Ka Leo o ka Lahui, Volume II, Number 506, 25 July 1892 — Page 4
| This text was transcribed by: | Paka Westin |
| This work is dedicated to: | Awaiaulu |
KA LEO
John E. Bush.
Luna Hooponopono a me Puuku.
HONOLULU, JULY 25, 1892.
PII IA E KE KAA.
______
Ma ka Poaha nei, oiai o Kaai e ku ana ma ke alanui Moi, e kokoke ana ma ke alanui Betela, oiai hoi o Peterson e hoi ana maluna o kona kaa no kona home, oia hoi ka waa ke ahi e holopu ana i kona hale kaa, ua hookui ae la oia me ke kanaka nona ka inea maluna ae, a hina aku la oia ilalo, me ka pii pu ana kau o ka huila o ke kaa maluna ona.
Ua olelo ae ka ona kaa, aoale oia i kalaiwa a hala a hala mawaho o ke kupono, u hoao ae oia e hoopakele i ka mea i poino ma o ka hookaawale ana ae i kona lio; ua ku iho oia a nana i ka mea poino no ka manawa pokole, a i kona ike ana aole i nui loa ka oino i loaa ia Kaai, ua hoomau aku la oia ma kona alahele no kona home.
Aole i hopuia o Peterson no ka holonai a no kekahi hewa e ae pana. Eia ka ninau: No keaha la ke kumu i hou ole ia ai?
__________________
NUHOU KULOKO.
_____
Ma ka la 30 o keia mahina, oia hoi keia Poaono iho, e malama ia ai ka paani popo hope loa o keia kikina maloko o ke kahua olohu popo Piikoi, mawaena o na hui Honolulu a me Hawaii.
______________
Ma ka pauahi o ka poaha o ka pule i hala ma kahi o Peterson e kokoke la i ke alanui Keaumolu, ua pau he elua o kona mau lio i ka a iea e ke ahi; a ma kana koho, me he la ua hiki aku kona pono ma kahi o ka eono haneri dala.
______________
He ku i ka nani a me ka mikololohua na hana hooleleaka i malamaia maloko o ka Hale Mele Hou i ka po Poaono iho nei, a ua nui no na makaikai i akoakoa ae e iae maka i na lealea i la ia mai ma o a mau nei o lakou. Oia ka nani.
______________
Ma keia la e kuai ia aku ai ma ke kudala e Megana kekahi o na lio heihei nona ka inoa o Johnny Haywood. E hoanaue ae mailaila e u poe pani hoio kio nei, malia o oaa aku i kau pale kani ka aka a na kanaka. Hea ia la e ua hea nei?
________
Ma ke alanui @li ha aia malaila kekahi mau hana ku i ka pelapela oiai kekahi Pake e hana ono ole ana maluna o kekino o kekahi kaikaimahine opiopio nona na makahiki he umi a oi, nolaila, ke papa ia aku nei ma makua mea keiki aole hookuukuu wale i ka lakou mau kaikamahine.
Hana mau mai nei hoi lakou ala i keia mau la.
______________
Mai hoalo i ka hoonaue ae ma ka Ema Kuea i keia po.
______________
Ma ka Poakahi o keia pule ae e malamaia ai ka la hoihoi ea.
_________
Ke hookokoke aku nei kakou i ka pule hope o liea mahina, nolaila e hoomanao mai ia makou e ko makou poe hookaa mahina.
_____________
Ua olelo ae ke poo o ka oihana kinai ahi, oia hoi o Mr. Asch, ma keia hope aku, e kani ana ka bele o ke kiko waena o ka oiihana kinai ekolu mana i ka wa e loaa mai ai o ke kauoha pauahi; a he hoailona ia e kauoha aku ana i na poe kalaiwa kaa ukana a pau e hookaawale i ke alanui a ke kani hou he ia e kuhikuhi ana i kahi o ke ahi e a ana. He hana maikai keia a ke poo o ka oihana kinai ahi, i malaelae ke alanui o ke kaawai e holo mai ai.
