Ka Leo o ka Lahui, Volume II, Number 567, 18 October 1892 — Page 1

KA LEO O KA LAHUI.

"E Mau ke Ea o ka Aina i ka Pono."

Buke II.     HONOLULU  OKATOBA 18, 1892.     HELU 567

HE MOOLELO KAILI PUUWAI

---NO---

SENIA LUTERA

Ka Ui Puuwai Mabala

---:O:---

ENELANI KAHIKO.

 A I OLE

He Nanea Hooheno

no kekahi Kauna

Wahine Opio me

kana mau Aloha

Ekolu.

(Mai ka peni mai a ka mea kakau o Ava-

reda, a pela aku.)

MOKUNA XII.

Me na maka paha'oha'o. ike aku

la oia ina hiona weliweli e ka-

ukolo mau nei mahope ona

A mawaho ae oia ua loaa pu no hoi ua Senia nei he hoaloha maikai nona--he ui a he nani, he kaikamahine hookahi hoi na kekahi o na kanaka waiwai o Enelani, nona ka inoa i kamaiaina ma ka waha o na mea a pau, o ka Ui Iulia Sevila, a he nui a he lehulehu ka poi i make me ka pupule i ke aloha nona, no ka me he mau helehelena kona e nele ole ai ka moni o k ahaae o na opio o ka aoao oolea.

O kona oiwi kino aole i ka loihi loa a aole no hoi i ka hee loa, aka i ka hapalua like a ke aloha, a oiai ua hala aku kona mau makua ma kela huli okeia ola ana, a koe hookahi iho oia i keia ao, nolaila ua lawe aia i ka mea nona keia moolelo i aikane nana, ma ka hora mua loa o ko laua hui ana kekahi me kekahi.

Ua aloha ua mau opuu pua nei kekahi i kekahi, i ke aloha pume hana a auau o ke aikane i ke aikane, e like me ke ano mau mawaena o na wahine, mahope iho o Mavila ke aloha aua Senia nei, ka mea hoi ana i hoomana ai me he Akua la, ma ke aloha, aole he mea e ae a ua Senia nei i aloha a i o ua nohea Iulia wale nei no. ka mea hoi ana i haawi aku ai i ke aloha i ko ka hanau mua i ka pokii.

E hoomaka ana ka kakaua hoomaikai mua ana ma keia mokuna, mahope o ka haalele ana mai o na kukuna malamalama o ka la i kana hoopumehana ana ia Enelani haaheo.

I ka hohola ana mai o na kini o ka po, aia hoi ua kauluwela ae la na paia o ka Hale Kakela Keokoe me na haneri o na kukui waiholulu like ole, mai ka pukapa nui mai o ka hale kakela a hiki iluna i ka puoa kahi winiwini, a ua like ka malamalama o na aoao a pau o ka halekakela, me ka la opuu kakahiaka, ke aniani o na mea apau, maopopo ke au uui me ke au iki, ke kane a me ka wahine, ka ilio hoi a me na keiki.  Hu ka aka a@a.

Ua hoohiwahia ia ae la ua hale Kakela nei me na wehi uliuli o ka uka waokele e holo ana hoi ka aala o na pua ma na wahi a pau o ua home nani nei, o ka mea nona keia nanha, a he mahalo wale no ka mea e hiki i ka poe i kona ia ke olelo ae.

O keia mau hoohiwahiwa a pau i ike i ae nei, oia no ka malama ia ana o ka lahanau o ka ui Senia, a e hoohanohano ia ano hoi, ma o ka haawi ia ana o kekahi aha hulahula Europa.

He mau pule i kaa hope aku, o ke kaao hookahi iho la ia ma kawaha ona mea apau, e kuko ana no ka hiki koke mai o ua po lealea nei o halalii.  He oiaio no ua ko ka lakou mau kuko ana, oiai ua hiki mai ka hora o kela lede, e kahiko ai iaia iho me na nani a pau i loaa iaia, no ka hiki ana aku iloko o ka uluwehiwehi o ke Kakela Keokeo, kahi hoi o ka mea nona ka la, e kakali malie maila, no ka hookipa pumehana ana aku i ka poe a pau i kono ia.

