Ka Leo o ka Lahui, Volume II, Number 514, 4 August 1892 — Page 1
| This text was transcribed by: | Na limahana a pau o ka ?Aha Punana Leo, ko Ka Haka |
| This work is dedicated to: | ?Anake Lolena Nicholas |
KA LEO O KA LAHUI.
"E Mau ke Ea o ka Aina i ka Pono."
Buke II. HONOLULU AUGATE 4, 1892. Helu 514
HE MOOLELO KAILI PUUWAI
SENIA LUTERA
Ka Ui Puuwai Mabala
ENELANI KAHIKO.
He Nanea Hoohena no kekahi Kauna Wahine Opio me kana mau Aloha Ekolu
Oiai ka peni mai a ka mea kakau o @, a pela aku.)
MOKUNA IV
E ke Akua @ o keia ila uuku maluna o ko ʻ u lima ka nana i hoike mai, o oe no kuu lei i nalowale ka mea a ʻ u e imi nei.
A koho koke iho la no oia e make ana oia, aole he aumakua e ola ai, no ka mea ke lohe nei oia i ka leo hoonaaikola a ku ole i ke aloha o kona enemi, e olelo ana –
Ano i keia manawa, eia kou ola iloko o ko ʻ u poholima e kuu Senia maikai, a o keia iho la kou uku hoopai no ka hewa au i hana mai ai ia ʻ u.
Nolaila, e make oe e pono ai e keia puaa luahine, a owau o kauaka moiwahine o ne kuewa, ke hoopiha aku ma kou makalua; Eo ka mea keia ma keia hana ana e eo hou mai ai ia ʻ u ka puuwai a me ke aloha o Heneri, aole he mea e nele ai, e like me ka oiaio o ka olelo ia ana, o ka mahina aohe kona nani nona iho, aka maika la mai no ia – ke lohe mai la ko eeiao huluhulu e keia moo alualu !
Ha ! ha ! he uku hoopai koikoi keia no ka mea aihue i ke aloha a kekahi wahine opio kuewa e like me a ʻ u, wahi a @. Enora nei i akaaka ae ai, e hoikeike ana hoi i kona mau niho imua o na kukuna o ka mahina.
E aloha mai ia ʻ u ! a e naau menemene mai hoi ! wahi a Senia i uwalo mai ai imua o Enora me kea no maule, oiai ka noonoo no ka make iloko o kona umauma, no ka mea ke ike nei oia i ko Enora hooko ana i na mea a pau ana i olelo mai ai imua ona.
E aloha mai ia ʻ u? wahi a ke kuewa i @ hou mai ai, oiai kona maka e kiloi mai ana i ke kuakoko o ka huhu iwaho me he kapuahi lanahu la i hele a enaena.
Aole kou he hupo maoli, aka he hawawa maoli; no ka mea ke ake mai nei oe e aloha aku ia oe.
Pehea la oe i manao ai e loaa ka hoopakele ana i kou ola mai a ʻ u aku, ma hope iho o kou aihue ana aku mai a ʻ u aku i ka ʻ u mea i aloha loa ai maluna o ka honua nei, me kuu olelo aku no ia oe he kai kapu ia na ke konohiki?
Nolaila, e make oe e pono ai me ka hilahila o ka hewa au i hana ai maluna o kou poo, a na ka @ e ai kou io?
Me keia mau olelo, hookuu hou mai la oia he mau nahesa hou, alaila huli ae la oia a holoaku me ka akaaka ana mawaena o na laau o ka ululaau, me ka nalu ana iloko ona iho:
Ua silaia kona hoopai, a aole loa ona mea e pakele hou ai. Aole au i manao mai nei a ʻ u i haalele aku nei i ko ʻ u rumi moe, ua pakele ke ola o kuu enemi ma ka apua, aka aole oia e pakele ana i keia hana ana.
He mea kanalua ole, e hele mai ana o Heneri e ike i kana wahine, alaila e loaa auanei !
