Ka Leo o ka Lahui, Volume II, Number 584, 17 November 1892 — Page 3

KA LEO O KA LAHUI.

"E Mau ke Ea o ka Aina i ka Pono."

 

mea hana e pili ana i ka hana ko pa ana, ua hooholoia.

            Heluhelu ekolu ana o ke kanawai e hooponopono hou ai, i ke kope ana i na hao kuni, holo.

            Heluhelu elua ana o ke kanawai Helu 65a, e ae ana i na laikini no ke kuai liilii ana i na waina, bia a me na ela i haahaa ka ikaika o ka Alekohola maloko.

            Noi o Kamauha, e noonoo pakahi ia na pauku, aponoia.

            Noonooia ka pauku 1 a hooholo loa ia me na hoololi.

            Ma ka pauku elua, ua nui loa ka hoopaapaa o na hoa, a ua nui no hoi na hoololi i hookomo ia mai.

            Loio Kuhina, hoike mai oia, o keia kanawai, he bila maikai no ia, a oia ka'u e kokua nei, a e koho ana au ma ko'u manao ponoi iho, e kakoo ana i keia bila.  Aole hoi o'u mahalo e hookomo mai i mau hoololi, ua lawa ka bila me ia e ku nei i keia wa.

            Ke kamailio nei au, he kanawai maikai keia e hooholoia, i mea e loaa ai ka pono kaulike i na mea a pau, a he kanawai hoi keia e kokua nui i ka oihana makai.

            Noi ka Loio Kuhina e kapaeia na rula, a ua apono ia.

            Hoolaha mai oia he bila kanawai e pili ana i na Luna Ohi Auhau.

            Hoolaha mai ke Kuhina Waiwai he hoololi kanawai e pili ana i ke kapae ana aku i ka pauku 16 o ke kanawai e pili ana i ka Luna Hooia o ke Aupuni.

            Hoopanee ka Hale a hiki i ka Poaha, Novemaba 17, hora 10 a. m.

 

NU HOU KULOKO.

 

            Ahaolelo ko keia kakahiaka, hora 10.

 

            E hookuku ana o Alapai me D. Carter no ka huina o $50.

 

            I ka hora 12 ponoi o nehinei, ua paniku ia ae la kekahi mau hale kalepa o ke kulanakauhale nei, no ka hoomanao ana i ka mea nona ka la hanau.

 

            O ka la inehinei he la omamalu ia o na ao hakumakuma o ka lewa, kai no e iho mai ana la kamalii kolohe a Kulanihakoi, eia ka e paa ana ia Makalii.

 

            Mai keia la aku, aole au e uku i na aie a pau, ke hoaie ia mai ma ko'u inoa ke ole e loaa aku na hooia ma ka palapala mai ia.

                        Moses. Mahelona.

            Honolulu, Nov. 10, 1892.

            nov101m.

 

            Ua hoike ae ka Nupepa Holomua o ka Palua nei, ua hauoli ka oia i ka huli ana aku o Ka Leo mahope ona, a hookahi ka ke kakoo ana i noho alii ma na ano a pau.  Ke hoike aku nei Ka Leo, he kakoo oia i ka noho alii ma na hana pono, a he kue oia i na hana hewa.

 

            Mohaha lua na alani o Kona, ono wale.

 

            Aohe mau hoailona o ke ku mai o ka Monowai.

 

            Aole he mea holo kue ia Hon J. Nawahi, a pela no hoi ia Hon. W. H. Cornwell.

 

            Ua hookuuia 6 Pake ma ka bela o $50 pakahi no ka pepehi ana ia Lii ma ka Poalua nei.

 

            Ua paniku aer na Baneko elua ma ke awakea o nehinei, no ka hoomanao ana i ka la hanau o Kauliluaikeanuowaialeale.

 

            He mau paina liilii kai malama ia e kekahi poe ma ka la o nehinei, no ka hoomanao ana i ka la hanau o Kaulilua.  He kinipopo hoi ko waho o ke kahua olohu popo ma Kulaokahua.

 

            Ma ka auina la o nehinei, ua hanai kuala paa ae kekahi Waihi i kekahi Pokukala, mauka ae nei o Maunakiekie no ke kumu, ua pulu i ka ua malule a o luna.

 

            Ua hoao ae na makai e hopu i kekahi mau baneko che-fa, ma ka la i nehinei, o ka mea i loaa he neo oiai na makai e holo ke ana ma o a maanei, ua puka mai la ka hua a kekahi baneko he Moolani, a o kekahi hoi he Pahu, nui no ke akamai o ka poe haihai kanawai.

 

            O ka la apopo, Poalima, ka la holo o ka Malulani, mai hoopoina i wahi leta na ke hoa, e like me ke mele a ka poe haku mele:

                        Aloha mai se hoa,

                        Onoono ale maisa ai.

                        I ka hiu a ka Malulani.

                        I Konakaiopua i ka lai.

