Ka Leo o ka Lahui, Volume II, Number 597, 6 December 1892 — Page 2
| This text was transcribed by: | Lawrence Gersaba |
| This work is dedicated to: | Judith Nalani Kahoano Gersaba |
KA LEO O KA LAHUI.
"E Mau ke Ea o ka Aina i ka Pono."
MA KE KAUOHA.
I keia la, ua hookohuia aku o Keoki Kimokeo i hoa no ka Papa Alanui, no ka Apana Koho o Kau, Mokupuni o Hawaii, i panihakahaka ma kahi o G. W. Kaholokahiki i waiho mai.
G. N. WILCOX,
Kuhina Kalaiaina.
Keena Kalaiaina, Nov 30, 1892. dec5 3tsd.
I keia la, ua hookohuia aku o J. Kamalenui, i hoa no ka Papa Alanui no ka Apana Koho o Waimea, Mokupuni o Kauai, i panihakahaka ma kahi o G. W. Malama i waiho mai.
G. N. WILCOX,
Kuhina Kalaiaina.
dec5 3tsd.
O ka poe apau he mau hao kuni ko lakau, e paa nei ma ka buke Aupuni, i ku i ke kanawai, ke kauoha io aku nei lakou, e hele a e ma ke Keena o ke Kuhina kalaiaina, mai keia manawa aku, a hiki i ka la 1 o Iulai 1893, a ma na mokupuni eae, ma ke Keena o ka Makai Nui, no ke hope hou ana i na inoa.
G. N. WILCOX,
Kuhina Kalaiaina.
Keena Kalaiaina. Dec. 2, 1892. dec5 3tsd - dly.
I keia la, ua hookohu ia aku o Mr. Lyon K. Kakani, i Luna Pa Aupuni, no ka Pa Aupuni o Hana, Maui, kupuni o Maui i hope no C. Pololu, i waiho mai.
G. N. WILCOX,
Kuhina Kalaiaina.
Keena Kalaiaina. Nov. 30, 1892. dec5 3ts - dly.
I keia la, ua hookohu ia aku o S. W. Kekuewa Esq. i Notari no ka lehulehu, no ka Mahele Ekolu o ke Aupuni Hawaii.
G. N. WILCOX,
Kuhina Kalaiaina.
Keena Kalaiaina, Nov. 30, 1892. dec5 3ts - dly.
I keia la, ua hookohu ia aku o Mr. Moses Papaiakea, i Luna Pa Aupuni, no ka Pa Aupuni o Huelo, Mokupuni o Maui, i hope no K. Honokaupu i waiho mai.
G. N. WILCOX,
Kuhina Kalaiaina.
Keena Kalaiaina, Nov. 30, 1892. dec5 3ts - dly.
I keia la, ua hookohu ia aku o William E. Rowell, i Luna Nui no na Hana Hou, he hope ma kahi o Henry W. McIntosh i make.
G. N. WILCOX,
Kuhina Kalaiaina.
Keena Kalaiaina. Dec. 1, 1892. dec2 3tsd.
Oiai ua haalele mai ka hapanui o ka Papa Luna Nana Koho Balota, no ka Mahele Ekolu, Apana o Hilo Hema, a oiai ua haiki ka manawa e hoopiha ai i ua hakahaka la, a e hooko ai i ka manao o ke kanawai mamua ae o ka la 29 o Novemaba, ka la i kuahaua ia e malama ia ana ke koho balota kuikawa ana no ka Lunamakaamana iloko o ia Apana, ke hoolaha ia aku nei ma keia ua hoopau ia ka olelo kuahaua i hoolaha ia aku mai keia Oihana aku malalo o ka la 4 Novemaba, 1892.
G. N. WILCOX,
Kuhina Kalaiaina.
Keena Kalaiaina. Nov. 21, 1892. nov21 3ts.
KUAI KUDALA O NA LAIKINI AWA.
