Ka Leo o ka Lahui, Volume II, Number 537, 6 September 1892 — Page 4

KA LEO O KA LAHUI.

"E Mau ke Ea o ka Aina i ka Pono."

 

KA LEO.

 

John E. Bush.

 

Luna Hooponopono a me

Puuku.

 

HONOLULU, SEPTEMBER 6, '92.

 

Ua Hipuuia iloko o ke Aloha.

 

            Ma ka olu hulilua i Kaelepulu. i na kini o Kailua, o na Pali Hauliuli o Koolau, ma ka Poakolu, augate 31, ma ka home noho o E. W. Makawalu, ua hoohui ia ae maka berita maemae o ka mare o Halalo me Miss Kaoui, he kamaaina a he kupa ke kane no Kailua, a he pili kana hoi oia no kekahi o ko makou mau limahana. O ka wahine, no ka Ua Haao ia o Kau, ke lele ae la mauka o Auaulele, a no ke kai Ka'uhaa hoi a ka malihini. O na paa mare i omau ia ae la e S. K.  Kuhano, ka Lunahooko mare, he mau opio wale no laua a elua, e hiki ai ke manaolanaia e hoohua mai ana laua i na hua ohaha no ko laua kihapai ohana. A oiai hoi, o ka hoohui ia ana ae la o laua i hookahi, mai hoao kekahi o laua e wawahi i kaupoku o ka hale i ako ia aku la a paa e ke kamana o ka aupuni, o lilo auanei ka nani i hanaia i mea hoowahawahaia. Nolaila, e makee e na opio i awaiaulu ia iho la i ka noho ana maluhia, a mai hoohuikau iloko o na anaina lealea a ka poe apokaka.

            Mahope o ka mare ana, ua pahao la ia mai la he papaaina i luluu i na mea ai ono a ka Hawaii, ua unu ia ae na mea ono a ka puu moni ai e hoohalahala ole ai kamahele i kipa aku malaila, ua ai a lawa, ua inu a ua kena. Ua malamaia he mau lealea a hiki i na hora liilii o ke kuluaumoe. Ke kalokalo ae nei makou e hoomau loa ia aku na la o ka noho ana mare.

 

MAHALO I KA LUNA ALANUI O HONOLULU.

 

Mr. LUNAHOOPONOPONO.

            He mea e hauoli ai no ko kakou naau, na ewe ponoi o ka aina, ka ike ana aku i kahi kanaka Hawaii o noho ana ma ka oihana aupuni, a i lawelawe hoi i kana hana me ka holomua, ka mikiala, ka eleu a me ke akahai.

            Nolaila, ina e hoohalike ia na mea a kona mua i pau mai ka oihana aku i hana ai elike me ko keia wa, aole e like, no ka mea, he okoa kana mau hana, aia ma ke eke Hagai.

            A ina hoi e nana ia na mea o keia wa i hanaia ai. ea, he ku i ka nani. ka hiehie ke kulana o na alanui me na alahaka malaio o ka lawelawe nosau ana a ka Luna Alanui Bila Kamaki.

            Nolaila, i aha ka mea i koe a keia makapeni e hana ai, aole anei o ka haawi aku i ka mahalo elike me ke poo manao maluna. a me na hoa o ka Papa Alanui.

            Ea, e o'u hoa o ka pupuu hookahi, e lokahi kakou ma na ano a pau. e hapai ia kakou kanaka Hawaii iluna, aole hoi o ka lawe mai i na lili pilikino ano ole i kumu e huki mai ai iaia ilalo, aole loa pela, mai hoao e kumakaia ia kakou iho, elike me Iuda.

            E nana i na haole, ina hoao kekahi e pii iluna o kahi oihana, ua lokahi like lakou ma ka onou ana iaia imua, aole anei kakou e lawe mai i kela i kumuao na kakou e hoohalike ai, manao au oia ke alahele a kakou e ukali ai i mau ai ke o ana o kela olelo kaulana:

                        E ike ia kakou hoakanaka.

                        O kipa hewa ke aloha i ka ilio.