           

            O ke Kau Ahaolelo o ka Makahiki 1892, oia ke Kau Ahaolelo i hookelakela loa aku kona mau la hana i na Kau Ahaolelo elua o ka Moi Kalakaua.  Oiai, ma ka Poalua nei, oia ka piha ana o na la hana o keia Kau i ka 124 la, a ua pa-i-a-pa-i me ko Kalanikaulilua, a i keia la, he la lele oi no Muku, a he hoonuanua ana i ka pomaikai no na Lunahana o ka Hale, e laa ke Kakauolelo a Maheleolelo; ka Makai o ka Hale a Elele: ka Pulumi Hale a pela aku.

 

HUI ALAHAO A ME AINA O OAHU.

Papa Manawa

Mai a Mohope o Okatoba 1, 1892

NA KAA

 

                                                                        A.M.    A.M.    P.M.    P.M.

Haalele ia Honolulu                                        6:15*   8:45     1:45     4:35+

Hoea i Honeuliuli                                            7:20*   9:57     2:57     5:35+

Healele ia        "                                               7:30*   10:13   3:45     5:42+

Hoea i Honolulu                                              8:35*   11:55   4:55     6:50+

NO KULANAKAUHALE MOMI IHO.

Haalele ia Honolulu                            5:10|| P. M.

Hiki i Kulanakauhale Momi                5:48||

Haalele ia        "           "                       6:55* A. M.

 

            + Poaono wale no

            * Koe ka Lapule

            || Koe ka Poaono

Sept. 28. tf-dly.

 

Aole keia he Mau Hana Hoohoka!

AKA HE MAU

WAIWAI HOU WALE NO, AOLE I POPOPO!

E LOAA NO

MA KE KUMUKUAI EMI LOA!!

MA KAHI O

N. S. SACHS,

Helu 104         Alanui Papu, Honolulu           Helu 104

 

Ona Waiwai Hou Wale no ko ko Makou Halekuai Aole o na Apa Lole Popopo a Kahiko!

            Aole a makou mau hana hoopuunipuni; aole a makou manu ekaeka, oia hoi, aole o makou pakali aku i na apa lole kahiko i kumu e loaa ai he puka ma ko makou aoao, aka, haawi aku makou i na waiwai hou loa no ko makou mau makamaka a me na hoaloha, no ke

Kumukuai Emi Haalele Loa, e loaa ole ai Kona Lua ke Ukali ae!

            Ua wehe ae nei makou i keia wa he laina hou o na Lihilihi a me na Lihilihi Kuuwelu i hoouma pololei ia mai Europa mai, ma o ko makou mau kauoha ponoi ana aku, a ke hooia aku nei makou e kuai ia aku ana no me ka emi loa i oi ae ka emi mamua o kekahi mau halekuai e ae.  Ua loaa pu mai no hoi ma ko makou halekuai nei, he mau lako hou o na

Apa Keokeo, na Lako Kalakoa a me na Kinihama,

            A ke kuai aku nei makou ma ke kumu lilo, no ka mea na makemake makou e loaa ona wahi e hoahu ia ai ko makou mau waiwai lako huluhulu.  Ua wehe pu ae nei makou he luhiehu o na APA HULUHULU Farani, na Silika PANI'O a me na APA SILIKA LAU.  He mea pono e ike ko makou makamaka a me na hoaloha i keia mau waiwai hou a nani.  Emi ke kumukuai.  O na APA SILIKA ELEELE, PAPAMU, e pela aku, e loaa no ma ko kumukuai haahaa loa.

            Na Papale o na Wahine i humu a kinohinohiia, na Papale o na Keiki o ke ano hou loa, e kuai ia aku no ma ke kumukuai haahaa loa.  Na Pua Papale, na Hulu Papale hou, e pela aku, e loaa no ma ko makou halekuai me ke kumukuai emi loa.  O ka loaa koke ana mai nei no ia o ka mea humu papale hou o ko makou halekuai mai Nu Ioka mai.  He loea kana mau hana hookinohinohi ana i na papale.  Ua hiki ia makou ke kaena ae ua oi ae kona loea mamua o na mea hana a kinohino papale o kekahi mau halekuai papale e ae.

            E hoomanao hou iho e na makamaka a me na hoaloha, o ka pono, pololei, kaulike, ko makou noho la aole o na hana poholalo, a mamua o ko oukou hele ana aku i kekahi halekuai e aku e kina mua mai ma ko makou halekuai.  E kilohi mua.  E nana.  E lolelole.  E hooia no oukou iho.

N. S. SACHS

575-tfd                                                                        104 Alanui Papu, Honolulu.

 

He Kuai Hoopau Nui

MA KA

HEIAU O NA PAIKINI!

No Keia wahi Pule Hookahi Wale iho no!

A HE OIAIO

E Kuai pau aku ana ka Makou mau LOLE KEOKEO a pau, oia hoi

Na Lilina, na Kalakoa a me na Lole Kilikia me na Huluhulu

Na Kinamu a me na Lole Nani onaano a Pau.

 

            E pau ana i keia Pule no ke Kumukuai hiki ole ke manaoia no ko emi lao.  E hoomanao o na Lede i keia kuai kamahao e panee ia aku nei imua o oukou.

575-tfd.                       S. EHRLICH.             Ka Hoiai o na Paikini.