Ka Leo o ka Lahui, Volume II, Number 556, 3 October 1892 — Page 3

KA LEO O KA LAHUI.

"E Mau ke Ea o ka Aina i ka Pono."

 

  He kuai aina ma ka kudala ko keia Poaha ae nei, Okatoba 6, hora 12 awakea, ma ke alo iho o Aliiolani Hale.

 

  Piha pono na pa papa o ke kulanakauhale nei i keia mau la me ka iole Monegose o kela a me keia ano, mai ke nui a ka liilii.

 

  Ua makemake na Luna Nana o ka Papa Nana o ka Apana 5, mahele 1, i ka poe Koho Balota oia mahele a paa pu aku i ka la apopo i ko lakou mau Palapala Hookaa Auhau a Palapala Hookuu Auhau paha ma ke Kanawai.  E nana ae i ka hoolaha e puka aku nei.

 

  Nui ka hana a na Agena o ka Papa Ola i keia mau la ma ke kaapuni ane i ke kulanakauhale nei.  Ua hiki, o ke ola - o ke ola ka mea maikai no ka mea a pau.

 

  O ka Poaono ae nei ka la e malamaia ai kela heihei e kaao mau ia nei mawaena o na hui waapu Healani me Matala, ilalo o Manana.  Nawai la auanei o laua ka eha?

 

  Ua awaiaulu ia e Rev. H. H. Paleka maloko o ka luakini o Kawaiahao i ka poe ka la 29 o ka mahina i hala, o Eleazara Lakaro me Miss Julia Steineck.  He mea maikai ka mare no na mea a pau.

 

  Nui ka hauoli o na makai i ke kakahiaka o ka Poaono nei, i ka manawa a kekahi kaa i hoea aku ai i Kalakaua Hale me kekahi mau eke dala mai ka waihona Aupuni mai, mahope iho o ka pupu ana o ke kai o ke alalaua i ka la mamua iho.

 

  Ua hookohuia ko makou makamaka Keoni Hapa i ka Poakolu i hala i Luna no ka hopu ana i na holoholona hele hewa mai Moanalua a ka uwapo a Haaliliamanu, mai ke alanui Liliha a ke alanui Kauka, ma ke alanui Kauka a ke alanui Nuuanu, a maluna hoi o ka aina Aupuni ma Kalihi, Honolulu, Oahu.

 

NA MOHO ALII

O KA

MOKUPUNI O OAHU

 

NO EONO MAKAHIKI

HENRY WATERHOUSE

 

NO EHA MAKAHIKI

MARK ROBINSON

O Na Moho keia a ka Aoao Liberala Holomua.

 

KUAI HOOPAU AIWAIWA!

ANI KE KAWELU O LANIHULI.   HE MAI!

O ka hoomaka ana o ka makou kuai nui, aia ia ma ka

Ka Heiau o na Paikini, Kihi o na Alanui Papu me Hotele.

Poakahi, Okataba 3, Hora 8:30 Kakahiaka.

 

Ma na Kumukuai Haahaa a emi loa, oia hoi e hookuu mai ana a waiho o MR. S. EURLICH i ka Oihana.  Nolaila ke kono aku nei Makou i ko Makou Makamaka a me na Hoa'loha e naue mai ma ko Makou Halekuai nei i ike ai oukou i ka

 

Wai Alohi o Mana a me na Nani Kupaoa o Aipo,

KA HELU EKAHI O KA EMI MA KEIA PAEAINA.

 

O ko Makou mau Waiwai a pau e la ia aku ana imua o Oukou, he mau Waiwai kupono loa no ke kumukuai oluolu a emi maoli no hoi, a o ua mau waiwai la he mau Waiwai omamaka hou wale no i waeia e Makou i mea e hoolawa pono ia ai ko oukou makemake.

