Ka Leo o ka Lahui, Volume II, Number 593, 30 November 1892 — Page 1

Ka Leo o ka Lahui

E Mau ke Ea o ka Aina i ka Pono."

Buke II.           HONOLULU NOVEMAPA @@ @2          @@@ 593

 

HE MOOLELO KAILI PUUWAI

NO

SENIA LUTERA

 

Ka Ui Puuwai Mabala

o

ENELANI KAHIKO.

AI OLE

 

He Nanea Hooheno

no kekahi Kauna

Wahine Opio me

kana mau Aloha

Ekolu.

(Kaukauia no Ka Leo.)

 

MOKUNA XXII.

 

Ina e kaili aku ko'u aloha mai a'u aku e Laionela: alaila elawe no au i ko'u ola!

 

            Ua hele aku la oia a ma kona pakaukau kakau a hoomaka iho la oia e kakau. Ua nui kona hoao ana aole nae e holopono, a ua pau ae la iaia i ka hae hae ia. Ua kulou iho la oia maluna o ke pakaukau e noonoo ana i kana mea e kakau ai, aole no he hiki, ua piha loa kona noonoo no Heneri, a me kana mau olelo lokoino.

            Heaha no la hoi ka mea i make ole ai o kela kuewa, i ka poka a kuu makuakane i ki ai, kai no paha ua make oia, eia no ka ke ola nei. E hoino mai no lakou ia'u e like me ko lakou makemake a aole au e ike mai ana i ka lakou hoino ae, oiai e waiho ana ko'u kino iloko o ka muliwai a'u i ike mua ai i na helehelena o Laionela.

            Ua hooholo au e make, ina au e mele me kona aloha, a e hooko ana au ia olelo a'u, wahi ana, me kona kulou ana iho maluna o ke keokeo o ke kanana, a hoao hou iho la oia o kakau.

            Aka, auwe, auwe, kuu aloha, ina no hoi e hiki hou ana ia'u la ke honi aku i kona mau lehelehe i hookahi manawa i kpe mamua o ko'u make ana.

            I keia manawa i kau iho ai ke kohu eleele o ka inika maluna o ka apana pepa a ua ui Senia nei, a oia na huaolelo a Laionela Mavila i heluhelu ai. nana i hookau mai i ke kaumaha maluna ona, a pinepine ai hoi kana nonoi ana i na Lani no ka hoomama ana ae iaia, a penei ua mau huaolelo la.

            Pinei ka leta a ua Senia nei i kakau ai na kana ipo.

            E Laionela kuu aloha, ua ike a ua maopopo  loa au aole au e ike hou ana i kou mau helehelena aloha, a aole no hoi e hiki ia'u ke kaawale ana aku mai kou ike ana me ke kakau mua ole i mau wahi lalani pokole, e hai aku ana nou ko'u aloha, a me ko'u hoomanao ana he nui, i ka minute hope loa a ka make e kau mai ai ma ko'u mau lihilihi. Ua nui ko'u aloha nou, a ua ike oe he oiaio au ia oe mai kou wa i ike mua ai ia'u a hiki hoi i ko'u kaawale ana mai ia oe mai. Eia au ke hele nei i ka muliwai. e Laionela aloha--ka muliwai a'u i launa mua ai me kou mau helehelena nanu--a ilaila ananei au e hoopau au u kei ehaeha nui i i@ iho maluna o'u. Aole o'u makau i ka make--aka he makau au i keia ola ana ke kaawale mai mai kau mau hiipoi ana. Ia'u e komo aku ai ilo ko o ka hui hui o ka wai, a i ka wa paha e pili iho au o ko'u mau maka no ka manawa hope loa nou ko'u aloha a me na hoomanao ana, aole au e poina ia oe e kuu ipo. ka mea nana i ai mai ia'u i ke ano o ke aloha, a me kona nani. Nolaila e Laionela, kuu aloha, kuu ola a me ka'u mea nui, na ke Akua a malama a e hoopomaikai a hoohauoli mai i kou ola ana. Ua hoao au e  e kuu aloha e hoohauoli ia oe ma na ani a pau, aka, ua haule ko'u manaolana. nolaila eia au ke hooko nei i ko'u hoopai. E aloha auanei oe e kuu ipo Laionela a mai hoopoina i ka hoomanao ana, no kau aloha i make iloko o ke kahawai.

