Ka Leo o ka Lahui, Volume II, Number 591, 28 November 1892 — Page 2
| This text was transcribed by: | Patricia Ravarra |
| This work is dedicated to: | A Kingdom Denied -- Between the Lines |
KA LEO O KA LAHUI.
"E Mau ke Ea o ka Aina i ka Pono."
MA KE KAUOHA.
Oiai ua haalele mai ka hapanui o ka Papa Luna Nana Koho Balota, no ka Mahele Ekolu. Apana o Hilo Hema, a oiai ua haiki ka manawa e hoopiha ai i ua hakahaka @ a e hooko ai i ka manao o ke kanawai mamua ae o ka la 29 o Novemaba, ka la i kuahaua ia e malama ia ana ke koho balota kuikawa ana no ka Lunamakaainana iloko o ia Apana, ke hoolaha ia aku nei ma keia ua hoopau ia ka olelo kuahaua i hoolaha ia aku mai keia Oihana aku malalo o ka la 4 Novemaba, 1892.
G. N. WILCOX,
Kuhina Kalaiaina
Keena Kalaiaina, Nov, 21, 1892
nov21 3 ts.
KUAI KUDALA O NA LAIKINA AWA.
E Kuai Kudala ia aku ana ma ke akea ma ka Poaha, la 8 o Dekemaba, 1892, na Laikini Kuai Awa malalo iho nei, no ka manawa o Hookahi Makahiki mai Ianuari 1 aka 1893:
OAHU.
Waialua. 1 . Koolauloa 1.
MAUI.
Lahaina. 2. Hana 1.
Wailuku. 2. Makawao. 1.
HAWAII.
Hamakua. 1. S. Kohala. 1.
N. Kohala. 1. Kau. 1.
KAUAI.
Waimea. 1.
O na Laikini o Oahu, e kuaiia ana ma ka la i hoikeia maluna ae nei, ma ka hora 12 awakea, ma ke komo ana aku mamua nei o Aliiolani Hale.
O ko na Mokupuni hoi o Maui, Hawaii a me Kauia [ as printed ], e kuai ia aku ana ma ko lakou mau apana pakah@, ma ka la, ka hora a me kahi hoi i waeia e na Makai Nui a i ole e ko lakou mau hope paha. Ina mamuli o kekahi mau kumu i ikeia he mea kupono e hoololi ia ka la e kuai ai, e hoolaha hou ia aku no ma na pepa hoolaha pa’i alanui ma ka apana i olelo ia
Kumukuai Hookumu––Wailuku me Lahaina, he $300 ko ka laikini pakahi, a o na apana e iho a pau i hoikeia maluna ae, he $100 ko ka laikini hookahi.
Ke Kuai Ana––E haawi mua ia ma ke ano hoopaa ke iwakaluakumamalima pa-keneta o ke kumukuai i ka wa e haule ai ka hamare, a e lawe ia no ia uku hoopaa ina aole e uku piha ia na dala o ke kumukuai o na laikini la iloko o na la he umi mai ka la aku o ke kuai ana.
CHAS. T. GULICK.
Kuhina Kalaiaina.
Keena Kalaiana
Honolulu Nov. 4, 1892 tf-dly.
HOOLAHA KOHO BALOTA.
Keena Kalaiaina
Honolulu, Nov. 10, 1892
I kulike ai me ke kanawai Koho Baolta o ke Aupuni, ke hoike ia aku nei ma keia, he koho balota kuikawa no ke kono ho alii no na mokupuni o Kauai a me Niihau, e malamaia ana mawaena o na hora 8 a. m . a me 5 p. m . o ka Poakahi , ka la 5 o Dekemaba, 1892, e hoopiha ana i ka noho hakahaka no na makahiki eono i koe i hoohakahaka ia mamuli o ka haalele ana mai o ka Mea Mahaloia George N. Wilcox.
O na Apana Koho Balota, na Mahele Koho, na wahi koho a me na Luna Nana koho Balota, eia mahope iho hei:
MOKUPUNI O KAUAI ME NIIHAU.
Apana Ekahi––Waimea.
Mai ka Oioina mai o Pu@anaia, e huipu ana ia Kalaheo a me ka Mokupuni o Niihau.
Mahele Ekahi––O kela wahi a pau o Kalaheo e haipu ana me Hanapepe. Wahi koho: Halekula o Hanapepe.