E Kuai Kudala ia aku ana ma ke akea ma ka Poaha, la 8 o Dekemaba, 1892, na Laikini Kuai Awa malalo iho nei, no ka manawa o Hookahi Makahiki mai Ianuari 1 aka 1893.
OAHU .
Waialua. 1. } Koolauloa 1.
MAUI .
Lahaina. 2. } Hana 1.
Wailuku. 2. } Makawao. 1.
HAWAII .
Hamakua. 1. } S. Kohala. 1.
N. Kohala. 1. } Kau. 1.
KAUAI .
Waimea. 1. }
O na Laikini o Oahu, e kuaiia @ ma ka la i hoikeia maluna ae nei, ma ka hora 12 awakea, ma ke komo ana aku mamua nei o Aliiolani Hale.
O ko na Mokupuni hoi o Maui, Hawaii a me Kauia, e kuai ia aku ana ma ko lakou mau apana pakahi, ma ka la, ka hora a me kahi hoi i waeia e na Makai Nui a i ole e ko lakou mau hope paha. Ina mamuli o kekahi mau kumu i ikeia he mea kupono e hoololi ia ka la e kuai ai, e hoolaha e hoololi ia ka la e kuai ai, e hoolaha hou ia aku no ma na pepa hoolaha pa alanui ma ka apana i olelo ia.
Kumukuai Hookumu - Wailuku me Lahaina, he $300 ko ka laikini pakahi, a o na apana e iho a pau i hoikeia maluna ae, he $100 ko ka laikini hookahi.
Ke Kuai Ana - E haawi mua ia ma ke ano hoopaa ka iwakaluakumamalima pa-keneta o ke kumukuai i ka wa e haule ai ka hamare, a e lawe ia no ia uku hoopaa ina aole e uku piha ia na dala o ke kumukuai o na laikini la iloko o na la he umi mai ka la aku o ke kuai ana.
CHAS. T. GULICK.
Kuhina Kalaiaina.
Keena Kalaiaina
Honolulu Nov. 4, 1892. tf -dly.
HOOLAHA KOHO BALOTA.
OIHANA KALAIAINA
HONOLULU, NOV. 4, 1892. }
I kulike ai me ke Kanawai Koho Balota o ke Aupuni, ke hoike ia aku nei ma keia, he Koho Balota Kuikawa no ke koho ana i Lunamakaainana o malamaia ana ma ka Apana o Hilo Hema, Mokupuni o Hawaii, mawaena o na hora 8 A.M. a me 5 P.M. o ka POALUA, la 29 o Novemaba, 1892, no ka hoopiha ana makalua o ka noho i hoohakahakaia mamuli o ka haalele ana mai a ka Mea Mahaloia Joseph Nawani.
O na Apana Koho, na Mahele Koho, na Wahi Koho, a me na Luna Nana, eia iho no ia mahope nei:
APANA EKAHI - HILO HEMA.
Oia no o Puna a me Hilo ma ka hema o ka mooana kahawai maloo o Pukihae, e moe la mai Kau a hiki aku a e hoohui pu mai ana ia Kehena. Wahi koho: Halekula o Kalapana.
Na Luna Nana - J. M. Kauwila,
S. H. Haaheo,
J. Kahoomana.
Hookohuia no ka la Koho Balota wale no.
J. A. Kaaukai,
D. Kahaulelio.
moe la mai Kehena a ka Palena o Hilo, koe aku o Keaau a me Olaa. Wahi Koho: Hale Hookolokolo o Pohoiki.
Na Luna Napa - J. E. Eldarts,
D. Kapele,
S. Kauluoali.
Hookohuia no ka la Koho Balota wale no:
W. L. Haau,
J. K. Kalawe.
Mahele Ekolu - Oia no na Aina o Keaau a me Olaa ma Puna, a me kela wahi o Hilo e moe la mai ka Palena o Puna a ka moeana kahawai maloo o Pukihae. Wahi Koho: Hale Hookolokolo ma Hilo.
