Ka Leo o ka Lahui, Volume II, Number 610, 23 December 1892 — Page 2

KA LEO O KA LAHUI.

"E Mau ke Ea o ka Aina i ka Pono."

 

MA KE KAUOHA.

 

            Ua hookohuia o Mr. Z. P. Kalo@kamaile, i keia la i Noteri no @ Lehulehu no ka Apana Hooko@olo Kaapuni Ekolu o ke Aupuni.

            G. N. WILCOX,

            Kuhina Kalaiaina.

            Keena Kalaiaina, Dec. 19, 1892.

            dec22 3tsd.

            Ua hookohuia o Mr. Wm. H. @ell a me Mr. Awa, i keia la, i @ Komisina o na Pa no ka Apa@ o Koolaupoko, Mokupuni o Oahu.

            Eia me keia iho ka Papa:

            G. Barenaba,

            Wm. H. Lowell,

            Awa.

            G. N. WILCOX,

            Kuhina Kalaiaina.

            Keena Kalaiaina, Dec. 19, 1892.

            dec22 3tsd.

 

KUAI O KA AINA AUPUNI I KAPAIA O LAULA, KONA AKAU, HAWAII.

            Ma ka Poalua, Iulai 10, 1893, ma @ hora 12 awakea, ma ke alo o ka Hale Aliiolani, e kuai kudala ia @ ka aina aupuni o "Laula" ma @lualoa Elua, Kona Akau, Hawaii, nona ka ili o 38 2-10 eka oi @ aku a emi iki mai paha.

            UKU HOOKUMU. $ 100.

            G. N. WILCOX.

            Kuhina Kalaiaina.

            Keena Kalaiaina Dec. 12, 1892.

            dec13 3ts.

 

            E kulike ai me ka Pauku 2 o ka @kuna XXXV o na Kanawai o @ ua hookohu au i keia la ia @ Aarona, i Luna Pa Aupuni no @ Pa Aupuni ma Makanaloa, Ka@ Mai Lepera, Molokai.

            G. N. WILCOX.

            Kuhina Kalaiaina.

            Keena Kalaiaina. Dec. 5, 1892.

            dec12 3ts

 

            E kulike ai me ka Pauku 1 o ka Mokuna XXXV o na Kanawai o @88, ua hookaawale au i kekahi @ ka hoopaa ana i na holoholona helehewa ma ke Kahua Mai Lepera, Molokai, maluna o kekahi @ e waiho kokoke la i ka Ilina Kupapau o Makanalua, Molokai.

            G. N. WILCOX.

            Kuhina Kalaiaina.

            Keena Kalaiaina, Dec. 5, 1892.

            dec12 3ts.

 

            Ua hookohuia o Chas. T. Gulick @ Komisina o na Palapala Hoopaa @ ka Paeaina Hawaii ma kahi o @than Austin i make.

            G. N. WILCOX.

            Kuhina Kalaiaina.

            Keena Kalaiaina, Dec. 8, 1892.

            dec12 3ts.

 

            I keia la, ua hookohuia aku o J. Kamalenui, i hoa no ka Papa Alanui no ka Apana Koho o Waimea, Mokupuni o Kauai, i panihakahaka ma kahi o G. W. Malama i waiho mai.

            G. N. WILCOX,

            Kuhina Kalaiaina.

            dec5 3tsd.

 

            O ka poe apau he mau hao kuni ko lakau, e paa nei ma ka buke Aupuni, i ku i ke kanawai, ke kauoha io aku nei lakou, e hele a e ma ke Keena o ke Kuhina kalaiaina, mai keia manawa aku, a hiki i ka la 1 o Iulai 1893, a ma na mokupuni eae, ma ke Keena o ka Makai Nui, no ke kope hou ana i na inoa.

            G. N. WILCOX,

            Kuhina Kalaiaina.

            Keena Kalaiaina. Dec. 2, 1892.

            dec5 3tsd-dly.

 

            I keia la, ua hookohu ia aku o Mr. Iyon K Kakani, i Luna Pa Aupuni, no ka Pa Aupuni o Hana, Mokupuni o Maui i hope no C. Pololu, i waiho mai.

            G. N. Wilcox.

            Kuhina Kalaiaina

            Keena Kalaiaina, Nov. 30, 1892.

            dec5 3ts-dly.

 

            I keia la, ua hookohu ia aku o S. W. Kekuewa Esq i Notari no ka lehulehu, no ka Mahele Ekolu o ke Aupuni Hawaii.

            G. N. Wilcox,

            Kuhina Kalaiaina

            Keena Kalaiaina, Nov. 30, 1892.

            dec5 3ts-dly.

 

            I keia la, ua hookhu ia aku o Mr. Moses Papaiakea, i Luna Pa Aupuni, no ka Pa Aupuni o Huelo, Mokupuni o Maui, i hope no K. Honokaupu i waiho mai.

            G. N. Wilcox.

            Kuhina Kalaiaina.

            Keena Kalaiaina, Nov. 30. 1892.

dec5 3ts-dly.