Na Luna Nana––H. C. Perry
P. R. Holi.
Hookohuia no ka la Koho Balosa wale no.
S. M. Nawai.
Mahele Elua––O kela wahi o ka Apana i oleloia e moeana mai Hanapepe a hiki i ka laina i kahaia mai ke kai mai a hiki i ka la@ani mauna ma kahi he 200 ia ma ke komohana o Waimea Mill, a e huipu ana hoi i ke awawa o ke Kahawai o Waimea a me kona mau lala.
Wahi Koho: Hale Hookolokolo o Waimea
Na Luna Nana––T. H. Gibson
James Kamalemi
C. B. Hofgaard
Hookohuia no ka la Koho Balosa [ as printed ] wale no.
G. L. Cope
G. W. Kaona.
Mahele Ekolu––O kela wahi o ka Apana i oleloia e moe ana mai ka Mahele Elua mai a hiki i ka Lae o Puuanaiea.
Wahi koho: Halekula o Kekaha.
Na Luna Nana––W. I. Wells
Davik [ as printed ] Kua,
W. E. Smith.
Hookohuia no ka la Koho Balota wale no.
J. K. Kalua,
J. Kamikino.
Mahele Eha––Mokupuni o Niihau.
Wahi Koho: Halekula.
Na Luna Nana––J. H, Kaika
J. B. Kaomea,
W. H. Keale,
Hookohuia no ka la Koho Balota wale no.
J. Pulawa.
J. D. Kaili.
Apana Elua––Lihue.
O kela wahi a pau o Kauai, mai a e huipu ana ia Kalaheo a hiki i ka huipu ana mai me Hanamaulu.
Mahele Ekahi––Apana o Lihue.
Wahi Koho: Hale Hookolokolo o Lihue.
Na Luna Nana––R. W. T. Purvis,
W. G. Smith,
J. B. Hanaike.
Hookohuia no ka la Koho Balota wale no.
S. R. Hapuku.
Mahele Elua––O ka o Koloa, mai kono pale me Lihue a hiki aku i ka huipu ana mai me ka aina o Lawai.
Wahi Koho: Hale Hookolkolo [ as printed ] o Koloa.
Na Luna Nana––J. K. Burkett,
J. M. Kahalawai,
Louis Kahalbaum.
Hookohuia no ka la Koho Balota wale no.
E. Strehz.
Apana Ekolu––Hanalei.
O kela wahi a pau o Kauai, e huipu ana mai Wailua a hiki i ka Lae o Pu@anaiea.
Mahele Ekahi––O kela wahi o ka Apana i oleloia e waiho ana mawaena o Waimea a me ke Kahawai o Kalihiwai.
Wahi koho: Hale Hookolokolo o Waioli.
Na Luna Nana––H. Peters
Jno. H. Barenaba,
J. M. Naeole.
Hookohuia no ka la Koho Balota wale no.
S. P. Kalaikini.
H. J. Wells.
Mahele Elua––O kela wahi o ka Apana i oleloia ae nei, e moe ana mai ke Kahawai o Kalihiwai, a hiki i ka humu ana me ka aina o Papua.
Wahi koho: Halekula Kilauea.
Na Luna Nana––W. O Muller,
J. W. Kahee.
John Lovell.
Hookohuia no ka la Koho Balota wale no.
Hiram K. Anahu.
Mahele Ekolu––O kela wahi o ka Apana e waiho ana mai ka aina o Papaa a hiki i ka huipu ana me ka aina o Wailua
Wahi Koho: Hale Hookolokolo o Kapaa
Na Luna Nana––H. Z. Austin,
J. M. Kealoha,
S. Kaiu.
Hookohuia no ka la Koho Balota wale no.
F. B. Smith,
G. B. Meheula.
G. N. WILCOX,
Kuhina Kalaiaina
Keena Kalaiaina, Nov, 14, 1892.
nov14 3 ts–dly.
Oihana Kalaiaina
Honolulu , Nov. 4, 1892.
