Ka Leo o ka Lahui, Volume II, Number 607, 20 December 1892 — Page 2
This text was transcribed by: | Debbie Tanaka |
This work is dedicated to: | To the customers of mauirulez.com |
KA LEO O KA LAHUI.
"E Mau ke Ea o ka Aina i ka Pono."
MA KE KAUOHA.
KUAI O KA AINA AUPUNI! KAPAIA O LAULA, KONA AKAU, HAWAII.
Ma ka Poalua, Iulai 10, 1893, ma ka hora 12 awakea, ma ke alo o ka Hale Aliiolani, e kuai kudala ia a@ ka aina aupuni o "Laula" ma "Holuaaloa Elua, Kona Akau, Hawaii, nona ka ili o 38 2-10 eka oi @ aku a emi iki mai paha.
UKU HOOKUMU. $100.
G. N. WILCOX.
Kuhina Kalaiaina
Keena Kalaiaina Dec. 12, 1892.
dec13 3ts.
I kulike ai me ha Pauku 2 o ka Mokuna XXXV o nna Kanawai o 1888, ua hookohuau i keia la ia Mr. Aarona, @ Luna Pa Aupuni no ka Pa Aupuni ma Makanaloa, Kaa@a Mai Lepera, Molokai.
G. N. WILCOX.
Kuhina Kalaiaina.
Keena Kalaiaina, Dec. 5, 1892.
dec12 3ts
I kulike ai me ka Pauku 1 o ka Mokuna XXXV o na Kanawai o 1888, ua hookaawale au i kekahi ae no ka hoopaa ana i na holoholona helehewa ma ke Kahua Mai Lepera, Molokai, maluna o kekahi apana e waiho kokoke la i ka Ilina Kupapau o Makanalua, Molokai.
G. N. WILCOX.
Kuhina Kalaiaina.
Keena Kalaiaina, Dec. 5, 1892.
dec12 3ts.
Ua hookohuia o chas. T. Gulick i Komiaina o na Palapala Hoopaa no ka Paeaina Hawaii ma kahi o Jonathan Austin i make.
G. N. WILCOX.
Kuhina Kalaiaina.
Keena Kalaiaina, Dec. 8, 1892.
dec12 3ts.
Mamuli o ke kaa ana o ka la 25 o Dekemaba, 1892, a me Ianuari 1 1893 i ka Lakapule, nolaila, o ka Poakahio Dekemaba la 26 1892, a me Ianuari 2, 1893, e malama ia an@ ia mau la i mau la kulai aupuni. A o na Keena Oihana Aupuni o ke Aupuni, e puni ia no.
G. N. WILCOX.
Kuhina Kalaiaina.
Keena Kalaiaina.
Honolulu, Dec. 9, 1892. 3ts-dly.
I keia la, ua hookohuia aku o Ke@ K@keo i hoa no ka Papa Alanui, no ka Apana Koho o Kau, Mokupuni o Hawaii, i panihaka@ ma kahi o G. W. Kaholoka@ i waiho mai.
G. N. WILCOX.
Kuhina Kalaiaina.
Keena Kalaiaina, Nov. 30, 1892.
dec5 et@d.
I keia la, ua hookoauia aku o J. Kamal@, i ho@ no ka Papa Alanui no ka Apana Koho o Waimea, Mokupuni o Kauai, i paniha kahaka ma kahi o G. W. Malama i waiho mai.
G. N. WILCOX.
Kuhina Kalaiaina.
dec5 3tsd.
O ka poe apau he mau hae kuni ko lakau, e paa nei ma ka buke Aupuni, i ku i ke kanawai, ke kauoha @ aku nei lakou, e hele a e ma ke Keena o ke Kuhi@a kalaiaina, mai keia manawa aku, a hiki i ka la 1 o Iulai 1893 a ma na mokupuni eae, ma ke Keena o ka Makai Nui, no ka hope hou ana i na inoa.
G. N. WILCOX.
Kuhina Kalaiaina.
Keena Kalaiaina, Dec. 2, 1892.
dec5 3tsd-dly.
I keia la, ua hookohu ia aku o Mr. Lyon K. Kakani, i Luna Pa Aupuni no ka Pa Aupuni o Hana, Mokupuni o Maui i hope no C. Po'olu, i waiho mai.
G. N. WILCOX.
Kuhina Kalaiaina.
Keena Kalaiaina. Nov. 30, 1892.
dec5 3ts-dly.
I keia la, ua hookohu ia aku o S. W. Kekuewa Esq. i Notari no ka lehulehu, no ka Mahele Ekolu o ke Aupuni Hawaii.
G. N. WILCOX.
Kuhina Kalaiaina.
Keena Kaiaina, Nov. 30, 1892.
dec5 3ts-dly.
I keia la, ua hoo@ ia aku o Mr. Moses Papa iakea, i Luna Pa Aupuni, no ka Pa Aupuni o Huelo, Mokupuni o Maui, i hope no K. Honokaupu i waiho mai.