Ae, e loaa mai ana oia aia ma kela wahi e kakali ana no kona hoea mai. Aka, auwe, aole i maopopo ia ʻ u ka nui o kona kaumaha, ke ike oia ua haalele mai kana Senia iaia no kea o mahalo ! No ʻ u iho nae, aohe he @. Ha ! ha ! ha!
I ua Enora nei e hoi pololei ana no kona rumi moe, aia o Senia aloha, kela Senia poino, e hakoko ana me ka make !
Auwe, e na lani ahonui ! e make ana anei ua Senia aloha nei iloko o keia make weliweli e mokumokuahua ai ka naau, naluea ka opu.
He opio wao no oia ma na makahiki, a ke waiho palahalaha mai la hoi ka honua imua ona me ka ai o keia ola ana me kona ike ole.
Aole i pau.
HE MOOLELO
NO KE KEIKIALII
AWAREDA!
A me
KA UI LEILA
O Noremadi
(Kakauia no Ka Leo.)
MOKUNA XIII.
Ka moi kuapuu o Noremadi
Ae, e ke poohina, wahi a Kaherana.
Maluna oia o kekahu moku i holo ai, pela ko ʻ u lohe mai, aka, ua maopopo no anei ia o eke kumu o kona holo ana?
Aole au i manao o ka oiaio maoli ia, aka, e hahai aku ia oe i ka ʻ u mea i lohe mai kekahi poe mai.
Oia hoi, ua manao lakou i holo aku nei o Awareda no ka imi ana ia Leila, ke kaikamahine a Kamila.
Ua hahai mai lakou ia oe e ka elemakule i ka mea oiaio loa.
A aole loa hoi he hamabaga kekahi iloko oia koho ana.
Mamuli o keia hana ana, ua hoike mai o Awareda i hona hoowahawaha i ka makemake o na lani.
Nolaila, maluna no o kona poo kona koko, aole hoi maluna o ka aina a me ka lahui.
O Elevira, ke kaikamahine a Diana, ke kuleana i ka nohoalii o Noremadi nei i keia manawa.
A o kana kane auanei ka mea nana e hoomalu i ke aupuni a me ka lahui malalo o ke alakai ana a na lani.
A owai ke kane a ua moiwahine la? i ninau mai ai o Orema.
No keia manawa, ken oho kuokoa nei no oia, aole i loaa kana kane, wahi a ke kahunapule.
Makemake loa au e lilo au i kane nana, a e hoao no au ma na ano a pau e hooluolu aku i na la a pau o kona ola ana, waha a Morica.
Oiai oia e kulana ana imua a ihope maluna o kona noho.
Auwe, wahi a ke kahunapule me kea no hikilele?
Pehea oe i manao ai pela?
No ka mea, ina au e lilo ana i moi no Normadi nei, o ka olelo a ko ʻ u waha e kamailio ai, e lilo ana ia i kanawai, wahi a ua kuapuu nei.
A heaha kau mea e hana ai, ina oe e lilo ana i moi no Normadi nei? @ ninau hou mai ai o Kaberana.
Aole e hiki ia ʻ u ke hoike aku ia oe i ke akahi hapalua o ka ʻ u mau mea e hana ai ke lilo au i moi.
Aka mawaho ae o na mea a pau; aole au e holo mahope o kekahi wahine a haalele i ko ʻ u nohoalii a
Mana ʻ o ka ko ihu pehea.
Aole anei ou noonoo, ina au e kau ana i ke aki, aole au i ike o Odina hookahi ka mea mana a ma ona la hoi au e paulele aku ai no na kokua ana mai; a o kona makemake wale no hoi ke hanaia aole o ko ʻ u.
O ae, ina au e ku io ana i ka @, o ko Odina makemake hookahi ka ʻ u e hana ai mamua o na mea e ae.
E ka elemakule, wahi a Kaberana, iaia i huli mai ai ia Orema, aole anei ou manao, o ka lima pu kekahi o na lani e lawelawe pu nei iloko o keia hana?
Ke aha la, e ka makua hemolele, i ninau mai ai o Orema, aole anei ou manao, o ka lima pu kekahi o na lani e lawelawe pu nei iloko o keia hana?
