Ka Leo o ka Lahui, Volume II, Number 589, 24 November 1892 — Page 3

KA LEO O KA LAHUI.

"E Mau ke Ea o ka Aina i ka Pono."

 

KAU AHAOLELO O 1892.

 

LA HANA 129.

Nov. 22, 1892.

            Halawai ka hale elike me ka mau.

            Noi ke Kuhina Kalaiaina e kapae na rula, a aponoia.

            Heluhelu mai oia he hoopii mai ka Papa Nana mai o ka Mahele 1, Apana 8 o keia Paeaina, e hoihoi hou ia aku ko lakou mau lilo a pau. Haawiia i ke Komite Waiwai.

Na Olelo Hooholo.

            Kuhina Kalaiaina he olelo hooholo no na lilo o ka Papa Ola.

Na Hana o ka La.

            Heluhelu elua ana o ke kanawai e pili ana i ke ola o ka lehulehu.

            Mahope o na kamailio ana, ua haawi hou ia i ke Komite Wae.

            Heluhelu ekolu ana o ke kanawai Papa Alanui; hooholo loa ia.

            Heluhelu ekolu ana i ke kanawai e pili ana i ke kuai ana i ka bia waina, ela a pela aku. Lilo ka hale i ka hoopaapaa a hiki i ka hoomaha ana.

Auina La.

            I ka noho hou ana o ka Hale i ka auina la, a hiki i ka wa i ninau ia ai o na ae a me na hoole, a ua hoomaopopoia, he 25 ma ka aoao e hoopanee loa ana i ka bila, a he 19 ma ka aoao e hooholo loa.

            Hoopanee ka hale.

 

NU HOU KULOKO.

            Ua hoopaneeia ka Ahaolelo, a noho hou i ke kakahiaka Poalima, Novemaba 25, hora 9 A.M.

 

            I ke ahiahi onehinei i pahu ai kekahi Banako ohe la, ma Kapalama, no ka hoeu ana no hoi kekahi, a pau wale eia no ke aho, i ka hana i ka mea waiwai ole. He au i ka hana a hoi mai. Ua puha kuu hua he Kai.

 

            Wilinau ke poo o kekahi o na hoa hanohano o ka Ahaolelo, i ka wa e hoike ia ana o kekahi e na hana apuka a ua poai hemolele nei, e ka Lunamakaainana o Koolaupoko, no ka mea e pili ana i ka poe Papa nana koho Balota o Hilo Heaha hoi ka mea o ka wilinau ana.

 

            Ua nui ka hoouluhua ia, o ka poe he mau hihia ka lakou imua o ka Aha Kiekie, ma o ka hanakuli o kekahi Ilio i hikiikii ia maloko o ka pa hoki o ke aupuni, a o ka hopena ua hookuu ia ae ua welo nei a Kuilioloa, a loaa iho la ka maha i ka poe hookolokolo.

 

            O ka Poakahi e hiki mai ana, oia ka La Kuokoa o ke aupuni, he la makamae ia no na puuwai Hawaii oiaio a pau, a he la hoi e hoike ai ka lahui Hawaii i ko lakou makee i ka la hanau o ka aina oiwi; ma ka hooi ana aku i na hana hookelakela hoohiwahiwa i ko na makahiki i hala. E liuliu o na Hawaii.

            Ua hoea mai kekahi wahine opio o ko makou Keena nei, a hoike mai la i ka hana pono ole a kekahi Kapena Makai, ua hoike mai oia, ma kela pule aku nei, ua komo aku kana palapala hoopii no kekahi wahine, no ka hooweliweli mai e lawe i kona ola, a ua hoopaneeia ka hihia a ka Poakolu nei, a i kona hiki ana aku nae, ua kipaku ia mai la oia e ua Kapena Makai haole nei e hoi, me ka olelo mai ua hoopau ia ka hihia. Nawai i hoopau aku? wahi a ka wahine opio. Heaha ka waiwai o kela hana, no ka mea, he hoopii pili ohana, wahi a ua haole nei, nolaila pono e hoopau. He nuhou keia ano hana, oia kuleana no ka hoi ia o ke Kapena Makai.

 

HUI ALAHAO A ME AINA O OAHU.

Papa Manawa

Mai a Mahope o Okatoba 1, 1892

NA KAA

 

                                                A.M     A.M.    P.M.    P.M

Haalele ia Honolulu    6:15*   8:45     1:45     4:35+  

Hoea i Honouliuli                    7:20*   9:57     2:57     5:35+

Haalele ia "                              7:30*   10:13   3:45     5:42+

Hoea i Honolulu                      8:35*   11:55   4:55     6:50+

NO KULANAKAUHALE MOMI IHO.

Haalele ia Honolulu                            5:10// P.M.

Hiki i Kulanakauhale Momi                5:48//

Haalele ia "                              "                       6:55* A.M.

 

+ Poaono wale no

* Koe ka Lapule

// Koe ka Poaono

Sept. 28 tf-dly.

 

HOOLAHA PA AUPUNI.