 

            I keia la, ua hookohu ia aku o William E. Rowell, i Luna Nui no na Hana Hou, he hope ma kahi o Henry W. McIntosh i make.

            G. N. WILCOX,

            Kuhina Kalaiaina.

            Keena Kalaiaina. Dec. 1 1892.

            dec2 3tsd.

 

            Oiai ua haalele mai ka hapanui o ka Papa Luna Nana Koho Balota, no ka Mahele Ekolu, Apana o Hilo Hema, a oiai ua haiki ka manawa e hoopiha ai i ua hakahaka la, a e hooko ai i ka manao o ke kanawai mamua ae o ka la 29 o Novemaba, ka la i kuahaua ia e malama ia ana ke koho balota kuikawa ana no ka Lunamakaainana iloko o ia Apana, ke hoolaha ia aku nei ma keia ua hoopau ia ka olelo kuahaua i hoolaha ia aku mai keia Oihana aku malalo o ka la 4 Novemaba, 1892.

            G. N. WILCOX,

            Kuhina Kalaiaina.

            Keena Kalaiaina. Nov. 21, 1892

            nov21 3ts.

 

            Mamuli o ke kaa ana o ka la 25 o Dekemaba, 1892, a me Ianuari 1 1893 i ka Lakapule, nolaila, o ka Poakahi Dekemaba la 26 1892, a me Ianuari 2, 1893, e malama ia ana ia mau la i mau la kulai aupuni. A o na Keena Oihana Aupuni o ke Aupuni, e pani ia no.

            G. N. WILCOX

            Kuhina Kalaiaina

            Keena Kalaiaina.

            Honolulu, Dec. 9, 1892. 3ts-dly.

 

            I keia la, ua hookohuia aku o Keoki Kimokeo i hoa no ka Papa Alanui, no ka Apana Koho o Kau, Mokupuni o Hawaii, i panihakahaka ma kahi o G. W. Kaholokahiki i waiho mai.

            G. N. WILCOX,

            Kuhina Kalaiaina.

            Keena Kalaiaina, Nov. 30, 1892.

            dec5 3tsd.

 

KA LEO O KA LAHUI.

JNO. E. BUSH.

Lunahooponopono a me Puuku.

 

POALIMA, DEKEMABA 23, 1892.

 

KA MANAO O NA HOA NO KA VITO A KA MOI.

            J. M. Hona,— he mea haohao ia'u, ko'u lohe ana i na Hoa Hanohano o keia Hale, e apono ana i na hana a keia Aha Kuhina, na kauwa hoi a ka lehulehu.

            Ke hoike aku nei au me ke kanalua ole, e nui aku ana na bila ma keia hope aku e vito ia ana e ka Moi, ua maopopo ia'u, e vito ia ana no ka Bila Haawina, ina aole kekahi mea i makemakeia e keia Aha Kuhina, nolaila, ke olelo nei au, ke hoi hou nei kakou e ai i ko kakou luai. Nolaila, ke kue nei au keia vito ana a ka Moi.

            J. W. Bipikane,—o keia Hale no ka mea nana i hooholo i keia kanawai, a owau kekahi i kakoo a me ko'u mau hoa, ke haohao nei au i ko'u lohe ana iho nei e hoi hou ana, me ke pelu o na alelo. Nolaila, eia wau ma ka aoao e kue loa ana i keia vito ana a ka Moi. Oiai, o ka mea a'u i ae ai, aole e hiki ke hoihoi hou ia mai, a e hoomau aku ana au i ka'u i ae mua ai. Nolaila, o na hoa i hoi hope, no lakou no ia eia wau ma ke kahua a'u i koho mua ai, a e hoomau aku ana no au ia koho ana o'u.

            R. W. Wilikoki,—he mea makehewa ia kakou ke kamailio loihi no keia vito ana, oiai hoi, owau kekahi i kue i keia kanawai, aka, he mea makehewa nae ka olelo ia ana mai, o ka hapanui oloko o ka Hale oia ka ikaika, he mau olelo ano ole ia. Nolaila, e kakoo ana wau ma keia vito, a ke apono nei hoi au i na kumu hoakaka mai ka Moi mai.

            G. P. Kamauoha,—ua noi iho nei au e hoopanee loa ia keia bila, a e apono aku hoi i ka vito ana a ka Moi, oiai hoi, ua haawi ke Kumukanawai iaia e hana pela. Nolaila, mamuli o kuu hoomaopopo ana, ua pololei na kumu a ka Moiwahine i hoakaka mai ai. Oiai hoi, oia no kona mana ma ke Kumukanawai, a ua hoakaka pono ia no hoi kana mea e hana ai. E kakoo ana au ma ka aoao e apono ana i ka vito ana a ka Moi.

 

HOOHENO O KA AHAOLELO

            O ka pauku 15 o ka bila Opiuma, oia kekahi o na pauku i hoopaapaa nui ia e na hoa o ka Hale, oiai kekahi poe e koi ana i hookahi no Laikini, a o kekahi poe hoi i eha Laikini, a o ka kekahi poe hoi, e hooholo no e like me ka bila.