G. N. WILCOX.
Kuhina Kalaiaina.
Keena Kalaiana, Nov. 30, 1892
dec5 3ts-dly.
I keia la, ua hookohu ia aku o William E. Rowell, i Luna Nui no na Hana Hou, @e hope ma kahi o Henry W. McIntosh i make.
G. N. WILCOX.
Kuhina Kalaiaina.
Keena Kalaiaina. Dec. 1, 1892.
dec2 3tsd.
Oiai ua haalele mai ka hapanui o ka Papa Luna Nana Koho Balota no ka Mahele Ekolu, Apana o Hilo Hema, a oiai na huiki ka manawa e hoopiha ai i ua hakahakaa la, a e hooko ai i ka manao o ke kanawai mamua a# o ka la 2@ o Novemaba, ka la i kuaha@a ia e malama ia ana ke koho balota kuikawa ana no ka Lunamakaainana iloko o ia Apana, ke hoolaha ia aku nei ma keia ua hoopau ia ka olelo kuahaua i hoolaha ia aku mai keia Oihana aku malalo o ka la 4 Novvemaba, 1892.
G. N. WILCOX.
Kuhina Kalaiaina.
Keena Kalaiaina, Nov. 21, 1892.
nov21 3ts.
KA LEO O KA LAHUI.
JNO. E. BUSH.
Lunahooponopono a me Puuku.
POALUA, DEKEMABA 20,1892.
KA MAKANA A KANADA.
Ua ae ke aupuni Panalaau o Kanada e haawi he $1,000,000 kokua no ka hooholo ana i kekahi laina mokuahi mai @a wahi aku o Auseteralia i hoohui ia e ke Alanui Kaahao o Kanada. He mau hana paipai keia, a me he la e ko koke ana no keia mau hana iloko o ka makahiki 1893, oiai ka poe Beritania, he poe uuku o na olelo, aka, he hakalia ole nae ka hooholo ana i ka kana ke holo i ka noonoo ana.
HE HOOPII.
He hoopii kai hiki mai io makou nei no ke kiloi hewa ia o ka ukana a na ohua maluna aku nei o ka Malulani, koe wale no keia, ua kaa ka mana o na hana malalo o ka mana dala, aole ma ke alakai a ke kanawai a me ka hoopono. E aihue ia ana, e hana ino ia ana ka waiwai hooili a ka Hawaii aole nae e hiki ke kamailio ia aku, aka, ina he kuipin@ na ka haole kai nalewale, aole e pau ka imi ia ana a hiki i ka loaa ana. Hookahi wale no wahi e pau ai keia mau hana, oia ka ina kupapau-a he ilo ka hopena.
KA UWEA TELEGARAPA.
Eia ma keia moku leta mai nei, i hoomaopopo loa ia mai nei ka oiaio o ka hoomoe ia o ka laina telegarapa mai Auseteralia mai a Vanecouver. Ua hoopaa ihho la kela mau Panalaau o ka Hema me kekahi hui Farani e hoomoe i kekahi uwea telegarapa, he ewalu haneri mile kona kokoke, a pela mai a kekahi mau mokupuni a hiki i Samoa, a loaa mai o Hawaii, a hiki loa aku hoi i ke Panalaau o Keomolewa Beritania. He laina uwea Pelekane keia. Ke lana nei no hoi ko makou manao e hiki mai ana no he laina uwea olelo mai Kaleponi i kokua ia e ke aupuni Amerika. Aka, e akahele no keia aupuni i ka haawi ana i na pono a me na kuleana e hoopae mai i ka uwea ma Hawaii nei. E hoomoe ia ana keia uwea telegrapa mai Queensland ma New Caledona, Fiji, Samoa, Faoning. Hawaii a hiki aku i Vancouver.
HE OIAIO ANEI?
O ke ku pale ana o kekahi mea, no ka hewa a ko hai kokua i hana ai, aole ia iluna o ka makapani a kou mea kakau e hoike aku nei imua o ke akea, aka, aia kona kamaile ana maluna o kekahi manao pepa a ka nupepa Kuokoa i hoopeka ae ai i ka Poaono @, a no@ ana i ka nuku, no ka loihi, ka apa a me ka lololahili o na hana a kela Kau Ahaolelo i hana ai no ka pomaikai o ka aina.
He mea oiaio, ua loihi na la o ka noho ana o keia Ahaolelo, a ua ike ia no hoi, ua oi aku na hana a keia Ahaolelo i hana ai mamua o na kau i hala ae nei, e hooikaika ana me ka hoomanawanui ma ka hoao ana e hoemi mai i na lilo, a e hoopau i na kanawai ino a ka Ahaolelo o 1888 i hana ai, ka mokukane a me ka makuahine o na hana nakaha, ka alunu a me ke kaili mana mai ka poholima aku o ka Mana Hooko.
