Ka Leo o ka Lahui, Volume II, Number 604, 15 December 1892 — Page 3

KA LEO O KA LAHUI.

"E Mau ke Ea o ka Aina i ka Pono."

 

Hoomaha ka hale.

 

Auina La.

 

Uku Hale Dute Kaihului                        600

Uku Hale Dute ma Hilo                      1,200  

Kokua Nunu lawe leta                           500

No ka pono o J. Kahahawai    2,600

Peter Hai me Dilinahama                    1,600

Hanakau. ele                                       3,175

Kokua Kinaiahi o Hilo                        1,000

           

            Heluhelu mai o White he olelo hooholo, e uku aku ia F. J. Test@ i $100, haawiia i ke Komite.

Alanui no Kula, Maui                600

            Heluhela mai ka Loio Kuhina he hoololi no ke kanawai e pili ana i ka Luna Hooia.

            Kokua laina mokuahi mai Keomolewa a Hilo 7,000, waihoia na noi a pau ma ka papa.

Hoolako ana i ka halealii                     5,000

Hina kupapau ma Puea                          300

Mikini hoomaemae Ramia      4,000, a ua hooleia.

Uku ana i na poho o Ilai                         200

            Hoopanee ka hale.

LA HANA 145.

 

Dec, 13, 1892.

 

            Halawai ka @ale elike me ka mau.

            Komite mau.

            Baldwin, hoike no ka palapala hoopi helu 431, waihoia a noonoo pu me ka bila haawina.

            Waipuilani, e pili ana i ka palapala hoopii helu 475, waihoia a noonoo pu me ka bila.

 

Na Olelo Hooholo.

 

            Waipuilani, e hoolimalimaia aku kekahi loio no ka hana ana i kekahi kanawai no ka oihana kinaiahi @ Hilo, hooholoia.

            Kuhina Kalaiaina, ua apono ka Moi i ke kanawai o lima.

            Na Hana o ka La.

            Heluhelu ekolu ana o ka bila 113.

            Hoomalia ka hale.

            Auina La.

            Nui ka hoopaapaa o na hoa no ka bila alahao a hona, a hiki i ka haawiia ana o ka bila iloko o ka li@a o na Komisina no ka 1894.

            Hoopanee ka hale.

NU HOU KULOKO.

 

            Ahaolelo ko keia kakahiaka, hora 9.

            O ka itamu e haawi ana i $4,000 no ka mikini hoomaemae Lamia ua kapae loa ia keia itamu.

            I keia la e pau ai ka hookaa ana no ka auhau. e like me ke kanawai.

            Ke haohao ia nei ka nalowale ho@@@ ana o kekahi luahine o Kanakeawe ka inoa, mai kona wahi noho mai ma ke alanui Moiwahine ae nei, O ka ike hope ia ana o o keia luahine, e noho ana mawaho iho o ka ipuka o ka halepai nupepa Buletina. Ua manao ia he opulepule oia, a oia kona mea i nalowale ai

            Mai ka la 30 mai o Nov. kona haalole ana i ka hale.

            Apopo ekolu makou e hoea aku ana i ka ihona, me na kohi kelekele a ka puu moniai o na anoai like ole o kela a me keia ano, a me ka moolelo piha o ka Ahaolelo.

            O keia Poakahi ae ka la koho balota Kuikawa o Hilo Hema, a he mea kanalua ole ke hai ae, e pulelo mai ana ka moho Liberala, Ho. J. Nawahi.

            Ma keia @oi hou ana aku a ka mokuahi Ausetaralia, e kau aku ai kekahi hoa o ka Ahaolelo, oia o J. N. S. williama, aole hoi ma ka moku o ka la apopo e like me ka lohe mua ia.

            O ka Bila Haawina o keia kau Ahaolelo, he $2,664,378.57, oia na mea i koho ia; a i na itamu pakui hou ai hoi, aneane e hiki i ka $4,000,000 a oi, nui no kela, ku ke pai hana ka haawe.

            Ua nui ka hauoli on a Hoa Hanohano o ka Hale Ahaolelo @ ka hoike ana o ka LEO i ka papa inoa o na keiki a ka poe waiwai a me na luna aupuni. e hele wale nei i kekahi mau kula.

            Ua hooholo ka Ahaolelo i ke kanawai e pili ana i na Laikini o na waiwai kalepa o kela a me keia ano. a aole hoi e like me ko keia wa, he like wale no mai Kaena a Waialua ma ke $50.

            Ua hoouna ia aku ma ke Kinau o ka Poalua nei no Hilo, ka waapa heihei o ka Moiwahine kane make; oia o Puaala, no ke Kiaaipa Baker. He makana Karisimaka keia i ke keiki o ka ua Kanilehua o Hilo.

            Ua hoohoka ia kekahi poe makaikai, i kela hale pohaku i hoopae ia mai nei e ke kai ma Haena Kauai, ma o ko lakou hiki ana aku malaila; ua nalowale mua aku ua hale la. Ua manao kekahi poe o ka hale keia o Lohiau.

