Ka Leo o ka Lahui, Volume II, Number 595, 2 December 1892 — Page 2
| This text was transcribed by: | Sinikka Nevanlinna |
| This work is dedicated to: | Awaiaulu |
KA LEO O KA LAHUI.
"E Mau ke Ea o ka Aina i ka Pono."
MA KE KAUOHA.
I keia la, ua hookohu ia aku o William E. Rowell, i Luna Nui no na Hana Hou, he hope ma kahi o Henry W. Mckintosh i make.
G. N. WILCOX,
Kuhina Kalaiaina.
Keena Kalaiaina, Dec. 1, 1892.
dec2 3tsd.
Oiai ua haalele mai ka hapanui o ka Papa Luna Nana Koho Balota, no ka Mahele Ekolu, Apana o Hilo Hema, a oiai ua haiki ka manawa e hoopiha ai i ua hakahaka la, a e hooko ai i ka manao o ke kanawai mamua ae o ka la 29 o Novemaba, ka la i kuahaua ia e malama ia ana ke koho balota kuikawa ana no ka Lunamakaainana iloko o ia Apana, ke hoolaha ia aku nei ma keia, ua hoopau ia ka olelo kuahaua i hoolaha ia aku mai keia Oihana aku malalo o ka la 4 Novemaba, 1892.
G. N. WILCOX,
Kuhina Kalaiaaina.
Keena Kalaiaina, Nov, 21, 1892.
nov21 3ts.
KUAI KUDALA O NA LAIKINI AWA.
E Kuai Kudala ia aku ana ma ke akea ma ka Poaha, la 8 o Dekemaba, 1892, na Laikini Kuai Awa malalo iho nei, no ka manawa o Hookahi Makahiki mai Ianuari 1 aka 1893:
OAHU.
Waialua. 1. } Koolauloa 1.
MAUI.
Lahaina. 2. } Hana. 1.
Wailuku. 2. Makawao.1.
HAWAII.
Hamakua. 1. } S. Kohala. 1.
N. Kohala. 1. Kau 1.
KAUAI.
Waimea. 1. }
O na Laikini o Oahu, e kuaiia ana ma ka la i hooikeia maluna ae nei, ma ka hora 12 awakea, ma ke komo ana aku mamua nei o Aliiolani Hale.
O ko Mokupuni hoi o Maui, Hawaii a me Kauia, e kuai ia aku ana ma ko lakou mau apana pakahi, ma ka la, ka hora a me kahi hoi i waeia e na Makai Nui a i ole e ko lakou mau hope paha. Ina mamuli o kekahi mau kumu i ikeia he mea kupono e hoololi ia ka la e kuai ai, e hoolaha hou ia aku no ma na pepa hoolaha pa'i alanui ma ka apana i olelo ia.
Kumukuai Hookumu - Wailuku me Lahaina, he $300 ko ka laikini pakahi, a o na apana e iho a pau i hoikeia maluna ae, he $100 ko ka laikini hookahi.
Ke Kuai Ana - E haawi mua ia ma ke ano hoopaa ka iwakaluakumamalima pa-keneta o ke kumukuai i ka wa e haule ai ka hamare, a e lawe ia no ia uku hoopaa ina aole e uku piha ia na dala o ke kumukuai o ua laikini la iloko o na la he umi mai ka la aku o ke kuai ana.
CHAS. T. GULICK.
Kuhina Kalaiaina.
Keena Kalaiaina
Honolulu Nov. 4,1892. tf-dly.
HOOLAHA KOHO BALOTA.
KEENA KALAIAINA
HONOLULU, NOV.10, 1892
I kulike ai me ke kanawai Koho Balota o ke Aupuni, ke hoike ia aku nei ma keia, he koho balota kuikawa no ke koho alii no na mokupuni o Kauai a me Niihau, e malamaia ana mawaena o na hora 8 A. M. a me 5 P. M. o ka POAKAHI, ka la 5 o Dekemaba, 1892, e hoopiha ana i ka noho hakahaka no na makahiki eono i koe i hoohakahaka ia mamuli o ka haalele ana mai o ka Mea Mahaloia George N. Wilcox.
