Ka Leo o ka Lahui, Volume II, Number 439, 23 April 1892 — Page 3

KA LEO O KA LAHUI.

"E Mau ke Ea o ka Aina i ka Pono."

 

            O ka la 30 o keia mahina, oia hoi keia Poaono ae e hiki mai ana, oia ka la e koho ho ai ka Apana o Kau i Lunamakaainana no lakou,

_____

            Aia mawaena o na Hui Hawaii a me Honolulu ka hookuku kinipopo o keia Poaono ae, a ua manaoia e hahana ana ka paio ana a keia mau hui; oiai ua paa mau iho nei kekahi mau la o ka pule i hala ia laua ma ka hoomaamaa ana.

_____

            E haawi no makou i kekahi uku makana kupono i ka mea a mau mea paha e hoike mai ana i ka poe nana e aihue nei na kope o KA LEO i waihoia e ko makou mau luna lawe pepa ma kahi o ko makou poe lawe.  Owai ka mea hiki ke hahai mai?

_____

            Ma ka aha mele o ka po Poaono nei maloko o ka Hale Mele Hou i ike ia ai ka eleu o kekahi mau opio ma ka hula haole, a ua nui ko laua mahalo ia, a e haawi ai no hoi kekahi mahalo i ke kumu nana laua i ao, oia hoi o Miss. von Gerchten ua hoike pu mai no hoi ia lede opio i kona akamai ma ka hookani piano a me ka vaiolina.

_____

            Oia o Mr Eben Low a me kekahi poe e iho ma ke kuahiwi o Maunakea kahi i alualu pipi ahiu ai, u a loohia iho la oia me kekahi ulia poino ma o kona uhaiia ana e ka pipi ahiu ana e alakai ana a haule aku la oia a haki ae la kona lima.  Ua hoioi ia aku oia ma kona home, a ua hiki mai la ke kauka a ua oki ia kona lima i haki malo iho o ke kuekue o ka lima hema.

_____

            Helu elua iho ia o Kamehameha i ka hoomaka ana o keia kau kinipopo, uo ka mea nana hou no ka lanakila o ke ahiahi Poaono nei iloko o ehiku ana puni kue ia elua puni wale no a Mahina Hoaka kona hoa aumeume.  O kekahi keia o na paani maikai loa ana i ike ia, oiai ua pau pono na komo ana eiwa a na aoao elua; aole no hoi he wa a ka loa ia iho no ka Mahina Hoaka i ka nele loa, ma ke ano kalaki wale no i loaa ai iaia kele mau wahi puni elua.

_____

            Ma’o ka lokomaikai o Akimarala Baraunu a ka mokukaua lawe hae Kapalakiko i ka ae ana mai i ka bana o kona moku, e paani pu me ka bana Hawaii i keia po ma ka hale puhi ohe hou ma ku pa o ka Hotele Hawaii ae nei, no ka pomaikai o na malihini e haalele iho i nei i ka lo apopo ma ka mokuahi Auseteralia, a no ka hoonanea pu ana no hoi i ko ka aina mau kini.  Mai poina hoi ha i ka hoonaue wale ae no hoi malaila e hoohala ai i kahi mau hora o ka po.

_____

            Ma Makaaho ae nei, oiai ekahi o ko makou limahana e luana pu ana maloko o ka home o kekahi o na makamaka nawaliwali, hewahine ma ka inoa o Mrs. Kaeha; a oiai na makamaka e pukui pu aua me ka manao hakanu aia hoi me ke kamahao, ua hoopuiwaia ka lehulehu i ka lohe pono ana aku i ka leo o ka malihini opuu hou o kona puhaka i muo ae a mohala mohaha ana i ke ao laelae, i ka welona liula o ka la 20 io nei o Aperila, he kaikamahine mohaha.  “E hoohua @e olua a e hoolaha hoi.”  Ka KA LEO e ulono ae nei, e hahai ia na la o ke kama me ka maluhia, a o ka Puaaneane i @@ai no ka lanakila.  Aloha e ka malihini.

            Nui ka hoopahaohaoia o ke Kau poe kamaaina o kekahi wahine, e ike mau ia ana oia e hele ana ma ke alanui, a ke hookokoke ia aku nae e kekahi mea, o koa nalowale koke iho la no ia, a ike ia aku ia e holo ana iluna o ke aa.  Ua manao kekahi poe o Pele ka keia wahine.  Pela paha!  Hookalakupua io no ka hoi kela wahine.

_____

HE HOIKE AKU I KA OIAIO.

_____

            HONOLULU, Aperila 4, 1892.

