Ka Leo o ka Lahui, Volume II, Number 564, 13 October 1892 — Page 2

KA LEO O KA LAHUI.

"E Mau ke Ea o ka Aina i ka Pono."

 

KA LEO O KA LAHUI.

 

 

JNO. E. BUSH.

 

Lunahooponopono a me Puuku.

 

 

POAHA OKATOBA 13, 1892.

 

KA WAIHONA AUPUNI.

 

            Ua lohe mai makou, mai ka poe i ike, ua kokua mai na baneko o ke kulanakauhale nei, i ka pilikia aie o ke aupuni, he kanahiku-kuma-malima tausani. i ka poe i kikoo mai i ka lakou dala mai ka Baneko Hale Leta, aole no ka hilinai ia o ka aha Kuhina, aka, no ke aloha ia o ka poe e hoopilikia ia ana ina aole he dala a ke aupuni e hookaa aku ana ia lakou. I ka loaa ana o keia dala i ke aupuni, lohe hou aku nei na baneko e manao ana ke aupuni e uku aku i kekahi hapa o keia dala i na lilo hookele o ke aupuni. ma ke ano hana maalea. i ka la hope o ka mahina i hala aku la. I ko lakou lohe ana i keia manao ano hoopololei ole o ka Aha Kuhina. ua kauoha koke ia ka oihana waiwai, e hoomalu a e hoopaa i kela dala, aole e hoololi no kekahi mea e ae, koe wale no, no ka mea a na baneko i hoaie mai ai i ke aupuni, oia hoi, no ka hookaa ana i na aie baneko houluulu hale leta. He mau hana kupanaha keia e hoike ana i ke kupiikii o ke kulana o ka waihona, e like me ia a ke Kuhina Sam'l Parker i olelo mua ai, ua banekarupa mua ia.

 

            I ahona ka waihona i na dala o ka Hale Dute mai, a mai na wahi lala auhau. Ina aole no keia, ina no paha ua hiki ole maoli no i ke aupunike uku i kona mau paalima hana. O keia kaulana, ua ike mua makou, a ua paakiki ka Lunamakaainana o Koolaupoko, i kakoo ia e kona mau hoa, a e ka aoao hoomaemae, o ka hooemi lilo wale no ka manaolana e mau ai ka inoa maikai o ke aupuni. a e pakele ai mai ka haule ana i ka hoaa a hiki ole ke hookaa no kona mau lilo ponei iho. Aka, aole pele ka manao o na hoa i holo aku nei malalo o ka eheu o na Kuhina. e launa kapulu ai, a e hoohemahema ai i ka hana kupono e hoomau ia ai ka ea o ka aina. O keia mau kalaiaina ana ka na hoa o ka aoao Liberala i hoohiki ai o kakoo. a ke hoomau nei no na Mea Hanohano Eilikoki. Akepoka a me Buki ma ia kulana, aka, aia aku nei nae na hoa me Robine kahi i hanuhanu ai i ka hunahuna helelei mai ka papa aina a ka Aha Kuhina, e like me Lakaro. Aloha no paha ka lahui i ka pouli mamuli o na alakai pouli a ka poe e hea nei, he ilio hae, oiai aole he ilio hae, @ paha na ilio pololi e au hele nei ma na hila o ka aha Kuhina.

 

KA BILA LOTERE.

 

            Ua hapai ia ka noonoo ana o ka bila lotere i nehinei, a mahope o ekhi mau olelo pokole ua noi ia e hoopanee loa, a ua noi ia mai no hoi e haawi ia i kekahi komite. Ma ke koho ana ma ka noopanee loa, ua kahea ia na inoa, a penei ke koho ana a na hoa o ka Hale i hiki mai:

 

MA KA HOOPANEE

 

            J. A. Cummins                        A. Kauhi

            J. Kauhane                              J. E . Bush

            J. M. Horner                            K. M. Koahou

            R. R. Hind                              A. Horner

            J. Marsden                               W. Edmonds

            W. Y. Horner                          J. Kaluna

            Jas. Anderson                          J. K. Iosepa

            P. P. Kanoa                             W. O. Smith

            W. C. Wilder                           A. S. Wilcox

 

MA KA AOAO O KA BILA.

