Ka Leo o ka Lahui, Volume II, Number 532, 30 August 1892 — Page 4

KA LEO O KA LAHUI.

"E Mau ke Ea o ka Aina i ka Pono."

 

KA LEO.

John E. Bush.

Luna Hooponopono a me Puuku.

 

HONOLULU, AUGUST 30, 1892.

 

Poha ka lae o ke Kolohe

 

Hanu ka Makai Kiu Helu 16 i ka Hohono o ka Uahi o ka Opiuma.

 

O Sheldon ka Pueo Po’i Moa.

 

HOOHENOIA NO KA LEO O KA LAHUI.

            Iloko o kela wa, aia ka hopohopo o’u kahi i hooniponipo ai, o ulu koke mai auanei ka haunaele a me ka mokuahana mawaena o lakou, a o ka hopena e haule poho ana na mea a pau i hoolalaia.

            A aia  hoi ke pii paumi ae la ka hoonaukiuki iloko o ko’u puuwai no keia ulolohi loa o ka lawelaweia ana o na hana e hiki ai ke hopu ia keia poe a paa iloko o kahi paa, i ike koke ai lakou i ka hua o ia hana.

            No ka pii mahuahua loa o keia hauwalaau ana ua ulu koke mai la ka noonoo maikai iloko o’u e komo pu aku au iloko o keia aluka e hauwawa nei, e hoao me ko’u akamai a pau e hoomalu i keia okaikai o ua poe kanaka lauoho loloa nei, i ole hoi e.

Haunnele e Ewa i ka Moae.

            Ua hoomaka aku la au e kamailio i ka mea pahee o lakou i ka olelo Hawaii me a’u e paani ai, no ka mea, ua kamaaina no au i ke ano o keia paani a lakou e hana ana ia wa.

            Ua iilo keia mau hoike ana aku a’u i kumu e pau koke ai ka uluku hoopaapaa ana, a lilo koke mai la owau ka hoa pili i kela wa.

            He mau dala ka’u iloko o ko’u pakeke i emi ole iho ka huina malalo o ka hookahi haneri dala, ma ke dala pepa aupuni a me ke gula o Amerika.

            I kela wa, ua hoomaha aku la kuu kokoolua, a ua kaa iho la owau ka lio kakele nana e holo keia paku heihei.

            Ua hoomaka iho la makou e pili, ma ka pohaku o Honolulu ke unu o lalo.

            I ke kemu ua kaa aku la ka lanakila ma ko lakou la aoao a ua puehu aku la au he umi dala mai ko’u pakeke aku.

            Ua komo aku la iloko o lakou ka hauoli no ko’u eo ana i ke kemu mua, pela no i ka lua, a hiki i ka lima, no lakou la wale no ia pono a ua hiki aku la ko’u lilo i ke kanakolu dala.

            I ke ono o ke kemu, ua eo iho la ia’u, a pela i ka walu, a me ka umi a ua ike iho la au, ke hoopuipui ia ae nei ko’u wahi eke a oi aku mamua o ka mea hiki ke uhao iho.

            I ka hiki ana i ka hora 1:30 o ka auina la, ua hiki ole i ko lakou akamai paani pepa ke hookuku mai me a’u a ua hiki la lakou ke hoomaopopo mai, he loea au ma ia hana, a he kaeaea hoi no ka pepa kulina.

            A i keia wa i komo mai ai ka pueo poi mea a ke Komite Opiuma o ka Hale Ahaolelo, e hanu ana i na wahi a pau oloko o ka hale, i hunaia ai ka opiuma.

            Ua lawe ae la au i ke kulana ku kaawale, mai ka bale mai.

                                                                   Aole i pau.

 

NUHOU KULOKO.

Ahaolelo ko keia la, hora 10.

 

            Ua malama ia ae he paina maka Halemai Pupule i ka la o neihnei.

 

            Ua hookilihune iki iho na paka ua i ka po lakapule nei a mau iki iho la hoi ka welawela o keia mau la.

 

            Maikai na hana i malama ia ai ma ka Hale mele Hou i ka po nei no ka pomaikai o Mrs. Martha Steens.

 

            Ma ka la onehinei i malama ai o Mr. Sachs, i kana mau kuai hoopoho maa mau, ma kona halekuai ma Alanui Papu.

 

E malama i kou mau aahu maikai oiai oe e manao ana e kau iluna o ke kaa alanui hao, no ka mea ua vaniki hou ia na noho oia mau kaa.

 

            Ua hoohui ia ma ka berita maemae o ka mare e Rev. A. Mackintosh ma ka auina la Poaono nei o Mr. George Allen me Miss Lydia Crabbe.  Ma kahi o Luna Kiai Awa Crabbe laua i mare ia ai.  He mea maikai ka mare no na mea a pau.

 

            Ua nui ka poe i ukali aku i ka mokukaua Kapalakiko i ka auina la Poaono nei, maluna o ka Moku Kolo Eleu.  O ka Bana Hawaii pu kekahi ma keia huakai, no ka hoolaulea hope ana aku ia Adimarala Baraunu, a me na Alii moku o ke Kapalakiko, oiai lakou i haalele iho ai i na kapakai aloha o Hawaii nei.

 

            Nui ka poe i fulu ia e kekahi Pake nana kekahi baneko che fa ma ke ahihai la kapule nei, a pakele mai pepe@ia ka Pake.  O ke kumu no ka huki ana o ka baneko he moa ka hua.

 

Na Luna Ohi Auhau o ka 1892.

