Ka Leo o ka Lahui, Volume II, Number 580, 10 November 1892 — Page 2
This text was transcribed by: | Linda Kane |
This work is dedicated to: | Kaliko |
KA LEO O KA LAHUI.
"E Mau ke Ea o ka Aina i ka Pono."
MA KE KAUOHA.
KUAI KUDALA O NA LAIKINI AWA.
E Kuai Kudala ia aku ana ma ke akea ma ka Poaha, la 8 o Dekemaba, 1892, na Laikini Kuai Awa malalo iho nei, no ka manawa o Hookahi Makahiki mai Ianuari 1 aka 1893:
OAHU.
Waialua. 1. > Koolauloa 1.
MAUI.
Lahaina. 2. > Hana 1.
Wailuku. 2. > Makawao. 1.
HAWAII.
Hamakua. 1. > S. Kohala. 1.
N. Kohala. 1. > Kau. 1.
KAUAI.
Waimea. 1. >
O na Laikini o Oahu, e kuaiia ana ma ka la i hoikeia maluna ae nei, ma ka hora 12 awakea, ma ke komo ana aku mamua nei o Aliiolani Hale.
O ko na Mokupuni hoi o Maui, Hawaii a me Kauia, e kuai ia aku ana ma ko lakou mau apana pakahi, ma ka la, ka hora a me kahi hoi i waeia e na Makai Nui a i ole e ko lakou mau hope paha. Ina mamuli o kekahi mau kumu i ikeia he mea kupono e hoololi ia ka la e kuai ai, e hoolaha hou ia aku no ma na pepa hoolaha pa‘i alanui ma ka apana i olelo ia.
Kumukuai Hookumu---Wailuku me
Lahaina, he $300 ko ka laikini
pakahi, a o na apana e iho a pau
i hoikeia maluna ae, he $100 ko
ka laikini hookahi.
Ke Kuai Ana---E haawi mua ia ma
ke ano hoopaa ka iwakaluaku-
mamalima pa-keneta o ke kumu-
kuai i ka wa e haule ai ke ha-
mare, a e lawe ia no ia uku hoo-
paa ina aole e uku piha ia na dala
o ke kumukuai o ua laikini la
iloko o na la he umi mai ka la
aku o ke kuai ana.
CHAS. T. GULICK.
Kuhina Kalaiaina
Keena Kalaiaina
Honolulu Nov. 4, 1892. tf=dly.
HOOLAHA KOHO BALOTA.
KEENA KALAIAINA
HONOLULU, NOV. 4, 1892
I kulike ai me kanawai Koho Balota o ke Aupuni, ke hoike ia aku nei ma keia, he koho balota kuikawa no ke koho alii no na mokupuni o Maui, Molokai, Lanai a me Kahoolawe, e malamaia ana mawaena o na hora 8 A. M. a me 5 P. M. o ka POALUA. ka la 29 o Novemaba, 1892, e hoopiha ana i ka noho hakahaka no na makahiki eha i koe i hoohakahaka ia mamuli o ka haalele ana mai o ka Mea Mohaloia W. H. Cornwell.
O na Apana Koho Balota. na Mahele Koho. na wahi koho a me na Luna Nana koho Balota, eia mahope iho nei:
MOKUPUNI O MAUI, MOLOKAI, LANAI A ME KAHOOLAWE.
APANA EKAHI---MOLOKAI.
Oia no ka Mokupuni o Molokai.
Mahele Ekala --- Kela mahele o Molokai, oia hoi o Kelawao a me Kalaupapa. Wahi koho: Halekuai o Kalaupapa.
Na Luna Nana---Ambrose Hutckinson,
William Notley,
J. Kahaulelio.
Hookohuia no ka la Koho Balota wale no.
William Clark,
C. Kopena.
Mahele Elua---Ke koena aku o ka Mokupuni o Molokai. Wahi Koho: Hale Hookolokolo, Pukoo.
Na Luna Nana--A. Mouritz
D. Kaulia
@. A. Kukamana
Hookohuia no ka la koho Balota wale no.
J. H. Van Giesen
APANA ELUA---LAHAINA.
Oia no ka Apana o Lahaina a me Kaanapali ma ka mokupuni o Maui, a me Lanai.
Mahele Ekahi---ka Apana o Lahaina. Wahi koho: Hale Hookolokolo, Lahaina.
Na Luna Nana---Henry Dickenson
D. Taylor,
Thos. C. Forsyth
Hookohuia no ka la Koho Balota wale no.
C. B. Cockett
L. M. Baldwin.
Mahele Elua --- Apana o Kaanapali Wahi koho: Halekula o Honokohau.
Na Luna Nana---R. C. Searle,
M. Meheula
D. A. Wahinehookae.
Hookohuia no ka la Koho Balota wale no.