_____

            Ke hoike nei keia, owau o ka mea nona ka inoa malalo iho, i kumu e hooia ia ai na hana kamahao a Mr. Marcus W. Lowell, a i mea hoi e maopopo ai i ka lehulehu, na lawelawe lapaau oia i ka’u wahine mare i ka makahiki 1886, mahope o ka loaa ana iaia o kekahi ma’i i oleloia he ma’i hookaawale ohana, ua lapaau oia a ua oia a oi aku mamua o na mea i ike ia mawaena o na Kauka i lapaau iaia.  He u’ui makahiki kona loohia ana i keia ma’i, a iloko o hookahi mahina, na hoopakele o Mr. Lowell, mamuli o kona aloha i kuu wahine iloko o ia manawa.

            No ka oiaio o keia, ke kau nei au i ko’u inoa.

JOHN KAHIKINA KELEKONA.

_____

OLELO HOOLAHA!

_____

 

            Ke papa ia aku nei na mea a pau aole e lawe i na Pua Amaama, na Amaama nunui a liilii, a me na i’a e ae mai na Kai o Moanalua, e paa nei ma ko’u inoa malalo o ka Palapala Hila Nui, Helu 78@8, a me ke Kai o Kaliawa, e pili ana maloko o na palena i hoakakaia iloko o ka Palapala Hooiaio Palena, oia ia wahi.

S. M. DAMON,

Aperila 21, 1892.        apr 21‑@w@d.

_____

ILIO NALOWALE!

_____

            Ua nalowale ma ka po o ka la 16 iho nei he wahi ilio Nufaunelana huluhulu kalakoa, eleele me ko keokeo uuku, no ehiku pule wale no.  E loaa no ka uku makaua kupono i ha mea nana o hoihoi ma@i ua wahi ilio mahuka ia ma kahi o

E.D. TENNEY.

Kihi o alanui Lunalilo me Penesacola.

Aperila @9‑lw dly.

_____

HE WAI HAULE!

_____

            Ua loaa kekahi WATI DALA ma na huina o na alauni Beritania a me Ema, ma ke awakea o ka Poaono la 2 o keia mahina.  Ke kauoha pu ia aku nei ka mea nana kela wati o pono oia e kii koke mai, o hala auanei na la he 15, lilo loa ia’u kela wati.  E uku pu mai oia i ua lil@ o ka hoolaha ana, a e hoike @@ mai oia i ka Helu o ka wati, a e loaa no au iaia ma kahi o ke Kauka Palani ma waena o ke alanui Miller a me Puowaina i na wa a pau o ka la.  Owau no me ka oiaio loa.

J. W. H. K. HOLUALOA OPIO.

Mana, Honolulu, Oahu.          Aper. 4, ’92.

Aper. 15 lw

_____

HOOLAHA PA AUPUNI.

_____

E ike auanei na kanaka a pau, eia ma ka Pa Aupuni o Makiki nei, kekahi hoki hele hewa.  Hoki w ulaula 4 wawae eleele, he mau kiko keokeomaluna o ke kua, @ao kuni, H kuni aoao hema o ka a i, ua ako ia ka hulu o ka huelo.  O ka mea a mau mnea n@na keia hoki e pono e kii koke mai o hala na la he 18 e kuai kudala aku no au ke hiki aku i ka la 28 o Aperila, hora 12 o ke awakea Poaono.

D. KAOAO,

Luna Pa Aupuni.

apr. 1. t-d.

_____

HOOLAHA PA AUPUNI.

_____

E ike auanei na kanaka a pau, eia ma ka Pa Aupuni o Makiki nei, kekahi mau lio hele hewa.  Lio @, eleele, elua wawae keokeo hope hem.  Kikokiko keokeo ma ke kua, kiko keokeo ma ka lae, Hao kuai PK me kekahi hoailona ano e malalo pono ae o kela PK, uha hope akau.

Lio k, eleele, kiko keokeo ma ka lae, hookahi wawae keokeo hope ak, keokeo uuku ma ka wawae hope hem, hao kuni VH wawae hope ak.  Lio w. ulaula, hookahi wawae keoko hope hem, he keoko nuku ma ka wawae mua ak. hao kuni VH wawae hope hem.  O ka mea a mau mea nona keia mau lio, e pono e kii koke mai, o hala na la ne 16, e keai kudala aku no au ke hiki aku i ka la 23 o Aperila, 1892, hora 12 awakea Poaono.

D. KAOAO,

Luna Pa Aupunmi.

Aperila 7, 1892.          tf-d.

_____

MAU AINA PA HALE.

_____

He mau aina Pahale keia ma ke Alanui Makiki, a o ka poe e makemake ana i ka aina i wahi noho no lakou, e ninau mai ia

R. W. WILIKOKI,

mar 15 2wk@d.