I ke aha la, e ka makua hemolele, i ninau mai ai o Orema, me kea no pahaohao.
Aole anei ou hoomaopopo i kea no o na olelo a kau keiki i kamailio mai nei i keia manawa?
Aole he maopopo ia ʻ u o kau mea e kamailio mai nei, e ka makua hemolele.
E hoolohe mai, a e lohe no oe i kekahi mea kamahao loa. A pela no hoi me oe e Morica – he mea pono ia o eke hoolohe pu mai ia ʻ u.
Aole i pau.
NA MAI O KE POO
KA MAKA, NA PEPEIAO,
KA WAHA, KA PUU-AI,
A ME KA UMAUMA,
-KA-
PUUWAI,
AKEMAMA,
OPU,
KE AKEPAA,
-A ME-
PUUPAA:
I huipuia me na ma ʻ i o ke koko a me ka ili, na hiki loa, ia
Dr. McLennan,
ke hoola ia mau pilikia a pau me ka hikiwawe i ike mua ole ia.
O kona wahi i hoonaauao ia ai ma ka ike lapaau, ma loko no ia o na kula ao Kauka kaulana o Amerika Huipuia, a iloko o na makahiki he 14 i hala hope ae nei, ua ike ia ka holopono o kana mau lawelawe apaau ana ma na mahele mai i hoikiea ae nei maluna ma Kapalakiko, ma ke ola ana o kekahi poe Kauka aole e ola. E nana i kekahi mau hoike e pili ana no kona makaukau, iloko o kona mau la pokole o ka hiki ana mai i Honolulu nei, o kekaoi mau mai i hanaia a na Kauka no kekahi mau mahina a no na makahiki kekahi, aole nae he loaa o ka oluolu, elike me – Mr. Geo. Sherwood e noho nei ma Waikiki, i ike ia e na mea a pau nona ka Hale Auau o Waikiki, na
DR. McLENNAN,
Pokole mailoko ae o kona @ @ @ Mr. J. T. Walakahauki, kekahi o na kalepa i kamaaina nui i koke kulanakauhale nei, na kela
DR. McLENNAN,
i hoola iaia mai ka Rumakika mai, oiai oia ma Kapalakiko he mau makahiki i hala ae nei, ka ma ʻ i hoi nana i hoopilikia nui iaia ma Honolulu nei a holo ai no Europa, aole @ i ola a e ole o
DR. McLENNAN,
ola ai, no na mea aku i koe, e hele e huipu me Mr. Walakahauki. O Me. Thos. Rewcastle e hana nei ma ka Hui Hana Hao Lokahi, e mau makahiki loihi ae nei kona loaa ana i ka mai oha o ka opu, ua imi i ke ola aole nae he loaa, aka, he mea makahewa ko makou kamailio ana aku no ia mea, e pono no e ninau iaia, a naua e hoike mai Na
DR. McLENNAN
i hoola ia Thomas P. Spencer o ka Elele, W. Hellbron o ka Halekuai Bipi Netapolitana; Mrs. Mary Robinson, he wahine Hawaii mai Paia, Maui mai, @ kona ma ʻ i Akepau mai, e Gro. Townsend eneginia o ke Kaawai Helu Elua, mai kona mai mai me ka ili a me ko koko ino, i hanaia e kekahi poe kauka e ao a loaa ole ke ola, a na
DR. McLENNAN,
i lapaau a ola. He lehulehu wale ka poe Hawaii i hoolaia, e pau ele ai @ keia kolamu.
O ka poe mai e makemake ana ia Dr. McLENNAN, e hele ae ma kona Keena Hana ma kona wahi noho; o ka poo o na ano ma ʻ i a pau me ka ma ʻ i hookaawale ohana, ma ke Alanui Alakea, ma ka aoao ma Waikiki o ka Hale Ahahui Opiopio o na haole, kahi hoi i noho hope loa ia ihe nei e Dr. Luka.
Na Telepona
Buke Helu 197 @ Helu @
June17 @