 

            Ua aponoia ka poe keonimana malalo iho nei i mau Hope Luna Auhau no keia makahiki, 1892:

 

OAHU.

Honlulu           T.A. Lloyd

Ewa me Waianae         S. Hookano

Waialua

Koolaupoko No. 1       Asa Kaulia    

Koolaupoko No. 2      E.P. Aikue

Koolauloa        L.J. Aylett

 

MAUI.

Lahaina           David Taylor

Wailuku           Wm. T. Robinson

Makawao        David Morton

Hana    J.P. Sylva

Molokai me Lanai

 

HAWAII.

Hilo me Hilo Akau      N.C. Willfond

Hamakua         Chas. Williams

Kohala Heme  Wilmot Vredenburd

Kohala Akau   Eben P. Low

Kona Akau      J. Kaelemakule

Kona Heme     Thos. H. Wright

Kau     O.T. Shipman

Puna    J.E. Elderts

 

KAUAI.

Waimea me Niihau      Th. Brandt

Koloa  A.K. Mika

Lihue   J.B. Hanaike

Kawaihau        S. Kaiu

Hanalei            W.E. Deverill

 

Kauka Yong Kam Pung.

 

(APANA.)

Helu 53, Alanui Maunakea.

 

Ke kauka Loea o ka

Aina Pua!

 

Ua h@ ke hoola ia kela a me keia ane @ mai ko na kane, wahine a em na keiki liihi.  O na ma’i ha-no ua hiki loa ia ke hoola ia me ka maalahi.  A o na ma’i e pili ana i ka maka pau pu ia i ke ola.  Ke hoike ia aku nei, ma ke ola ia nei, me ka oluolu pu o kahi auhau.  Ka poe pilikia hanau keiki a hele nui paha o ke koke a paa a lohi paha ka hanau ana, papaha o ka waiu, e hele nui mai i o’u ne.

            E KIPA mai e ka poe i hooluuluu ia me na haawina pilihua a ka ma’i a na’u oukou e hooluolu aku.

KAUKA YONG KAM PUNG.

Honolulu Sept. 2, 1891.                                                     d3- 272-

 

HOOLAHA HOU

E ALA, E ALA.

B.F. Ehlers & Co – Painapa

HELU 99  Alanui Papu.

E Hoolohe hou inai e na MAKAMAKA, mai no a lokoino, e hele mau mai no oukou e ike ia PAINAPA, no ka mea, he kanaka oia i nohe a kamaaina i keia kulanakauhale.

AIA MA KONA HALEKUAI NA

Papale o na kamalii mai ka 25c a pii aku.

Kuka “   “    “            $3  “    “

Kalakoa ano hou, he 8 i a no 1 dala.

Na kihei pili laula  “    “    “  “

Papale Wahine ...

Kinamu Nani  8 Ia ...$1.00

Kalakoa Nani 18 Ia ...$1.00

            E kuai aku ana MAKOU i ko makou mau waiwai a pau no ke Kumukuai i haule iho i ko lakou mau Kumukuai mua.

            Na Palule $2.50 he $1.50 wale no, a o na Palule $1.50, he $1.00 wale no.  Ke ike mai la oukou i ka emi loa ana.

Kupaianaha maoli keia emi naaupo ana e hele koke mai, o nele auane oukou.

B.F. EHLERS & CO

 

Kuai Hoopau!

Kuai Hoopau!

Elike me ka mea maa mau

I na Makahiki a pau!

MA KAHI O

N.S. SACHS,

104 Alanui Papu, Honolulu.

E Hoomaka Ana ma ka Poakahi, Aug. 29,

NO NA RULE POLOLEI HE ELUA NO’

O na Waiwai a pau e haawi ia aku ana

            MA KE KUMUKUAI I HAULE IHO I KE KUMULILO.

                        He Kuai Kuio                                                  Aole he Apiki !!

            He hookahi no a makou kuai huepau o ka makahiki, a ma ia wa wale no makou e hooemi ai i ka makou mau mea kuai iloko o ka halekuai, aole e like me kekahi mau halekuai e ae, ka hooemi i kekahi no ka hoowalewale ana, a koe no kekahi, he oiaio ka makou, a e ka oiaio wale no.

He Emi me ka Makepono na Mea a pau.

            A eia ma alo iho nei kekahi o ka makou mau kumu kuai iloko o keia kuai no na pule elua wale no aole oi aku:

 

20T a Kukaenalo no    $1.00

12 “  “ Keokeo hinuhinu “

20 “  “ Kalakoa paa no  “

Na Lole Keokeo maikai, kahakaha me kikokiko aulii @ a no

Na Ginamu nani 10 i a  “

10 i a Huluhulu Canetona  “

5 i a Satina maikai loa  “

Na Alapia Eleele, maikai loa laula, o ke ano maikai, koemiia he hookahi i a no ka  40c

 

Paleili komo o na kana, 5 no  $1.00

Na Palule i aiana ole ia, he  50c

Na Lakeke kalakoa o na kamalii

5 no  $1.00

Na lole keokeo i hana laua o na

Wahina, hoomiia no $4.75 o ka lole

Kahiki o na Wahine, hoomalia  40c

Aikala lilina  “ no ka 25c

Na hainaka hooluu like ole e hai he 60c no 1 kakini.

Papale hele la o na keiki  25c

Na Kawele auau nunui he  25c

 

            O na kumukuai maluna ae e hooko aku ana makou no kuia manawa wale no o ka makou kuai hoopau, oia hoi no.

Ki@ Pule Wale no.

:N.S. SACHS:

                 204 Alanui Pap@, Honolulu.