 

E. C. Macfarlane                                 S. K. Aki

C. T Gulick                                         J. W. Bipikane

C. O. Berger                                        L. K. Pua

C. L. Hopkins                                     R. W. Wilcox

J. K. Kaunamano                                D. W. Pua

J. H. Waipuilani                                  A. P. Peterson

J. N. S. Williams                                 J. N. Kapahu

C. B. Maile                                          T. S. Nahinu

J. G. Hoapili                                        Wm. White

W. H. Conwell                                    J. A. Akina

L. W. P. Kahealii                                A. Drier

 

            Ma ka aoao hoopanee, i hiki ole mai i ke koho ana, oia no o--H. P. Baldwin, J. Ena, Alex. Young, G. N. Wilcox, R. D. Walbridge, C. W. Ashford a me L. A. Thurston.

            Ma ka aoao o ka Bila i hiki ole mai a koho, oia o--Samuel Parker, J. K. Kaunamaho. Paul Numana, J. Nawahi.

            Ma keia e ike ia al@ka mahele ana o ka Hale, a o ka mea oi loa aku nae oia no ka Levi-i-Levi ole ia, a oia no ke kumu i Lewi-ole-ia-ai, a no ka pihoihoi loa o Levi ia mai. Penei kakou e ike iho ai i ka poe piliwaiwai lulu lotere, a me ka poe i makemake ole ia ano hana.

 

HOIKE

 

A KE

 

KOMITE WAIWAI

 

I KA

 

HALE AHAOLELO O 1892.

 

OIHANA HOOKOLOKOLO.

            Ua maikai loa maoli ka haha o Keena, a ua malamaia na Buke o keia keena me ka makaukau.

            E huipu ana me na Buke nui o ka oihana. ua malamaia he Buke Legera moolelo. a maloko olaila i hoopaaia ai na moolelo o na hoopii hoohalahala a pau, a pela pu hoi me na Loaa a me na Lilo o kela a me keia hihia.

            Ua kupono keia buke no ka hana oloko o keia Keena a he Pani ia no ka Buke Legera a me ka Buke Dala.

            He maikai ke kulana hoohana o na Buke ma keia Keena.

            Ua heluia ke dala a ikeia ka pololei.

 

KEENA O KO NA AINA E.

            O na mea ma keia Keena, oia no na hoolilo i hookaawaleia a me na loaa i hoihoiia aku iloko o ka Waihona Waiwai ma ka helu o ka Waihona Dala no ka HOopaelimahana a me na loaa mai na Kanikela mai ma ko na aina e.

            Ua maikai me ka malau ka malamaia ana o na Buke.

            Ua ikeia ke kulike ana o ka huina dala koena ma na buke me ka huina dala maoli ma ka waihona.

            Ua kulike hoi na Loaa a me na Hoolilo me na huina i hoike ia e ke Keena Waiwai.

            Ma ka hooiaio ana i ke dala o keia Keena, ua loaa he huina o $80.50 ua hookomoia iloko o kekahi wa-he leta, a ua kakauia mawaho ma ke ano he waiwai ia no Col. V. V. Akepoka. a he dala hoi ia i kakau ai oia he palapala hookaa, a mahope hoole, me ka olelo ana aole ia o ka huina dala i kuleana ai ia.

            He huina hoi kekahi o $119.75 i loaa mai ke Kanikela Kenerala Hawaii mai o Nu Ioka. oia ka loaa no ka waiwai o kekahi Luna Hawaii ikeia ma ka imoa o Thomas. Ua hoonoho ia aku oia maloko o ka Halemai Long Island o Nu loka mai ka moku kiapa Beritania aku, nona ka inoa o Anglesia. ua kepaia oia maluna o ua moku la ma Rio Janeiro. Ua make oia ma ka la 30 o Maraki, 1892. Aole he pane i loaa mai no na hoolaha a keia Keena no kona poe hooilina.

 

KAU AHAOLELO O 1892.

 

LA HANA 105.

            Paakahi, Oct. 10.

 

            Aponoia ka moolelo o ka halawai i hala.

 

Na Palapala Hoopii.

