Ka Leo o ka Lahui, Volume II, Number 543, 14 September 1892 — Page 4
| This text was transcribed by: | Kumu ?Aina Badua |
| This work is dedicated to: | Ohana Puuohau, Kaeo, Badua |
KA LEO O KA LAHUI.
"E Mau ke Ea o ka Aina i ka Pono."
KA LEO
John E. Bush
Luna Hooponopono a me Puuku.
HONOLULU, SEPTEMBER 14 ʻ 92
HE HOOHENO NO KUU LEI
Hooheno keia no ka ua-Kuahine
Ka home kakela o kuu aloha
Nawai e ole ko ʻ u hoohihi
I ke ala onaona o ka Lalana
Ua lana ae nei ko ʻ u manao
E hui kaua me ke onaona
Hookahi a ʻ u pua e anoi nei
O ka Roke Hawaii ma ka Hikina
Onaona ko maka e kuu lei
I ka pehi ia e ka hunakai
Aole paha oe i mahui mua
I ka ua nihi ae ma Waahila
Aloha ka pua e ke Aliipoe
Ka memele mai i ke ahiahi
Haina ia mai ana ka puana
Ka Rose Hawaii ma ka Hikina
Hooheno ia e
Sweet Rose Bud.
NU HOU KULOKO
Mai hopu koke oe i na mea nani e maalo ae ana mamua o kou mau kii onohi o hopu hewa oe i ka puahiohio.
He nui na lako hoonani hale i pau i ke kuai kudala ia mai ma ke kakahiaka onehinei, ma kahi noho o Hebbard.
Make kakahiaka nui wale o ka la inehinehi i kapalulu mai ai ka mokuahi Malulani mai kona mau awa mai o na Kona.
I ke kakahiaka nui o ka Poalu nei i ku mai ai ka Malulani i konawahi maa mau. a maluna ona i huli hoe mai ai kekahi mau loa o ka Aahaolelo.
I keia auina la e haalele mai ai mai ai ka mokuahi Ausetaralia i keia Awa no ka ipuka gula o Kaleponi. He mau kamaaina a me na malihini kana i hiipoi aku maluna ona.
Aohe he mau ohohia ia e ka Aha Kuhina hou a ka Moiwahine i hookohu mai nei no ka hoonoho hou ia ana mai no o na Kuhina i hoopau ia e ka Ahaolelo no ka bilinai ole ia oia o Paka me Numana ke olelo nei kahi poe aole lakou he ilio e ai hou ai i ko lakou luai.
Ma na nupepa Kalaponi i ike ia iho ai, ua holo mai ia no keia Paeaina ka moku Haleyon me $30,000 waiwai io o ka Opiuma, ua makaukau me na mea kaua, a me 60 pake koa no ke kue ana mai, i ka poe e manao aku ana e hopu iaia. O ka poe wale no i komo iloko oia hui ke ae ia hookokoke aku.
Alia oe e kaena nou iho no ka mea, he alapii hiki ole ia ia oe ke halakau aku. E kakali malie oe a hiki mai ka makani.
Ua ike hou ia ka Lunamakaainana Foster mau helehelna i mua o ka Aha Hoomalu i keia mau la ma kona noho ana i na hoehaeha a ka mai.
Mai paulele wale oe i ka olelo a kekahi mea no ka oiaio, aia a wae pono ae oe, alaila akaka. No ka mea ua ikea i keia mau la ka nui o na olelo hoopunipuni.
Wahi mai a na lono lau makani o ka la luehinei, e paani kinipopo hou ana ka hui How do you like it, me ka hui Iwilei ma keia Poaona, ma ke kaua kinipopo Piikoi, no ka pili he $50.
He ku i ka ono a me ka mikololohua ka bana i malamaia ai ma ka Hotele Hawaii i ka po nei, mamuli o ke kuu ana mai o na keiki lae ula a Mr. Erger i ka nanahe a me ka mikomiko i keia mau Himeni Hawaii: Hooheno, Pua Alani, Nu ʻ a o ka Palai, a ua moni wale aku no ka haae o na makaikai, a o kekahi poe ua kuhihewa maoli he moeuhane. Hu ka aka.
