Ka Leo o ka Lahui, Volume II, Number 606, 19 December 1892 — Page 2

KA LEO O KA LAHUI.

"E Mau ke Ea o ka Aina i ka Pono."

MA KE KAUOHA.

KUAI O KA AINA AUPUNI I KAPAIA O LAULA, KONA AKAU, HAWAII.

 

            Ma ka Poalua, Iulai 10, 1893, ma ka hora 12 awakea, ma ke alo o ka Hale Aliiolani, e kuai kudala ia ai ka aina aupuni o "Laula" ma Holualoa Elua, Kona AKau, Hawaii, nona ka ili o 38 2-10 eka oi iki aku a emi iki mai paha.

UKU HOOKUMU. $100

G. N. WILCOX.

Kuhina Kulaiaina.

Keena Kulaiaina Dec. 12, 1892.

dec13 3ts.

 

            I kulike ai me ka Pauka 2 o ka Mokuna XXXV o na Kauawai o 1888, ua hookohu au i keia la ia Mr. Aarona, @ Luna Pa Aupuni no ka Pa Aupuni ma Makanalua, Kanua Mai Lepera, Molokai.

G.N. WILCOX.

Kuhina Kalaiaina.

Keena Kalaiaina, Dec. 5 1892.

dec12 3ts.

 

            I kulike ai me ka Pauka 1 o ka Mokuna XXXV o na Kanawai o 1888, ua hookaawale au i kekahi pa no ka hoopaa ana i na holoholo!a belehewa ma ke Kahua Mai Lepera, Molokai, maluna o kekahi apana e waiho kokoke la i ka Ilina Kupapau o Makanalua, Molokai.

G.N. WILCOX.

Kuhina Kalaiaina.

Keena Kalaiaina. Dec. 5, 1892.

dec12 3ts.

 

            Ua hookohuia o Chas. T. Gulick i Komisina o na Palapala Hoopaa no ka Paeaina Hawaii ma kahi o Konathau Austin i make.

G. N. WILCOX.

Kuhina Kalaiaina.

Keena Kalaiaina, Dec. 8, 1892.

dec12 3ts.

           

            Mamuli o ke kaa ana o ka la 25 o Dekemaba, 1892, a me Ianuari 1 1893 i ka Lekapule, nolaila, o ka Poakahi Dekemaba ia 26 1892, a me Ianuari 2, 1893, e malama ia ana ia mau la i mau la kulai aupuni. A o na Keena Oihana Aupuni o ke Aupuni, e pani ia no.

G. N. WILCOX

Kuhina Kalaiaina

Keena Kalaiaina.

Honolulu, Dec. 9, 1892. 3ts-dly.

 

            I keia la ua hookuhuia aku o Keoki Kimokeo i hoa no ka Papa Alanui, no ka Apana Koho o Kau, Mokupuni o Hawaii, i panihakahaka ma kahi o G. W. Kaholokahiki i waiho mai.

G. N. WILCOX,

Khuina Kalaiaina.

Keena Kalaiaina, Nov. 30, 1892.

dec5 3ted.

 

            I keia la, ua hookonuia aku o J. Kamaleuui, i hoa no ka Papa Alanui no ka Apana Koho o Waimea, Mokupuni o Kauai, i panihakahaka ma kahi o G. W. Malama i waiho mai.

G. N. WILCOX,

Kuhina Kalaiaina.

dec5 3tsd

 

            O ka poe apau he mau hao kuni ko lakau, e paa nei ma ka buke Aupuni, i ku i ke kanawai, ke kauoha io aku nei lakou, e hele a e ma ke Keena o ke Kuhina kalaiaina, mai keia manawa aku, a hiki i ka la 1 o Iulai 1893. a ma na mokupuni eae. ma ke Keena o ka Makai Nui no ke kope hou ana i na inoa.

G. N. WILCOX.

Kuhina Kalaiaina.

Keena Kalaiaina. Dec. 2, 1892.

dec5 3tsd-dly

 

            I keia la ua hookonu ia aku o Mr. Iyon K Kakani, i Luna Pa Aupuni. no ka Pa Aupuni o Hana, Mokupuni o Maui i hope no C. Pololu. i waiho mai.

G. N. Wilcox. Kuhina Kalaiaina

Keena Kalaiaina. Nov. 30, 1892.

dec5 3ts-dly

           

            I keia la, ua hookohu ia aku o S. W. Kekuewa Esq, 1 Notari no ka lehulehu, no ka Mahele Ekelu o ke Aupuni Hawaii.

