Ka Leo o ka Lahui, Volume II, Number 585, 18 November 1892 — Page 1

KA LEO O KA LAHUI.

"E Mau ke Ea o ka Aina i ka Pono."

Buke II.           HONOLULU NOVEMABA 18, ’92                        Helu 585

 

HE MOOLELO KAILI PUUWAI

-NO-

SENIA LUTERA

Ka Ui Puuwai Mabala

-:O;_

ENELANI KAHIKO.

A I OIE

He Nanea Hooheno no kekahi Kauna Wahine Opio me kana mau Aloha Ekolu.  (Kakauia no Ka Leo.)

 

MOKUNA XXI

Ua oki!  Eia au ke kue aku nei i keia mare, no ka mea o keia wahine au e makaukau nei e mare, o ka’u wahine mare no ia ma ke kanawai.

 

            Mamua o kona lei ana ae ua hoopa mu ae la oia i ua lei la ma kona mau lehelehe a kaukau ae la oia i keia mau huaolelo, ke lawe nei au a papahi ae ia oe e keia mau pohaku nani ma kuu ai, a e like me kou nani, pela no auanei ka nani o ko maua mau la o ka noho ana iloko o ka berita maemae o ka mare, a e loaa no ia maua na pomaikai he nui, a kau ae la oia ma kona ai.  Ua pau pono ae la na hemahema a nau i ka hooko ia.

            Ua komo mai la na ukali me ko lakou mau aahu nani, me na buke pua rose keokeo a me ka akala ma ko lakou mau lima, a hawanawana mai la ka lede Iulia, ua makaukau na mea a pau, a ke kakale mai la o Laionela o kou hiki aku.

            Ua hoea mai la ka manawa a me na hua pule malie mai kona mau lehelehe mai e noi aua i ka lokomaikai o ke Akua e kala mai iaia mai na hona hewa a pa’i ana i hana ai, a me na ulia paha e ili mai ana maluna ona ma ia po, ua hele aku la ua Senia nei a apo aku la i na lima o kana aloha-

            I ua mau opio nei e ku ana malalo o kekahi hele nui, i hoonohonoho ia hoi a paa pono me na pua rose keokeo, e hoolohe malei ana hoi i ke kani a ka leo o ka pila, e hookani ana i kekahi o na leo maa mau no ka poe e mare ana, a e honi ana hoi i ke ala kupaoa o na pua e uluwehi ana ia loko o ua keena mare nei-  Ua ilihia iho la o Senia ma kekahi poniuniu ano, mehe la aia oia iluna o ka oneki o ka moku kahi i holo ai.

            Ua lohe aku la oia i na olelo eehia a ke kahunapule a ke hoomaopopo la no hoi oia ma kana mau hopuna olelo a pau e hoopuka ai, e ume aku ana no iaia a pili me kana ipo aloha Laionela a ke lele ino la ka pana ana a kona puuwai e hiki ai no iaia ke helu iho i ka nui o na pana ana.

            Ia manawa u ahapai ae la ka oi Senia i kona mau maka a alawa aku la i ka puka amani e waiho hamama mai ana ma kekahi kihi o ka rumi, e ake ana hoi oia e ike heaha la ke kumu e ka pioe ana o ke anaina e noho hamu ana maloko o ua rumi nei, a me kona k ahaha a pihoiho nui, ua ike io aku la oia i ke kumu oia hoi kekahi kino kanaka e komo mai ana ma ua pukaaniani la a puka mai la hoi kona leo halulu kohu hekili.

            Ua oki! ke kue aku nei au i keia mare oiai o keia wahine au e makaukau nei a mare o ka’u wahine mare oiaio no ia ma ke kanawai.

            Ua haule mai la ka puupuu hope a ka lokoino-ka puupuu awahia iokono hoi nana e hookau mai i ka uhi eleele o ka hilabila maluna o kona kino opio.  He makehewa nona ka lawe ana ae i keia mau mea ana e ike a pau ma ke ano he moeuhane, no ka mea aia oia ke ku mai la imua o kona mau maka ka helehelena hauliuli lokoino o ke kanaka kuewa ana i hoowahaha loa ai e kapa mai ana iaia he wahine mare mana.  Kana wahine mare!  E na Lani e aloha mai i ka Ui Senia Lutera nani e ku ana iloko o kona aahu mare nani, me kana ipo o ke kulana ui kilakila a hiehie, e paa ana i kona lima, a me Heneri ke kuewa e hoike ana imua o na mea a pau, na’u keia wahine mae.