Ma kua kilohi hou ana iho i na pomaikai i hoohua ia o ke Kumukanawai o 1887, a i hoomanaia o ke Kau o 1888, a ke oia au e poina o ko ka Lunahooponopono o ke Kuokoa mau helehelena kekahi i komo pu iloko o na kapuahi kuni la, e ohumuhumu pu ana no ka pomaikai o na tiga omokoko a kana makapeni kumum@ i noke ai i ke kalahea i ka pomaikai o ka aina i ke Kumukanawai Hou.
No'u iho, he kanalua au i ka ahewa ana aku i na lawelawe hana ana a na hoa o keia Kau, oiai ka mala ua mahakea, ua nokea e ka poe mua i ke kuekaa a aohe nao ai i ka papaa. O ke lakou nei hana nui ia, o ka hoohuli hou ana i ka wai a o ka aina iluna.
Na kela mau hua poo e kau ae la maluna, i hookomo mai ia'u i ka hoohuoi, he oiaio anei na keia Ahaolelo i kipaku keia mau Aha Kuhina ekolu i ka@ i kapuahi a Olopana?
Ma ka pane ana aku i ka haina, aia au ma ka aoao e hoole ana, no ka mea, aole na lakou nei hookumu, a i hoolaia i keia noho loihi ana o ka Ahaolelo, aka, na ke Kumukanawai kaili mana i kauoha ia lakou e hana pela: oia hoi, na ka hapanui o ka Ahaolelo e kipaku i na Kuhina i na wa a pau a ka Hale e makemake ai e kipaku, he mea ole ka hookohu ana a ka Mana Hooko i kona Aha Kuhina ke kue i ka makemake o ka hapanui o na ho@ o ka Hale.
I keia la, ke hoomaopopo nei kakou me ka ike a ko kakou mau maka aole ma ka haha ana, i ka lohe a ko kakou mau pepeiao aole @ ka mo@uhane, i ka hookoia ana o na ha@a awaawa a ka Lunahooponopono o ke Kuokoa i nana ai ma ka ipukai poelele, a hu@ ae la i ke ao malamamalama. Elike me ka ka buke nui i hoike mai i kinohi loa, "o ka mea i hanaia ma kahi malu loa, e hoikeia no la ma ke akea."
A o ka hope loa o ka ke Kuokea mau kaukau ana, oia na mea e pili ana i keia Aha Kuhina, no ka makukau loa e kipaku ia aku ma@ka noho Kuhina ana. Heaha ka pililikia ina lakou e kipaku ia aku ano i ka la apopo. A heaha hoi ka lakou mau @ ai i ka Ahaolelo @ kou e ai i ka momona o @ me ke kohikolu kipale @ ko kakou mau kupuna a me na makua i imi ai?
No'u iho a me ka pono o kuu aina makuahine, e kipaku ia lakou e pono ai, he hoopau ai a he hoopiha hale o ka noho hale. Ua pau @ la o ke kauka@ ana i ka lakou nei pono, o ke elua mahina keia o ke noho aana o keia Aha Kuhina, aole i ka lewalewaiho.
KUPONO I KE KOHO BALOTA.
Honolulu, Dec. 19, 1892.
KAU AHAOLELO O 1892.
LA HANA 148.
Dec. 16,1892.
Halawai ka hale elike me ka mea maa mau.
Komite mau.
Williams, ua pau i ke paiia kekahi mau bila.
Komite Wae.
Hoapili, e pili ana i ka bila 222, e hooholo loa ia. Waihoia a noonoo pu me ka bila.
Na Hana o ka La.
Na hana pau ole, oia ka bila hanako a Hona. Waipuilani ma ka noho.
Lilo ka hale i ka hoopaapaa no keia bila, a hiki i ke noi ia ana mai e hoomaha ka hale.
Hoomaha ka hale.
Auina La.
Kamailio mai o White @ wale no bila ano nui i hoea mai i keia kau:
1-Pauku 83 o ke Kumukanawai i holo iho nei.
2-Kanawai Lotere@
3-Dala Pepa.
4-Koho Elele Kumukanawai Hou.
Lilo hou na hoa o ka hale i ke au a ka hewahewa, a hiki i ka wa i ninuau ia ai na ae me na hoole ua ikeia he 31 kue ia 13. Nolaila, ua make loa ka bila.
Kamika, hoike no ka bila 139, e pili ana i ke koho balota, waihoia a noonoo pu me ka bila.
Na ia komite no, hoike no ka bila 153, noi ke Komite e waihoia ka bila ma ka papa.
Na ia Komite no, hoike no ka bila 213, waihoia ma ka papa.
Na ia Komite no, no ka bila 218, waihoia a noonoo pu me ka bila.
Na ia Komite no, no ka bila 246, waihoia ma ka papa.
Hoopanee ka hale.
LA HANA 149.
Dec. 17,1892.
Halawai ka Hale @ me ke mau.
Komite mau.
Kamika, hoopii hele 434, waihoia a noonoo pu me ka bila.
Komite Wae.