G. N. Wilcox

Kuhina Kalaiaina

Keena Kalaiaina, Nov. 30, 1892.

dec5 3ts-dly

 

            I keia la, ua hookhu ia aku o Mr. Moses Papaiakea, i Luna Pa Aupuni, no ka Pa Aupuni o Huelo, Mokupuni o Maui, i hope no K. Honokaupu i waiho mai.

G. N. Wilcox.

Kuhina Kalaiana.

Keena Kalaiana, Nov. 30. 1892.

dec5 3ts-dly.

 

            I keia la, ua hookohu ia aku o William E. Rowell, i Luna Nui no na Hana Hou. @e hope ma kahi o Henry W. McIntosh i make.

G. N. WILCOX,

Kuhina Kalaiaina.

Keena Kalaiaina. Dec. 1, 1892.

dec2 3tsd.

 

            Oiai ua haalele mai ka hapanui o ka Papa Luna Nana Koho Balota. no ka Mehele Ekolu, A@ana o Hilo Hema, a oiai ua baiki ka manawa e hoopiha ai i ua hakahaka la, a e hooko ai i ka maneo o ke kanawai mamua ae o ka la 20 o Novemaba, ka la i kuahaua ia e maiama ia ana ke koho balota kukawa ana no ka Lunamakaainana iloko o ia Apana, ke hoolaha ia aku nei ma keia ua hoopau ia ka olelo k ahaua i hoolaha ia aku mai keia Oihana aku malalo o ka la 4 Novemamba, 1892.

G. N. WILCOX.

Kuhina Kalaiaina.

Keena Kalaiaina. Nov, 21. 1892.

nov21 3ts.

 

KA LEO O KA LAHUI.

JNO. E. BUSH.

Lunakooponopono a me Puuku.

 

POAKAHI, DEKEMABA 19, 1892

HOOHENO O KA AHAOLELO

            Ua ikela aku ke 'Lii A. Drier me kekahi papale fiva ahinahina, me ka lei ma luna iho, he milolii ke awihi aku.

            O ke 'Lii J. M. Hona o Hamakua ua like no ia me ke Kuhina W. M. Gibson, ka loea kalai aina, a ike kakaolelo nui wale.

            I ka la 15 o Dekemaba nei, i hoea aeai ka Luna Hanohano o Hilo Waena K. M. Koahou iloko o ka Ahaolelo, mahope iho o na la liu wale o kona kaa mai ana.

            Ua hooheno ae ka iki ulu o Lele, o ke 'Lii nui nepunepu ma ke kihi hikina i puka mai ai ka mahine. ke haohao nei au i kona kue i keia bila, aka. ua maopopo ia'u aia he nika nui mawaho mai o ka pa, a o ua nika la, oia no na Ona Banako. oiai, ua makau koia poe. o poho ko lakou mau dala.

            Oiai ka Maheleolelo o ka Hale e kakahele ana i ka moolelo o ka la i hala. ua paewa ae la kekahi mau huaolelo, 'Kounite o ka Hale.'

            Ua kapaeia aku na olelo a ka Luna o ka Apana Ekolu, e pili ana i k@ komo ana mai o ka Elele Puuku o ka Moiwahine. me ke kau no o kona napaie. mailoko aku o ka moolelo o ka haie.

            Ua heluheluia ka hoike a na Komite a elua o ka banako dala pepa imua o ka hale.

            Ua hoike ae o Huna o ke koho ana a ka Peresidena i na Komite Wae noka bila 78, ua kapakahi lo@, oiai o keia poe Komite, he poe kue lakou.

            Ua olelo ka Lei@ Kuhina, o keia bila 78, i kapaia ka bila henako a Hona. ua kue ia i ka @auku 36 o ke Kamukanawai.

            O na noi ano nui i hoea ae imua o ka hale. no ka mea e pili ana i ka bila 78 m@ ka bila 213, oia keia: 1-E waihoia ma ka @apa; 2-E a ponoia ka hoike a ka hapanui o ke Komite: 3-E noonoo pakahiia na pauku.

            Ua hoike ae o Akepuka, o na olelo a ka Loio Kuhina i olelo iho nei. ua kuhihewa ia paha oia, ma ka napa hope o ua pauku la. a e hooponopono i ke dala ma ke kanawai, aole anei o keia Ahaoleio, ke manaoio nei au oia no.

            Ua olelo ae ke Kuhina Waiwai, me ke komikomi ana o na lima, me ka hoopuka leo nui ana ae imua o na boa o ka Hale, he mea pono ke pepehiia keia bila banako a Hona i keia manawa, oi uuku, mamua o kona laha ana. nolaila, o ka kaou hana pono wale o ka pepehi a make loa. oiai, he kanawai hoopilikia keia i ka aina a me ka lahui. Nui ka matau!

KAU AHAOLELO O 1892.