HE OLELO PAPA.
Ke hoolaha ia aku nei i na Agena a pau i kuleana e Haawi Palapala Laikini Ae Mare, a me na Luna Hooko Mare a puni ka
Paeaina, aole e ae aku i Palapala Mare a aloe hoe e Hoomare aku ia George Hueu Sandford, o Honolulu, Oahu, me kekahi wahine a kaikamahine o kekahi ano. He 17 wale no makahiki o keia George Hueu Sandford, aole ana hana kupono e hiki ai ke malama i ka wahine.
O kekahi on na luna laikini a hooko mare i oleloia ae la e kue ana i keia. e hoopii ia no e like me ke kanawai, a e hooko ia no na
hana e hoopau wale ai ia mare ana.
D.F. SANDFORD.
Makuakane o G.H. Sandford.
Honolulu, Sept. 2, 1892.
sept 2 3ts.
HOOLAHA PA AUPUNI.
E ike auanei na kanaka a pau, eia ma ka Pa Aupuni o Makiki nei kekahi Pipi hele hewa me hookahi Pipi keiki (k) kea. eleele keokeo, lokihi ma ke kua, eha wawae keokeo, keokeo ke poo aole hao kuni.
Lio (w) hulupala ulaula ehu wawae keokeo, keokeo ka lae, hao kuni auo e, kuni hope hema, ke ano o keia hao kani huikau.
O ka mea a mau mea nona keia mau holoholona e pono e kii koko mai, o hala na la he 15 e kuai kudala akea ia aka ke hiki aku i ka
la 17 o Sept. 1892.
D. Kaoao, Luna Pa Aupuni.
Honolulu Sept. 6, 1892
OLELO HOOLAHA.
Ke kauoha aku nei ka mea nona ka inoa maloko nei i ka poe a pau i aie ia ia, e oluolu e hookaa mai i ko lakou aie, iloko o hookahi mahina mai keia manawa aku. E pono no hoaloha e hoolohe i keia leo, i ilio ai i mea pono no na aoao elua.
S. AH FAT.
Waikapu, August 31, 1892.
aug. 31 1md sept 2 1 mw.
HE HOOLAHA I KE AKEA.
E ike auanei na ano lahui a pau, e noho ana ma ke Aupuni Hawaii, mai na kane, wahine a me na keiki; i loaa i na ma ʻ i o kela a me keia ano, e nane mai i ko ʻ u Keena hana, a na ʻ u e hooopau aku i na ehaeha a ka ma ʻ i maluna o oukou e na makamaka, he hiki ia ʻ u ke lapaau i na ano ma ʻ i a pau, ma ʻ i iloko o ka opu, hu ʻ i ke kino, aki iloko o ka iwi, eha o ke poo, ma ʻ iwahine a pela aku. Mai hoololohe aku e na hoa, hele mai hookahi, hele mai elua, hele mai no a pau loa; he oluolu ka auhau, ke hui me ia ma na kukai olelo ana; ua makaukau wau e pulama mai i na kono ana mai mai na Mokupuni mai, me ka eleu a me ka hikiwawe loa, he makamaka a he hoaloh maikai no oukou e na Hawaii.
Owau iho no,
DR. LEONG KENG TONG
Helu 40, Huina o na alanui Kamika me
Hotele. Honolulu, Oahu. Aug. 31. !v
HOOLAHA PAPA
E ike auanei na mea a pau ma keia, ke hoole aku nei au i ka hookaa ana i na aie a pau o kuu wahine mare, Mrs. Julian
Kinney, a i ole o kekahi aie paha o ʻ u ma ona la oiai ua haalele mai oia ia ʻ u kana kane Mare.
Mr. K.W. KINNEY.
Hanalei, Kauai, Sept 7, 1892.
1t-wkly*
Kauka Yong Kam
Pung.
Apana
Helu 53, Alanui Maunakea
Ke Kauka Loea o ka Aina Pua!
