Ka Leo o ka Lahui, Volume II, Number 517, 9 August 1892 — Page 4

KA LEO O KA LAHUI.

"E Mau ke Ea o ka Aina i ka Pono."

 

KA LEO

John E. Bush

Luna Hooponopono a me

Puuku

 

Honolulu, August 9, 1892

 

HE LEO KAHEA

            I ka poe hoopono, aloha aina, a aloha lahui oiaio, a i ka lahui no a pau, ke poloai aku nei ka poe i hoonohoia, he mau Komite Wae no ka Ahaolelo, e huli i ka poe e hoopae malu nei i ka opiuma a me ka poe e kuai malu ana. He nui na olelo e hele nei a puni ka aina, ma na alanui, ma na hale, i kahi kiekie a me kahi haahaa, e kamailio ana me ka pahola ana o keia ino hoomailo a pepehi kino kanaka, hoohaumia noho ʻ na maemae, a pela aku, a e hooiliia nei i kio a kawowo iloko o ka aina nei mamuli o ka moe o na kiai o ka pono, na hoopalaleha a na luna aupuni a me na komo kino ana a hui pu, a ai pu ka loaa haukae mamuli o ka hele kohona a hana kanawai ole ia o keia mea make iloko nei o ka aina. He mea maopopo ke mau keia mau kumu hoohaumia iloko o ka aina nei, he mea akaka aole e nele ke kuhinu ia aku o na mea a pau, a koe aku ka poe i wae ia, i ka pilau palahinu o keia mea make. Ua akaka no hoi ke komo nei malalo o ka ihu o ka Oihana Dute Awa i malamaia e ke kane a ne ʻ lii, a mawaena o na kuemake mai o ka oihana makai, i hookele ia e "kuu wahi taata iti maitai."

            No laila, oiai makou na lala o ke komite i waiho ia mai ai keia hana, e ake aku ana e loaa ka mole o ka hewa, no laila, a me na kakoo, ke poloai aku nei i ka lahui e o kanaka mai, e aa, e koa e paio, a e apo aku @@hewa e hele kohana makakeleawe nei, me ka hoopunahele ia e na luna hooko o ke kanawai, mai ke poo a ka hiu, a e hoike mai i ko oukou Komite i na haawina, kuhikuhi ana, a me na meheu a alakai e hiki ai ke hoohulihia ia keia mau hana luku a hoomaewaewa i ka pono a me ka ola o ka lahui holookoa a me ka pomaikai o na mea a pau e noho nei iloko o Hawaii nei.

            Ke poloai aku nei makou e hele mai ka mea i ike i kekahi mea, hunehune paha, a meheu e loaa ai ke alanui e kumu ai ka ahewa a e lele ai ke poo o ka moopoowalu opiuma e lilo nei he akua no ka piheetero kanaka o ka aina, e hele mai io makou nei.

Ma o ke Komite,

Jon. E. Bush,

Luna Hoomalu Komite.

He eiwa ka nui o ka poe makaikai i huli hoi mai nei ma ke Kimau o ka Poaono nei.

 

NUHOU KULOKO

Ahaolelo ko keia la, hora 10.

            Ke ole makou e kuhihewa apopo e ku mai ai ka mokuahi Auseteralia i keia awa mai ka ipuka gula mai o Kapalakiko.

           

            Nui ka ona me ka hakaka ma Kamanuwai i ka po Poaono nei, aohe no nae he mea, no ka mea  o mua no me hope.

 

            O ka nui o na lilo o keia Kau Ahaolelo mai kona hoomaka ana mai a hiki i Iulai 31 iho nei, he $21,184.81. Nui no kela.

 

            E lawe i ka leo, i ko ʻ u ka puu i na kuhinia a ka Puukolu, manuahi mai na ono a Kaukaopua me na kalo kau i ka pali a Kanaloa.

           

            Aohe i malamaia kela heihei mokuliilii i ka Poaono nei, mamuli o ke ano ikaikai me ka makani e puhi ana mai ka hema mai.