J. A. Kaukau
B. Nahookaa
Mahele Ekolu --- Mokupuni o Lanai.
Wahi koho: Hale ma Maunalei.
Na Luna Nana---S. Kahoohalahala.
. . . . . . . . . . . . . . .
Palauina.
Hookohuia no ka la Koho Balota wale no.
Kahikiwawe
K. Kaai
APANA EKOLU---WAILUKU AKAU.
Oia no kela wahi a pau o Wailuku e waiho ana ma ka Akau o ke alanui mai ke Awawa o Iao (ma ka aoao Hema o ka muliwai) a hiki i na Puu One; mailaila aku ma ka laoa o na Puu One a ka nuku o ka muliwai Wailuku. Wahi koho:
Hale Hoopaheeheo {Skating Rink}.
Na Luna Nana---A. N. Kepoika?
W. A. McKay
W. S. Maule.
Hookohuia no ka la Koho Balota wale no.
John S. McLean
. . . . . . . . . . . . .
APANA EHA---WAILUKU HEMA.
Oia no kela wahi o ka Apana o Wailuku, e waiho ana ma ka Hema o ka Apana Akau o Wailuku, a e huipu ana i ka Mokupuni o Kahoolawe a me Honuaula.
Mahele Ekahi---O kela wahi o ua Apana la e waiho ana mawaena o na Puu One a me ke Kuahiwi a me ka mokupuni pu hoi o Kahoolawe. Wahi koho.
Hale Hookolokolo, Wailuku.
Na Luna Nana---W. H. Daniels
W. T. Robinson
Manuela C. Ross.
Hookohuia no ka la Koho Balota wale no.
William Conway
S. E. Kaiue.
Mahele Elua--Kahi i koe aku o Wailuku Hema. Wahi Koho. Hale Dute, Kahului.
Na Luna Nana---L. M. Vetlesen,
G. P. Wilder
Kaulanaula.
Hookohuia no ka la Koho Balota wale no.
C. R. McVeigh
Robert English
Mahele Ekolu---Ka Apana o Hounaula. Wahi koho: Hale Hookolokolo, Honuaula.
Na Luna Nana---Leonard C. Parish
M. Kealoha
John Brown
Hookohuia no ka la Koho Balota wale no.
S. W. A. Kaleihoa
W. D. Kaaumoana.
APANA ELIMA---WAI@ HEMA.
Oia no kela wahi a pau e waiho la ma ke Komohana a me Hema mai ke awawa o Oopuola a me Huelo a e huipu ana i ka Apana o Kula.
Mahele Ekahi---Oia kela wahi a pau o na Apana la i kapaia o Kula, a me keia mahele o ka aina o Hamakuapoko e waiho la ma ka Hema a me Komohana o ke Awawa o Maliko a mauka o kekahi laina e kamoe ana ma ka waena o ke alanui e halo la mai Kaluanui a ka Halepaahao o Makawao, a mai kekahi laina e hoomau aku ana mai laila aku.
Wahi koho: Hale hookolokolo Makawao
Na Luna Nana---F. W. Hardy
John Kalama
Charles Copp
Hookohuia no ka la Koho Balota wale no.
David Morton
David P. Eldredge
Mahele Elua---Oia no kahi i koe o ka Apana o Makawao, a ke awawa o Oopuola. Wahi koho: Halekula, Hamakuapoko.
Na Luna Nana---C. H. Dickey
H. Laws,
E. Helekunihi
Hookohuia no ka la Koho Balota wale no.
C. M. V. Forster
J. P. Kuia.
APANA EONO---HANA
Oia no ke koena a pau o ka Mokupuni o Maui.
Mahele Elua---Kalikinui, Kaupo a me Kipahulu, Wahi koho: Halekula, Kipahulu.
Na Luna Nana---Charles Lake
Christian Andrews
P. Puhalahua
Hookohuia no ka la Koho Balota wale no.
Iona Nakila
. . . . . . . . . .
Mahele Elua---Mai Kipahulu a hiki, a komo pu mai o Makapuu. Wahi koho.
Hale Hookolokolo, Hana.
Na Luna Nana---F. Wittrock
A. von Gravemeyer
. . . . . . . . . . .
Hookohuia no ka la Koho Balota wale no.
Benjamin K. Kaiwaea
. . . . . . . . . . . .
Mahele Ekolu --- Oia no ka Apana o Koolau a ke Awawa o Oopuola. Wahi koho Keanae.
Na Luna Nana---James P. Saunders,
. . . . . . . . . . .
. . . . . . . . . . .
Hookohuia no ka la Koho Balota wale no.
. . . . . . . . . . .
. . . . . . . . . . .
