Ka Leo o ka Lahui, Volume II, Number 536, 5 September 1892 — Page 2

KA LEO O KA LAHUI.

"E Mau ke Ea o ka Aina i ka Pono."

 

MA KE KAUOHA

HE $20 MAKANA

            E haawiia no ka uku makana i ka mea a mau mea paha e hele ae ana e hoike imua o ka Papa Alanui  i ka mea a mau mea pah nana i lawe ka ipu-kukui i kau ia ma kahi i hanaia o ke alanui Moi kokoke i ke alanui Alapai i ka po o ka Poalua nei, Augate 16.  e hoomauia aku no ia uku makana pela, i na hana kolohe a pau oia ano e ulu mai ana ma keia mua aku, ua na wahi a pau o ke alanui e hana ia ana.

Ma Kauoha

Honolulu, Augate 17, 1892

aug18 2wksd.

 

KA LEO O KA LAHUI

JNO. E. BUSH

 Lunahooponopono a me Puuku

 

POAKAHI, SEPATEMABA 5, 92

 

Halawai a ke Komite Wae

 

Moho o ka Hui Liberala Lahui Hawaii

            Ke poloai ia aku nei na hoa o ke Koite o ka Hui Lahui Liberala Hawaii e akoakoa mai i keia kakahiaka Poakahi, hora 9, ma ke Keena o KA LEO O KA LAHUI, no ka noonoo ana i ka Moho e holo alii ana ma kahi o ka Noho o Mr. Numana i haalele iho.     MA KE KAUOHA

 

KA LA HANAU

            Ma ka Poalima nei, ua malama ia ka la hanau o ko kakou Moiwahine.  I ke kakahiaka, ua komo aku na Lunamakaainana a me na Lii o ka Hale Ahuolelo, na Luna Aupuni na Luna Aupuni o na Aina E a mahope aku na Hui a me na makaainana.  He mau makana nani kekahi i hookupu ia, he hoomanao no keia la hanau o ka Moi.

            Ma ka auwina la ua malamaia kekahi ahaaina nui ma ka Pa lii.  Ua piha pono na papaaina i ka poe makahanohano o ke Aloalii.  Me he la he umikumamalinia haneri a ai aku ka nui i hoolawa ia e ko ke lii lokomaikai ma keia mau papaaina.

            Ma ke awa he mau heihei waapa, a ma Ewa, he mau heihei waapea, kai malamaia.  Ua piha ka Olulaau o Manana, Ewa, i ka hora 4 P. M. a hiki i ke aumoe.

            O keia kekahi la kulaia maluhia a maikai o ka malama ia ana, a e like me ia, pela kakou e manaolana ai e nehe maile ai ke koena o ke ola ana o ka Moiwahine nona ka la hanau.

 

Ka Hon. Wm. Waila

            O keia Lunamakaainana ka mea nana i lawe mai ka olelo hooholo hilinai ole i ku Aha Kuhina i pau ae nei.  A ina e naauao ka Moiwahine, e like me ka Moiwahine Vitoria, i kauoha ai ia Pohakuhauoli e hoonohonoho mai i Aha Kuhina hou, alaila o Hon. Wm. Waila, ka mea a ka hapanui a ka Hale i hui ai a kono hoi oia ke lawe mai i ka olelohooholo, oia maoli no ka mea kupono e kahea ia no ia hana e like me ka rula a i kulike me ka makemake o ke Kanawai.  O ka lahui iho la no ka Ahaolelo, o ke poo o ka mana hooko oia no ka Moiwahine, a o ke Kanawai a me ka hoopono oia ke ano o ka keia mau mana e hana ai.  Aole hou ae.

 

Na Hookohua ka Hui Kalaiaina

Ua hookohu aku nei ka Hui i keia poe i Kuhina, wahi a ka “Builetin,” a ke kakali aku nei o ka aponoia mai e ka Moiwahine: S. Parker, J. Nawahi, W. H. Cornwell, A. P. Peterson.  He poe e ae no kekahi e wawa ia nei i oi aku ke kupono a me ke ohohia ia.  O ka mea kupanaha e ikea ke ano GUOIO o ka noonoo o ke kauna e olelo nei He Hui Kalalaina lakou, oia hoi ka hookohu ana aku i ka poe ma ka aoao ona Kuhina i haule aku la i ka hapanui o ka Hale Ahaolelo, koe o A. P. Peterson.  He Kuhina o S. Parker, a o J. Nawahi a me Wm. Cornwell, na kokua i ka Aha Kuhina i pau iho la.  A eia ka ninau, ma ka rula hea la, o ke kalai kumu ana a mai ka aina hea la keia rula a ka Hui Kalaiaina i apo aenei a ao aku i ka Moiwahine e hookohu mai i ka poe o ka aoao i haule ma ke koho hilinai ole ana a ka Hale Ahaolelo?  Nani ka nele o ka aina i na loea kalaiaina, ke hu la ke ana, a me ka rula hana, a na Kaula, e habai pouli nei.  Na ke Akua e hoomalamalama ae i ke Alii a ke alakai i ka mea e pono ai ka noho moi a me ka lehulehu.

