Ka Leo o ka Lahui, Volume II, Number 586, 21 November 1892 — Page 3

KA LEO O KA LAHUI.

"E Mau ke Ea o ka Aina i ka Pono."

 

leana wale no ko ka Moi Kalakaua i na Aina Leialii no kona wa e ola ana.

            Noi o Akipoka, ehaawi i ke Komite Hookolokolo.

            Kue ka loio kuhina, a mahope o na kakakii ana, ua aponoia ke noi a Akipoka.

            Kuhina Waiwai, heluhelu mai oia no ka wa muai i ke kanawai e pili ana i ka uku Komisina o kekahi poe ma na waiwai komo mai.

            2          He kanawai hou no na oihana e lawelawe ia ana malalo o ke aupuni.

            3          Kanawai e pili ana i ke kuai ana i na lole iloko o keia aupuni.

            4          Kanawai e hoololi ai i ke kanawai e pili ana i na hoailona pai.

            Noi o Kakina e kapaeia na rula, aponoia.

            Heluhelu mai oia i ka hoike a ke Komite o na Aina Aupuni e pili ana i ka bila kanawai 190. e pili ana i na Papa Alanui, ua manao kou Komite, ua pono ke hooholoia keia bila kanawai.

            Aponoia ka hoike a ke Komite a e heluhelu ekolu ia ma ka Poalua.

 

Na Hana o ka La

            Heluhelu ekolu ana o ka bila kanawai 115 e pili ana i na auhau kuloko.

            Noi ka Luna o ka Apana Ekolu o Honolulu, e hoopanee loa ia.

            Kue o Kakina i keia noi a ka Luna o ka Apana Ekolu.

Hoomaha ka Hale.

 

NU HOU KULOKO

            Ahaolelo ko keia kakahiaka hora 10.

            Eia o Col. Jonathan Austin ke waiho nei ma kona wahi moe iloko o ka nawaliwali o ke kino.

            Elua mau baneko che-fa i hului pau ia i Kalakaua Hale ma ke kakahiaka Poaono nei.

            He heihei holo hau ka i malama ia ma ka po Poaono nei, e ka poe puni heihei holohau.

            Ua huli hoi mai o Theo. H. Davies a me F. M. Swanzy mai ka Mokupuni mai o Hawaii.

            Ua huli hoi io mai ka Moiwahine Kanemake Kapiolani me ke Keikialii Kuhio ma ke kakahiaka Poaono nei, maluna mai o ke Kinau i ke kakahiaka Poaono nei.  Ua haiamu ia na helehelena o na Alii kaahele me ke ola ulumahiehie o ka oluolu kupono.

            Ua lilo ka hanohano o ke kulanna Peresidena o Amerika Hui ia i ka aoao Demok@rata, mamuli o ke koho ia ana mai nui o Kilivilana i Peesidena noia Ribupalika nona na balota oi he 500,000 a oi.  E pahu a lakou nei ma ae.  Aloha ino.

            Uluwehiwehi ka mokuahi Kinau ma kakahiaka Poaono nei, me na ohua o Kauakanilehua.

            Ua holo aku na Kuhina eha o ke Aupuni iluna o ka mokukaua Bosetona i ka auina la Poaono nei.

            Ke paukii mai nei na hana a ka Ahaolelo i keia mau la, mamuli o kela mai kuhewa he “Akepau.”

            Ua wawa wale ia ae, eia hou iho no he olelo hooholo hilinai ole i ka Aha Kuhina a pu e hou ae, o ka oiaio o keia lono ka makou e kali aku, o ka hoea io ae.

            Ua huli hoi mai ka Lunakanawai Kiekie S. B. Dole a me kana wahine mai ke Kau Kiure mai o Waimea, Hawaii; ma ke Kinau o ka Poaono nei.

            O kela hihia o kela poe Pake eono i pepehi ai ia Lii, kela makai o ka Halemai Pupule, ua hoopaneeia aku la a ka Poakolu ae nei, mamuli o ka oluolu kupoo ole o Lii.

            Ua hamabaga hou mai nei kekahi mau hoa o ka Papa Nana o ka Apana o Hilo i ko lakou mau nookohu no ka la koho balota.  He hana maalea keia, i wahi e hoololoiahili ai i ke koho ia ana o ka Hon. Joseph Nawahi i lunamakaainana no ia apana.  Ma keia hana ua hiki ia makou ke olelo ae, ua eo i ka Apana o Hilo na hamabaga ana a pau no keia hana, a he hana hoopilikia hoi ka W@na o ka Lehulehu mala@ o keia mau hana poholalo a keia poe.

            Ua keha ae ka Lunahooponopono o ka Nupepa Holomua a holohope iwaena o ke akea, ua huhu ia aku ka oia no kona huipu iwaena o ka poe haahaa a aole ka pela o J. U Kawainui, R. W. Wilikoki a me J. E. Bush, he haakei a piha hookano ka lakou.  Ea, e ka makamaka, he keu io no ke aloha, no ka mea, he komo pu oe e paina pu me lakou i ka hou o ko lakou lae i hoo ikaika ai.  He oiaio anei no ka nui hewahewa o ke aloha o Kahikina Kelekona i ka poe ilihune, ua haawi wale aku oia i kana nupepa Holohope ia lakou.  Ke hoole mai nei o Pali, aole, aia no a loaa mai ka ka poe ilihune, loaa aku ka nupepa.