CHAS. T. GULICK
Kuhina Kalaiaina.
Keena Kalaiaina 11-7-3ts.
OIHANA KALAIAINA
HONOLULU, NOV. 4, 1892.
I kulike ai me ke Kanawai Koho Balota o ke Aupuni, ke hoike ia aku nei ma keia, he Koho Balota Kuikawa no ke koho ana i Lunamakaainana e malamaia ana ma ka Apana o Hilo Hema, Mokupuni o Hawaii, mawaena o na hora 8 A. M. a me 5 P. M. o ka POALUA, la 29 o Novemaba, 1892, no ka hoopiha ana i ka makalua o ka noho i hoohakahakaia mamuli o ka haalele ana mai a ka Mea Mahaloia Joseph Nawahi.
O na Apana Koho, na Mahele Koho, na Wahi Koho, a me na Luna Nana, eia iho no ia mahope nei:
APANA EKAHI---HILO HEMA.
Oia no o Puna a me Hilo ma ka hema o ka moeana kahawai maloo o Pukihae.
Mahele Eka ---Oia kela wahi o Puna e moe la mai Kau a hiki aku a e hoohui pu mai ana ia Kehena. Wahi koho: Halekula o Kalapana.
Na Luna Nana--J. M. Kauwila,
S. H. Haaheo,
J. Kahoomana.
Hookohuia no ka la Koho Balota wale no.
J. A. Kaaukai.
D. Kahaulelio.
Mahele Elua---Oia kela wahi o Puna e moe la mai Kehena a ka Palena o Hilo, koe aka o Keaau a me Olaa. Wahi Koho: Hale Hookolokolo o Pohoiki.
Na Luna Nana---I. E. Ehlarts,
D. Kapele,
S. Kaulu@ali.
Hookohuia no ka la Koho Balota wale no:
W. L. Haau.
J. K. Kalawe.
Mahele Ekolu---Oia no na Aina o Keaau a me Olaa ma Puna, a me kela wahi o Hilo e moe la mai ka Palena o Puna a ka moeana kahawai maloo o Pukihae. Wahi Koho: Hale Hookolokolo ma Hilo.
Na Luna Nana--F. S. Lyman.
G. Hapai.
Joe Sisson.
Hookohuia no ka la Koho Balota wale no.
J. T. Brown,
G. Naka@ani.
CHAS. T. GULICK
Kuhina Kalaiaina.
Keena Kalaiaina 11-7-8ts-dly.
KA LEO O KA LAHUI.
JNO. E. BUSH.
Lunahooponopono a me Puuka.
POAHA, NOVEMABA AO, 1892.
HAKAHAKA KULANA WAHO.
Ua paa iho la ka ipuka o kauhale, a ua mao ka noho ana o ke lii. Kiai ia aku o waho, oiai, ua komo iho la ka poe uhane ole, a me ka poe hoomana mamena, i makaukau e imi i waiwai no ko lakou ponoi iho, a hiki i ka lilo ana o ka ea o ka aina.
AOHE NOHONA KE HAKAHAKA O WAHO.
O ka Aha Kuhina keia e lilo ai o ka aina, ke ole e pau mua, oiai aia ka poe hoohui aina ma ke kua o keia poe, a me he la e hoao ia aku ana no kekahi kuikahi a like me ia a Kakina ma i hoao ai i ka M. H. 1888. Ua kuhihewa makou na hanau hou ia la ua poe nei, eia ka aole, he oia mau no.
UA EO I KA MOIWAHINE.
Me ko makou manao paa he oiaio e hookaika ana ka aoao hoomaemae e hooho ia ke kumuhana a makou i hooikaika pu iho la, oia hoi e ike a e hoohana mai ka Moiwahine i ka rula e ike ia nei ma na aupuni moi a me na ano aupuni holomua e ae, aka aole i hooko ia mai e ka Moiwahine, e like me ka oiaio. Ua kuu wale ia mai no e komo aku keia poe hoomaemae, a ua komo aku la iloko o ka ipu a ka wahine. Ua hei keia poe, me ka manao e hana i na hana malu a lakou i ka Moiwahine, a e hoopoino i keia lahui ma ko lakou komo ana iho iloko o ka oihana. Ua haawi pio ka aoao hoomaenae, a ua kuai aku nei i ke kumuhana a me ka hoopono, me ka hana lapuwale ana i na hoa, ma ka hahaki ana i ka berita olelo e kupaa maluka o ke kumuhana. Aka, ua eo lakou i ka aoao aloha alii, a aloha aina, ma keia kolohe ana i ka aoao hoopono. He kuhihewa nae, a ua ao ia aku no, oiai aole i moe ka huelo o na ilio a aole i pio ke aloha aina, i kukulu ia maluna o ka hana pono a me ke Kaulike. E hahai no makou i keia hana hookamani a na hoa misionari a e paio no a hiki i ko lakou mihi oiaio ana, ma hoi he mea hiki ia ia lakou.