_____

OLELO HOOLAHA.

_____

Ke papa ka aku nei au i na ano kanaka a pau e noho aua ma keia Paeaina, aole e hoaie mai i kuu wahine mare ia ANE PAHIA ma ko’u inoa, a ke papa pu ia aku nei no hoi, aole e malama iaia a o ka mea hoolohe ole i keia, alaila e hoopii ia ana lakou ma ke anawai, oiai ua haalele kumu ole mai oia ia’u.

Owau no me ka oiaio.

G. H. PAHIA.

Honolulu, Maraki 2, 1892.      mar. 2tf.

_____

HE HOOLAHA I KE AKEA.

_____

            E ike auanei na ano lahui a pau, e noho ana ma ke Aupuni Hawaii, mai na kane, wahine, a me na keiki; i loaa i na ma’i o kela a me keia ano, e nane mai i ko’u Keena hana, a na’u e hoopau aku i na ehaeha a ka ma’i maluna o oukou e na makamaka, he hiki ia’u ke lapaau i na ano ma’i a pau, ma’i iloko o ka opu, hu’i ke kino, aki iloko o ka iwi, eha o ke poo, ma’i wahine a pela aku.  Mai hoololohe aku e na hoe, hele mai hookahi, hele mai elua, hele mai no a pau loa; he oluolu ka auhau, ke hui me ia ma na kukai olelo ana; na makaukau wau e pulama mai i na kono ana mai mai na Mokupuni mai, me ka eleu a me ka hikiwawe loa, he makamaka a he hoaloha maikai no oukou e na Hawaii.

Owau iho no,

DR. LEONG KENG TONG.

Helu 40, Huina o na alanui Kamika mo

Hotele, Honolulu, Oahu.  Aug. 31.  1v

_____

HOOLAHA HOU!

E ALA, E ALA.

B F. Ehlers & Co.  PAINAPA.

Helu 99  Alanui Papu.

MA KA HALEKUAI O PAINAPA I KEIA MANAWA, UA HOEMI HOU IHO MAKOU I NA KUMUKUAI O NA LOLE WAHINE, KANE, ME KO KAMALII, MA KE KUMUKUAI MAKEPONO LOA, NO KA MEA, HE WA PILIKIA KEIA, NOLAILA KE KUMU O KA HOEMI NAAUPO ANA:‑

Na Palule $2.50 he $1.40 wale no, a o na Palule $1.50, he $1.00 wale no.  Ke ike mai la oukou i ka emi loa ana.

            Kupaianana maoli keia emi naaupo ana e hele koke mai, o nele auanei oukou.

tf         B. F. EHLERS & CO

_____

Na PaikiNi Hou

Na Paikini Hou

O NA ANO A PAU, E KINIKOHU AI O KE ANO AHIAHI.  @ LOAA NO MA KAHI‑

Chas. Fishels,

KIHI O ALANUI PAPU A ME HOTELE,

            Ko makou halekuai hoopau ana, ma o MR. CHAS. J. FISHELS, la he mau wawai hou loa ko makou, i loaa mai nei mai ka hikina mai, o ua ano like ole h@ nu wale.  Eia ma ko makou halekuai nei na pa@ lole e linohau ai o na Keonimana a luhiehu o na Lede, na aulii o na Kamalii:-

            Na KINAMU             Na ALAPA

            Na KALAKOA Malina                      Na KIHEI Silika

            NANAHE o na ano he nui                 A pela wale ahu.

E hoea pau ia aku ana keia mau waiwai a pau imua ou, aole hoi o oe wale o na Lede kekahi, pau pu aku hoi me na keiki, nau e wae noa iho i na anoei a kou puuwai, eia ka papa lohi o Apua la, ke anapa nei ka wai Hula i Mana.

[Graphic of hand pointing right] E hele mai i hookahi, @e hele mai no a pau loa, mai ke mai a ma liilii.

Chas. J. Fishels.

350-tfd.                       Halekuai alakai o na kumukuai @@ loa.

_____

Na Lako Lole @ou o ke @@@

 

Makalii.

_____

Ku Ka paila!    Hana ka Haawe!!

_____

E Ohi Oe a luhi ko kino

_____

E Weheia Ana ke Kuai Ahulau Nui o N Alele ma

KA HALEKUAI WAIPAHE O

N.S. SACHS,

_____

            He oluolu me ka Holopono ke Kumukuai, oiai e ke  makou Makia ia; Nolaila e hele mai a pau i ikemaka i ka makou mau waiwai hou o kela a me keia ano, he ole ka lohe pepeiae.  E alawa iho i kekahi o ka makou mau kumukuai o hoike aku nei.

