Ka Leo o ka Lahui, Volume II, Number 587, 22 November 1892 — Page 3
This text was transcribed by: | Lianne Hee |
This work is dedicated to: | Maxine Leinaala Porter Hee |
KA LEO O KA LAHUI.
"E Mau ke Ea o ka Aina i ka Pono."
wiwi iho la ke Kuhina Waiwai a me ke alii Marsden o Hamakua.
Ma ka ninauia ana, ua hoopanee loa ia ka Olelo Hooholo.
Bush, Olelo Hooholo, e kauoha ana i ke Kuhina Kalaiaina, e hookohu koke aku i mau hoa no ka Papa Nana o Hilo Hema, a e koho no ia Apana me ka hoohakalia ole.
Hoakaka mai oia, ua lawe mai au i keia olelo hooholo no kuu ike ke kue ia nei ka pono koho balota o ka poe o Hilo, a me keia Paeaina, a ua maopopo ia’u, he mau hana kolohe keia. Oiai, o J. Nawahi wale no ka mea e holo ana no ia apana, aole he mea kue iaia, i na no e koho ana hookahi kanaka o Hilo ia Nawahi alaila ua puka no. Ke noi nei au e hooholo ia keia olelo hooholo, a e hoopauia keia mau Luna Aupuni, a he hana hoi e ulu mai ai ka haunaele iluna o ka
lepo o Hawaii, a he hana hoi e pau ai ke kuokoa.
Loio Kuhina, no’u iho manao au aole i apono i keia Papa Nana, oiai aole lakou i hana elike me ka mea kupono, aka, ua haalele mai nei nae lakou me ke koho ole i mau hope no lakou.
J.W. Bipikane, ke kokua nei au i keia olelo hooholo, a he pono no ke koho kela apana me ke kali ole, oiai, ua lawa na la he 15.
Awakea hoomaha ka hale.
NU HOU KULOKO.
E haalele mai ana ke Kinau i keia la no kona mau awa maa mau ma ka Hikina.
He mau la wale no koe a hoomalamalama ia aku na hale wiliko o Wailuku me ka malamalama o ka Uwila.
Ua huli hoi mai he mau kamaaina o kakou nei ma ka Mariposa o ka la pule nei, oia o J.T. ame H Walakahauki, me ko laua ola kino maikai.
Mai keia la aku, aole au e uku i na aie a pau, ke hoaie ia mai ma ko’u inoa ke ole e loaa aku na hooia ma ka palapala mai ia.
MOSES MAHELONA.
Honolulu, Nov. 10, 1892.
nov 10 1m.
Ua hoopahaohao ia ae ke Alii Jno. E@, ma ke ahiahi o ka Poaha nei e kekahi mau lede hoaaloha ona. I ka hora ana aku o Mr. Ena i kona home aia hoi e waiho mai ana he papaaina i @ pono i na ono a pau, a e uluwehiwehi ana hoi kona home me na lau @a’a o ke kuahiwi, a nooneo koke ae la ia o kona la noeau ka ia, ka piha ana o ke 48 o kona mau makahiki. Ua hoohala ia ke ahiahi me ka hauoli, e ka poe a pau i hiki aku malaila. I 48 makahiki hou no ka Hon @ Ena ke Ka Leo o ka Lahui.
Ahaolelo ko keia kakahiaka, hora 10.
Ua manao ia e malama ia ana, he kai huakai hoohiwahiwa, i ka la Kuokoa ae nei.
He oiaio anei ka olelo ia, he makai kauwai ka Lunahooponopono o ka Hawaii Holohope.
Aia ke waiho la ma Ewa, iloko o ke ano pilikia a kupilikii a ka mai o Mr. George Gray.
Ua haalele mai la ka hui haiolelo Harisona – Potts, ma ka Maripos no na panalaau o ka hema.
Ua lohea o Mr. Alex McBride o Wahiawa, Kauai, ke holo ana ma kahi i hoohakahaka ia iho nei e Hon. G.N. Wilikoki, i hookiekie ia ae nei i Kuhina Kalaiaina.
Ua hoike ae ka nupepa Manana o Samoa, ua ulu ae la he haunaele ma ka Mokupuni o Tutuila, mawaena o kekahi poe alii, a ua make a hoeha ia kekahi poe.
Ke mahalo aku nei makou ia “John” me kahi apana welu aie nui ana, i ke kalai @ mau @ na ma@ o ke au ia Waawaaikininaaupo, a o ka mea oi loa aku no hoi o ka maikai a ku loa no hoi i ka pono, e hoomanao mua iho kona alakai iaia iho, a aole e ae e kaualako i kona kino kanaka, a ke Akua i haawi mai ai iloko o ke kio wai polopolona o ka wai hoopoino noonoo. Oi ole olalau wale ai no o na olelo.
HUI ALAHAO A ME AINA O OAHU.