Ua hiki ke hoola ia kela a me keia ano ma ʻ i. mai ko na kane, wahine, a me na keiki liilii. O na ma ʻ i ha--uo ua hiki loa ia ke
hoola ia me ka maalahi. A o na ma ʻ i e pili ana i ka maka pau pu ia i ke ola. Ke hoike ia aku nei. eia ke ola ia nei me ka oluolu
pu o kahi auhau. Ka poe pilikia hanan keiki a hele nui paha o ke koko a paa a lohi paha ka hanau ana pa paha o ka waiu, he hele nui mai i o ʻ a ae E KIPA mai e ka poe i hoola luu ia me na haawina pilihaa a ka ma ʻ i a na ʻ u oukou e hooluolu aku.
KAUKA YONG KAM PUNG.
Honolulu Sept 2, 1801 d3 272--
HOOLAHA HOU!
E ALA, E ALA.
B.F. Ehlers & Co--PAINAPA
HELU 99 Alanui Papu.
E Hoolohe hou mai e na MAKAMAKA, mai no a lokoino., e hele mau mai no oukou e ike ia PAINAPA, no ka
mea, he kanaka oia i noho a kamaaina i keia kulanakauhale.
AIA MA KONA HALEKUAINA
Papale o na kamalii mai ka 25c a pii aku.
Kuka " " " " " $3 " " ".
Kalakoa ano hou. he 8 i-a no 1 dala.
Na kihei pili laula, " " " " " "
Papale Wahine
Kinamu Nani 8 Ia $1.00
Kalakoa Nani 18 Ia " 1.00
E kuai aku ana MAKOU i ko makou mau waiwai a pau no ke Kukumukai i haule iho i ko lakou mau Kumukuai mua.
Na palule $2.50 he $1.50 wale no. a o na Palule $1.50, he $1.00 wale no. Ke ike ma: la oukou i ka emi loa ana.
Kupaianaha maoli keia emi naaupo ana e hele koke mai, o nele auane oukou.
B.F. EHLERS & CO
KUAI HOOPAU!
KUAI HOOPAU!
Elike me ka mea maa mau
I na Makahiki a pau!
MA KAHI O N.S. SACHS.
104 Alanui Papu, Honolulu.
E Hoomaka Ana ma ka Poakahi, Aug. 29,
NO NA PULE POLOLEI HE ELUA NO ʻ
O na Waiwai a pau e haawi ia aku ana
MA KE KUMUKUAI I HAULE IHO I KE KUMULILO.
Ke Kuai Kuio! Aole he Apiki!!
He hookahi no makou kuai huepau o ka makahiki, a ma ia wa wale no makou e hooemi ai ka makau mau mea kuai
iloko o ka halekuai, aole e like me kekahi mau halekuai e ae, ka hooemi i kekahi no ka hoowalewale ana, a koe no kekahi, he niaio ka makou. a o ka oiaio wale no.
He Emi me ka Makepono na Mea a pau.
A eia ma ʻ alo iho nei kekahi o ka makou mau kumu kuai iloko o keia kuai no na pole elua wale no aole oi aku:
20 I-a Kukaenalo no $1.00 Paleili komo o na kane. 5 no $1.00
12 " " Keokeohinuhinu " Na Palale i aiana ole ia, he 50c
20 " Kalakoa paa no " Na Lakeko kalakoa o na kamalii
Na Lolo Keokeo maikai kahakaha 5 no $1.00
me kikokiko aulii 8 i-a no " Na lole keokeo i hana lauia o na
Na Ginamu nani 10 i a " Wahine, hoeraiia no $4.75 o ka lole.
10 i-a Huluhulu Canetona " Kahiki o na Wahine, hoomiia 40c
5 " Satina maikai loa " Aikala lilina " 3 no ka 23c
Na Alapia Eleele, makai loa Na hainaka hoolou like ole hai.
laula o ke ano maikai hoemiia he he 60c no 1 kakini.
hookahi i a no ke 40c Papale hele ia o na keiki 25c
Na Kawele auau nunni he 25c
O na kumukuai maluna ae e hooko aku ana makou no keia manawa wale no o ka makou kuai hoopau. oia hoi no.
Elua Pule Wale no.
: N.S.SACHS:
104 Alanui Pepa, Honolulu.