________
Ma ka lulu dala o ka Hui Hookuonoono o Kapuukolo, i malama ia ma ke ahiahi Poaono nei, ua hiki aku ka huina i ka $253.40, a ke huipu ia me na dala i waiho mua ia mai iloko o ka lima o ka Puuku ua hiki aku ka huina i ka $900 a oi. He hoike ana mai keia i ke ohohia o na makamaka e komo ana iloko o keia Hui ma na hana mikiala e ola ai ka hune dala a oia hoi ka makou e hooia hou aku nei, ua hookoia KA LEO O KA LAHUI, a oia ka haa a makoa i koike aku ai ke hookoia nei. Nolaila, e malama i na hana maikai a mai hoopalaleha e hahai ka poino i ka mea hana ole.
_____________
Na Luna Oai Auhau o ka 1892.
________
Ua anonoia ka poe keonimana malalo iho nei i mau Hope Luna Auhau no keia makahiki, 1892.
OAHU.
Honolulu......................................................................................................T.A. Lloyd
Ewa me Waianae....................................................................................S.H. Hookano
Waialua.........................................................................................................................
Koolaupoko No. 1.......................................................................................Asa Kaulia
Koolaupoko No. 2.......................................................................................E.P. Aikue
Koolauloa....................................................................................................L.J. Aylett
MAUI.
Lahaina....................................................................................................David Taylor
Wailuku..........................................................................................Wm. T. Robinnson
Makawao................................................................................................David Morton
Hana.............................................................................................................J. P. Sylva
Molokai me Lanai.........................................................................................................
HAWAII.
Hilo me Hilo Akau.................................................................................N.C. Willfond
Hamakua...............................................................................................Chas. Williams
Kohala Hema................................................................................Wilmot Vredenburd
Kohala Akau.............................................................................................Eben P. Low
Kona Akau............................................................................................J. Kaelemakule
Kona Hema.........................................................................................Thos. H. Wright
Kau..........................................................................................................O.T. Shipman
Puna............................................................................................................J.E. Elderts
KAUAI.
Waimea me Niihau.......................................................................................Th. Brandt
Koloa............................................................................................................A.K. Mika
Lihue.........................................................................................................J.B. Hanaiko
Kawaihau...........................................................................................................S. Kaiu
Hanalei....................................................................................................W.E. Deverill
KE KULANA O KO KAKOU MAU HUI KINIPOPO E KU NEI.
______
O keia malalo iho nei ka kulana o ko kakou mau Hui Kinipopo i keia manawa, ka nui o ka lakou paani ana, ka laakou mau paani i lanakila a me ka lakou mau paani i haule, mai ka hoomaka ana mai o keia Kau Kinipopo a aiki i keia la:
Hui Lanakila Haule Paani
Honolulu 2 4 6
Kamehameha 7 2 8
Hawaii 3 4 6
Crescent 4 4 8
HE HOOLAHA I KE AKEA.
_______
E ike ananei na ano lahui a pau, e noho ana ma ke Aupuni Hawaii, mai na kane, wahine, a me na keiki; i loaa i na ma'i o kela a me keia ano, e nane mai i ko'u Keena hana, a na'u e hoopau aku i na ehaeha a ka ma
i maluna o oukou e na makamaka, he hiki ia'u ke lapaau i na ano ma'i apau, ma'i iloko o ka opu, hu'i ke kino, aki iloko o ka iwi, eha o ke poo, ma'iwahine a pela aku. Mai hoololohe aku e na hoa, hele mai hookahi, hele mai elua, hele mai no a pau loa;; he oluolu ka auhau, he hui me ia ma na kukai olelo ana; ua makaukau wau e pulama mai i na komo ana mai mai na Mokapuini mai, me ka eleu a me ka hikiwawe loa, he makamaka a he hoaloha, maikai no oukou e na Hawaii.
Owou iho no,
DR. LEONG KENG TONG.
Helu 40, Huina o na alanui Kaika me Hotele, Honolulu, Oahu. Aug 31. 1y
OLELO HOOLAHA NO NA PUAA.
_____
Ke loaa ka puaa, e hale wlae ana maa kuu maau aina oia o Halawa a me Aiea e pepehi ia ana e hooko ia keia ke hala na la he umi mai keia hoolaha.
KIMO PELEKANE.
(J.I. DOWSETT.)
Honolulu, Iune 28, 1892.
june 30 1m
Kauka Yong Kam Pung.