 

            Mamuli o ke ku ana mai o ka mokukaua Dubode o ka lahui l@@palale ma ka la inehinei, ua malamaia he mau kipu aloha ana nana i wawahi ae ka lewa no kekahi manawa o ke awakea.

 

            Ua huli hoi io mai maluna o ke Kinau o ka Poaono nei, o Prof. F. A. Hosmer, me na haumanakula o Punahou, mai ka lakou huakai aku nei o hookahi mahina no Hilo.

 

            Aia no ke kiapa Matileda iluna o ke Alahuki Moku kahi i kau ai, me he mea la i keia mau la oia e hookuuia mai ai me kona mau pono hou a puehu loa aku no Pugeta Sound.

 

            O na luna i hookaa pau mai i ko lakou aie o ka mahina i hala, e hoopuka aku ana makou i keia mau la iho i mea no ka poe lawe pepa e hoohewahewa ole ai o la mea hana pono. He rula hou keia, a e hoomauia aku ana pela ma keia mua aku.

 

            Eia kekahi poe haole o ke kulan@hauhale nei ke pili nei me ka poe a pau e aa mai ana e pili me lakou, no ka mea e eo ai kela Rikiki o ka Lua Pele. Aia lakou mahope o Mahuka wale no, a o ka poe e aa mai ana, au ae ia lakou e lawe i kela a ma keia inoa e like me ka nui a lakou i makemake ai.

           

            Ua hopuia o Hoopii me ka Poalima nei, mamuli o ka manao ia nana i lawelawe kekahi mau hana wawahi hale ma ke alanui Kamika a me ka huikau o Kepohoni, no ka mea e ike mau ia ana oia e maa@ hele ana ma kela a me keia hale i na hora a pau. I kona hopuia ana nae, ua imi ia, kona hale, aole he mea i loaa aku. Aole keia o "Bila Wawae Olonelohe" ke kupueu, aka he hoopii okoa no keia.

            Ma ka auina la o ka Poalima i hala i malamaia ai ka huakai hoolewa maluna o ke kino make o Mr. John H. Wood, mai kona wahi noho mai ma Nuuana Avenue, no ka pailina ma Maemae.

 

Na Luna Ohi Auhau o ka 1892

            Ua aponoia ka poe keonimana malalo iho mei i mau Hope Luna Auhau no keia makahiki, 1892:

 

Oahu

Honolulu                                             T.A. Lloyd

Ewa me Waianae                    S. Hookano

Waialua

Koolaupoo No.1                     Asa Kaulia

Koolaupoko No. 2                  E.P. Aikue

Koolauloa                                L.J. Aylett

 

MAUI

Lahaina                                               David Taylor

Wailuku                                               Wm. T. Robinson

Makawao                                David Morton

Hana                                        J.P. Sylva

Molokai me Lanai                  

 

HAWAII

Hilo me Hilo Akau      N.C. Willfond

Hamakua                     Chas. Williams

Kohala Hema  Wilmot Vredenburd

Kohala Akau               Eben Low

Kona Akau                  J. Kaelemakule

Kona Hema                 Thos H. Wright

Kau                                         O.T. Shipman

Puna                            J.E. Elderts

 

KAUAI

Waimea me Niihau      Th. Brandt

Koloa                                      A.K. Mika

Lihue                                       J.B. Hanaike

Kawaihau                                S. Kaiu

Hanalei                                                W.E. Deverill

 

Kauka Yong Kam

Pung.

IAPANA

Helu 53, Alanui Maunakea

 

Ke Kauka Loea o ka

Aina Pua!

            Ua hiki ke hooia ia kela a me keia ano mai, mai kona kane, wahine a me na keiki liihi. O na mai hano na hiki loa ia ke hoola ia me ka maalahi. A o na ma ʻ i e pili ana i ka maka pau pu ia i ke ola. Ke hoike ia aku nei, eia ke ola ia nei, me ka oluolu pu o kahi auhau. Ka poe pilikia hanau keiki a hele nui paha o ke koke a paa a lohi paha ka hanau ana, pa@ paha o ka waiu, e hele nui mai i o ʻ @ @e @@. E KIPA mai e ka poe i hool@@ lau ia me na haawina pili@@@ a ka ma ʻ i a na ʻ u oukou e hooluolu aku.