I loko o keia manawa, aia ka ui Senia maloko o kona rumi komo kapa kahi i kakiko ai iaia iho, a ua like kanani o kona mau onohi maka ma ia po me na pohaku daimana e waiho mokaki mai ana maluna o kona pahuume, a ua hekau pu aku la hoi na waihooluu ula ohelohelo ma kona mau papalina nohenohea, i like me na opuu pua roselani e kau mai ana iloko o ke kiaha gula ma kona pakaukau, e kakali ana hoi no ka hiki mai o ka manawa e ako ia aku ai o ua mau opuu rose nei, no ke kau ana iluna o na owili lauoho nani o ua ui hoonaue puuwai nei.

Aole i pau.

HE MOOLELO

---:NO KE KEIKIALII:---

AWAREDA!

a me

KA UI LEILA

o Noremadi.

(Ka Kakauia no Ka Leo.)

MOKUNA XVIII.

Hopu pio io o Awareda a me kona

mou hoaloha.

Ua hoao iho lakou e like me ka hiki no ka puliki ana mai i kona ola, a oiai o Diana e kulou ana maluna o ke poo o ua nohea nei, ka mea nona na iima aloha nana i kokua ma ka hoihoi ho@ ana mai i ke ola iloko ona, namunamu malie iho la oia penei:

Ina e hoi hou mai ka palekana ia oe e kuu hoa aumeume o ke ola me ka make, alaila na lawe ka'u hoomanawai ana no kela Kaberana no ka mea ua oi wale aku kana mau mea i hana ai mamua o ke mea hiki ia'u ke hoomanawanui.

Ua pepehi mai no oia ia'u, a mai make no au ina aole ke aloha mai o na lani.  Me ke aloha ole ua hapai ae la kona lima a lumai mai la iloko o'u i ka pahi o ka make.  Ua uwalo aku au imua ona aole nae oia i naau aloha mai.

Nolaila he mea makehewa ia'u ke hoomanawanui hou nona, a no ka ino ana i hana mai ai no'u, e huai nau aku ana au i kana mau mea huna a pau, i mea nona e ike ai i ka hewa o kona mea i hana ai.

MOKUNA XIX.

            He Make Olelo Hooholo no

Awareda.

Ma ka waenakonu o kekahi po, ua hookomo aku la kekahi moku ma ke awa o ke kulanakauhale o Wavela, me kana ukana makamae e halihali ana no ka hoopaa ana ma kahi paa.

Oiai ua haawi o Terorino i kana olelo e hoike aku ia no ka loaa ana o kana mea i hoounaia ai e imi, nolaila, ua motio pololei aku la oia no ka hale'lii, kahi hoi a ka Moi Morica ke kuapuu e kakali mai la no ka hoea aku o kekahi lono imua imua ona no ka loaa o Awareda.

I ka hoea ana aku o na Teorino nei i ka hale'lii, aia hoi e hiolani ana no ua Morica puuwai koko nei maloko o kona rumi noe; a i ka hai ia ana aku o ka lohe iaia aia o Teorino mawaho kahi i kakali ai nona, ua ala ae la oia a puka koke mai la iwaho no ka halawai ana me kona kapena.

Ua loaa anei kahi keiki lapuwale a Keratina? wahi a ua kuapuu nei.

Ae, wahi a Teorino.

E lawe koke mai iaia imua o'u wahi a ua lima koko nei.

Me keia mau olelo maluna ae, huli hoi aku la ke kapena no ka moku, a oiai oia ma ke alahele hoouna aku la oia i kekahi o kana mau elele no ka hai ana aku i ka lohe i ke kahunapule hoopunipuni ua ku mai oia.

He manawa poeleele loa ka wa o Awareda i alakai ia mai ai mai ka moku mai no ka hale'lii, a aole he hookahi o kona mau hoaloha i ike mai iaia.  Ua lawe loa aku la oia a ma ka rumi hookipa alii, ke keena hoi a kona mau kapuai alii  i hehiki ai  i na la i hala, a keia kuapuu ino hoi e hookohukohu mai nei me ka manao piha haakei nona ia kakela ana e hookano nei.