LA HANA 146.

Auina La.

            Heluhelu elua ana o ka biia 218, haawiia i ke Komite Hookolokolo.

            Heluhelu elua ana o ka bila 211, haawiia i ke Komite Malama Ola.

            Heluhelu elua ana o ka bila 212, haawiia i ke Komite Wae.

            Heluhelu elua ana o ka bila 214, hoopanee loa ia.

            Noi hou ke 'Lii Mareden e hapai hou ia ka noonoo ana, ua aponoia a haawiia no ke kakau poepoe.

            Heluhelu elua ana o ka bila 178. waiho ioa ia ma ka papa.

            Heluhelu elua ana o ka bila 201, haawiia no ke kakau poepoe.

            Heluhelu elua ana o ka bila 213 waihoia a hiki mai ka Lunahoomalu o ke Komite Waiwai.

            Heluhelu elua ana o ka bila 221, haawiia i ke Komite Hookolokolo.

            Heluhelu elua ana o ka bila 75. waihoia ka bila ma ka papa.

            Noi ke Lii Hona, e hapaiia ka moonoo ana o ka bila banako i ka la apopoe imua o ka hale, aponoia.

            Waipuilani, hoolaha kanawai e pili ana i na loio apana, heluhelu 2 ia a haawiia i ke Komite Hookolokolo.

            Kuhina Kalaiaina, he pane i na ninau a Kapahu, e pili ana i na aina o Moaula a me Maokea-iki, ua lilo i ka hoolunaliwaia.

            Hoike hou mai oia, he elua bila waihoia aku imua o ka Moi.

            Hoopanee k@ hale.

LA HANA 147.

Dec. 15. 1892

Halwai ka hale e like me ka mau Heluh lu ia ka moolelo o ka la i hala a aponoia.

            Na Oielo Hooholo.

            Waiho mai o White he olelo hoohoio, e hoopanee ka hale i ka a@ina la, no ke hoomanao ana i ka @iake ana o J. W. Kalua a noho hou i ka la apopo. Aponoia ka olelo hooholo.

            Mai ka Hui Kalepa mai o Honolulu. o kue ana i ka bila banaka a Hona, waihoia a noonoo pu me ka bila.

Na Hana o ka La.

            Noonoo ana i ka bila banako mua o ke Komite o ka hale, Waipuilani ma ka noho.

            Noi o Kamika e aponoia ka hoike a ka hapanui o ke Komite, a o ka bila 215 ke noonooia.

            Kue o Hona i ka luna o Lihue

            Kokua o Wiliama i ka luna o Lihue, hoopauia ke Komite.

            Heluheluia ka pane a ka Moi, a lilo i haua no Dec. 20.

            Noho hou ka hale iloko o ke Komite o ka hale, sohe mea i hanaia

            Hoopanee ka hale.

LA HANA 148.

Dec. 16, 1892

Halawai ka hale elike me ka mea maa mau.

Komite mau.

            Williams ua pau i ke paiia kekahi mau bila.

Komite Wae.

            Hoapili, e pili ana i ka bila 222. e hoohulo loa ia. Waihoia a noonoo pu me ka bila.

Na Hana o ka La.

            Na hana pau ole oia ka bila banako a Hona. Waipuilani ma ka noho.

            Lilo ka halo i ka hoopaapaa no keia bila, a hiki i ke noi ia ana mai e hoomaha ka hale.

            Hoomaha ka hale.

Auina La.

            Kamailio mai o White he eha wale no bila ano nui i hoea mai i keia kau:

            1--Pauku 83 o ke Kumukanawai i holo iho nei.

            2--Kanawai Lotere.

            3--Dala Pela.

            4--Koho Elele Kumukanawai Hou.

            Lilo hou na hoa o ka hale i ke au a ka hewahewa,a hiki i ka wa i ninau ia ai na ae me na hoole ua ikeia he 21 kue ia 13. Nolaila, ua make loa ka bila.

            Kamika, hoike no ka bila 139, e pili ana i ke koho balota, waihoia a noonoo pu me ka bila.

            Na ia komite no, hoike no ka bila 153, noi ke Komite e waihoia ka bila ma ka papa.

            Na ia Komite no, hoike no ka bila 213, waihoia ma ka papa.

            Na ia Komite no, no ka bila 218. waihoia a noonoo pu me ka bila.

            Na ia Komite no, no ka bila 246, waihoia ma ka papa.

            Hoopanee ka hale

LA HANA 139.

Dec. 17, 1892.

            Halawai ka Hale e like me ka mau.

Komite mau.

            Kamauoha, @ pili ana i ka bila helu 30, noi ke Komite e waih ma i ka papa.