Ka Leo o ka Lahui, Volume II, Number 544, 15 September 1892 — Page 4

KA LEO O KA LAHUI.

"E Mau ke Ea o ka Aina i ka Pono."

 

KA LEO

 

John E. Bush.

Luna Hooponopono a me Puuku.

HONOLULU, SEPTEMBER 15 ‘92

He Leta Haule.

Ahu Wale na mea Huna.

He Kamakamailio Malu.

HOOHENOIA NO KA LEO O KA LAHUI.

Pela no hoi me ke Sopa holoi, kai no hoi i ka hele o ka unahi a ua-nii o waho, e pau ana la ka lepo eia ka he hehee wale oia elike me ka hau.

            I ka hoomaka ana i kinohi, ua huna oia kona ano maoli, ua like oia me ka popoki huna lepo, ka mio a me ka ike ole ia o kana mau hana poholalo ma kuono.

            I ke au mai nei hoi o na Kale, hui kalo i ka na wao. Pau ka hiki ke hoomaopopoia, he oihana nani a hiehie ia iloko o ka aina, a oia ka’u i hoomanao ai, i ka inoa o na Kale ma ka moolelo Enelani.

            Oia hoi, he hookaumaha a me ka hana i na hana pelapela e haumia ai ka aina, mamuli o ka lilo ana o ka opiuma i ipo punahele na ka oihana makai.

            Aka ea, ua maopopo no paha ia oe na mea a pau ma keia hana, aka e hoike aku ana au ia oe me ka hookamani ole, o ka hala ana aku la no ia o na wahi haole ai dala o ka Halewai, me kekahi pepa e nonoi ana i ka Moiwahine aole e hoopau i ka Ilamuku.

            A ke manao nei au, e lawe hele ia mai ana iloko o ka puali makai keia palapala noi, a e nonoi aku ana au i kou oluolu, e hoomanawanui iki iho a hiki i ka po Poaono ae nei, i hiki ai ia’u ke hoike aku i na mea a pau.

            Me na lululima aloha pu ana, ua haalele aku la au iaia me na manaolana hauoli, no ke ako ana e hiki mai ka hopena o ka Manawa i kauoha mai ai ia’u e hele aku e ike hou iaia.

            No ka pau ole no o ko’u lealea holoholo, ua kamoe loa aku la ko’u alahele no ka huikau o ka Roiala Hotele, ike aku la au i kekahi poe e muu mokaki ana iluna o ka papahele, ua luhe i ka wai lohi o ke kino. Ua pau ka noonoo maikai, e kolo hele ana me he pokipoki la, a he hu maoli no ka aka i ka ike iho i ka oleha ae o ka onohi ike malalo ae o na lima.

            Ua haalele aku la au i keia wahi me na huikau o ka omole gini, a kamoe aku la ko@u alahele no ka hoi ana i ka home.

Aole i pau.

 

            Ke hoomaka la ka wiliko o Pahala i ka wili i keia mau la. Oia ka nani.

 

            Ke kaena nei ka poe hui mekanika, aole e puka kekahi moho holo alii ke ole ka lakou mau kakoo ana. Pela paha.

 

            Ua kaili ia aku e na lima o ka make ke keiki opio a Mr. me Mrs. R. N. Boyd ma ka Poalua nei, iloko o elima mahina o kona hanu ana i na ea huihui o keia ola ana. Aloha no.

 

            Ua hoopuka ae o Numana he mea ole wale no ina e hoopau ia ana oia mai ka Aha Kuhina mai me he la o kahi poe iho o lakou ka makemake loa e kakia kuinao ia e ka akamai.

 

HE OLELO PAPA.

            Ke hoolaha ia aku nei i na Agena a pau i kuleana e Haawi Palapala Laikini Ae Mare, a me na Luna Hooko Mare a puni ka Paeaina, aole e ae aku i Palapala Mare a aole hoi e Hoomare aku ia George Hueu Sandford, o Honolulu, Oahu, me kekahi wahine a kaikamahine o kekahi ano. He 17 wale no makahiki o keia George Hueu Sandford, aole ana hana kupono e hiki ai ke malama i ka wahine.