            Auwe! Aloha wale ka nohea Senia! kona mau hewa-ka mea ana i manao mua ole ai he home hewa, a ua ikea ae la, me na huaolelo e namunamu ana, e noi ana i ke Akua e lawe koke ae i ko laua ola@ oiai oia ke hoomaopopo la u kokoke loa mai ka hopena.

            Ke hoomau mai la ke anaina i ka nana ana maluna o na opio e ku nei, a oi loa aku no nae ia Senia, oiai kona mau helehelena e loli ano e ana i na se@ona a pau.  Ua huli hou aku ke anaina a nana aku la maluna o ke kuewa a me na kana ka elu@ e ku pu ana ma kona aoao, i uhi ia hoi me kekahi ahi mailuna a hala ilalo o ko laua mau kapuai wawae ano like ko laua kulana me kekahi kii pohaku i kalai ia ka naue ole.  Na ka leo hoomakaukau o ke aanaka kuewa i wahi hou ae i ka maluhia o ke anaina kanaka e piha ana.

            Ua ike i ke kua aku nei au i ka nee ana aku o keia mare imua.  O kena wahine e ku ala ma kou aoao a ka’u wahine mare no ia.

                        Aoleipau.

           

            O ko makou la lele awati keia.

 

            Ma ka hora ehiku o ka po nei i haalele mai a ka mokuahi Monowai i keia awa no ka ipuka gula o Kaleponi.

 

HOIKE

A KE

KOMITE WAIWAI

I EA

HALE AHAOLELO O 1892.

            O ka pomaikai a me ka waiwai o ia ano Papa Hoike Waiwai e ikeia ana ia ma ka wa e loli ai na luna lawelawe maloko o kekahi oihana.

            He lehulehu na Keena i malamaia ai he Buke moolelo ano hoomanao, aka, aole nae he mau hoike pili oihana maoli i malamaia.  e hoike aku makou, e kauoha ma ke kanawai e malama na Buro a me na Keena a pau i Buke no na waiwai o ke Keena i kakauia a paa e hoike ana i kahi i waiho ai ka waiwai a me kona waiwai io i kohoia.

 

BURO PAPA HOONAAUAO

            Ma keia Keena ua maikai ke malamaia ana o na Buke, a na maikai ka hoonohonohoia ana.  A e hoaka ka aku nae makou aole hoike maloko o ka lakou mau buke no na dala i loaa mai Luna Helu mai a i hooliloia aku e na Luna Kula ma na apana mawaho.

            Ua kulike ka huina dala e waiho ana ma-ka waihona me na koena maloko o na Buke.

            O ka waiwai io i kohoia o na Buke Kula ma ka waihona ma ka la 31 o Marakl; 1892, he $25,000.

            O ka huina loaa no na Buke Kula i hoolakoia aku ma ka la 31 o Maraki, 1892, he $2,156.93 a i kaa ole mai.

            Na lilo a me na koena, ma o ka lakou mau hoike la ua hoailonaia a ua ikea ke kulike ana me ko ke Keena Waiwai.

            Ma keia Keena ua malamaia he moolelo o ia waiwai o ia keena.

            Ma keia ke hoike aku nei makou, he mea pono ke ukuia na dala auhau kula a pau i ke Keena Waiwai, ma ke ano he waihona dala kuikawa, e like no me ka auhau alanui,a e unuhi ia aku mailaila aku no ka pomaikai o kela a me keia apana i kuleana ma ia mau dala, ma ka Papa Hoonaauao la.  Ua hookoia nae keia manao @ @ kekahi Bila Kanawai la i hoolahaia mamua aku nei.

 

OIHANA LOIO KUHINA.

            Ma keia Keena ua ike maku ua kulike na hoolilo ma na hoike maloko o ke Keena Waiwai.

            O ke ano nui wale no, oia ka malamaia ana o na hoolilo ma ke ano nee rapa malalo o kela a me keia poo’a ua malamaia ma ke ano maiau a mama no hoi.

