ole, o ke ano hou loa mai nei o keia au hou e nee aku nei, $1. wale no.  He 6 1-A no

            Na Lole Eleele Hinuhinu Paa Puni (Sateen) me ka nowelo panio mikioi ia o ke ano maikai loa.  he 1 i-a no 25 keneta.

            Na Lole Hulunipa la-a paina o na ano a pau, pukui ana o ke kuluaumo@, a he hoa kuwili no ka limu kaha kanaka o Manua@epa, he 6 i-a no $1.00 wale no.

Na Lole Halenalena ano Hapa Kanikau, o ke ano hou mai nei i laha mua ole, a nine ole hoi ke holoiia he l i-a no 25 keneta.

            A he nui wale aku na Waiwai Hope loa a me na Paikini Hou loa i loaa mai nei ia makou, a makou hoi e kuai aku ai ma ke kumukuai haahaa lua a makepono, Ina oe e makemake i papale nou, e hele mai i o makou nei, he piha papale makou e noho aku nei, mai ko na Leda maka onaona a ko na kamalii i paa mua i ka hoonaniia i oi ae i ko kekahi mau halekuai e ae o loko nei o keia Aupuni, a nau e wae elike me kou makemake.

            Na Papale Kapu Luina i kinohinohi muaia, aohe he luhi i koe, he kau wale ae no ke poo hele ana, he $1.25 a pii aku.

            Na Papale o na Paikini a pau i hoonaniia elike me ke kahoha, na Papale i Humu lima maoliia a me na le Papale Hawaii o na ano a pau, he hapalua dala wale no ka auhau,

            E na haloha, e kipu, e ike kumaka i ka nani o Aipo, he ole ka lohe pepeiao.

N. S. SACHS

373-dti.                                                           104 Alanui Papu, Honolulu.

 

HOOLAHA NO KA MANAWA

EGANA & GUNN

ALANUI PAPU Na Hale Hou o Burua Ma, Helu 100

MAI A MAHOPE AKU O KA LA EKAHI O APERILA, E HOOKELE ANA MAKOU I KA  MAKOU KUAI ANA MA KE DALA KU IKE WALE NO.

            Ua makemake makou e hookaa ia na bila e aie nei ia makou  ia wa.

            E hoomau ia aku no ko makou kua hoopau ana a hiki i ka la  mua o Aperila.

            I loaa ai hoi he kowa kupono no na WAIWAIHOU o kela ano  keia ano he nui loa, i kupono hoi no ke Kau e linohau ai:

            Na Mikilima aulii,

            Na Ribine hoohuelo,

            Na Lei-a'i, na Silika pahee,

            Na Paa Lole Huluhulu pahee o na ano like ole.

            Na Kaaimea o na ano a pau,

            Na Paku nanahe no na moe e hoopulelo ai.

            Na pale puka aniani a me na pale puka hemo, e kinikohu ai  ke nana aku.

            Na Paa lole hoopumehana o na kama a kakou, hui pu hoi me  ka panio o na papale.

            Na Papale Kapu.

            Na Papale hulu,

            Na Eke paa lima,

            Na Paiki ili palua i kupono no ka holomoku,

            Na A'ikala o na a@o a pau,

            Na Kakini hoopumehana, o na ane ho hui.

A PELA AKU, A PELA AKU.

HELE MAI HOOKAHI, HELE MAI ELUA, HELE MAI NO A PAU LOA  E WAE OE  NOU IHO A KU I KE KOIIKOI, ALAILA HIU AE, LAWE NO A LILO.

            E hele mai e ike i nakuai hoohaole nui ana a makou e  kukala aku nei i ke akea:

            EGANA ME GUNN.

ALANUI PAPU, HELU 100.                        385-3wd.