I kulike ai me ke Kanawai Koho Balota o ke Aupuni, ke hoike ia aku nei ma keia, he Koho Balota Kuikawa no ke koho ana i Lunamakaainana e malamaia ana ma ka Apana o Hilo Hema, Mokupuni o Hawaii, mawaena o na hora 8 a.m . a me 5 p.m . o ka POALUA, la 29 o Novemaba, 1892, no ka hoopiha ana i ka makalua o ka noho i hoohakahakaia mamuli o ka haalele ana mai a ka Mea Mahaloia Joseph Nawani.
O na Apana Koho, na Mahele Koho, na Wahi Koho, a me na Luna Nana, eia iho no ia mahope nei:
Apana Ekahi––Hilo Hema.
Oia no o Puna a me Hilo ma ka hema o ka moeana kahawai maloo o Pukihae, e moe la mai Kau a hiki aku a e hoohui pu mai ana ia Kehena. Wahi koho: Halekula o Kalapana.
Na Luna Nana––J. M. Kauwila,
S. H. Haaheo,
J. Kahoomana.
Hookohuia no ka la Koho Balota wale no.
J. A. Kaaukai,
D. Kahaulelio.
moe la mai Kehena a ka Palena o Hilo, koe aku o Keaau a me Olaa. Wahi Koho: Hale Hookolokolo o Pohoiki.
Na Luna Nana––J. E. Eldarts,
D. Kupele,
S. Kaulupali.
Hookohuia no ka la Koho Balota wale no:
W. L. Haau,
J. K. Kalawe.
Mahele Ekolu––Oia no na Aina o Keaau a me Olaa ma Puna, a me kela wahi o Hilo e moe ia mai ka Palena o Puna a ka moeana kahawai maloo o Pukihae.
Wahi Koho: Hale Hookolokolo ma Hilo.
Na Luna Nana––F. S. Lyman,
G. Hapai,
Joe Sisson.
Hookohuia no ka la Koho Balota wale no:
J. T. Brown,
G. Nakapuahi.
CHAS. T. GULICK,
Kuhina Kalaiaina
Keena Kalaiaina. 11-7–3ts–dly.
KA LEO O KA LAHUI.
JNO. E. BUSH.
Lunahooponopono a me Puuku.
POAKAHI, NOVEMABA 28, 1892.
KA LA 28 O NOVEMABA.
O keia ka la kamahao, ka la i loaa ai ka hanohano i ke aupuni aloha o Hawaii, a he la haaheo a ulumahiehie keia no ke kanaka e hiipoi ana i ka hanohano o ka welo kapalili ana o ka hae o kona aina makuahine; ke ku mai nei na kahoaka o na hoohiwahiwa pa-i punahele on a makahiki he 48 i aui aku la, e hea mai ana i na pulapula o keia au e uhai aku ma ko lakou meheu ma ka hooi ana ae i ka kakou mau hana hoohiwahiwa.
Oia hoi, i keia la i ike hou ai ka Moi puuwai hamama Kauikeaouli Kamehameha III, i na kahakahana nani o ka hae aloha o ko Hawaii aupuni.
Oiai hoi, i na la mamua iho, ua pilihua ka manao o ka Moi a me na makaainana, oiai lakou e nana ana, aia hoi e welo haaheo ana na kahakahana o ke aupuni o Pelekane, ka aina hoi nona ka olelo ana, aole e napoo ka la ma kona mau palena.
Ua loaa keia poino mamuli o na manao alunu o Keoki Pauleti, aka iloko oia poino, una kuahaua aku ka Moi Kauikeaouli, e kauoha ana i na haipule a pau mai Hawaii a Kauai, e pelu iho na kuli i ka honua, a nonoi aku imua o ke Akua, e haawi mai i na kokua ana i keia lahui iloko o ka ehaeha, ka luuluu a me ke kaumaha.
He mea oiaio, ua hoolohe mai o Iehova ke Akua, i ka leo pule a na haipule, a ua hoouna mai oia i na kokua ana, a pela i loaa ai ke kuokoa ia Hawaii nei.
I keia la a me keia malama o ka 1843, ua pulolo hou ae la na waihooluu nani o ka Hae Hawaii, ma ke kahua e kapaia nei o Kamaki Kuea, i keia la ua k@ia na pukuniahi he hookahi haneri ka nui mai ka aina nei aku, a me na moku kaua e ku ana iloko nei o ke awa.
O ke ano o ko kakau Hae Hawaii aloha, e ka Lahui, e hoikeike aku ana makou, a oia keia. O na kahakahana nunui maloko, oia no na mokupuni nunui o kakou nei, oia o Hawaii, Maui, Oahu, a me Kauai.