            O kekahi o na luna laikini a hooko mare i oleloia ae la e kue ana i keia, e hoopii ia no e like me ke kanawai, a e hooko ia no na hana e hoopau wale ai ia mare ana.

D. F. SANDFORD.

Makuakane o G. H. Sandford.

Honolulu, Sept. 2, 1892.

sept2 3ts.

 

HOOLAHA PA AUPUNI.

            E ike auanei na kanaka a pau eia ma ka Pa Aupuni o Makiki nei kekahi Pipi hele hewa me hookahi Pipi keiki (k) kea, eleele keokeo lokihi ma ke kua, eha wawae keokeo, keokeo ke poo aole hao kupi.

            Lio (w) hulupala ulaula eha wawae keokeo, keokeo ka lae, hao kuni ano e, kuni hope hema, kea no o keia hao kuni huikau. O ka mea a mau mea nona keia mau holoholona e pono e kii koke mai, o hala na la he 15 e kuai kudala akea ia aka ke hiki aku i ka la 17 o Sept. 1892.

D. KAOAO. Luna Pa Aupuni

Honolulu Sept 6, 1892

 

OLELO HOOLAHA.

            Ke kauoha aku nei ka mea nona ka inoa, maloko nei i ka poe a pau i aie ia ia, e oluolu e hooka mai i ko lakou aie, iloko o hookahi mahina mai keia Manawa aku. E pono na Hoaloha e hoolohe i keia leo, i lilo ai i mea pono no na aoao elua.

S. AH FAT.

Waikapu, August 31, 1892.

aug31 1md sept 2 1mw.         

 

HE HOOLAHA I KA AKEA.

E ike auanei na ano lahui a pau, e noho ana ma ke Aupuni Hawaii, mai na kane, wahine, a me na keiki; i loaa i na ma'i o kela a me keia ano, e nane mai i ko'u Keena hana, a na'u e hoopaa aku i na ehaeha a ka ma'i maluna o oukou e na makamaka, he hiki ia'u ke lapaau i na ano ma'i a pau, ma'i iloko o ka opu, hu'i ke kino, aki iloko o ka iwi eha o ke poo, ma'iwahine a pele aku. Mai hoololohe aku e na hoa, hele mai hookahi. hele mai elua, hele mai no a pau loa; he oluolu ka auhau, ke hui me ia ma na kukai olelo ana; ua makaukau wau e pulama mai i na kono ana mai mai na Moknpuni mai, me ka eleu a me ka hikiwawe loa, he makamaka a he hoaloha maikai no oukou e na Hawaii.

Owou iho no,

DR. LEONG KENG PONG.

Helu 40, Huina o na alanui Kamika me

Hotele, Honolulu, Oahu. Aug. 31. 1v.

 

HOOLAHA PAPA.

E ike aua nei na mea a pau ma keia, ke hoole aku nei au i ka hookaa ana i na aie a pau o kuu wahine mare, Mrs. Julian Kinney, a i ole o kekahi aie paha o’u ma ona la oiai ua haalele mai oia ia’u kana kane Mare.

Mr. K. W. KINNEY.

Hanalei, Kauai, Sept 7, 1892

1t-wkly*

 

Kauka Yong Kam

Pung.

(APANA.

 

Helu 53, Alanui Maunakea.

Ke Kauka Loea o ka

Aina Pua!

 

Ua hiki ke hoola ia kela a me keia ane

ma'i, mai ko na kane, wahine a me

na keiki liilii. O na ma'i ha-no

na hiki loa ia ke hoola ia me

ka maalahi. A o na ma'i

e pili ana i ka maka

pau pu ia i ke

ola. Ke

hoike ia aku nei,

ia aku nei.

eia ke ola ia nei, me

ka oluolu pu o kahi

auhau. Ka poo pilikia hanau

keiki a hele nui paha o ke koko,

a paa a lohi paha ka hanau ana, paa

paha o ka waiu, e hele nui mai i o'u ne

=> E KIPA mai e ka poe i hooluuluu ia me na haawina pilihuaa ka ma'i, a na'u oukou e honluulu aku.

