Ka Leo o ka Lahui, Volume II, Number 607, 20 December 1892 — Page 3

KA LEO O KA LAHUI.

"E Mau ke Ea o ka Aina i ka Pono."

 

            Kamauoha, e pili ana i ka bila helu 50, noi ke Komite e waiho ma ka pa pa.

 

Na Olelo Hooholo

            Kuhina Kalaiaina, ua kakau inoa ka Moi i kekahi mau bila kanawai, oia na bila 203 me 217.

            White, e noi ana e kapaeia aku ka olelo hooholo e pili ana i ka make ana o J.W. Kalua, mailoko aku o ka moolelo o keia hale, oiai aole oi i make; waihoia ma ka papa.

            Heluhelu ekolu ana o ka bila 201, e pili ana i na dute; haawiia i ke Komite Wae o ehiku lala.

            Bila Opiuma, hoopaneeia no ka Poalua, Dec. 20.

            Bila 219, noonoo pakahi ia na pauku 1 me ka 2 a hooholoia.

            Hoopanee ka hale.

LA HANA 150.

            Hoomaka na hana o ka la e like me ka mau.

Na Olelo Hooholo.

Waipuilani, hoolaha kanawai.

            Hona. he mau ninau i ka Aha Kuhina, e pili ana i ka vito ana a ka Moi i ka bila 175.

Na hana o ka la.

            Bila 219 e pili ana i ka hana ana i ka uwila.

            Hoohikiia ke ʻLii Alex. McBryde, e ka Lunakanawai Kiekie Judd.

            Noi o Kamauoha e hoopanee ka noonoo ana o keia bila a hiki mai ka hoike a ke Komite, aponoia.

            Bila 127 e pili ana i ke ola o ka lehulehu, mahope o na hoopaapaa ana ua hoopanee loa ia ka bila.

            Kamauoha, noi e hoopanee loa ia keia mau bila elua, a me na hoike a na komite, hoopanee loa ia.

            Bila 210. E hoololi ai i ka Pauku 16, o ke kanawai Hooia Buke Helu o 1882 e pili ona i ka Luna Hooia, hooholo loa ia.

Oihana Waiwai.

Uku o ka Luna Hooia $9,600 holo.

Papa Ola.

"" Peresidena $5,200 "

Buro Leta.

Aie i uku ole ia $4,200 "

Oihana Kalaiaina.

Na Lilo Koho Balota, Ewa @80 haule.

Awapae no Pohakupuka ma Hilo 1,500 holo.

Oihana Kinai Ahi.

Kuai ana i kaaili me ka Lio no 1,000 holo.

Oihana Hoonaauao.

Uku o ke kumu kula o Sana Ana 1,000 haule.

Papa Ola.

Kauka no Wailuku 1,000 holo

Buro o na Hana Hou.

Alanui o Wailuku a Kahului 2,500 hooleia.

No ke ola o na koa 4,800 hooleia.

Hooholo loa ia ka pauku 1 o ka bila.

Hora 12: hoomaha ka Hale.

NU HOU KULOKO.

            I na Luna lawe pepa o KA LEO, ke hai ia aku nei ka lohe ia oukou a pau, e hoihoi mai i keia mau helu 570, 580, 585, 586, 590, 594, me 595, ina he koena koe ma ko oukou lima.

MA KE KAUOHA.

 

            Ahaolelo ko keia kakahiaka, hora 9.

           

            I keia la e noonoo ai ka Ahaolelo i ka vito a ka Moi no ka bila 175.

 

            I ke kakahiaka o ka la apopo e hoea mai ai ke Kinau mai Hilo Hanakahi mai.

 

            Aole i huli hoi mai ka Hon. E.C. Makapolena ma ka Monowai e like me ka manao wale ia.

 

            E holo ana o Maltby, ke keiki holoholo huila kahi, e kaapuni i na moku e hoike ai i kona eleu.

 

            He ehiku tausani ka nui o na eke kopaa e waiho la, ua makaukau no ka lawae ia mai, mai Hanamaulu.

 

            I ka hora 10 o keia la e huli hoi aku ai ka Malulani no kona mau awa maa mau o Maui a me Hawaii.

 

            I ka hebedoma mua e ku mai ai ka mokumahu Zambesi, o ka laina hou mawaena o Tacoma a me Honolulu nei.

 

            Inehinei ka la koho balota o Hilo Hema, a me he mea la, na ke Kinau e hoike mai na mea hou o ua aina lu lehua la.

 

            I ka hora 5 o ke ahiahi o keia la e holo aku ai na mokuahi Kalaudina no Maui, ka Mikihala no Kauai, a o ka Iwalani no Hamakua.

