Ka Leo o ka Lahui, Volume II, Number 610, 23 December 1892 — Page 3
This text was transcribed by: | Kelly Murray |
This work is dedicated to: | Awaiaulu |
KA LEO O KA LAHUI.
"E Mau ke Ea o ka Aina i ka Pono."
Kawaiahao, e kono ana i na hoa e hele aku i ka la 28 o keia mahina.
Bila 175, waihoia ma ka papa.
Kamika, e kakau pololei ka poe kakau nupepa i ka lakou mau moolelo o ka hale.
Na Hana o Ka La
Na hana pau ole, bila opiuma 147 pauku 9-14 holo.
Pauku 15, nui na hoopaapaa ana, a i ka ninau ia ana i 4 wale no laikini, a ua ike ia he 24 kue ia 10.
Haawiia keia pauku i ke Komite, e hooponopono hou, a pela ka Pauku 16.
Awakea hoomaha ka hale.
Auina La.
Bila 147, pauku 17, 19, 20, 23 a 32, hooholoia; pauku 18, 21, 22, haawiia i ke Komite Wae Opiuma Helu 1.
Waihoia ka bila a hiki mai ka hoike a ke Komite.
Kapaeia na rula, heluhelu mai o Kamauoha he palapala hoopii mai a U.S. Nakikiao mai, e noi ana e hoihoi ia aku iaia na dala elua i ohi hewa ia.
Noonoo ana i ka bila haawina.
Alanui o Ohia $3000, kapaeia.
Alanui o Koolaupoko 3,500 holo.
Alanui me Alahaka Waialua 4,000
Alanui o Kalihi 3,000
Hooloihi ana i ke Alanui Kula a hui me ke Alanui Papule 3,000
Hoakea ana i ke Alanui o ka Halemai o Kalihi 500
Hooloihi ana i ke Alanui mai Lahaina a Waihee 3,000
Alanui o Manoa 5,000 hooleia.
Hana hou ana i alanui mai ke poo hikina aku o ka uapo a Kamika a hiki i ka uapo o Waikahalulu he 5,000 hooleia
Hoopanee ka hale.
LA HANA 153.
Dec. 22, 1892.
Halawai ka hale e like me ka mau Heluhelu ia ka moolelo o ka la i hala a aponoia.
Komite Wae.
Marsden, e pili ana i ka bila 37, waihoia a noonoo pu meka bila.
Na Olelo Hooholo.
Noi ke Kuhina Waiwai e hanai hou ia ka noonoo no ke alanui Ohia aponoia.
Na Hana o ka La.
Heluhelu ekolu ana o ka bila 14 a hooholoia.
Heluhelu ekolu ana o ka bila 214 hooholo loa ia ka bila.
Kapaeia na rula, heluhelu mai o Akepoka i ka hoike a ke Komite Opiuma Helu Ekahi, non a pauk a o ka bila 147 i haawiia ia i kou Aponoia ka hoike, a waihoia a noonoo pu me ka bila.
Waila, e pili ana i ka bila 211, e waihoia a noonoo pu me ka bila.
Na ia Komite no, no ka bila 225 waihoia ka bila ma ka papa elike me ka hoike a ke Komite.
Wiliama, ua pau i i ke pai kekahi mau bila.
Kamika, no bila kanawai; heluhelu elua ia a haawiia i ke Komite Hookolokolo.
Marsden, no ka bila 201, waihoia a hiki mai ka hoike a ka hapa uuku o ke Komite.
Kamauoha, e hapaiia ae ka bila 95 mai ka papa ae, a e lilo i hana no ka Poaono, Dec. 24.
Hapai hou ia ka noonoo ana o ka bila 147, pauku 15, aponoia.
Laikini Opiuma no Oahu $15,000 Hawaii 12,500, Maui 10,000, Kauai 7,500; o keia ke kumukuai koho mua o keia mau laikini eha a puni ka Paeaina.
Hoololi mai o Kamauoha, ma ka Mokupuni o Oahu e hoomahuahua ae i $20,000, hooleia, a hooholoia ka hoike a ke Komite.
Hoomaha ka hale i ke awakea.
_____
NU HOU KULOKO.
I na Luna lawe pepa o KA LEO, ke hai ia aku nei ka lohe ia oukou a pau, e hoihoi mai i keia mau helu 570,580,585,536,590, 594 me 595, ina he koena koe ma ko oukou lima.
MA KE KAUOHA.
_____
Ahaolelo ko keia kakahiaka, hora 9.
_____
He aha hulahula europa kai ma lama ia ma ka po nei e kekahi poe puni hooponiniu.
_____
Eia ke waiho nei iloko o ke ano kupilikii loa o Mr. R.N.Webster ma ka Haukipila ae nei. Ke manao ia nei aole oia he haalele aku ana i kona wahi moe me ke kino ola.