KAUKA YONG KAM PUNG.

Honolulu Sept. 2, 1891. d3 272—

 

HOOLAHA HOU !

E ALA, E ALA.

B. F. Ehlers & Co--PAINAPA.

HELU 99 Alanui Papu.

E Hoolohe hou mai e na MAKAMAKA, mai no a lokeina, e hele mau

mai no oukou e ike ia PAINAPA, no ka mea, he kanaka oia i noho

a kamaaina i keia kulanakauhale.

 

AIA MA KONA HALEKUAI NA

Papale o na kamalii mai ka 25c a pii aku.

Kuka  “    “       “      $3   “   “

Kalakoa ano hou, he 8 i-a no 1 dala.

Na Kihei pili laula,  “  “  “ “  “

Papale Wahine . . . . . . . . . . . . . . . . . . .

Kinamu Nani 8 Ia . . . . . . . . . . . . . . . . . $ 1.00

Kalakoa Nani 18 Ia . . . . . . . . . . . . . . . . " 1.00

E kua aku ana MAKOU i ke makou mau waiwai a pau no he Kumukuai i haule iho i ko lakou mau Kumukuai mua.

Na Palule $2.50 he $1.50 wale me, a o na Palule $1.50, he $1.00 wale no. Ke ike mai la oukou i ka emi loa ana.

Kupaianaha maoli keia emi naaupo ana e hele koho mai, o nele awa@ oukou.

B. F. EHLERS & CO

 

Kuai Hoopau!

Kuai Hoopau!

Elike me ka mea maa mau

I na Makahiki a pau!

MA KAHI O

N. S. Sachs,

104 Alanui Papu, Honolulu.

E Hoomaka Ana ma ka Poakahi, Aug. 29,

NO NA PULE POLOLEI HE ELUA NO

Ona Waiwai a pau e haawi ia aku ana

MA KE KUMUKUAI I HAULE IHO I KE KUMULILO.

He Kuai Kio   Aole he Apiki!!

 

            He hookahi no a makou kuai huepau o ka makahiki, a ma ia wa wale no makou e hooemi ai i ka makou mau mea kuai iloko o ka nalekuai, aole e like me kekahi mau halekuai e ae, ka hooemi i kekahi no ka hoowalewale ana, a koe no kekahi, he oiaio ka makou, a o ka oiaio wale no.

He Emi me ka Makepono na Mea a pau.

            A eia ma’alo iho nei kekahi o ka makou mau kumu kuai iloko o keia kuai no na pule elua wale no aole oi aku:

20 I-a Kuhaenalo no               $1.00               Paleili komo o na kane, 5 no $1.00

12 “  “ Keokeo hinuhinu      “                     Na Palule i aiana ole ia, he    50c

20 “  Kalakoa paa no         “                      Na Lakeke kalakoa o na kamalii

Na Lole Keokeo maikai, kahakaha                 5 no                         $1.00

me kikokiko aulii 8 i-a no     “                     Na lole keokeo i hana lauia o na

Na Ginamu nani 10 i-a        “                      Wahine, hoemiia no $4.75 o ka lole

10 i-a Huluhulu Canetona       “                     Kaliki o na Wahine, hoemiia  40c

5   “ Setina maikai loa        “                      Aikala lilina  “       3 no ka 25c

Na Alapia Eleele, maikai loa                           Na hainaka hooluu like ole o hai

laula, o kea no maikai, hoemiia he                  he 60c no @ makini.

hookahi i-a no ke                     40c                  Papale hele la o na keiki          25c

                                                                        Na Kawele auau nunni he       25c

 

            O na kumukuai maluna ae e hooko aku ana makou no keia Manawa wale no o ka makou kuai hoopau, oia hoi no

Elua Pule Wale no.

:N. S. Sachs:

tf         104 Alanui Papu, Honolulu.