            KAUKA YONG KAM PUNG.

            Honolulu Sept. 2, 1891

            d3272

 

HOOLAHA HOU E ALA, E ALA.

B.F. Ehlers & Co- Panapa

Helu 99 Alanul Papu.

            E Hoolohe hou mai e na MAKAMAKA, ma@ no a lokoino, e hele mau mai no oukou e ike ia PAINAPA, no ka mea, he kanaka oia i noho a kamaaina i keia kulanakauhale.

            AIA MA KONA HALEKUAI NA

            Papale Wahine

            Kinamu Nani 8 Ia                   $1.00

            Kalakoa Nani 18 la     $1.00

            E kuai aku ana MAKOU i ko makou mau waiwai a pau no ke Kumukuai i haule iho i ko lakou mau Kumukuai mua.

            Na Palule $2.50 he $1.50 wale no, a o na Palule $1.50 he $1.00 wale no. Ke ike mai la oukou i ka emi loa ana.

Kupaianaha maole keia emi naaupo ana e hele koke mai, o nele auan@ oukou.

B.F. EHLERS & CO

 

Ma ke Kuai Makepono o Makou no ka Oi!

He wa Pilikia keia; Nolaila o ka emi

ka mea Maikai no

na Mea a Pau

            Mamuli o kou makou hoomaopopo ana i ka hune a me ilikoke o keia mau la, nolaila ua oki iho makou o ko makou mau waiwai,a e kuai aku ana makou ma ke kumukuai makepono me ka na@@ ole iho no makou, oia ka makou e kau leo aku nei, i noho a ulu ae ka manao no na lako hoonani me kahiko kino, e hele mai ma ka hale kuai waiwai o

N.S. SACHS.

104 Alanui Papu, Honolulu.

            I hoike no ka oiaio o keia, e alawa iki iho i kekahi o ka makou mau kumukuai malalo nei.

            Na Paleili o na Kane, he          25c

            Lakeke Kalakoa o na Opio     25c

            Lopi Silika hana leiai, 1 pokaa            30c

            Kalika o na Lede, o 1 dala ka waiwai io he    50c

            Lole Kalika o na Kamahi o 60 keneta ka waiwai io he 40c

            Na Kaliki eleele paa loa o na Lede, 1 paa e    25c

            a e kuai hoopakika pu aku ana no hoi makou i ka makou mau lole lau me lihilihi, ke makemake oe.

 

            Na lole K@@keo Maoli aole i hoohuihuiia, na Lole Pua me Kahakaha, eia @a makou ka nui oia ano iloko o keia aupuni, a o ke ano keokeo maikai loa oia ano, e kuai aku ana makou 6 ia no $1.00.

            Na lole Eleele paa loa, na lole Satina maikai loa o Farani, he 25c no ka ia, mai manao nae oe o ke ano Satina keia e kuai ia mai nei ma kekahi mau halekuai e ae, aka o ke ano keia o ka papa ekahi, nona ka waiwai io he 35 keneta no 1 ia

            Na K@namu, Masalina Pua, na Lole Makalena hiki ke holo@@, e kuai aku ana makou ia mau mea a pau me ka makepono.

            Na Lole Uhi Hoonano o na Pukaanianim he 5 ia no $1.00.

            Na Papale i hoonaniia o na Lede a me na Kamalii, eia me makou ia mau wehi, a o makou ke alakai ma ia mau mea, aole e hiki i kekahi halekuai ke hoopapa mai @a makou me ka mikioi a me ka oluolu o ke kumukuai.

            Ua lako makou me na ano paikini papale a pau a ka manao e @ilani a@ai, a ua makaukau pu no hoi i na manawa a pau e hoonani i na papale i ku e like me ko oukou makemake me ka oluolu o ka auhau.

            E na hoaaloha, e kipa, e ike kumaka i ka nani o Aip@, he @@@ ka lohe pepeiao.

E Hoomanao ana ke Kuai Hoemi ma kahi o

N.S. SACHS

1@@ Alanui @@@@, Honolulu