Papa Manawa
Mai a Mahope o Okatoba 1, 1892
NA KAA
A.M. A.M. P.M. P.M
Haalele ia Honolulu 6:15* 8:45 1:45 4:35+
Hoea i Honouliuli 7:20* 9:57 2:57 5:35+
Haalele ia Honouliuli 7:30* 10:13 3:45 5:42+
Hoea i Honolulu 8:35* 11:55 4:55 6:50+
NO KULANAKAUHALE MOMI IHO.
Haalele ia Honolulu 5:10^ P.M.
Hiki i Kulanakauhale Momi 5:48^
Haalele ia “ “ 6:55* A.M.
+ Poaono wale no
* Koe ka Lapule
^ Koe ka Poaono.
Sept 28 tf-dly.
HOOLAHA PA AUPUNI.
E ike auanei na kanaka a pau eia ma ka pa aupuni o Makiki nei kekahi mau lio hele hewa, lio w, keokeo oh@ na, hao kuni ano e ma ka akau o ka ai, kuni mamua hapala. Lio w, ulaula, 4 wawae eleele keokeo lokihi ma ka la haole kuni hope akau @ malalo he kiaha puaniki paha aole paha he hao ano e paha. O ka mea a mau mea nona keia mau hoe pono e kii koke mai o hal@ na la he 18 e kuai kuda a akea ia aku ke hiki aku i ka la 26 o Nov. 1892, hola 12 awakea Poaono.
D. KAOAO
Luna Pa Aupuni,
Honolulu, Nov. 10, 1892.
Aole keia he Mau Hana Hoohoka!
: AKA HE MAU:
WAIWAI HOU WALE NO, AOLE I POPOPO!
: E LOAA NO:
MA KE KUMUKUAI EMI LOA!
MA KAHI O
N. S. SACHS,
Helu 104 Alanui Papu, Honolulu Helu 104.
O na Waiwai Hou Wale no ko ko Makou Halekuai
Aole o na Apa Lole Popopo a Kahiko!
Aole a makou mau hana hoopuunipuni; aole a makou mannu ekaeka, oia hoi, aole o makou pakali aku i na apa lole kahiko i kumu e loaa ai he puka ma ko makou aoao, aka, haawi aku makou i na waiwai hou loa no ko makou mau ma kamaka a me na hoaloha, no ke
KUMUKUAI EMI HAALELE LOA, e loaa ole ai KONA LUA ke-UKALI ae!
Ua wehe ae nei makou i keia wa he laina hou o na Lihilihi a me na Lihilihi Kuuwelu i hoouma pololei ia mai. E ropa mai, ma o ka makou mau kauoha ponoi ana aku, a ke hoola aku nei makou e kuai ia aku ana no me ka emi loa i oi ae ka emi mamua o kekahi mau halekuai e ae. Ua loaa pu mai no hoi ma ko makou halekuai nei, he mau lako hou o na
APA KEOKEO, na LAKO KALAKOA a me na KINIHAMA,
A ke kuai aku nei makou ma ke kumu lilo, no ka mea ua makemake makou e loaa ona wahi e hoahu ia ai ko makou mau waiwai lako huluhulu. Ua wehe pu ae nei makou he luhiehu o na APA HULUHULU Farani, na Silika PANI’O a me na APA SILIKA LAU. He mea pono e ike ko makou makamaka a me na hoaloha i keia mau waiwai hou a nani Emi ke Kumukuai. O na APA SILIKA ELEELE, PAPAMU, a pela aku, e loaa no ma ko kumukuai haahaa loa.
Na Papale o na Wahine i humu a kinohinohila, na Papale o na Keiki o ke ano hou loa, e kuai ia aku no ma ke kumukuai haahaa loa. Na Pua Papale, na Hulu Papale hou, e pela aku, e loaa no ma ko makou halekuai me ke kumukuai emi loa. O ka loaa koke ana mai nei no ia o ka mea humu papale hou o ko makou halekuai mai Nu Ioka mai. He loea kana mau hana hookinohinohi ana i na papale. Ua hiki ia makou ke kaena ae na oi ae kona loea mamua o na mea hana a kinohino papale o kekahi mau halekuai papale e ae.
E hoomanao hou iho e na makamaka a me na hoaloha, o ka pono, pololei, kaulike, ko makou @, a aole o na hana poholalo, a mamua o ko oukou hele ana aku i kekahi halekuai e aku, e kina mua mai ma ko makou halekuai. E kilohi mua. E nana. E lolelole. E hooia no oukou iho.
: N. S. SACHS:
575-tfd. 104 Alanui Papu, Honolulu.
He Kuai Hoopau Nui
MA KA
HEIAU O NA PAIKINI!
No Keia wahi Pule Hookahi Wale iho no!
A HE OIAIO
E Kuai pa i aku ana ka Makou mau LOLE KEOKEO a pau oia hoi
Na Lilina, na Kalakoa a me na Lole Kilikia me na Huluhulu
Na Kinamu a me na Lo’e Nani onaano a Pau.
E @ ana i kela Pale no ke Kumukuai hiki ole ke manaoia no ke @ loa. E hoomanao e na @ i keia kuai kamahao e panee ia aku nei imua e oukou.
575-tfd. S. EHRLICH, Ka @