Na Luna Nana - F. S. Lyman,
G. Hapai,
Joe Sisson.
Hookohuia no ka la Koho Balota wale no:
J. T. Brown,
G. Nakapuahi.
CHAS. T. GULICK.
Kuhina Kalaiaina.
Keena Kalaiaina. 11-7-3ts-dly.
KA LEO O KA LAHUI.
JNO. E. BUSH.
Lunahooponopono a me Puuku.
POALUA, DEKEMABA 6, 1892.
KA HALE AHAOLELO.
Ma nehinei, ua hooholo iho ka Ahaolelo e haawi he $30,000 no ke kokua laina mokuahi no Kapalakiko, a he $12.000 no kekahi moku e holo ana no Hilo i keia a me keia mahina. He hana kokua keia i na laina mokuahi, i manao ia e hoolawa ana i na wahi hana kupono i na kanaka Hawaii, a e hoi hou mai ai i ka aina keia mau dala, e pela aku hoi a komo hou i ka waihona. He mea maopopo, ina aole ka laina mokuahi aole ana e loaa ke alanui hikiwawe e hiki ai na ana ai a me ukana poino wale i ka makeke kuai ia ai.
KA LUNA ALAHAO NUI.
Ua lohe mai kakou e huli hoi mai ana o Mr. Dilinahama i keia mau la aku, mahope o ka holopono ana o kana huakai hoaie dala i hele aku nei, ma ka holo ana o ka Bila Kanawai i kela Poaono e ae ana e hoolilo ia na pono a me na pomaikai aka a ke aupuni i haawi mua ai, i ko na aina e poe, ma ke ano hoopaa, e loaa koke ana no kana mea e ake nei, he hoaie. Nui kona hoomanawanui ana i keia hana, mamuli o ka noonoo a me ka noeau. Aka, pela iho la no e ikea ai ke ano o ke kanaka akamai a ike kalepa. O Dilinahama kekahi o na haole opio i kamaeina a i kupa i keia aina, i hiki ke maha loia no kona hooulu ana i keia hana, a elike me ka makou i olelo ai i na Kini o Koolaupoko, i ka 1890, o ke alahao hookahi ka mea e waiwai ai ka lakou hana mahi, a o ka aina ka makua e kuonoono ai. Eia mai ua alahao la a hiki aku ma keia mua iho.
KE ULU NEI.
Ua hooholo iho ka Pope e hoouna aku i Kona Luna Aupuni ma Wasinetona, ma keia mua aku. O ke ku ana keia o ka mana pono kino o ka Hoomana Pope, a o ka la kiekie mai koe, e kue ana i na kanawai o ke Akua, e hehi ana i na haipule, no ka manawa hope loa, o ka Haku o na Haku ke 'Lii o na 'Lii, ka mea nona e puhi ia lakou i ke ahi.
HOOHENO O KA AHAOLELO
Ua hoohalike ae ke alii Kahina ina Kuhina, a me kekahi mau alii, ua like lakou me na kinana moa, e hoopunana ana maluna o na puu pohaku, aole maluna o na huamoa, he molowa ka i ka hanai ke hua ae.
Ua hoike hou ae oia, o keia poe Kuhina, ua like lakou me kekahi moo, e ai ana i kona huelo ponoi iho, i mea nona e momona ai.
Ua hoike hou ae no oia, o na kanaka Hawaii, ua oi aku ko lakou ike, a me ka lolo o ko lakou poo, mamua o keia poe haole, he ke no ka ike o ke alii o Maui i ka hoohei ina kanaka Hawaii.
Wahi a ka luna Hanohano o Lahaina, he ku no ke akamai o ke alii o Maui i ka hoomaneoneo i ka puaihu o na hoa Hawaii, a he keu o ka manene o na pepeiao a he keu o ka waimeli o na olelo, a o keia $12,000 dala, ke lu ia aku nei no keia pu-pu-pu, a e ohi auanei i ka puahiohio.
