Ka Leo o ka Lahui, Volume II, Number 544, 15 September 1892 — Page 1

KA LEO O KA LAHUI.

"E Mau ke Ea o ka Aina i ka Pono."

Buke II.     HONOLULU  SEPATEMABA 15, 1892.     HELU 544

HE MOOLELO KAILI PUUWAI

---NO---

SENIA LUTERA

Ka Ui Puuwai Mabala

---:O:---

ENELANI KAHIKO.

 A I OLE

He Nanea Hooheno

no kekahi Kauna

Wahine Opio me

kana mau Aloha

Ekolu.

(Mai ka peni mai a ka mea kakau o Ava-

reda, a pela aku.)

MOKUNA VIII.

Ke Kilo a ka Luahine Kuewa.

E Senia maikai, wahi a kana aloha i pane mai ai, me ka leo o ka mea i hoopiha kuhohonu ia i ke aloha kupouli, heaha la ke kumu nui i anoe ai o kou mau heleheloena mai kona wai hooluu mua ae, a heaha hoi ke kumu o kou noho hamau ana.

Malia paha, wahi hou no ana, he mea hiki no hoi ia'u nei ke hoomama aku i kou naau luuluu, e hamai, e like me ka nui o ka oni ana o ko'u aloha iloko ou, i ke kumu nana i hoanoe i kou mau helehelena.

Ua hapai malie ae la o Senia i kona poo a hoopili malie aku la ma ka umauma o kaha ipo, me ka leha ana ae o kona mau maka ilona i kana aloha, me ka papahi ana iho o na minoaka hoohaehae naulu ma kona mau papalina waianuhea a i aku la me kona leo kuu i ka nahe e like me kona ano mau:

Aole he mea e ae nana i hoanoe mai i kuu noonoo, hookahi wale no oia ka maua kukai olelo ana iho nei me kuu makuakane no na mea e pili ana i kuu makuahine mamua o kou halawai ana mai nei me a'u ma keia wahi.

Aole o'u noonoo no na olelo a kela luahine hoopunipuni i wanana iho nei no ko kaua hookaawaleia, aole he nana e mawehe ke kila makeniti o ke aloha ipo i polena ia iho nei mawaena o kaua, ina aole e komo e mai na lima lokoino o uwahi a kaili aku i kekahi o kaua mai ka hanu ana i na ea huihui o keia nono'na.

E ka ui a'u i aloha ai mawaena o na kaikamahine, wahi a kana ipo aloha i pane ai me ka muki ana iho ma kona mau papalina, o ke akua wale no o ko kaua mau kupuna kai ike i ka nui palena ole o kuu aloha nou, a no kau mau olelo i hoopuka iho nei, he oiaio ia mau olelo au ke hoike aku nei au, ina e kaili ia aku paha oe mai keia ola ana aku ua aa no au e ukali aku ma ia mau meheu, oiai he mea ole keia ola ana ina aole oe ka mea nui a kuu puuwai, ka anohi hoi o kuu maka.

Ua hoolohe aku la oia ina olelo kaukau aloha aku i ka hoehaeha naau a kona ipo, a kahuli an@ ae la kona helehelena nani, a like ke aiai me ka hau anu e uhi ana iluna o ka piko o na mauna.

Aole oia i maopopo i ke kumu o keia kahuli anoe ana o kona mau helehelena; aka aole oia wale, ua piha pa mai la oia i ka makau, a puili aku la oia i kana aloha me ka nui ana o ka hanu, me he la, aia la kekahi uhane ino ke hoohalua mai la i kona ola.  He mau minute pokole mahope iho, ua hoi hou ae la oia a kona kulana mau, a hoopoina aku la i ka mea ano e, i ili iho maluna ona i na sekona i hala aku.

E kupaa no au mahope ou wahi ana, a ma kou aloha ina a pau, a aohe he mana ikaika nui, ma keia ao, nana e mawehe ae ka mea i kukuni paa ia iloko o ka puuwai aloha o kau ipo nei, aole au e lilo ana i wahine mare na kahi mea okoa, nau wale no.  Ina he komo no kou kino iloko ka luakupapau e mau no auanei ko'u aloha ia ae, aole he mea nana e hopau, no ka mea oia ka mea i oi ae mamua o na mea a pau, no ka mea o oe ka'u aloha mua a o oe ka mea nana i ao mai ia'u ia mea he aloha.