            I ke awake onehinei i lohe ia aku ai kekahi wahine e kahea ana i kana mau keiki, aole nae i lohe mai, ke ao aku nei KA LEO mai no a hookuli i ke ao a ka makua, ka leo o ka makua ka mea aloha i ke kaukau mai me ka waimaka.

            Ke haawi ia aku nei ka iohe i kela a me keia uhane ola a ke Akua i hana ai, in a he makana Karisimaka ka lakou, na na keiki makua ole e noho mai la ma Molokai, e hiki no ke waiho aku i ka lakou mau makana ia Mr. J. T. Walakahauki Jr., a nana no e hoouna aku ma ka aina o ka ehaeha e hoomanawanui ia maila e ia poe.

            O ka põe apau i makemake e kuai i mau apana Aina no lakou, e pono e hele ae e kuka pu me Keoni Samoa, oiai he mau ahupuaa ko kana wahine oia o Nakaiewalu, i hiki aku ka waiwai io i ka 20 miliona dala. O kana olelo keia e hoolaha ia aku nei, a na oukou no e wae i ko oukou makemake ma o ke kuka pu ana me ka mea nona keia waiwai nui.                                                                              575-tfd.

 

Aole keia he Mau Hana Hoohoka!

 

AKA HE MAU

 

WAIWAI HOU WALE NO, AOLEIPOPOPO

 

E LOAA NO

 

MA KE KUMUKUAI. EMI LOA!!

 

MA KAHI O

 

N. S. SACHS,

Helu 104                     Alanui Papu, Honolulu                       Helu 104.

 

O na Waiwai Hou Wale no ko ko Makou Halekua,

            Aole o na Apa Lole Popopo a Kahiko!

            Aole a makou mau hana hoopuunipuni; aole a makou ma@nu ekaeka, oia hoi, aole o makou paali aku i na apa lole kahiko i kumu e loaa ai he puka ma ko makou aoao, aka, haawi aku makou i na waiwai hou loa no ko makou mau makamaka a me na hoaloha, no ke Kumukuai Emi Haalele Loa,

            Ua wehe ae nei makou i keia wa he laina hou o na Lihilihi a me na Lihilihi Kuuwelu i hoouma pololei ia mai E @ropa mai, ma o ko makou mau kauoha ponoi ana aku, a ke hooia aku nei makou e kuai ia aku ana no me ka emi loa i oi ae ka emi mamua o kekahi mau halekuai e ae. Ua loaa pu mai no hoi ma ko makou halekuai nei, he mau lako hou o na Apa Keokeo, na Lako Kalakoa a me na Kinihama,

            A ke kuai aku nei makou ma ke kumu lilo, no ka mea ua makemake makou e loaa on a wahi e hoahu ia ai ko makou mau waiwai lako huiuhulu. Ua wehe pu ae nei makou NI'O a me na APA SILIKA LAU. He mea pono e ike ko makou makamaka a me na hoaloha i keia mau waiwai  hou a nani, Emi ke Kumukuai. O na APA SILIKA ELEELE, PAPAMU, a pela aku, e loaa no ma ko kumukuai haahaa loa.

            Na Papale o na Wahine i humu @ kinohinoiia, na Papale o na Keiki o ke ano hou loa, e kuai ia aku no ma ke kumukuai haahaa loa. Na Pua Papale, na Kulu Papale hou, e pela aku, e loaa no ma ko makou halekuai me @e kumukuai emi loa. O ka loaa koke ana mai nei no ia o ka mea humu papale hou o ko makou halekuai mai Nu Ioka mai. He loea kana mau hana hookinohinohi ana i na papale. Ua hiki ia makou ke kaena ae ua oi ae kona loea mamua o na mea hana a kinobino papale o kekahi mau halekuai papale e ae.

            E hoomanao hou iho e na makamaka a me na hoaloha, o ka pono, pololei, kaulike, ko mkkou moto, a aole e na hana poholalo, a mamua o ko oukou hele ana aku i kekahi halekuai e aku, e kipa mua mai ma ko makou halekuai. E kilohi mua. E nana. E lolelole. E hooia no oukou iho.

N. S. SACHS

            575-tfd.                       104 Alanui Papu, Honolulu

 

            He Kuai Hoopau Nui

 

MA KA

 

HEIAU O NA PAIKINI!

            No Keia wahi Pule Hookahi Wale iho no!

 

A HE OIAIO

 

            E Kuai pau aku ana ka Makou mau LOLE KEOKEO a pau, oia hoi

            Lilina, na Kalakoa a me na Lole Kilikia me na Huluhulu

            Na Kinamu a me na Lole Nani onaano a Pau.

           

            E pau ana i kela pule no ke Kumukuai hiki ole ke manaoia no ke emi loa. E hoomanao @ na Lede i keia kuai kamahao e panee ia aku nei imua o oukou.

            575-tfd.                                                           S. EHRLICH, Ka He@@u @@Paiki@@.