O na kahakahana e e mi@ iho oia no o Molokai, Lanai, Kahoolawe, a me Niihau.
O na kahakahana liilii loa, oia no o Molokini, Lihue, Kaula, a me Nihoa.
A e hoomaopopo ka Lahui Hawaii oiaio, mai o a o oka aina o keia aela ke kulana o ko kakou hae aloha.
O keia mau kahakahana loloa nona ke keokeo, ulaula, a me ke Bulu, oia keia.
Keokeo he hoailona ia o ka Lanakila.
Ulaula he hoailona ia o ke Koko.
Bulu he hoailona ia o ka Maluhia.
A k@ hoike nui makou i keia, no ka pomaikai o na mea apau, i hiki ai i keia Lahui ke hoomaopopo, oia ihola ke kulana o ko kakou Hae i aloha nui ia.
Ka Hae hoi a ko kakou @ai aina i koho ai mai loko mai o ka ula o ke Ahi.
No laila, e ka Lahui @ @ @ na opio hoi o keia au @ @, a hoomaopopo i keia, o keia ke kulana oiaio, o ko kakou Hae ia aloha nui.
Ua komo pu na mokupuni o keia Pae Aina iloko o ka Hae, a no ia kumu i loaa ai ka hanohano oi kelakela ia Hawaii nei.
A i ka hoihoi ia a na mai o ka Hae Hawaii, oia ka wa a ka Moi Kauikeaouli, i hoike a e ai i kona makia paa, “Ua mau ke ea o ka Aina i ka pono” a ua hookomo puia iloko o ke Kalaunu o Hawaii nei.
Na Kumuhana a ka Aha Kuhina
Ke pahola aku nei Ka Leo imua o ka lehulehu, no ka pomaikai o ka lahui, i na Kumuhana a keia Aha Kuhina i kukala ae ai imua o ka Ahaolelo, nona na mahele eiwa, a e noi ia aku ana hoi oukou a pau, na makamaka a me na hoaloha; e heluhelu oukou me ke akahele loa, i hiki ia oukou ke ike pono i ke ano o keia mau Kumuhana, oia hoi, eia iloko o keia mau Kumuhana he nui no na mea i hoakaka ia no ke kulana o ke aupuni.
O ke kahua alakai hana o ko ke ’Lii ka Moiwahine Aupuni, oia no ka hoomau ana aku i ka mana hooponopono kumau, a me ke Kuokoa o ke Aupuni.
E hoohoihoi aku i na launa pili kalepa kokoke loa me Amerika Huipuia, i mea e hiki ai ke nui ka loaa mailoko mai o na mea ulu o ke aupuni, no ka hoopomaikai ana aku i na poe e lawelawe ana ma ke kanu ana, a hooulu ana, a e lilo aku auanei ia, i mea e pomaikai ai o ke aupuni holookoa.
E kokua aku ma ka hooholo ana i na kanawai e hiki ai ke hoomalielie ae i ka nele paahana o keia manawa, me na hoomalu kupono ana, elike hoi me ke ano o na limahana e hookomoia mai ana no ia mea, i hiki kupono ai hoi ke lawelaweia aku a holopono loa na pomaikai mahiai maoli a kuikawa o ke aupuni.
E lawelawe aku ma ke ano pakiko loa, i na lala oihana a pau o ke aupuni.
E hoomaopopo aku hoi aole e oi aku na lilo ma ka lawelawe hoomau ana aku i ke aupuni mamua ae o na loaa mai o ke Aupuni.
E kokua a e hoohoihoi aku hoi i na oihana mahiai a pau, a me na oihana e ae, me na kokua kupono ana ma ke kau kanawai ana, a me ka haawi kala ana, elike hoi mke ka keia Hale e manao ai, a me ka hiki kupuno hoi i na pomaikai a me na loaa o ke aupuni ke hoohana aku.
Ma na mea hoi e pili ana i na Kumuhana i waiho ole ia mai e na Kunina, a e hookomoia mai ana keia hope aku, a e waiho nei no paha i keia wa ano, ina paha @o na hana imi dala a ano e ae paha, ke koi nei ko ka Moi mau Kuhina i ke kuleana o ka hana ana aku, a [ page ends here ]