            Malalo o ke poo o “Kela ame keia lilo no na Hihia Kivila me Karaima” ke lawe mai nei makou i mau hoike hoohalike o na lilo i noonohonoho papa ia a loko o ka manawa i hala ae nei me ko na lilo o ka elua makahiki mamua aku, penei:

            Ma ka hoohalikelike ana i na itamu lehulehu ua ikea maopopo oia ka mahuahua o na lilo, e like ma ko na lako no na Makai, a e hoike ana ia he oi o na hoolilo no ka manawa o 1890-92 mamua o 1888-90 oia hoi he $2,255.89.

            No kela a me keia lilo no ka Halewai, ke hoike nei ia he huina oi aku o $6,103.08.

            No ka ai a ka lio no na Makai Kau Lio, he huina o $1,350.41

            Ma ka mea e pili ana i keia itamu e kone aku makou i ka noonoo o keia Hale Hanohano no keia mea maopopo, Novemaba o 1890 ua hoopauia ka Oihana Makai Kau Lio

            Mai loko oe o keia huina o $1,883.34, ua hooliloia ka huina o $107 no ka Mauu a me ka Ota i hooha naia ma Waiwai; a o ke koena iho maloko nei o ke kulanakauhale ma ka Halewai.

            E hoopii ia ana o Kahikina Kalekona, e ka poe lawe pepa, no kona lawe ana i ke kiaha, oia ka mea lawe pepa, a poina oia i ka mea nana e hanai nei iaia, oiai oia he Luna Hooponopono no ka Hawaii Holomua, ea, e ka hoa, poino paha auanei ua hoa nei.

 

OLELO HOOLAHA!

            E ike auanei na meo a pau, owau o ka mea nona ka inoa malalo nei, ke papa a ke kau leo aku nei au i na mea a pau, aole e hoaie wale mai i kuu wahine male, oia o Mrs. Julia Kaaiwaiwai.  Ua haalle mai oia ia’u, mailoko o ka’u mau puili hemahema ole ana ia ia, a ua hele aku ia e like me kona makemake, a ina e hoaie ia mai ana oia e kekahi poe, maluna o lakou ko makou poho.

            O ke kuli ka make, o ka lohe ke ola.

            Owau iho no

                        Kou Oiaio.

                        MR. P. KAAIWAIWAI

Hale Koa, Honolulu, Nov. 5, 1892.

            11-7-1w

 

HOOLAHA PAAUPUNI.

            E ike auanei na kanaka a pau eia ma ka Pa Aupuni o Makiki nei kekaki mau lio hele hewa, 1 lio koeleele, 1 wawae keokeo hope akau, hao kuni ano e-mahope akau, ua hapala keia mau hua.

            2.  Lio w, ulauia, 2 wawae keokeo hope, 2 wawae eleele mua keokeo ka lae  [2] kuni hope hema.

            3.  Lio keiki k, ulaula 2 wawae keokeo akau hema keokeo loihi ma ka lae, aole hao kuni.

            4.  Lio keiki w, hulupala, 4 wawae keokeo, keokeo lokihi ma ka lae, aole hao kuni.

            5.  Lio k. ulaula 2 wawae keokeo hope, 2 wawae eleele mua aole ike ia ke kuni.

            6.  Lio w, ulaula, 1 wawae keokeo hope hema keokeo ka lae me ka ihu hao kuni ano e kuni hope akau.

            7.  Lio w, ulaula kiko keokeo ma ka lae paa na wawae i ka hao, aole hao kuni.

            8.  Lio eleele 2 wawae keokeo hope kiko keoheo ka lae hao kuni ano e hope hema.

            9.  Lio k, eleele 2 wawae keokeo hope kiko keokeo ma ka lae hae kuni ano e hope hema.

            10.  Lio k, lekia ulaula 3 wawae keokeo, keokeo ka lae hao, (A) kuni hope akau.

            11.  Lio k eleele keokeo ka lae hao kuni ano e hope akau hao kuni ano e keia.

            12.  Lio k hulupala kiko keokeo nma ka lae paa na wawae i ka hao, kuni ano e hope hema.

            N ka mea a mau mea paha no na keia mau lio e pono e kii koke mai o hala na la 17 e kuai kudala akea aku no au ke hiki aku i ka la 19 o Nov. 1892.

                        D. KAOao

            Luna Pa Aupuni.

Honolulu, Nov @1892