KA HAPANUI O KA HALE.
Hoomau ia.
Ma ka hooikaika ana a na koo o ka aoao alii, na kahea ia aku ia o Kikila Baraunu e wae i Aha Kuhina. Mamua nae o ka hea ia ana mai o keia k@nana, ua hui malu iho la na hoa o ka aoao hoomaemae o ka aoao hui nana i hoopau aku na Aha Kuhina i pau aku nei mamoa. Hoonohonoho malu mai nei na hoa o na aoao hoomaemae la i na hoomaemae o lakou i komo iho la, a o Kikila baraunu kekahi. Na hoa hoomaemae keia o ka 1887, a o na hana iho ia no keia e like me ia i hana ia ai. He huihui malu a pau a mahope huli iho na @ na hoa.
Hioke aku nei o Kikila i ka Aha Kuhina i komo mai la a oiai ua paa aku la, kahi ana i hopohopo ai o lilo ia hai, oia hoi ka oihana Hamuku, ua ae mai la ka Moiwahine, a ua paa kona manao o Kikila Baraunu ke poo o ka Aha Kuhina, a hiki wale i ka la i komo mai ai i ka Hale Ahaolelo. Aka ua ae mai ka Moiwahine e hoololi ia keia a o Mr. Wilikoki ke noho poo mau i puka maka ole ai na olelo hoopunipuni i waiho@ia ae imua o ka hapanui.
Ua olelo mai na keiki a na makua misionari i olelo hoopunipuni, ua ne mai ka Moiwahine i ke kumuhana a ka hapanui i koi ai, a ua ko ka mea i koi ia aku. Ua olelo mai hoi o Mr. G. N. Wilikoki i hooia ia e ka mea i hana maoli ia e ka Moiwahine, ua kahea ia mai oia e hele aku, a i kona hiki ana aku, ua ninau mai la ke alii iaia, ua ae no anei oe e noho Kuhina me keia mau kanaka? Oia hoi kona mau hoa i komo pu iho la. Ua ae aku la oia, me keia mau olelo, ka apono mai ka aoao hapanui i kue iho nei i ka Aka Kuhina.
I ka hoao ana i ka manao o na hoa, he umi-kumamaono o ua hapanui la i koho e kakoo a he umi i hoole. O ka aoao haole a pau ma ke kakoo, o na Hawaii a pau ma ka aoao hoole.
Ma keia koho ana ua ike ia ka like ole o ka manao o ka hapanui, a he hiki no hoi ke ike ia ke kumu ---a oia keia---ua hoopunipuni a ua kolohe maoli mai no na hoa o ka aoao hoomaemae i ka aoao Hawaii, e like me ka mea i olelo mau ia no lakou---a o ka oi ma keia mau hana ana oia no na keiki misionari. Ua kuhihewa makou ua mihi keia ohana a e hoopono ana aole ke, nolaila, ua unuhi mai ka aoao Hawaii o ka poai i hui iho nei e paio kumu, mamuli o keia mau hana hoopunipuni maka keleawe a na mamo a makou i hooikaika aku nei e kakoo ma ke alanui o ka hoopono. Aole nae e loli, ua kuluma ia mai he hoopunipuni a he kolohe iloko o kekahi poe, a no ia kumu no i lilo ai ka inoa MISIONARI he mea hoopailua ia. He minamina makou i ka olelo ae peia, aka, ua waia ka inoa o ke kanaka hoopono, mamuli o ka aahu ia e ka poe hoopunipuni.
KAU AHAOLELO O 1892.
LA HANA 118.
Hoomauia
AUINA LA.
Hoike mai ka Peresidena ua loaa ia‘u ka manaolana, e hiki mai ana ka Aha Kuhina hou i keia wa.
Heluhelu mai ke Kakauolelo i ka palapala mai ka Moiwahine mai, e pili ana i ka hookohu o na Kuhina, oia keia malalo iho:
Kuhina o ko na Aina E.---Mark P. Robinson.
Kuhina Kalaiaina.---Hon. George N. Wilcox.
Kuhina Waiwai.---P. C. Jones.
Loio Kuhina.---Cecil Brown.
Noi o J. E. Bush e hoopanee a noho hou i ka la apopo hora 10, e haawi ana i manawa no ka Aha Kuhina hou.
Kue o Kamika, a ma ka ninauia ana, ua hoole ia.
Hoike Komite Kuniau.
Hoike Komite Malama Ola, e pili ana no na kahu o na keiki oo ole i kakainoaia e ekolu lala o ke komite.