Ua hoike ae ka Mea Hanohano o Waialua, ho pono no ke hoololo ia keia haawina, oiai he hana naauao ia nolaila, na makemake au e kokua i keia $12,000 dala e noi ia nei.
Wahi a ka Mea Hanohano o Hamakua i olelo a'e ai, penei, ua olelo mai o Isaia, e u i ka oukou Balena maluna o ka wai, a haia na la he nui, e ohi hou mai no, a i na pela, ua oi aku pono e hooholo kako i e na hoa i keia haawina o $12,000 dala, no ka hoio ana o ka Paha i Kikako, no ka hoikeike nui o ke ao nei malaila, nolaila, e koho ana au ma ka aoao e hooholo loa.
KAU AHAOLELO O 1892.
LA HANA 133.
AUINA LA.
Bila kanawai helu 157A heluhelu ekolu ana. Nui ka hoopaapaa ana o na hoa no keia bila kanawai, noi ia e kakau ia na, ae a me na hoole, a ua aponoia ka bila.
Noonoo ia ka bila ma na pauku, ua nui na hoopaapaa ana, a ma ka ninau ia ana ua hooholo ia ka hoa, loli e pili ana i na makahiki he 14, a ka 10.
Hoololi hou mai ke alii Kakina, kaupalena ia ka nui o na pake i ka makahiki i 3000 19 kue, a he 17 kokua a ua hoole ia. Hoopanee ka Hale.
LA HANA 123.
Nov 30
Halewai ka Hale e like me ka mau.
Komite Wae
Kuhina o kona Aina, hoike e pili ana i ka ninau a Wilcox e pili ana no Mr. Makalua a me Mr. Makini e hookomo ai i $4,000 dala iloko o ka bila Haawina, no ka hoonaauao a no ina opio Hawaii i na Aina e.
Na Olelo Hooholo.
Loio Kuhina Hoolaha Kanawai, e pili ana i ka Alakahola, e hana ia mai loko mai o ka laau.
Na hana o ka La.
Na hana pau ole o ka la i hala, noonoo ana o ka bila helu 157A.
Noonoo ana i ka hoololi a ke alii Kakina o Maui e kau pale ana i ka huina o ka poe pake e hookomo ia mai ana no ka makahiki, aole e oi aku mamua o 5,000 tausani.
Hooholoia ka hoololi a ke alii ana Kakina Kuhina o kona aina, e pakui mai oia he pauku hou, iloko o ka bila, e pili ana ina Luna Nui o Kina a Aupuni e ae paha, a e kapa ia pauku 9, ma ka ninau ia ana, ua aponoia.
Noi ka mea hanohano o Wailuku Akau, e hapai hou ia ka noonoo ana o ka pauku elua e pili ana i ka kuina o 5.000 tausani pake lima hana aponoia, he 19 kue, ia 17.
Noi hou ke alii Kakina e olelo ia elima kausani o ka makahiki hookahi.
Ua nui na hoopaapaa ana o na hoa no keia hoole hou a ke alii o Maui.
Ua nui na kamailio ana, no keia hoolohe a ma ka ninau ia ana, ua hoole ia ninau ia ka hoololi a ke alii Kakina hooholoia o ko na aina e penei.
Pauku 2, e uku ia $1.00 no ka inoa o kela a me keia, a i $3.00 no kela a me keia palapala ae hoi Kina, a hoi mai i olelo ia ma ka Pauku 5 o keia kanawai, he mau hoololi hou keia, e hookomo ana ma ka pauku elua, a me elima.
Ma ka ninau ia ana, ua hooholo ia ka hoololi a ke Kuhina.
Pauku ou mai ke Kuhina o ko na Aina e, he pauku hou, e pili ana i na dala e loaa ana, e hoihoi ia i