NA LOLE KINAMU e hohu ai ka hoohehele ana ma na alanui e ke kulanakauhale nei.  Na Lole Papamu o na la maka kanaka nui a me na Lele Kahau Leloa o na ano a pau, e kaha ai ka maka o na opio o ka aoao @@@,

He 6 I-A          $1.00 wale no.

            NA LOLE MAKALENA Keokeo o na ano kikokiko a pau a ka manao e h@@ ae ai, he makepono loa ke kumukuai, oia hoi,

He 5 I-A          $1.00 wale no.

            NA LOLE HAPA SILIKA i kakau aulii o na ano a pau, a i hiki hoi ke helei ia me ka pilikia ole, o ke ano hoa loa mai hei o keia au hou e nee aku nei,

He 6 I-A          $1. wale nol.

            Na Lole Eleele Hinuhinu Paa Puni (Satsen) me ka noelo panio mikioi ia o ke ano maikai loa, he 1 i-a no 25 keneta.

            Na Lole Huluaipa la a palua o na ane a pau, pukui anu o ke kuluaumoe, a he hoa kuwili no ka limu kaha kanaka o Maumakepa, he 6 i-a no $ 1.00 wale no.

            Na Lole Halenalena ano Hapa Kanikau, o ke ano hou mai nei i laha mua ole, a mae ole hoi ke kuloiia he 1 i-a no 25 keneta.

            A he nui wale aku na Waiwai Hope loa a me na Paikini Hou loa i loaa mai nei ia makou, a makou hoi a kuai aku ai ma ke kumukuai haahaa loa a makopono.  Ina oe e makemake i papale nou, e hele mai i o makou nei, he @ha papale makou e noho aku nei, mai ko na Lede maka onaona a ko na kamalii i p@a mai ka hoonaniia i oi ae i ko kekahi mau halekuai e ao o loko nei o keia Aupuni, a nau o wae elike me kou makemake.

            Na Papale Kapu Luina i kinohinohi manaia, aohe he luhi i koe, he kau wale ae no i ke poo hele ana, he $ 1.25 a pii aku.

            Na Papale o na Paikini a pau i hoonaniia elike me ke kauoha, na Papale i Humu lima maoliia a me na le Papale Hawaii o na ano a pau, he hapalua dala wale no ka auhau.

            [Graphic of hand pointing right.] E na hoaloha, e kipa, e ike kumaka i ka nani o Aipo, he ole ka ohe pepeiao.

‑‑:N. S. SACHS:‑‑

373-dtf.                       104 Alanui Papa, Honolulu.

_____

HOOLAHA NO KA MANAWA.

_____

EGANA & GUNN.

            [Graphic of hand pointing right.] ALANUI PAPU, Na Hale Hou o BURUA MA, Helu 100 [Graphic of upside down hand pointing left.]

MAI A MAHOPE AKU O KA LA EKAHI O APERILA, E HOOKELE ANA MAKOU I KA MAKOU KUAI ANA MA KE DALA KUIKE WALE NO.

            Ua makemake makou e hookaa ia na bila e aie nei ia @@

            E hoomau ia aku no ko makou kuai hoopau ana a hiki @ ka la mua o Aperila.

            I loaa ai hoi he kowa kupoho no na WAIWAI HOU o kela ano keia uno ke nui loa, i kupono hoi no ko Kau e Enohau ai:

_____

Na Mikilima aulii,

Na Ribino hoohuelo,

Na Lei-a’i, na Silika pahee,

Na Paa Lole Huluhulu pahee o na ano like ole,

Na Kaaimea o na ano a pau,

Na Paku nanahe no na moe e hoopulelo ai,

Na pale puka-aniani a me na pale puka komo, a kinikohu ai ke nana aku,

Na Paa lole hoopumehana o na kama a kakou, hui pu hoi me ka panio o na papale,

Na Papale Kapu,

Na Papale hulu,

Na Eke paa lima,

Na Paiki ili palua i kupono no ka holomoku,

Na A’ikala o na ano a pau,

Na Kakini hoopumehana, o na ano he @@i.

A PELA AKU,           A PELA AKU.

HELE MAI HOOKAHI, HELE MAI ELUA, HELE MAI NO A PAU LOA.  E WAE OE NOU IHO, A KU I KE KOIIKOI.  ALAILA HIU AE, LAWE NO A LILO.

            E hele mai e ike i nakuai hoohaule nui ana a makou e k@kala aku nei i ke akea:

EGANA ME GUNN

ALANUI PAPU, HELU 100.