            E ike auanei na kanaka a pau eia ma ka Pa Aupuni o Makiki nei kekahi lio hele hewa, lio k. keokeo ulaula kekahi hulu o keia lio, hao HP, kuni hope hema, ina aole like keia kuni ua, like paha me keia hao HR kuni, oluna o keia mau kuni ua hui ka H me ka P. O ka mea a mau mea nona keia lio e pono e kii koke mai o hala na la he 14, e kuai kukala akea ia aku ke hiki aku i ka la 3 o Dec. 1892, hora 12 Awakea Poaono.

            D. KAOAO.

            Luna Pa Aupuni

            Honolulu, Nov. 23, 1892.

nov24, 1m-dly.

 

HOOLAHA PA AUPUNI.

            E ike auanei na kanaka a pau eia ma ka pa aupuni o Makiki nei kekahi mau lio hele hewa, lio w, keokeo ohinahina, hao kuni ano o ma ka akau o ka ai, kuni mamua hapala. Lio w. ulaula, 4 wawae eleele keokeo lokihi ma ka lae, hao @ kuni hope akau ke kuni malalo he kiaha puaniki paha aole paha he hao ano e paha. O ka mea a mau mea nona keia mau lio e pono e kii koke mai o hala na la he 18 e kuai kudala akea ia aku ke hiki aku i ka la 26 o Nov. 1892, hola 12 awakea Poaono.

            D. KAOAO

            Luna Pa Aupuni,

            Honolulu, Nov. 10, 1892.

 

Aole keia he Mau Hana Hoohoka!

-:AKA HE MAU:-

WAIWAI HOU WALE NO, AOLE I POPOPO!

-:E LOAA NO:-

MA KE KUMUKUAI EMI LOA!!

MA KAHI O

N.S. SACHS.

Helu 104 Alanui Papu, Honolulu Helu 104.

 

O na Waiwai Hou Wale no ko ko Makou Halekuai

            Aole o na Apa Lole Popopo a Kahiko!

            Aole a makou mau hana hoopunipuni; aole a makou mannu ekaeka, oia hoi, aole o makou pa ali aku i na apa lole kahiko i kumu e loaa ai he puka ma ko makou aoao, aka, haawi aku makou i na waiwai hou loa no ko makou mau makamaka a me na hoaloha, no ke

Kumukuai Emi Haalele Loa, e loaa ole ai Kona Lua ke Ukali ae!

            Ua wehe ae nei makoa i keia wa he laina hou o na Lihilihi a me na Lihilihi Kuuwelu i hoouma pololei ia mai Europa mai, ma o ko makou mau kauoha ponoi ana aku, a ke hooia aku nei makou e kuai ia aku ana no me ka emi loa i oi ae ka emi mamua o kekahi mau halekuai e ae. Ua loaa pu mai no hoi ma ko makou hale kuai nei, he mau lako hou o na

Apa Keokeo, na Lako Kalakoa a me na Kinihama,

            A ke kuai aku nei makou ma ke kumu lilo, no ka mea ua makemake makou e loaa ana wahi e hoahu ia ai ko makou mau waiwai lako huluhulu. Ua wehe pu ae nei makou he luhiehu o na APA HULUHULU Farani, na Silika PANI'O a me na APA SILIKA LAU. He mea pono e ike ko makou makamaka a me na hoaloha i keia mau waiwai hou a nani. Emi ke Kumukuai. O na APA SILIKA ELEELE, PAPAMU, a pela aku, e loaa no ma ko kumukuai haahaa loa.

            Na Papale o na Wahine i humu a kinohinohiia, na Papale o na Keiki o ke ano hou loa, e kuai ia aku no ma ke kumukuai haahaa loa. Na Pua Papale, na Hulu Papale hou, e pela aku, e loaa no ma ko makou halekuai me ke kumukuai emi loa. O ka loaa koke ana mai nei no ia o ka mea humu papale hou o ko makou halekuai mai Nu Ioka mai. He loaa kana mau hana hookinohinohi ana i  na papale. Ua hiki ia makou ke kaena ae ua oi ae kona loea mamua o na mea hana a kinohino papale o kekahi mau halekuai papale e ae.

            E hoomanao hou iho e na makamaka a me na hoaloha, o ka pono, pololei, kaulike, ko makou moto, a aole o na hana poholalo, a mamua o ko oukou hele ana aku i kekahi halekuai e aku, e kipa mua mai ma ko makou halekuai. E kilehi mua. E nana. E lolelole. E hooia no oukou iho.

            -:N.S. SACHS:-

575-tfd. 104 Alanui Papu, Honolulu

 

He Kuai Hoopau Nui

MA KA

HEIAU O NA PAIKINI!

 

No Keia wahi Pule Hookahi Wale iho no!

 

A HE OIAIO

E Kuai pau aku ana ka Makou mau LOLE KEOKEO a pau, eia hoi

Na Lili@, na Kalakoa a me na Lole Kilikia me na Huluhulu

Na Kinamu a me na Lole Nani onaano a Pau.

            E pau ana i keia Pule no ke Kumukuai hiki ole ke manaoia no ko emi loa. E hoomanao e na Lede i keia kuai kamahao e panee ia aku nei imua o oukou.

            575-tfd. S. EHRLICH, Ka Heiau o na Paikini.