            A ke kalokalo ae nei keia makapeni i na mana lani e hooloihi ia na la o ka Luna Alanui. na Hoa o ka Papa Alanui.

 

                                                                                                                                    DANIEL.

            Kawaiahao,  Sept. 3, 1892.

 

HE OLELO PAPA.

 

            Ke hoolaha ia aku nei i na Agena a pau i kuleana  e Haawi Palapala Laikini Ae Mare, a me na Luna Hooko Mare a puni ka Paeaina, aole e ae aku i Palapala Mare a aole hoi e Hoomare aku ia George Hueu Sandford, o Honolulu, Oahu, me kekahi wahine a kaikamahine o kekahi ano. He 17 wale no makahiki o keia George Hueu Sandford, aole ana hana kupono'e hiki ai ke malama i ka wahine.

            O kekahi o na luna laikini a hooko mare i oleloia ae la e kue ana i keia. e hoopii ia no e like me ka kanawai,a e hooko ia no na hana e hoopau wale ai @a mare ana.

                                                                                                            D. F. SANDFORD.

            Makuakane o G. H. Sandford.

            Honolulu, Sept. 2, 1892.

            sept2 3ts.

 

Na Luna Ohi Auhau o ka 1892.

 

            Ua aponoia ka poe keonimana malalo iho nei i mau Hope Luna Auhau no keia makahiki, 1892:

OAHU.

 

Honolulu.................................T. A. Lloyd

Ewa me Waianae....................S. Hookano

Waialua.......................................................

Koolaupoko No. 1....................Asa Kaulia

Koolaupoko No. 2....................E. P. Aikue

Koolauloa.................................L. J. Aylett

 

MAUI.

 

Lahaina..................................David Taylor

Wailuku..........................Wm. T. Robinson

Makawao..............................David Morton

Hana...........................................J. P. Sylva

Molokai me Lanai.......................................

 

HAWAII.

Hilo me Hilo Akau..............N. G. Willfond

Hamakua.............................Chas. Williams

Kohala Hema.............Wilmot Vredenburd

Kohala Akau.........................Eben P. Low

Kona Akau.........................J. Kaelemakule

Kona Hema......................Thos. H. Wright

Kau......................................O. T. Shipman

Puna.........................................J. E. Elderts

 

KAUAI.

Waimea me Niihau....................Th. Brandt

Kolea.........................................A. K. Mika

Lihue......................................J. B. Hanaike

Kawaihau.........................................S. Kaiu

Hanalei..................................W. E. Deverill

 

HE AHA MELE NUI!

 

 

E wehe hou ana ka

 

HUI MELE HAEAII NOEAU

 

I ka Aha Mele kaulana o KELE-

KALUKA [Crusaders] i keia

po Poaono iho, Augate 13,

1892, hora 8, malo-

ko o ka

 

LUAKINI O KAWAIAHAO

 

No kela manao hookahi no, oia hoi

ke alu ana i na hemahema

o ka Ekalekia o KA-

 

WAIAHAO.

 

            @@ E loaa no na Rikiki ma ka Halekuai o Sopa ma ke alanui Kalepa, ka Hale Aihau Elite ma ke alanui Hotele, na Halekuai Laau o Hebron Hermon me Hollisters, ka Halekuai o W. F. Reynolds ma ke alanui Papu a me ka lima o na Komite.

            @@ No na makua, he hapalua dala, a o ko na kamalii, e like me ka mea maa mau.

3ts---dly.                                                                     Augate 3, Aug.

 

Kauka Yong Kam

 

Pung.

 

(APANA.

 

 

Helu 53, Alanui Maunakea.

 

Ke Kauka Loea o ka

 

Aina Pua!

 

Ua hiki ke hoola ia kela a me keia au

ma'i, mai ko na kane, wahine a emi

na keiki liilii. O na ma'i ha-no

ua hiki loa ia ke hoola ia me

ka maalahi. A o na ma'i

e pili ana i ka maka

pau pu ia i ke

@ Ke ho-

ike ia aku nei.

eia ke ola ia nei, me

ka oluolu pu o kahi au-

hau. Ka poe pilikia hanau

keiki a hele nui paha o ke koko

a paa a lohi paha ka hanau ana, pa

paha o ka walu, e hele nui mai i o'u na

            @@ E KIPA mai e ka poe i hooluu

luu ia me na @@@@wina pilihua a ka ma'i

a na'u oukou e hooluolu aku.