_____
I ka Poaono ae nei e noonoo ia ai ke Kanawai Koho Elele Hana Kumukanawai Hou, ma o ke no iana a ka Mea Hanohano o Kohala, a o keia ke kanawai hookahi i ike ia ka nui o na palapala hoopii mai na apana like ole mai a puni ka Pae Aina, ke noi aku nei makou i ke ahonui o na Solona o ka Hale Ahaolelo, e kokua oukou me ka lokahi i keia mokemake o ka lahui.
_____
Ma ka hora 9:20 P.M. o ka po Poakolu nei, Dekemaba 21. ma ka Makani Olauniu o Kapalama, ua hoohua ia ae la ma ke kihapai lahui a ko makou makamaka maikai David Dama a me kaua hiialo Mrs. Ane Kama, he opuu ohaoha, he milimili makamae, a he makama hauoli no ke kihapai ohana oia mau ewe ou e Hawaii; a he hoolaupai hou ana hoi i na pohuli o ke au o ka Moiwahine Liliuokalani. He keikikane ka opuu pua i mohala ae la e hanu i na ea@ @ o keia noho kino ana. E hahai ia na la o ke kama opio me na haawina hoopomaikai o ke ola kino oluolu; a o na makua hoi, e hoohanau nui aku i piha mau ai ko kakou aina aloha me na koko ponoi, aole me na koko hookama o na aina malihini mai, o ka makou leo kalokalo keia i ka Mana lani, e hooloihi ia ke ola e ke kama opio.
_____
Aole keia he Mau Hana Hoohaka ! AKA HE MAU WAIWAI HOU WALE NO, AOLE I POPOPO E LOAA NO MA KE KUMUKUAI EMI LOA !! MA KAHI O
N.S. SACHS,
Helu 104 Alanui Papu, Honolulu Helu 104.
O na Waiwai Hou Wale no ko ko Makou Halekuai, Aole o na Apa Lole Popopo a Kahiko !
aole a makou mau hana hoopunipuni; aole a makou maunu ekaeka, oia hoi, aole o makou paali aku i na apa lole kahiko i kumu e loaa ai he puka ma ko makou aoao, aka, haawi aku makou i na waiwai hou loa no ko makou mau makamaka a me na hoaloha, no ke Kumukuai Emi Haalele Loa, e loaa ole ai Kona Lua ke Ukali ae !
Ua wehe ae nei makou i keia wa he laina hou o na Lihilihi a me na Lihilihi Kuuwelu i hoouma pololei ia mai. Europa mai, ma o ko makou mau kauoha ponoi ana aku, a ke hooia aku nei makou e kuai ia aku ana no me ka emi loa i oi ae ka emi mamea o kekahi mai halekuai e ae. Ua loaa pu mai no hoi ma ko makou halekuai nei he maa lako hou o na Apa Keokeo, na Lako Kalakoa a me na Kinihama,
A ke kuai aku nei makou ma ke kumu lilo, no ka mea ua makemake makou e loaa ona wahi e hoahu ia ai ko makou mau waiwai lakou huluhulu. ua wehe pu ae nei makou he luhiehu o na APA HULUHULU Farani, na Silika PANI'U a me na APA SILIKA LAU. He mea pono e ike ko makou makamaka a me na hoaloha i keia mau waiwai hou a naai. Emi ke Kumukuai. O na APA SILIKA ELEELE, PAPAMU, a pela aku, e loaa no ma ko kumukuai haahaaloa.
Na Papale o na Wahine i humu a kinohinohiia, na Papale o na Keiki o ke ano hou loa, e kuai ia aku no ma ko kumukuai haahaa loa. Na Pua Papale, na Hulu Papale hou, e pela aku, e loaa no ma ko makou halekuai me ke kumukuai emi loa. O ka loaa koke ana mai nei no ia o ka mea humu papale hou o ko makou halekuai mai Nu Ioka mai. he loaa kana mau hana hookinohinohi ana i na papale. Ua hiki ia makou ke kaena ae ua oi ae kona loea mamua o na mea hama a kinohino papale o kekahi mau halekuai papae e ae.
E hoomanao hou iho e na makamaka a me na hoaloha, o ka pono, pololei, kaulike, ko makou @, a aole o na hana poholalo, a mamua o ko oukou hela ana aku i kekahi halekuai e aku, e kipa mua mai ma ko makou halekuai. E kilehimua. E nana. E lolelole. E hooia no oukou iho.
N.S. SACHS.
575-tfd. 104 Alanui Papu, Honolulu.
_____
He Kuai Hoopau Nui MA KA HEIAU O NA PAIKINI !
No Keia wahi Pule Hookahi Wale iho no !
A HE OIAIO
E Kuai pau aku ka Makou mau LOLE KEOKEO a pau, oia hoi
Na Liliua, na Kalakoa -a me Lole Kilikia me na Huluhulu
Na Kinamu a me na Lole Nani onaano a Pau.
E pau ana i keia Pule no ke Kumukuai hiki ole ke manaoia no ke emi loa. E hoomanao e na Lede i keia kuai kamahao e panee ia aku nei imua o oukou.
S. EHRLICH, Ka Heiau na Paikini.