O na apana Koho Balota, na Mahele Koho, na wahi koho a me na Luna Nana koho Balota, eia mahope iho nei:
MOKUPUNI O KAUAI ME NIIHAU.
APANA EKAHI - WAIMEA.
Mai ka Oioina mai o Puuanaia, e huipu ana ia Kalaheo a me ka Mokupuni o Niihau.
Mahele Ekahi - O kela wahi a pau o Kalaheo e haipu ana me Hanapepe. Wahi koho: Halekula o Hanapepe.
Na Luna Nana - H. C. Perry,
P. R. Holi.
Hookohuia no ka la Koho Balosa wale no.
S. M. Nawai.
Mahele Elua - O kela wahi o ka Apana i oleloia e moeana mai Hanapepe a hiki i ka laina i kahaia mai ke kai mai a hiki i ka laiani mauna ma kahi he 200ia ma ke komohana o Waimea Mill, a e huipu ana hoi i ke awawa o ke Kahawai o Waimea a me kona mau lala.
Wahi Koho: Hale Hookolokolo o Waimea.
Na Luna Nana - T. H. Gibson,
James Kamalemi,
C. B. Hofgaard.
Hookohuia no ka la koho Balota wale no,
G. L. Copa,
G. W. Kaona.
Mahele Ekolu - O kela wahi o ka Apana i oleloia e moe ana mai ka Mahele Elua mai a hiki i ka Lae o Puuanaiea.
Wahi koho: Halekula o Kekaha.
Na Luna Nana -W. I. Wells,
Davik Kua,
W. E. Smith.
Hookohuia no ka la Koho Balota wale no.
J. K. Kalua,
J. Kamikino.
Mahele Eha - Mokupuni o Niihau.
Wahi Koho: Halekula.
Na Luna Nana - J. H. Kaika,
J. B. Kaomea,
W. H. Keale.
Hookohuia no ka la Koho Balota wale no.
J. Pulawa.
J. D. Kaili.
APANA ELUA - LIHUE.
O kela wahi a pau o Kauai, mai a e huipu ana ia Kalahao a hiki i ka huipu ana mai me Hanamaulu.
Mahele Ekahi - Apana o Lihue.
Wahi Koho: Hale Hookolokolo o Lihue.
Na Luna Nana - R. W. T. Purvis,
W. G. Smith,
J. B. Hanaike.
Hookohuia no ka la Koho Balota wale no.
S. R. Hapuku.
Mahale Elua - O ka Apana o Koloa, mai kono pale me Lihue a hiki aku i ka huipu ana mai me ka aina o Lawai.
Wahi Koho: Hale Hookolkolo o Koloa.
Na Luna Nana - J. K. Burkett,
J. M. Kahalawai,
Louis Kahalbaum.
Hookohuia no ka la Koho Balota wale no,
E. Strehz.
APANA EKOLU - HANALEI.
O kela wahi a pau o Kauai, e huipu ana mai Wailua a hiki i ka Lae o Puuanaiea.
Mahele Ekahi - O kela wahi o ka Apana i oleloia e waiho ana mawaena o Waimea a me ke Kahawai o Kalihiwai.
Wahi Koho: Hale Hookolokolo o Waioli.
Na Luna Nana - H. Peters,
Jno. H. Barenaba,
J. M. Naeole.
Hookohuia no ka la Koho Balota wale no.
S. P. Kalaikini,
H. J. Wells.
Mahele Elua - O kela wahi o ka Apana i oleloia ae nei, e moe ana mai ke Kahawai o Kalihiwai, a hiki i ka huipu ana me ka aina o Papaa.
Wahi koho: Halekula Kilauea.
Na Luna Nana - W. O. Muller,
J. W. Kahee,
John Lovell.
Hookohuia no ka la koho Balota wale no.
Hiram K. Anahu.
Mahele Ekolu - O kela wahi o ka Apana e waiho ana mai ka aina o Papaa a hiki i ka huipu ana me ka aina o Wailua.
Wahi Koho: Hale Hookolokolo o Kapaa.
Na Luna Nana - H. Z. Austin,
J. M. Kea,
S. Kaiu.
Hookohuia no ka la Koho Balota wale no.