 

            Iloko o na pule mua o Ianuari e ku mai ai ka mokukaua Iapana Kongo. Kapena Tashuro. a e ku ana he umi la ma keia awa.

 

            I ka la apopo, la 21 e huli hoi mai ai ka Auseteralia no Honolulu nei, a ku mai ana i ke kakahiaka o ka Poakolu, la 28 Dekemaba.

 

            Ua hooheno ae la ka leo o na ohe a na keiki o ka Bana i ke ahiahi nei, ia makou e hoolai ana i ka lulu ahiahi e hoomanao ana i ke ola hou ana o ka Hon. J. W. Kalua mai ka make, a me ka uwe luhi wale ana o na makamaka o ua keika la o ka aina nui palahalaha.

            Nui ka lalau o ka ukana pahu a na ohua a me ka ka poe hoili i na makamaka, e hoili ia nei no Kona ma ka Malulani. He kupono e hana ia i kanawai e hoihoi ia ke pono maluna o ka ona o na moku no keia mau hana hoonaikola ia o na waiwai hoili ia maluna o na moku mahu.

 

Aole keia he Mau Hana Hoohoka!

-AKA HE MAU-

WAIWAI HOU WALE NO, AOLEIPOIPO

-E LOAA NO-

MA KE KUMUKUAI EMI LOA!!

MA KAHI O

N.S. SACHS,

Helu 104                     Alanui Papu, Honolulu                      Helu 104.

O na Waiwai Hou Wale no ko ko Makou Halekua, Aole o na Apa Lole Popopo a Kahiko!

            Aole a makou mau hana hoopuunipuni; aole a makou maanu ekaeka, oia hoi, aole o makou paahi aku i na apa lole kahiko i kumu e loaa ai he puka ma ko makou aoao, aka, haawi aku makou i na waiwai hou loa no ko makou mau makamaka a me na hoaloha, no ke

            Kumukuai Emi Haalele Loa, e loaa ole ai Kona Lua ke Ukali ae!

            Ua wehe ae nei makou i keia wa he laina hou o na Lihilihi a me na Lihilihi Kuuwelu i hooama pololei ia mai Europa mai, ma o ko makou mau kauoha ponoi ana aku, a ke hooia aku nei makou e kuai ia aku ana no me ka emi loa i oi ae ka emi mamua o kekahi mau halekuai e ae. Ua loaa pu mai no hoi ma ko makou halekuai nei, he mau lako hou o na

            Apa Keokeo, na Lako Kalakoa a me na Kinihama,

            A ke kuai aku nei makou ma ke kumu lilo, no ka mea ua makemake makou e loaa ona wahi e hoahu ia ai ko makou mai waiwai lako huluhulu. Ua wehe pu ae nei makou he luhiehu o na APA HULUHULU Farani, na Silika PANIʻO a me na APA SILIKA LAU. He mea pono e ike ko makou makamaka a me na hoaloha i keia mau waiwai hou a nani. Emi ke Kumukuai. O na APA SILIKA ELEELE, PAPAMU, a pela aku, e loaa no ma ko kumukuai haahaa loa.

            Na Papale o na Wahine i humu a kinohinohiia, na Papale o na Keiki o ke ano hou loa, e kuai ia aku no ma ke kumukuai haahaa loa. Na Pua Papale, na Hulu Papale hou, e pela aku, e loaa no ma ko makou halekuai me ke kumukuai emi loa. O ka loaa koke ana mai nei no ia o ka mea humu papale hou o ko makou halekuai mai Nu Ioka mai. He loea kana mau hana hookinohinohi ana i na papale. Ua hiki ia makou ke kaena ae na oi ae kona loea mamua o na m@ hana a kinohino papale o kekahi mau halekuai papale e ae.

            E hoomanao hou iho e na makamaka a me na hoaloha, o ka pono, pololei, kaulike, ko m@kou moto, a aole o na hi mua. E nana. E lolelole. E hooia no oukou iho.

-: N. S. SACHS:-

104 Alanui Papu. Honolulu.

 

He Kuai Hoopau Nui

MA KA

HEIAU O NA PAIKINI!

No Keia wahi Pule Hookahi Wale iho no!

A HE OIAIO

E kuai pau aku ana ka Makou mau LOLE KEOKEO a pau, oia hoi

Na Lilina, na Kalakoa a me na Lole Kilikia me na Huluhulu

Na Kinamu a me na Lole Nani onaano a Pau.

            E pau ana i keia Pule no ke Kumukuai hiki ole ke manaoia no ke emi loa. E hoomanao e @ @ i keia kuai kamahao e panee ia aku nei imua o oukou.

575-tfd.           S. EHRLICH, Ka He@ na Paiki@i.