Ka Leo o ka Lahui, Volume II, Number 578, 8 November 1892 — NU HOU KULOKO. [ARTICLE]

NU HOU KULOKO.

Ahaolelo ko keia kakahiaka, hora 10. I keia kakahiaka ka Malulani e palamimo aku ai no Kona-kai-opua. Eia ke kiapa Matileda i keia mau la malalo o na lapaau ana a ka poe kamana. "Mai poina oe ia'u, e ka'u mea e li'a nei." oia kekahi o na mele Hawaii i hiu ia mai a wela ma ka Ema kuea i ka po nei. Ma ka po o ka la 1 o keia mahina, ua a ia ae la e ke ahi kekahi eka ko nui o Paia e ke ahi. O ke kumu o keia ahi aole i maopopo. O ka la koho balota keia o na makaainana Amerika no ko lakou Peresidena hou, a ke pili aku nei a pili mai ko Honolulu nei poe, no ka moho nana e ahai ana ka lanakila. O J. W. Kalua kekahi i lohelohe wale ia nei, e holo balota ana i ke kau koho balota 'Lii o Maui e hiki mai ana. O keia J. W. Kalua ke Ahi o Wailuku, a me ke Pan wai o Iao, i na kau i hala ae nei. Okaikai owaho o Waikiki i keia mau kakahiaka, ke hele la a pilipu ka hanu o ka poe e noho pili kokoke ana i kahakai. Wahi a kekahi poe, ke poonao ia mai ia ka aoao makai o ka hale aekai o ka Moiwahine. Ma ka paina liilii i malama ia ilalo o Manana i ka Poaono, he maikai wale no na mea a pau mai ke ao mai a hiki wale i ka aui ana o ka hora umi o ka po, ia manawa kekahi haole ma ka inoa o Ward i hoeha ai i kekahi mau ahole elua me ka pahi. Ua paa ka mea hou pahi i ka hopuia.

Aole no i loaa na Kuhina, me he la i keia kakahiaka e maopopo oi. E holo ana ke Kaala i keia kakahiaka, no ke kaapuni ana i keia mokupuni. Apopo awakea, e haalele mai ai ka mokuahi Audeteralia i keia awa no ka Hikina. Ua hoopeia anei ka mea kakau o ka nupepa "Holomua" e ku e pale no ka Ilamuku, a i ole he wahi ale kahiko paha. E alawa iki ae e na makamaka i ka olelo hoolaha koena o na leta o ka mahina i hala e waiho nei maloko o ka Hale Leta e puka aku nei ma ka pepa o keia la. Ua kuu pau ae ko makou mau wahi keiki wili nupepa, i kekahi himeni ku i ka hoonaukiuki ke lohe aku; ua like loa me ka leo o ka Ekake. I kokua ia e ka leo nahenahe o kahi popoki. "Na na iho oe la? hanakuli. Mai ko makou mea kakau mai, ua waihoe aku o H. G. Treadway i kona kulana Makai Nui no Maui no ka hoi ana e hoopoha i ke kulana hakahaka i noho mua ia iho nei e Uilama Kele me Mvers ma Molokai. Ua manao wale ia, o F. H. Haychelden ana kona pani hakahaka. Ma ka la inehinei, i hoomaka hou ai kela kuai haawi makana wale o na mea dala a me na lako aniani, ma kahi o Pikela, e like me ka mea maa mau i na makahiki a pau. O ka poe wale no nae i kuai a hiki ko lakou lilo i ka $2.50, ia lakou wale no e haawi ia ai ua mau makana la.