 

He Leta Kamaili

Ua loaa mai leta iho ia makou, a ina he oiaio na S. K. Pua mai, alaila ua hoike mai oia i ka oiaio o ka makou i kamailio ai nona, i kona kamalii a me ka pelukua o kona alelo, oiai, ma kana mau kamailio ana i ke kau holo balota hookahi hua puka mau mai kona waha, he hoopau i ka Aha Kuhina.  O keia iho la ka olelo a na hoa a pau ma na haiolelo ma na Apana o Honolulu nei, a me keia mokupuni.  Aka, i ka hiki ana mai o ka la e hoopau ai i ka Aha Kuhina, ike ia aku la ka auna he ili ula e kahe awai ana mahope o na Kuhina a o ka lunamakaaloana opio kekahi o ka Apana Elima.  Ua haohao makou i keia hana a S. K. Pua, no ka mea, he kohu iliohae o a i na Kuhina i kona wa e pelo ana i ka hui League Liberala a na haole a imua o na makainana kekahi.  Ua hiki ke manao ia o ka oi ia o na oi, aka, ke hoike mai nei kana mau hana he pepe wale no oia a he mean hiki wale no ke lomi ia.  Ua ike na mea a pau nana i lawe mai ka “olelo hooholo hoilinai ole i ka Ilamuku,” a o ka elua o ka manawa iho la i ka Poalua nei, aka, ke uwe mai nei ma keia leta, aole pa’u, a ke kuhikuhi aku ia ia Wilikoki, a no ia kumu ua pololei ole ka olelo a ka nupepa i olelo ai.  He hana kamalii keia a elike me ka makou i ohilo mua ai, he Lunamakaainana ko ka Apana Elima, aole i hemo ke pohue, a ke paa nei no ke kaiopa.

Eia iho kana leta:

Honolulu, Sept., 3, 1892

Hon. J. E. BUSH,

 

Honolulu

            ALOHA          Ua manao au, ua hoolaha oe ia’u me ka manao ino a me ka manao lili o ka hoohaahaa i kou hoakanaka o keia hana hookahi.  Aole o’u manao ua pololei kau mau mea i hoolaha ai no’u oiai, he okoa a he kukaawale au ma na ano a pau no na mea e pili ana i ka Olelo Hooholo e pili ana i ke kipaku ana i ka Ilamuku.  He mea oiaio, na’u i lawe mai ua olelo hooholo la, aka he kanaka hana au malalo o ka imiloaa a kaua, R. W. Wilikoki, a oia no hoi ka mea nana i onoonou mai ia’u e hana koke aku.  A ke manao mau nei no au ua hala loa iho la keia pahuna ihe au no na mea e pili ana no’u o ka pololei loa i ua imiloaa la a kaua oe e pahu ai a e hala ole hoi au.                                                                               S. K. PUA

 

KAU AHAOLELO O 1892

LA HANA 77

Poakahi, Augate29,

            Halawai ka Hale e like me ka maa mau.

Na Palapala Hoopii

            Kanealii, palapala hoopii komakanawai mai Maui mai, haawiia i ke komite kumukanawai.

            Nana no, na ka apana 3 o Honolulu, i kukui uila no alanui Hema a me Moiwahine, haawiia i ke komite hana hou.

            Ioseoa, palapala hoopii mai Hana, e hoi ana i mau halekula kou no ia apana komite hoonaanao.

            A. S. Wilcox, e noi ana aole e noho na iepera ma Kalalau, komite ola.

            Kamauoha, palapala hoopii mai Kohala mai, haawiia i ke komite hoopii huikau.

            Akina, palapala hoop@ mai K@uai, e wehe i hale leta ma Hanapepe, haawiia i ke Kuhina Waiwai.

Hoike a na Komite Wae.

            Marsden, komite manawa o na limahana, waihoia ma ka papa a noonoo pu me ka bila.

            Waila no ka bila 142 no ka holoholona mondus, waho a noonoo me ka bila.

            Kuhina o na Aina E, ua hookohu ia o Numana i Loio Kuhina.

 

Na Olelo Hooholo.

            Koahou, i $1,200 i hale hookolokolo a me hale hoopaa no Hilo-wa-ena, haawiia i ke komite aina aupuni me hana hou.

            Kakina, e kauoha ana i na komite o na loaa me na lilo no ka noonoo ana i na lilo kupono no ka hoiike nui o Kikako, aponoia.

Kamika, e pili ana i ke kaohi ana i ka mai o ke kalo, aponoia.

            Marsden e noi ana e hoololiia ka pauku 6 o ke kumukanawai, a ua aponoia e 31 ae ia 16 kue.

            Awakea, hoomaha ka Hale.