 

HUI ALAHAO A ME AINA O  OAHU.

Papa Manawa

Mai a Mahope o Okatoba 1, 1892

NA KAA

                                                            A. M.               A. M.               P. M.               P. M.

Haalele ia Honolulu                            6:15*               8:45                 1:45                 4:35t

Hoea i Honouliuli                                7:20*               9:57                 2:57                 5:35t

Haalele ia “                                          7:30*         10:15                  3:45                 5:42t

Hoea i Honolulu                                 8:35*         11:55                  4:55                 5:50t

NO KULANAKAUHALE MOMI @IO

Haalele ia Honolulu                            5:10 P. M.

Hiki i Kulanakauhale Mo@                5:48

Haalele ia  “                                        6:55 A. M.

t Poaono wale no

*Koe ka Lapule

@ Koe ka Poaono

Sept. 28 tf-dly.

 

Aole keia he Mau Hana Hoohoka!

AKA HE MAU:

WAIWAI HOU WALE NO, AOLE I POPOPO!

:E LOAA NO:

MA KE KUMUKUAI EMI LOA!!

MA KAHI O

N. S. SACHS.

Helu 104                                 Alanui Papu, Honolulu                                               Helu 104.

 

O na Wai wai Hou Wale no ko ko Makou Halekuai

Aole o na Apa Lole Popopo a Kahiko!

            Aole a makou mau hana hoopuunipuni; aole a makou maunu ekae ka, oia hoi, aole o makou pakali aku i na apa lole kahiko i kumu e loaa ai he puka ma ko makou aoao, aka, haawi aku makou i na waiwai hou loa no ko makou mau makamaka a me na hoaloha, no ke

 

Kumukuai Emi Haalele Loa, e loaa ole ai Kona Lua ke Ukali ae!

            Ua wehe ae nei makiou i keia wa he laina houo na Lioilihi a me na Lihilihi Kuuwelu i hoouma pololei ia ma E ropa mai ma o ko makou mau kauoha ponoi ana aku, a ke hooia aku nei makou e kuai ia aku ana no me ka emi loa i oi ae ka emi mamua o kekahi mau halekuai e ae.  Ua loaa pu mai no hoi ma ko makou halekuai nei, he mau lako hou o na

Apa Keokeo, na Lako Kalakoa a me na Kinihama,

            A ke kuai aku nei makou ma ke kumu lilo, no ka mea ua makemake makou e loaa ona wahi e hoahu ia ai ko makou mau waiwai lako huluhulu.  Ua wehe pu ae nei makou he luhiehu o na APA HULUHULU Farani, na Silika PANI’O a me na APA SILIKA LAU.  He mea pono e ike ko makou makamaka a me na hoaloha i keia mau wai wai hou a nani.  Emi ke Kumukuai.  O na APA SILIKA ELEELE, PAPAMU,  a pela aku eloaa no ma ko kumukuai haahaa loa. 

            Na Papale o na Wahine i humu a kinohinohiia, na Papa;e o na Keiki o ke ano hou loa, e kuai ia aku no ma ke kumukuai haahaa loa.  Na Pua Papale, na Huiu Papa le hou, e pela aku, e loaa no ma ko makou halekuai me ke kumukuai emi loa.  O ka loaa koke ana mai nei no ia o ka mea humu papale hou o ko makou halekuai mai Nu Ioka mai.  He loea kana mau hana hookinohinohi ana i na papale.  Ua hiki ia makou ke kaena ae na oi ae kona loea mamua o na mea hana a kinohino papale o kekahi mau halekuai papale e ae.

            E hoomanao hou iho e na makamaka a me na holoha, o ka pono, pololei, kaulike, ko makou motto , a aole o na hana poholalo, a mamua o ko oukou hele ana aku i kekahi halekuai e aku, e kipa mua mai ma ko makou halekuai.  E kilehi mua.  E nana.  E lolelole.  E hooia no oukou iho.                                       :N. S. SACHS:

            575-tfd.                                                                                   104 Alanui Papu, Honolulu

 

He Kuai Hoopau Nui

MA KA

HEIAU O NA PAIKINI!

 

No Keia wahi Pule Hookahi Wale iho no!

A HE OIAIO

E Kuai pau aku ana ka Makou mau LOLE KEOKEO a pau oia hoi

Na Lilina, na Kalakoa a me na Lole Kilikia me ua Huluhulu

Na Kinamu a me na Lole Nani onaano a Pau.

 

            E paa ana i kela Pule no ke Kumukuai hiki ole ke manaoia no ke emi loa.  E hoomanao e na Lede i keia kuai kamahao e panee ia aku nei imua o oukou.

575 tfd                                                                                                S. EHRLICH, Ka Heiau o na Maikiei