 

HE KUAI HOOPAU NUI KEIA,

I mea i lilo ai keia kuai ana i mea hoohoihoi, ke olelo aku nei makou i na mea a pau, aia ma ka la e wehe ai keia kuai ana, mai ka 10c. a ke $50 dala - e hoihoi ia aku hoi ke kala oia kuai ana a e mau aku me ka mea kuai kana mea i kuaiai.

 

Pehea la ka Loihi e Hoomauia ai keia Kulana Kuai Aiwaiwa?

E pane makou i keia ninau, penei:  E hoomauia aku ana keia kulana kuai a hiki i ka pau loa ana o na waiwai o ka Halekuai.  Ke hea aku nei makou ia oukou a pau, E kipa mai.  A e hoomanao , o ka POAKAHI, OKATOBA 3, 1892, he la kulaia nui ia no ko makou kuai hoopau ana. Weheia na puka ma ka hora 8:30 ponoi o ke kakahiaka.

MR. S. EHRLICH.

  Sept. 28.  tf-d1y                                             KIHI O NA ALANUI PAPU ME HOTELE.

 

Hoomaha mai ka hana ae!

O ka Makou mau Waiwai i pau e kuai ia aku ana ma Ianuari 1, 1893 ma ka

Akahi Hapakolu o ke Kumulilo.

E aho e kipa mai ma ko Makou Halekuai nei, a e panihakahakaia lio ia hana ana ou.

 

E Hoomanao i ka makou mau Kumukuai!

8    I-a  Keokeo Vitoria maikai.............................................................     60c

12  I-a  Keokeo Paina........................................................................... $1.00

20  I-a  Kalakoa.................................................................................... $1.00

10  I-a  Ginamu..................................................................................... $1.00

Aikala o na Wahine, no 3.....................................................................      25c

Na Papale Io-laiki o na Kamalii...........................................................      15c

Ke ahua nui o na Ribine me na Lihilihi, ke ano maikai loa o na

  Mikilima no........................................................................................  $1.00

  E hele mai i hookahi, e hele mai no a pau loa, mai ke nui a ka liilii.

Chas. J. Fishels.

  350-tfd.                                          Halekuai alakai o na kumukuai haahaa loa.

 

 

HOOLAHA NO KA MANAWA

EGANA & GUNN.

 

ALANUI PAPU, Na Hale Hou o BURUA MA, Helu 100.

MAI A MAHOPE AKU O KA LA EKAHI O APERILA, E HOOKELE

ANA MAKOU I KA MAKOU KUAI ANA MA

KE DALA KUIKE WALE NO.

Ua makemake makou e hookaa ia na bila e aie nei ia makou ma ia wa

E hoomau ia aku no ko makou  kuai hoopau ana a hiki i ka la mua o Aperila.

I loaa ai hoi he kowa kupono no na WAIWAI HOU o kela ano keia ano he nui loa,

i kupono hoi no ke Kau e linohau ai:

 

Na Mikilima aulii,

Na Ribine hoohuelo,

Na Lei-a'i, na Silika pahee,

Na Paa Lole Huluhulu pahee o na ano like ole.

Na Kasimea o na ano a pau,

Na Paku nanahe no na mea a hoopulelo ai,

Na pale puka aniani a me na pale puka komo, e kinikohu ai ke nana aku,

Na Paa lole hoopumehana o na kama a kakou, hui pu hoi me ka panio o na papale.

Na Papale Kapu.

Na Papale hulu.

Na Eke paa lima.

Na Paiki ili palua i kupono no ka holomoku.

Na A'ikala o na ano a pau,

Na Kakini hoopumehana, o na ano he nui.

A PELA AKU,    A PELA AKU.

HELE MAI HOOKAHI, HELE MAI ELUA, HELE MAI NO A PAU LOA.  E WAE OK NOU IHO, A KU I KE KOIKOI, ALAILA HIU AE, LAWE NO A LILO.

E hele mai o ike i nakuai hoohaule nui ana a makou o kukala aku nei i ke akea:

EGANA ME GUNN,

  ALANUI PAPU, HELU 100.                                                           @d.