            A pau kana kakau ana i kana palapala na kana aloha ua ku aela oia iluna a lawe ae la i ua leta la a hoopili aela ma kona mau lehelehe puka aela i keia mau huaolelo, o ko'u honi hope loa ana keia ia oe, ma keia leta, a nana no auanei e hoike piha aku ia oe. no kau Senia nei, a e like me kekahi kino uhane, pela oia i nalo aku ai mai kona rumi aku, no ka iho ana ma na anuu o ke alapii, a hiki i kona puka loa ana aku mai loko aku o ona home naui.

            Aole i pau.

 

HE NANEA KAMAHAO

NO

MAIKA

 

KE KEIKI

Hapa Ilikina a Hawaii hoi.

 

KE KANA MUA LOA NANA I PANA KE AKUA BEA A NA ILIKINI I MAKA'U LOA AI--A O KA WELI HOI O NA ILI KEOREO--A ME KA LUKU IA ANA O KELA HUI KEAKA A LI.

 

He Akua! He Akua o Maika, aole

oia he kana. Auwe! Auwe,

ua make ka Bea a ka-

kou e maka'u nui nei.

 

            Me ka manao e hae hae liilii ia Maika, eia nae ka mea hewa, ua hoopakalaki ia ia manao o ua bea la, no ka mea e like no me ka hikiwawe o kona iele ana mai pela no ka hikiwawe o ka pua a ke keiki hapa Ilikini i lele aku ai a kapoo aku la ma ka lae o ua bea la, a puka pu aku la ma kekahi aoao. a nalowale aku la ua pua la i ke au o ka hewahewa, pela hoi au e hooheno aku nei.

            E aloha mai hoi e ka hoa pili

            Alo ala i ke anu o ka nahele

            No ka ikaika loa o ka lele ana mai ua bea la. ua hookui pu mai la no ua bea la ma ia nei, a ua nonono ke iho la laua nei i na ai a ka ui, maluna malalo, pela ko laua nei nonono ke ana a hiki wale i ko laua paepae like ana, i wa i hoao ae ai ua kupuino la i kona wahi aho hope loa, ma ka alapoho ana aku iaia nei a komo iloko o kona puu moni ai.

            Ua hooko ia no ia manao o ua kupuino la, no ka mea ua komo io aku ia no o Maika iloko o ka pau o us bea la, aile keia i ike eia keia ile@@ o ke poo o na akua lapu nei a @@ ka pouli loa, oia paha keia mau lalani mele malalo iho

            I aloha ia kahi kihei-pali

            O ka rumi pouli kukui ele

            Aole no au i manao mua

            E hana ana oe i na mea

            I hewa hoi paha ia Mikimiki

            I ka hooni i ke kumu o ka hana.

            Komo iho la ka hoohuoi iloko oia nai, a pane ae la oia eia la au i hea e noho nei i keia manawa, @lai pae keia i hoopuka ae ai i keia mau huaolelo. o ka wa koke no a o ua ipo la i upoi ae ai @@@@ @@@@ kui @@e ka manao e naunau lala nei a okaoka liilii e @@@e me ka @@@@ o ka palaoa maka, eia @@@ kahi @@@ @@ @@, ua hoopuhili ia ia koko ino o na apuwale la mamuli o ka huhuki ia ana ae o kona alelo a hemo pu mai kona kumu mai, a no keia poi. no hou ana i loaa i na bea nei hui pu hoi me kela puka nui ma kona lae. a o ka opili hoi i ka noho iloko o ka wai, na ia mau mea i hoolilo ae i kona kino puhuluhulu i luahi na ka make mau loa, a kunewa aku la oia a make loa, i ko Maika ike ana i ke ano palupalu o ka wahe o ua bea la, o kona puke ae la no ia i waho me ka paa. pu no i je aleo o ua bea la. o ke ia nei miki koke iho la no ia i ke poo o ua bea la a oki ae la keia i ke poo a kaawale ae ia mai ke kania-i ae.