KAUKA YONG KAM PUNG.

Honolulu Sept. 2, 1891.                                                          d3 272--

 

HOOLAHA HOU !

 

E ALA,    E ALA.

 

B. F. Ehlers & Co-PAINAPA.

HELU 99 Alanui Papu.

E Hoolohe hou mai e na MAKAMAKA, mai no a lokoino., e hele @ mai no oukou e ike ia PAINAPA, no ka mea, he kanaka oia i noho a kamaaina i keia kulanakauhale.

 

AIA MA KONA HALEKUAI NA

            Papale o na kamalii mai ka 25c a pii aku.

            Kuka  "           "           "     $3    "  "

            Kalakoa ano hou. he S i-a no 1 dala.

            Na kihei pili laula,

            Papale Wahine................................................................................................

Kinamu Nani   8 Ia...................................................................$1.00

Kalakoa Nani 18 Ia.................................................................."1.00

            E kuai aku ana MAKOU i ko makou mau waiwai a pau no ke Kumukuai i haule iho i ko                           lakou mau Kumukuai mua.

            Na Palule $2.50 he $1.50 wale no, a o na Palule $1.50 he $1.00 wale no. Ke ike mai la                              oukou i ka emi loa ana.

Kupaianaha maoli keia emi naaupo ana e hele koke mai, o nele auane oukou.

 

                                                                                                            B. F. EHLERS & CO

 

Kuai Hoopau!

            Kuai Hoopau!

 

Elike me ka mea maa mau

 

            I na Makahiki a pau!

                        MA KAHI O

                                    N. S. SACHS.

 

104      Alanui             Papu,   Honolulu.

 

E Hoomaka Ana ma ka Poakahi, Aug. 29,

NO NA PULA POLOLI HE ELUA NO'

 

O na Waiwai a pau e haawi ia aku ana

            MA KE KUMUKUAI I HAULE IHO I KE KUMULILO.

                        He Kuai Kuio!                                    Aole he Apiki ! !

 

            He hookahi no a makou kuia huepau o ka makahiki, a me ia wa wale no makou e hooemi ai i ka makou mau mea kuai iloko o ka nalekuai, aole e like me kekhi mau halekuai e ae, ka hooemi i kekahi no ka hoowalewale ana, a koe no kekahi, he oiaio ka makou, a o ka oiaio wale no.

                                    He Emi me ka Makepono na Mea a pau.

            A eia malalo iho nei kekahi o ka makou mau kumu kuai iloko o keia kuai no na pule elua wale no aole oi aku:

 

20        I-a Kukaenalo no                                $1.00

12        "           " Keokeo hinuhinu                  "

20        "           Kalakoa paa no                       "

Na Lolo Keokeo maikai, kahakaha

me kikokiko aulii 8 i-a no                                "

Na Ginamu nani 10 i-a                                    "

10 i-a Huluhulu Canetona                               "

5   "  Satina Maikai loa                                 "

Na Alapia Eleele, maikai loa

laula, o ke ano maikai, Loemiia he

hookahi i-a no ke                                            40c

Paleili komo o na kane, 5 no                           $1.00

Na Palule i aiana ole ia, he                              50c

Na Lakeke kalakoa o na kamalii

5 no                                                                 $1.00

Na lole keokeo i hana lauia o na

Wahine, hoemiia no $4.75 o ka lole.

Kaliki o na Wahine, hoemiia                          40c

Aikala liliua   "                              3 no ka  25c

Na Hainaka hooluu like ole o hai,

he 60c no 1 kakini.

Papale hele la o na keiki                                  25c

Na Kawele auau nuuni he                               25c

 

            O na kumukuai maluna ae e hooko aku ana makou no keia manawa wale no o ka makou kuai hoopau oia hoi no

Elua Pule Wale no.

:N. S. SACHS:

@                                                                    104 Alanui Papu, Honolulu