Ua hoike ae ka mea hanohano o Ewa, ina e hooholo keia hale i $600,000 dala no ke kuai ana i mau moku ukana elua, alaila, oia ka mea nana e pani i ka Opiuma, aole e komo mai i Hawaii nei, nui kela, wahi a ka nupepa.

            Ua hoike ka mea hanohano o ka apana ekolu, ua loaa mai nei ia'u ka lono, ua hopu ia mai ne ka mokuahi Waimanalo, no ka hoopae Opiuma.

            Ua hoike ae ka mea hanohano o Waialua, ua hoike ia mau ia'u he elua Papa Kuhina hou, a i waena oia poe, he kanaka hoopae Opiuma kekahi, noalaila, ke olelo nei au aole e hiki.

            Ua hoike hou ae oia, o kekahi o na Kuhina i hoopau ia iho nei, oia kekahi o na kanaka hoopae Opiuma, a oia ka'u e olelo nei, he mea pono ke hooholo ia ka bila e like me ia e ku nei.

            Ua olelo ae ka luna hanohano o Hana, e o'u i ka maka o ka wauke oi opiopio, oiai oia e kamailio ana no ka bila Opiuma a i ka hope loa, ua pane hou mai la oia, i na aole e hooholo ia e like me ka bila e ku nei, alaila, e pupuhi ana ka ia o Ukoa.

            Ua hoike ae o Akipoka, ua ike oia i kekahi Lunakanawai ua ona ia oia i ka Opiuma, oiai nae oia e hookolokolo ana i kekahi hihia, aha hoike hou ae no oia, he mau luna aupuni e ae no kekahi ana i ike ai.

            Ua hoike ae ke alii Kauhane, i na e holo ana ke kanawai Opiuma alaila, aole e hala na makahiki 50, alaila, e pau loa ana keia lahui.

 

Na Hoohiwahiwa ana @ J. Nawahi.

            He leta kai loaa mai i ka Mea Hanohano J. K. Kaunamano mai Kauakanilehua mai, e hoike ana i hoohiwahiwa a ko Hilo poe, a penei iho ke ano nui:

            Ma ka Poakolu, Dekemaba la 14, hora 12 o ke awakea, ua ku mai ke Kinau i Hilo nei, oia ka wa i holo aku ai na waa-kaulua, i hoohiwahiwaia me na wehi o ka wao, me na ipukukui a me ka pi'o e ku ana iwaenakonu he noho ie, i puili ia me na lehua o Mokaulele, na lei hala o Upeloa, na maile laulii o Panaewa.

            O keia mau waa-kaulua, no ke kii ana aku no ia ia Hon. J. Nawahi, no ka lawe ana aku iuka o ka aina. He mau waa e ae no kekahi e ukali ana i keia waa kaulua, me ko lakou mau wahi me na kukui Pake.

            Ua kau mai o Nawahi iluna o na kaulua, iloko o na leo huro o ka lehulehu. Ua hoe mai na hoewaa ma na nalu kaulana o Paula a me Pihanakalani. I ka hiki ana i ka aina ua hapai ia @a waa e ka lehulehu. Ma ka auina la Poaha, ua malamaia he halawai makaainana nui ma ka Hale Hookolokolo o Hilo, piha pu i na makaainana aloha i ko lakou alihikaua kaulana.

 

KAU AHAOLELO O 1892.

LA HANA 151.

Auina La.

            R. W. Wilikoki, noi oia e noonoo pakahi ia na pauku o ka bila 147, a i mea hoi e ike pono ia ai ke ano o keia mea he opiuma.

            Kuhina Waiwai ua apono au i ke noi a Kamika e hoopanee loa i keia mau bila a pau.

            Kamauoha, kokua au i ke noi a ka Luna Hanohano o Waialua e noonoo pakahi ia na pauku.

            Iosepa kokua au i ka hoopanee loa i keia bila.

            Kauhane, kokua i ka hoopanee loa.

            Kauhi, eia au ma ka aoao e kakoo ana e noonoo pakahi ia na pauku o keia bila, a ua hiki ia'u ke olelo aku, o na puka liu nui keia e komo nui nei ka opiuma, oia no ke Keena o ka Loio Kuhina me ke Kuhina Waiwai.

            White, eia wau ma ka aoao e kakoo ana e noonoo pakahi ia na pauku o ka bila.

            Nui na hoopaapaa ana, a noi ia e kakau i na ae me na hoole, he 31 kue i ka hoopanee loa, a he 12 ma ka ae.

            Kapaeia na rula, hoike mai ke Komite Pai, ua pau i ke pai ia ka hoike e pili ana i na Kukui Uila.

            Bila 147, pauku 1—8, hooholoia.

            Hoopanee ka hale.

LA HANA 152.

            Dec. 12. 1892.

Halawai ka hale elike me ka mau

Na Olelo Hooholo.

            He palapala kai loaa mai i ka Peresidena mai ka Ekalesia mai o