Ina oia e ike ana i ka mea oiaio auwe e na lani e aloha mai ia'u, i na oia e lohe ana i ka mea e pili ana ia'u, heaha la kana mea e hana mai ai.

Aole i pau.

HE MOOLELO

---:NO KE KEIKIALII:---

AWAREDA!

a me

KA UI LEILA

o Noremadi.

(Ka Kakauia no Ka Leo.)

MOKUNA XVI.

Ka ipo mahope o ka meheu e kana

mea i aloha ai.

Ua ike au aia he poino ke kali ala ia'u i Wavela, aka, aole au i makau no ia poino, a aole no hoi au i hopo no ka hoi hou ana aku ilaila na manawa a pau.

Aka, ma ko'u ano he moi a he mea nana e rula o Wavela. ua aie nui au i kuu lahui, a he mea pono e huli hoi aku e ike ia lakou.  Ua loaa ae la no hoi oe ia'u, ka mea a'u i haalele ai i ka hanohano, a ke ike nei au eia oe i kahi maluhia.  a ua hiki ia'u ke hoohuli hou ai i ko'u alahele no kahi okoa.  A aole o'u makemake e hoihoi hou ia oe i Wavela i keia manawa.

"E hoopoino ia no kou ola ke ike hou ia au ma Wavela," wahi a Leila i pane aku ai, a pane hou aku la ia, pela mau no auanei?

He manaolana kou aole, wahi a Awareda, ua ike au i kahi o keia maju pilikia, a he manao ko'u e haawi mai ana ka mea mana loa i ka ikaika e hiki ai ia'u ke hoopio i keia ino nui.  O na kanaka o Noremadi, ina aole he mea nana e hoouluulu, he poe maikai loa lakou, a aole no hoi lakou e kue mai ana ia'u.  Hookahi kumu ino e kela kahunapule hoopunipuni o Odina, a nana keia mau hana paipai kipi ia'u i ko lakou Moi.  Ua maopopo ia'u me he aniani la oia ke kupuino, a i na e hiki ia'u ke hoopau aku i kona mana maluna o na kanaka, alaila e loaa no ka maluhia.

Eia ka oia ke kue mai nei no ia'u me ko'u ike ole, o kela wanana ana i hoopuni mai ai na Odina mai, no kuu mare me Elevira, nana wale no ia mau houpuupu ana, no ka mea ua manao au, aole na kekahi mana e ae maluna o keia honua, mailoko wale ae no ia o ke poo e kela kahuna ino hoopunipuni, a aolo he kauoha mailuna mai.  E Diana, aole anei e hiki ia oe ke hoike mai ia'u i ke kumu o ko Kaberana manao ana pela?

Ua nana ae la o Diana iluna, i ka maka o kona Moi, a kulou iho la ilalo, me kona hoomau ana no pela.

Malia paha, wahi hou a ua Moi opio nei i ka loaa ole ana mai o kekahi pane mai ia Diana mai, ua paa loa no paha kou manao, na Leila io no keia kauoha, e hoohui ia au me Elevira, ma ka hipuu paa loa o ka mare?

"Heaha ia e kuu Moi," wahi a Diana i pane koke mai ai me ke ano hoaa, aole he maopopo ia'u o ka'u haina e waiho aku ai imua ou e kuu haku opio, ua ike a ua lohe no hoi oe, he enemi ino loa no'u kela Kaberana, a ua lohe maju no hoi oe no ko'u kue maju i kana mau alakai ana, a aole ou manao he Akua e ae kekahi e liek me kana olelo, hookahi wale no, oia ke Akua oiaio, oia ko'u manaoio.

Ae, he oiaio kau e hoike mai nei, no ka mea, ua lohe au, no ke ake nui o ua kahuka nei e hoonalo aku ia oe mai keia ao aku, no ko'u ku mawaena ona a me kou kaikamahine Elevira, ka mea hoi ana e hookomo nei iloko o ka naau o kuu makaainana na Odina ka ia kauoha.