F. B. Smith,
G. B. Meheula.
G. N. WILCOX,
Kuhina Kalaiaina.
Keena Kalaiaina. Nov. 14, 1892.
nov14 3ts-dly.
OIHANA KALAIAINA
HONOLULU, Nov. 4, 1892.
I kulike ai me ke Kanawai Koho Balota o ke Aupuni, ke hoike ia aku nei ma keia, he Koho Balota Kuikawa no ke koho ana i Lunamakaainana e malamaia ana ma ka Apana o Hilo Hema, Mokupuni o Hawaii, mawaena o na hora 8 A. M. a me 5 P. M. o ka POALUA, la 29 o Novemaba, 1892, no ka hoopiha ana i ka makalua o ka noho i hoohakahakaia mamuli o ka haalele ana mai a ka Mea Mahaloia Joseph Nawahi.
O na apana Koho, na Mahele Koho, na Wahi Koho, a me na Luna Nana, eia iho no ia mahope nei:
APANA EKAHI – HILO HEMA.
Oia no o Puna a me Hilo ma ka hema o ka moeana kahawai maloo o Pukihae, e moe la mai Kau a hiki aku a e hoohui pu mai ana ia Kehena. Wahi koho: Halekula o Kalapana.
Na Luna Nana – J. M. Kauwila,
S. H. Haaheo,
J. Kahoomana.
Hookohuia no ka la koho Balota wale no.
J. A. Kaaukai,
D. Kahaulelio.
moe la mai Kehena a ka Palena o Hilo, koe aku o Keeau a me Olaa. Wahi Koho: Hale Hookolokolo o Pohoiki.
Na Luna Nana – J. E. Eldarts,
D. Kapele,
S. Kaulupali.
Hookohuia no ka la koho Balota wale no:
W. L. Haau,
J. K. Kalawe.
Mahele Ekolu – Oia no na Aina o Keaau a me Olaa ma Puna, a me kela wahi o Hilo e moe la mai ka Palena o Puna a ka moeana kahawai maloo o Pukihae.
Wahi Koho: Hale Hookolokolo ma Hilo.
Na Luna Nana – F. S. Lyman,
G. Hapai,
Jon Sisson.
Hookohuia no ka la Koho Balota wale no:
J. T. Brown,
G. Nakapuahi.
CHAS. T. GULICK,
Kuhina Kalaiaina.
Keena Kalaiaina. 11-7-3ts-dly.
KA LEO O KA LAHUI.
JNO. E. BUSH.
Lunahooponopono a me Puuku.
POALIMA, DEKEMABA 2, 1892.
O ke kumu anei ia o ka loloiahili.
Mamuli o kekahi leta haule i loaa i ko makou kiu, e huai pau ia aku nei ma kekahi wahi kaawale o ko kakou pepa o keia kakahiaka, ua komo iloko o makou ka hoohuoi ana, a puana ae la: "O ke kumu anei ia o ka loloiahili?" Ina io he oiaio na olelo o keia leta haule a i loaa hoi i ko makou kiu, alaila aia ka ahewa ikaika ana o ka makou makapeni maluna o ke poo o D. H. H- o Hilo, ka mea nana i hooulu a hoakea ae i keia kumuhana popopo, i kumu e hoonui ai i ka lilo o ka lahui, ma o ka hoohaule ana i ka wa e koho ai ia Joseph Nawahi. O ka makou e ake nui nei, e pono e hoopai i kela Papa Nana o Hilo, a e koli ola ia ka mea nana i hookumu i keia hana ino, ina o kekahi o lakou, e he poe e ae paha mawaho o lakou.
Maloo na Iwi o Hua i ka La.
LOAA PONO KE KOLOHE.
Na Hana Apuhi mai Hilo Mai – He Leta Haule ua loaa i ke Kiu.
Hilo, Hawaii, Nov. 14, 1892,
D. H. HITCHCOCK;
Loio ma ke Kanawai,
E kuu hoaloha Kakina: - O makou o ko Hilo nei poe, ua makemake ole loa makou, i ka lawelawe ia ana mai nei i ke koho balota maanei, no ka lunamakaainana.