 

            Kapahu, palapala hoopii mai Kau Hawaii mai, e noi ana e hoihoi aku ke aupuni i na dala he $25.00 ia D. W. K. Thompson, oiai. oia i haalele ai i kona holo balota, haawiia i ke komite hookolokolo.

            Kaluna, palapala hoopii mai Makawao mai, e noi ana e lapaau ia na Pukiki ma na halemai a pau o ke aupuni me ka uku ole haawiia i ke komite malama ola.

            Kaunamano, palapala hoopii mai Hamakua Hawaii mai, e noi ana e ae ia ka bila lulu Lusiana.

            Nana no, e haawiia i puu dala no ka malama ana i ke juile haawiia i ke komite huikau.

            A. S. @Wilikoki, palapala hoopii mai Hanale: Kauai mai. e hookaawaleia ma ka bila haawina i $12.000 no ka hoomaemae ana i na alanui me na alaha@a o ia wahi, haawiia i ke komite o na hana hou, a me na aina aupuni.

            R. W. Wilikoki. palapala hoopii mai Koolauloa Oahu mai, e noi ana e hoopauia ka auhau o na makua moa keiki nui, haawiia i ke komite hoonaauao.

            Noi ka luna o ka apana 3 e wehe ia ae ka bila helu 157A mai na hana ae o ka la, hooleia.

 

Na Olelo Hooholo

 

            Kapahu, he mau ninau i ke Kuhina Kalaiaina, e hoolako aku i ka Hale Leta o Kau, me na hoailona pai.

 

            Kamika, nio e kapaeia na rula, heluhelu mai oia he palapala hoopii mai ka Papa Hawaii mai, e noi ana aole e hooholo ia ka bila lulu waihoia a noonoo pu me ka bila kanawai.

 

Na Hana Pau Ole.

 

            Noonoo ana o ka bila helu 93 e hoakaka ai i na hana a na Kuhina a me na luna e ae o ke aupuni, ua hooholoia ka bila no ka heluhelu 3 ana.

 

Hora 12 hoomaha ka hale.

 

Auina La.

 

            Bila Helu 67 e hoomaopopo ai no ka helu ana i na kane noho paa o keia aupuni.

 

            Heluhelu ka hoike a ka hapa, nui a me ka hapa uuku o ke komite. noi ka luna o Waialua e hoopanee loa, hoole ia; noi ka luna o Hamakua e noonoo pakahi ia na pauku, aponoia.

 

            Mahope iho o ka noonoo ana a me ke kuka ana o na hoa ua hooholoia kahi mau pauku o ka bila 67. a ua waiho kekahi i ke komite. Eia na komite: Kakina, Lolo Kuhina, Maile, Buki me Waila.

            Hoike mai ka Loio Kuhina, ua ike oia i na mea a pau e pili ana i ka Hamuku, noi oia e haawi hou i ke komite wae.

            Kue ka luna o ka apana 3 a me Kakina i keia noi a ka Loio Kuhina aole pono o keia hana.

            Ma ke noi a Akenoka na hoomaha ka Hale i ka hora 4 pm.

 

NU HOU KULOKO.

 

Ahaolelo ko keia la, hora 10.

 

            Na ka mokuahi Iwalani @ hoopaa aku ana na awa o Kauai o ka Mikahala, no na kalepa elua.

 

            Ua holo aku ma ke awakea onehinei ka Auseteralia, me kekahi mau kamaaina kahiko o ke kulanakauhale nei no Kapalakiko.

 

            O kela hoopii koi poho a Miss. Alice. K. Ayers e pili ana ia Mr. W. Mahuka, ua hoopuka na jirue i ka pono ma ka aoao o ka inoa hope.

 

            Ma kela po aku nei, ua paa i ke anapuni a Limaloa kekah Pukiki; no ka hoopoino ana i kana wahine a kokoke e haalele mai ka haau o ke ola. Puipui mai nei hoi na hopuhopu o keia mahina.

 

            Ua hopuia kekahi mau Pake o ke awawa o Pauoa i ka po Poakolu nei. no ka pepehi ana i kekahi oia lahui hookahi a kokoke e pau ko ola. O ke kumu o ka hewa i ulu ma ai ka hakaka, he pono wai.