Auina La

Akoakoa hou na hoa i ka hora 1:30

            Kuhina Kalaiaina, pane i na ninau a Akepoka, e pili ana i ka Ilamuku o ka Oihana Kinaiahi.

Na Hana o ke La.

            Heluhelu 3 ana o ke kanawai hale leta, hooholo loa ia.

            Heluhelu 3 e pili ana i ka Piheetero, hooholo ia.

            Heluhelu 3 ana e pili ana i ka uku luna aupuni, aole me ka I O U, aponoia.

 

Hana Pau Ole

            Noonoo ana i ka bila 176, e pili ana i na lunakanawai kaapuni o ka apana 2  -5, a me ko lakou uku he $2,500, a hooholoia.

            No na lunakanawai kiekie, ua hooholoia.

Hoopanee ka Hale a

 

LA HANA 78.

Poalua, Augate 30, 1892

            Halawai na hoa e like me ka mau. 

            Koho ka Peresidena i hoa no ke Komite Hookolokolo, a me Peterson no ke Komite hoonaauao, a ia Smith i lunahoomalu no ke Komite Hookolokolo.

 

Komite Mau

            Na Waipuilani, o ke komite wae no ke koi o $460 a kekahi mea e aponoia.  Hooholoia.

 

Na Hana o ka La

            Noonoo ana i ke koena aku o ka Oihana Hookolokolo, ua hooholoia kekahi mau pauku, a ua hoololiia kekahi.

            Ma ke kapaeia ana o na rula, ua heluheluia mai ka bila e kukulu ai i ka piliwaiwai o Lusiana.

            Na S. K. Pua, he olelo hooholo, e kauoha ana i ka Aha Kuhina e kipaku awiwi aku i ka Ilamoku mai ka oihana aku no ke kupono ole ke noho ma ia oihana.

            Mahope o na kamailio ana, ua waihoia ka olelo hooholo i hana no ka la.

            Hoike mai ke Kuhina Kalaiaina ua kakauinoa ka Moiwahine i kekahi mau bila kanawai.

            Awakea, hoopanee ka Hale.

 

AUINA LA

            Akoakoa hou na hoa e like me ka mau.

            Na Wilder, he olelo hooholo bilinai ole i ka Aha Kuhina.

            Lilo ka Hale i ka hoopaapaa no keia olelo hooholo, a hiki i ka wa i noi ia mai ai e White e hoomoe ma ka papa, haule.

            Noi o Nawahi e hoopanee a ka Poakahi-haule.

            Noi ia e hoomaha a akoakoa hou i ka hora 7:30 P. M. keia ahiahi.  Hooholoia.

 

Halawai Po

            Akoakoa hou ka Hale i ka hora 7:30 P. M.

            Noi o Marsden, e kapaeia ka rula 97, aponoia.          

Lilo hou na hoa i ke kakele kamailio a hiki i ke kahea ia ana o na ae a me na noole, a penei ke koho ana.                                                                                                   Aole i pau

            E malama ia ana ma ka hora 2 o keia Auina la maloko o ka Y. M. C. A. Hall he halawai, no ka noonoo ana i ka Bila Lotere o Lusiana.

            Ma ka hora 6 P. M. o ka Poaha Sept. 1, 1892 ma ka Luakini o Moanalua, ua malama ae ke kahi mau opio me na kanaka makua he kula Paio Baibala mamuli o ka hoeueu ana D. K. Kaumiumi kekahi keiki o ke kula Kaula o ka Pakipika Akau he hana keia e hoomaa ai ka Paio ana i ka Paio o ka manaoio.

 

HE OLELO PAPA

            Ke hoolaha ia aku nei i na Agena a pau i kuleana e Haawi Palapala Laikini Ao Mare, a me na Luna Hooko Mare a puni ka Paeaina, aole e ae aku i Palapala Mare a aole hoi e Hoomare aku ia George Hueu Sandford, o Honolulu, Oahu, me kekahi wahine a kaikamahine kahi ano.  He 17 wale no makahiki o keia Geore Hueu Sandford, aole ana hana kupono e hiki ai ke malama i ka wahine.

            O kekahi o na luna laikini a hooko mare i oleloia ae la e kue ana i keia, e hoopii ia no e like me ke kanawai, a e hooko ia no na hana e hoopau wale ai ia mare ana.

D. F. SANDFORD.

Makuakane o G. H. Sandford

Honolulu, Sept. 2, 1892

sept 2  3ts.

 

OLELO HOOLAHA

            Ke kauoha aku nei ka mea nona ka inoa maloko nei i ka poe a pau i aie ia ia, e oluolu o hookaa mai i ko lakou aie, iloko o hookahi mahina mai keia manawa aku.  E pono na hoaloha e hoolohe i keia @ i lilo ai i mea pono no na aoao elua.

S. AH FAT

Waikapu, August 31, 1892.

aug 21 1@ sept 2,   1mw.