I ko Awareda lawe ia ana aku, aia hoi e noho hookohukohu mai ana ua kopuino nei maluna o ka noho moi, me kona hoopuni ia ana hoi e kona mau ukali he umi kumamaiua.

Ua hoomalamalama ia ua keena hookipa nei me na ihoiho he nui, e ahuwale ai na mea a pau o loko me ke koe ole hookahi; e hiki pono ai hoi i na maka popoki o ua ino nei ke ike pono ina helehelena ui o ka kaua opio, ana hoi i makaeleele loa ai i ka inaina, a i hooholo ai iloko o kona puuwai eleele a manao hoaloha ole, a hookau aku i ka hoopai o ka make maluna o ka oiwai kino o ka kaua opio.

Aole i pau.

Hoolaha a ka Malama Waiwai.

Ke hoolaha aku nei ka mea nona ka inoa malalo, ua hookohu ia aku oia i Malama Waiwai o na Waiwai a pau o Lydia K. Kamakaia a me Samuela Kamakaia, kana kane, ma kekahi palapala hookohu malama waiwai i hana ia i keia la.

Ke hoolaha ia aku nei ma keia e hookaa koke mai ka poe i aie ma ko'u lima.

Honolulu, Sept. 10, 1892.

Ke hoike aku nei ka mea nona ka inoa malalo nei, o na aie a pau i hoaie ia e Lydia K. Kamakaia a me Samuela Kamakaia kana kane mare, mahope o ka puka ana o ke ia hoolaha, aole no e uku ia me ko'u kakau inoa ole, a ke kauoha pu ia aku nei ka poe he mau aie ko laua ia lakou, e waiho koke mai i ka lakou mau koi ma ka la hope o na mahina a pau.

ABRAHAM FERNANDEZ.

(Aberahama.)

Ma kahi o E. O. Hall & Son.

Malama Waiwai o Lydia K. Kamakaia me Samuela Kamakaia.

Honolulu, Sept. 14, 1892.

HE HOOLAHA I KE AKEA.

E ike auanei na ano lahai a pau, e noho ana ma ke Aupuni Hawaii, mai na kane, wahine, a me na keiki; i loaa i na ma'i o kela a me keia ano, e nane mai ko'u Keena hana, a na'u e hoopau aku i na ehaeha a ka ma'i maluna o oukou e na makamaka, he hiki ia'u ke lapaau i na ano ma'i a pau, ma'i iloko o ka opu, hu'i ke kino, aki iloko o ka iwai, eha o ke poo, ma'iwahine a pela aku.  Mai hoololohe aku e na hoa, hele mai hookahi, hele mai elua, hele mai no a pau loa; he oluolu ka auhau, ke hui me ia ma na kukai olelo ana; ua makaukau wau e pulama mai i na ke@o ana mai mai na Mokupuni mai, me ka eleu a me ka hikiwawe loa, he makemake a he hoaloha maikai no oukou e na Hawaii.

Owau iho no,

DR. LEONG KENG TONG.

Kauka Yong Kam

Pung.

(APANA.)

Helu 53, Alanui Maunakea.

Ke Kauka Loea o ka

Aina Pua!

Ua hiki ke hoola ia kela a me keia ane

ma'i, mai ko na kane, wahine a  me

na keiki liilii.  O na ma'i ha-no

ua hiki loa ia ke hoola ia me

ka maalahi.  A o na ma'i

e pili ana i ka maka

pau pu ia i ke

ola.  Ke ho-

ike ia aku nei.

eia ke ola ia nei, me

ka oluolu pu o kahi au-

hau.  Ka poe pilikia hanau

keiki a hele nui paha o ke koko

a pau a lohi paha ka hanau ana, pa

paha o ka waiu, e hele nui mai i o'u nei.

E KIPA mai e ka poe i hooluu

lau ia me an haawina pilihana a ka ma'i,

a na'u oukou e hooluolu aku.

KAUKA YONG KAM PUNG.

Honolulu, Sept. 2, 1891.