            Ma kei wahi o ka kaua moolelo e kuu makamaka heluhelu, e pono paha kaua e waiho iho ia Maika e hooluolu ana a pau ka naenae a me ke paupauaho, no ka mea ua hele i ka hana a ua luhi, aia hoi a pau ae ka maopaopa o ua lei nei a kaua, alaila hoohuli pono ae ko kaua wahi moku i ka peuwini. A e mana ae hoi kaua i kona mau hoa hele o na inea o loko o ka ulunahele o ke kuahiwi, ua pau nui aku nei paha i ke kakaa i ka pali aole paha.

            Oia me lakou nei e mama ana i ka holo a i ko lakou pau nui ana nae i ka naenae ua hoomaha iho la lakou nei iluna pono o ka piko o ua mauna la. oiai nae nei i nana aku ai ilalo o kahi punawai a lakou i manao ai e kena ana ko lakou makewai, ua hoopuiwa loa ia lakou i ka ike ana aku e ku mai ana o  Maika iloko o ka punawai a e au aku ana hoi ka bea pilikua ma kae, no m@@@ ua uwe nui ae la iakou me ka pane ana ae, auwe--e make ana ka ke keiki alii o kakou i kela bea lauwale aohe ona wahi e ola ae, pela hoi keia hooheno.

            Aole au e hiki aku ea

            Ua paa i ka aumakua ea.

            Aole i pau.

 

HOOLAHA PA AUPUNI

 

            E ike auanei na kanaka apau eia ma ka Pa Aupuni o Makiki nei kekahi mau lio hele h@@@, 1 Lio k. eleele, 1 wawae keokeo hope haole hao kuni ano e mahope @@@u, @@ @@@@la keia mau h@@.

            2. Lio w, ulaula, 2 wawae keokeo hope. 2 wawae eleele mua keokeo ka lae [2] keni hope hema

            3. Lio keiki k. ulaula 2 wawae keokeo akau hema keokeo loihi ma ka lae, aole hao kuni.

            4. Lio keiki w. hulupala, 4 wawae keokeo, keokeo lokihi ma ka lae, aole hao kuni.

            5. Lio k. ulaula 2 wawae keokeo hope, 2 wawae eleele mau aole hao ke kuni.

            6. Lio w. ulaula, 1 wawae keokeo hope hema keokeo ka lae me ka ihu hau kuni ano e kuni hope akau.

            7. Lio w. ulaula kiko keokeo ma ka lae paa na waewae i ka hao, aole hao kuni.

            8. Lio eleele 2 wawae keokeo hope kiko keokeo ka lae hao kuni ano e hope hema.

            9. Lio k, eleele 2 wawae keokeo hope kiko keokeo ma ka lae hao kuni ano e hope hema.

            10. Lio k, lokia ulaula 3 wawae keokeo, keokeo ka lae hao, (A) kuni hope akai.

            11. Lio k eleele keokeo ka lae. hao kuni ano e hope akau hao kuni ano e keia.

            12. Lio k hulupala kiko keokeo ma ka lae paa no na wawae i ka hao, kuni ano e hope hema.

            No ka mea a mau mea paha no na keia mau lio e pono e kii koke mai o hala na la 17 e kuai kudala akea aku no au ke hiki aku i ka la 12 o Nov. 1892.

            D. Kaoao

            Luna Pa Aupuni.

            Honolulu, Nov. 3, 1892*

 

OLELO HOOLAHA!

           

            E ike auanei na moo a pau, owau o ka mean nona ka inoa malalo nei, ke papa a ke kau leo aku nei au i na mea a pau, aole e hoaie wale mai i kuu wahine male. oia o Mrs. Julia Kaaiwaiai. Ua haalele mai oia ia'u, mailoko o ka'u mau puili hemhema ole ana ia ia, a ua hele akua ia e like me kona makemake, a ina e hoaie ia mai ana oia e kekai poo. maluna o lakou ko iakoa poho.

            O ke kuli ka make o ka lohe ke ola.

            Owau iho no

            Kou Oiaiao.

            Mr. P. Kaaiwaiwai.

            Hale Koa, Honolulu, Nov. 5, 1892

            11-7-1@