Pela io no e kuu Moi, ua makemake au e hai aku ia oe e Awareda, no ka makau ona ia'u, a no kuu hoapono ole i kana mau hana, a oia ke kumu o kona manao e hoopoino ia'u.

A---he mau kumu ano nui no anei kekahi au i ike ai e pili ana iaia, naha i kona mai ia oe e hilinai ole aku i kana mau hana.

E kala mai oe ia'u e kuu Moi, no kahi manawa okoa aku e loaa no ka haina piha o kau ninau, ina nae oe e ae mai ia'u. e kamailio e like me ko'u manao, aole hoi e nieniele mai a oi aku mamua o ka mea kupono, alaila e hoike iki aku no au i kekahi mea a'u i ike ai.

Aole i pau.

 

NA MAI O KE POO

KA MAKA, NA PEPEIAO,

KA WAHA, KA PUU-AI,

A ME KA UMAUMA,

---KA---

PUUWAI,

AKEMAMA,

OPU,

KE AKEPAA

---A ME---

PUUPAA;

I huipuia me na ma'i o ke keko a me ka ili, ua hiki loa ia

Dr. McLennan,

ke hoola ia mau pilikia a pau me ka hikiwawe ike mua ole ia.

O kana wahi i hoonaauuo ia ai ma ka ike lapaau, maloko no ia o na kula ao Kauka kaulana o Amerika Huipuia, a iloko o na makahiki he 14 i hala hope ae nei, ua ike ia ka holopono o kana mau lawelawe apaau ana ma na mahele mai i hoikeia ae nei maluna ma Kepalakiko, ma ke ola ana o kekahi poe mai i hooiloiloia e kekahi poe Kauka aole e ola.  E nana i kekahi mau hoike e pili ana no kona makaukau, iloko o kona mau la pokole o ka hiki ana mai i Honolulu nei, o kekahi mau mai i hanaia e na Kauka no kekahi mau mahina a no na makahiki kekahi, aole nae he loaa o ka oluolu, elike me---Mr. Geo. Sherwood e noho nei ma Waikiki, i ike ia e na mea a pau nona ka Hale Auau o Waikiki, na

DR. McLENNAN,

i hoopakele ae iaia no kekahi mau pule pokole, mailoko ae o kona mai loihi.  O Mr. J. T. Walakahauki, kekahi o na kalepa i kamaaina nui i ko ke kulanakauhale nei, na keia

DR. McLENNAN,

i hoola iaia mai ka Rumakika mai, oiai oia ma Kanalakiko he mau makahiki i hala ae nei, ka ma'i hoi nana i hoopilikia nui iaia ma Honolulu nei a holo ai no Europa, aole hae i ola a e olelo

DR. McLENNAN,

ola ai no na mea aku i koe, e hele a huipu me Mr. Walakahauki.  O Mr. Thos. hewwestie e hana nei ma ka Hui Hana Hao Lokahi, e mau makahiki loihi ae nei kona loaa ana i ka mai eha o ka opu, ua imi i ke ola aole nae he loaa, aka, he mea makehewa ko makou kamailio ana aku no ia mae, e pono no e ninau iaia, a nana o hoike mai .  Na

DR. McLENNAN,

i hoola ia Thomas P. Spencer o ka Elele, W. Heilbron o ka Halekuai Bipi Metapolitana, Mrs. Mary Robinson, he wahine Hawaii mai Paia, Maui mai, mai kona ma'i Akepau mai, o Geo. Townsend eneginia o ke Kaawai Helu Elua, mai kona mai mai me ka ili a me ke koko ino hanaia e kekahi poe kauka e ae a loaa ole ke ola, a na

DR. McLENNAN,

i lapaau a ola.  He lehulehu wale ka poe Hawaii i hoolaia, e pau ole ai @ keia kolamu.

O ka poe mai e makemake ana ia DR. McLENNAN, e hele ae ma kona keena Hana ma kona nahi noho, o ka poe o na a@ a pau me ka ma'i hookaawale ohana, ma ke Alanui Alakea, ma ka aoao ma Waikiki o k aHale Ahahui Opiopio o n ahaole, kahi hoi i noho hope loa ia iho nei e Dr. Luka.

Na Telepona

Bele Helu 197     Matela Helu 692.