 

            Omamalu ka la inehinei i poluluhi poipu wale ia no mai kakahiaka mai a hiki wale i ke ahiahi ana.

           

            O ka hihia o kela mau Pake elua i hopu ia ai i ka po Poakahi nei, me kela heluna nui o na tini opiuma, na hoopanee ia mai ka noonoo ana a keia kakahiaka.

 

            I keia la e malama hoomano aia o Hon. a me Mrs. S. N. Kakela, ma ko laua wahi noho, i ka piha ana ia laua o na makahiki he 50 o ka noho ana iloko o ke apo o ka mare.

 

HOOLAHA HOOKO MORAKI.

 

            Mamuli o kekahi mana kuai i hoike ia maloko o kekahi palapala moraki i hana ia mawaena o Daniela P. Namauu o ka aoao mua, a me Henry Smith, [Trustee] o ka aoao elua, ma ka la 12 o Feberuari 1891, i kakau kope ia ma ka buke 131 aoao 159 a mamuli o ka uhai ia ana o na kumu aelike o kela moraki, oia hoi ka hookaa ole ia o ke kumupaa a me ukupanee, nolaila ke hoolaha ia aku nei e ka mea nona ka aoao elua o ua moraki nei, e hooko ana oia ia mana kuai.

            A ke hoolaha hou ia aku nei. aia mahope aku o na pule ekolu mai keia la aku, e hoolaha ia aku na aina i hoike ia ma ia Moraki no ke kudala ana ma ke Keena Kudala o Jas. F. Morgan, ma Honolulu, ma ka la 19 o Novemaba 1892, hora 12 o ia la.

            Aia ma kahi o C. W. Akepoka, Loio ma ka aoao Moraki, na olelo hoakaka hou aku no keia mea.

Hana ia i keia la 11 o Okatoba 1892.

HENRY SMITH,

Malama Waiwai

                        Mea Moraki Mai.

 

            Penei na aina i moraki ia:

            1.--O ka pahale a pau e waiho la ma Kapalama, Honolulu, i hoike maopopo ia iloko o kekahi palapala kuai mai a Wiliama C. Aki mai ia Daniela P. Namanu i olelo ia, i hanaia ma ka la 7 o Ianuari, 1891, i kakau kope ia ma ka Buke--aoao--

            2.--O na pahale a pau e waiho ana ma Waikakuu. Kona Hema, Hawaii, i hoike maopopo loa ia maloko o ka Palapala Sila Nui 3141 ia Kekaula, nona ka ili a pau o 220 eka, a i hoolilooia e Kekaula i oleloia ia Mr. K. Lumaawe, ma kekahi palapala kuai i kakau kope ia ma ka Buke 85, aoao 406, a mai a Lumaawe mai hooliloia i ka mea moraki i oleloia, ma ka palapala kuai i kakau kope ia maloko o ka Buke 127, aoao 329.

            3.--O na pa hale a pau e waiho ana ma Kaohe, S. Kona, Hawaii, i hoike maopopo ia ma ka Palapala Sila Nui 6001, Palapala Hookuloana Helu 7494 ia Kekaula, a i hooliloia i ka mea moraki ma ka palapala kuai i oleloia ae nei a Lumaawe.

Oct. 13.                       2wk.-dly.         2wk.-wkly.

 

HOOLAHA PA AUPUNI.

 

            E ike auanei na kanaka apau eia ma ka Pa Aupuni o Makiki nei kekahi mau lio hele newa, @o w ahinahina keokeo aole ike ia ka hao kuni. Lio k kea hauliuli. 1 wawe keokeo hope hema, hao K kuni aoao hema o ka ai. Lio k eleele 3 wawae keokeo, keokeo ka lae me ka ihu. hao kuni anoa. Lio w ulaula. 2 wawao keokeo hope, keokeo ka lae me ka ihu. hao kuni anoe ma ka akau hope. O ka mea a mau mea paha noha keia mau lio, e pono e kii koke mai o hala na la he 15, e kuai kukala akea ia aku k@ hiki aku i ka la 22 o keia mahina.

                                                                                    D. KAOAO.

                                                                                                Luna Pa Aupuni.

Makiki, Honolulu Oct. 11  tf-dly.