Ua hiki pu mai no hoi he hoolaha koho balota ma ke Kinau o ka la 13 iho nei, oia ka Lapule.
Ma ke kanawai, no kekahi mea noi e holo lunamakaainana, e waiho aku oia i kana noi i ke Kuhina Kalaiaina iloko o 14 la, mamua ae o ka la koho balota.
Me keia mea, aole loa e hiki ia makou ke hooko aku, no ka mea, aole i loaa ia makou he alahele e hiki ai ia makou ke hoouna aku i Honolulu mamua ae o keia Poaha ae. Ma keia hana ana, ua ikeia ua kaa ka lanakila ma ko Nawahi aoao ma Hilo nei, a o ka makou mea i hooholo ai aole e hooko ia ana.
Nolaila, ua hooholo iho nei makou, e hoao aku e ka-ua i ka Papa Nana, ma ka hoihoi ana aku i ko lakou mau hookonu, a e kaohi pu ia hoi ke kau ana i na hoolaha koho balota, oiai hoi, aole i lawa ka makemake o ke kahawai.
Oia hoi, he koho balota hou ana keia, e haawi ana hoi i kulana hou ma ke koho ana aku.
Aole no hoi i hoopuka ae ko Puna Papa Nana i na hoolaha, nolaila, ua manao makou, aole e hiki ke malamaia ke koho balota, a@ ma keia mau mahele.
Aole anei e hiki ana i ke Kuhina Kalaiaina e haawi mai i la hou no ke koho ana, ma ka hoololi ana ae i ka la e koho ai ka balota, a ua oi aku nae ka maikai e hoopanee loa ia a ka la hope o Dekemaba, a ma ia hana ana, e kaupale ia aku ai ka noho ana o ka lunamakaainana hou i keia Kau.
A ua manao au, e pau ana keia Kau ia manawa.
E oluolu oe, ke loaa ia oe he manawa kupono, e hookomo hou iho ee i keia leta iloko o ka wa hi, e haawi aku i makana i ke Kuhina Kalaiaina, a ua maopopo no hoi ia'u aole paha oia e ae mai ana. Ma ou wale a la no keia e hoike ia aku nei ma ke ano malu.
Owau no me ka oiaio,
-D. H. Hitchcock.
[O keia maluna ae, oia ka la leta haule i loaa ai i ke Kiu, a o ua manao o keia leta, he nehohua, ma-kona, a halili pilikino maoli no, i ka Mea Hanohano Joseph Nawahiokalaniopuu. A ma ia ano i hooikaika ai ke 'Lii Kakina, e kue i ka Olelo Hooholo a ka Luna o Koolaupoko i lawe mai ai, e pili ana i na Hoa o ka Papa Nana o Hilo Hema, Mahele 3. Oia hoi na Lunakanawai Laimana. Hapai a me Kikina, aka, ua hooikaika ke 'Lii o Maui e kue loa, a e ole ka hoololi a ke 'Lii Peterson kokua ai ke 'Lii o Maui. Ua hoike mua aku no makou, o keia mau hana he mau hana apuhi, a he @ no e hoike mai ai ke Akua i na hana kolohe o keia ano. Nolaila, @ hiki mai ka wa e hoike ia ai keia mau hana kolohe a apuka kiekie loa o ka Pohai o ka Aoao Hoomaemae. Eia la ua hue ia mai nei na piha a polopolona o kuono a ahuwale i ke awakea. Ea, hewa ka i a a Umiamaka he okoa oloko.]
HOOHENO O KA AHAOLELO
Ua hoike mai ka Loio Kuhina, ua loaa iaia kekahi kope o keia leta haule, a e palapala ana oia i ka la apopo, i ka Papa nana o Hilo.
Ua hoike ae ke kahi haole, ina hoa o ka Hale Ahaolelo, ua kanalua ia ka haawi ana mai o ka poe mea dala, o America, i ka hui alahao Aina o Oahu, no ke kumu ua makou lakou i kekahi Hui e ae, o Hoomoe mai ka i alahao hou.
I ka wa i kahea ia ai na inoa, @na