(APANA.)
_____
Helu 53, Alanui Maunakea.
Ke Kauka Loaea o ka
Aina Pua!
______
Ua hiki ke hooia ia kela ame keia an@ ma'i, mai ko na kane, wahine a me na keiki liilii. O na ma'i ha-no na hiki loa ia ke hoola ia me ka maalahi. A o na ma'i e pili ana i ka maka pau pu ia i ko ola. He hoike ia aku nei, eia ke ola ia nei, me ka olulu pu o kahi auhau. Ka poe pilikia hanau keiki a hele nui paha o ke koko a paau a lohi paha ka hanau ana, papaha o ka walu, ehele nui mai i o'a ne.
E KIPA mai e ka poe i hooluuluu ia me na haawina pilihua a ka ma'i a pa'u oukou e hooluolu aku.
KAUKA YONG KAM PUNG.
Honolulu Sept. 2, 1891 d3 272-
HOOLAHA HOU I
E ALA, E ALA.
B.F. Ehlers & Co--PAINAPA
HELU 99 Alanui Papu.
_____
E hoolohe hou mai e na MAKAMAKA, mai no a lokoino, e hele mau mai no ou kou e ike ia PAINAPA, no ka mea, he kanaka oia i noho a mamaaaina i keia kulanakauhale.
AIA MA KONA HALEKUAI NA
Papale Wahine....................................................................................................................
Kinamu Nani 8 Ia...........................................................................................................1.00
Kalakoa Nani 18 Ia......................................................................................................."1.00
E kuai ana MAKOU i ko makou mau waiwai a pau no ke Kumukuni k haule iho ko lakou mau Kumukuai mua.
Na Palule $2.50 he $1.50 wale no, a o na Palule $1.00 wa;e no. Ke ike mai la oukou i ka emi loa ana.
Kupaianaha maoli keia emi naaupo ana e hele koke mai, o nele auane oukou.
B.F. EHLERS & CO
Huro! No ka La Heihei. Huro.
____
NA PAPALE O NA LEDE I HOONANAIIA
" " " " KAMALII "
" AAHU NANI O NA LEDE.
He Kuai Hoemi Kuikawa no ka la 11 o Iune, ke malamaia ana no kahi o
N.S. SACHS,
_____
104 Alanui Papu, Honolulu.
E hoemi ana makou i ke kumukuai o ka Makou mau PAPALE no ka la
11 O IUNE.
_____
E kokoke mai nei, ma ke kuai ana aku ma ke KUMUKUAI HAAHAA
loa i ike mua ole ia mamua, eia ia makou
Na PAPALE ANO HOU LOA MAI NEI, a pela no hoi me
NA ANO HOONANI HOU O NA PAPALE
o ke ano maemae a oi loa e ka maikai,, a ua loaa pu mai nei no hoi ia makou.
NA PAPALE LUINA o ke ano hou loa mai nei, nolaila, e kipa mai ma ko MAKOU Halekuai nei i ike maka, a e huipu aku ae no hoi makou i ke
KUAI HOOPAU O KA PAPALE O NA KAMALII.
Na Papale Hele Kula o na opio, he 23c wale no, oiai nae o kona waiwai io he 50 me 75 keneta.
Ina oe e makemake i loke maikai no ka la 11 o Iune, eia ia makou kahi i waiho ai a e kakali aku nei no kou kii mai.
Na Lole Hapa Kanikau i hiki ke holoi ia, o ke ano Akala. Halenalena, Bolu a me Keokeo, o ke ano maikai loa a pilikia ole hoi ke holoi ia, he 25 keneta wale no o ka i-a.
Na Keokeo Lihilihi Paa pu maikai loa, a me na ano waihooluu a nau a ka manao o haakoi ae ai, e kuai ia aku ana no ke kumukuai haahaa loa.
Na Lole Keokeo a me na Lole Panio o na ano a pau i hiki ke holoiia me ka mae ole, he nui loa ia makou.
E na hoaloha, ekia, e ike kumaka i ka nani o Aipo, he one ka lohe pepeiao.
E Hoomanao, aia ke Kuai Hoemi ma kahi o
--------------:N.S. SACHS:----------------
tf 104 Alanui Papu, Honolulu.