Ka Leo o ka Lahui, Volume II, Number 603, 14 December 1892 — E HAULE PAHU ANA. [ARTICLE]

E HAULE PAHU ANA.

Ma muli o ko KA LEO ano he kilo, he kuhikuhi puuone, he kaka olelo, no keia au, a he kiai hoi ma ka aoao o ka Lahui Hawaii, a he mea hoike hoi ina ouli o ka manawa e hiki mai ana. Nolaila, ke hoike e a ku nei KA LEO i o la honua, i kekahi ouli ana e ike e nei, e hiki mai ana, oia keia. Ma ka la 19 a e nei o keia malama, e malama ia ai ke koho balota ma Hilo Hema. Nolaila, ke hoike e aku nei ua kiai nei ou e Hawaii, o J. Nawahi wale ana no ke holo mai ana, no ka apana koho o Hilo Hema, ma ke ano he Lunamakaainana, no ia apana. Oiai hoi, mamuli o ke kilo pono a Ka Leo i na ouli o ka manawa e hiki mai ana, ua ike eia e ia, o ka hoa holo balota o J. Nawahi, e haule pahu ana oia, ao kapaeia ana kona inoa me kona kaha ma kulakula, a o ka poai nana keia mau hana haʻihaʻi Kanawai, e hilahila ana lakou. Oiai hoi, eia na ouli ke kau e mai nei no ka halia, e hoike mai ana, o J. Nawahi wale no ka moho e holo ana no keia kau ku i ka wa o Hilo Hema. Ke hoike e nei Ka Leo i keia ouli i o la honua, a na ke au o ka manawa, e hoike mai i kapuana a ka moe.