Ka Leo o ka Lahui, Volume II, Number 619, 10 January 1893 — Page 2

This text was transcribed by:	Napela Fern
This work is dedicated to:	Awaiaulu

KA LEO O KA LAHUI.

"E Mau ke Ea o ka Aina i ka Pono."

MA KE KAUOHA.

Ua hookohu ia o A. S. Kaehu i keia la i Komisina no na Pa no ka @- o Kohala, Akau, Mokupuni o Hawaii.

Eia me keia iho ka Papa:

Roft. Hind Jr.

H.L. Holstien.

A.S. Kaehu

G.N. WILCOX

Kuhina Kalaiaina. Keena Kalaiaina Jan. 4, 1893. jan5 3tsd

Ua hookohuia o Mr. Z. P. Kalokuokamaile, i keia la i Noteri no ka Lehulehu no ka Apana Hookolakolo Kaapuni Ekolu o ke Aupuni.

G.N. WILCOX

Kuhina Kalaiaina. Keena Kalaiaina, Dec. 19, 1892. dec22 3tsd.

KUAI O KA AINA AUPUNI I KAPAIA O LAULA, KONA AKAU, HAWAII

Ma ka Poalua, Iulai 10, 1893, ma ka hora 12 awakea, ma ke alo o ka Hale Aliiolani, e kuai kudala ia @- i ka aina aupuni o "Laula" ma Helualoa Elua, Kona Akau, Hawaii, nona ka ili o 38 2-10 eka oi iki aku a emi iki mai paha.

Uku Hookumu. $100

G.N. WILCOX,

Kuhina Kalaiaina. Keena Kalaiaina Dec. 12, 1892. dec13 3ts.

I kulike ai me ka Pauku 2 o ka Mokuna XXXV o na Kanawai o @- ua hookohu au i keia ia Mr. Aarona, o Luna Pa Aupuni no ka Pa Aupuni ma Makanalua, @- Mai Lepera, Molokai.

G.N. WILCOX,

Kuhina Kalaiaina. Keena Kalaiaina, Dec. 5, 1892. dec12 3ts.

I kulike ai me ka Pauku 1 o ka Mokuna XXXV o na Kanawai o @- ,ua hookaawale au i kekahi pa o ka hoopaa ana i na holoholo ua helehewa ma ke Kahua Mai Lepera, Molokai, maluna o kekahi @- a o waiho kokoke la i ka Ilina Kupapau o Makanalua, Molokai.

G.N. WILCOX

Kuhina Kalaiaina. Keena Kalaiiana, Dec. 5, 1892. dec12 3ts.

Ua hookohuia o Chas. T. Gulick i Komisina o na Palapala Hoopaa me ke Paeaina Hawaii ma kahi o Jonathan Austin i make.

G.N. WILCOX,

Kuhina Kalaiaina. Keena Kalaiaina, Dec. 8, 1892. dec12 3ts.

I keia la, ua hookohuia aku o J. Kamalenui, i hoa no ka Papa Alanui no, ka Apana Koho o Waimea, Mokupuni o Kauai, i panihakahaka ma kahi o G.W. Malama i waiho mai.

G.N. WILCOX,

Kuhina Kalaiaina. dec5 3tsd.

O ka poe apau he mau hao kuni ko lakau, e paa nei ma ka buke Aupuni, i ku i ke kanawai, ke kauoha io aku nei lakou, e hele a e ma ke Keena o ke Kuhina kalaiaina, mai keia manawa aku, a hiki i ka la 1 o Iulai 1893. a ma na mokupuni eae. ma ke Keena o ka Makai Nui. no ke kope hou ana i na inoa.

G.N. WILCOX

Kuhina Kalaiaina. Keena Kalaiaina. Dec. 2, 1892. dec5 3tsd-dly.

I keia la, ua hookonu ia aku o Mr. Lyon K. Kakani, i Luna Pa Aupuni. no ka Pa Aupuni o Hana, Mokupuni o Maui i hope no C. Pololu. iwaiho mai.

G.N. Wilcox

Kuhina Kalaiaina Keena Kalaiana, Nov. 30, 1892. dec5 3ts-dly.

I keia la, ua hookohu ia ako o S.W. Kekuewa Esq. i Notari no ka lehulehu, no ka Mahele Ekolu o ke Aupuni Hawaii.

G.N.Wilcox.

Kuhina Kalaiaina. Keena Kalaiaina, Nov. 30, 1892. dec5 3ts-dly.

I keia la, ua hookohu ia aku o S.W. Kekuewa Esq. i Notari no ka lehulehu, no ka Mahele Ekolu o ke Aupuni Hawaii.

G.N. Wilcox, Kuhina Kalaiaina Nov. 30, 1892. dec5 3ts-dly.

I keia la, Ua hookohu ia aku o Mr. Moses Papaiakea, i Luna Pa Aupuni, no ka Pa Aupuni o Huelo, Mo. kupuni of Maui i hope no K. Honokaupu i waiho mai.

G.N. Wilcox,

Kuhina Kalaina. Keena Kalaiana, Nov 30. 1892. dec5 3ts-dly

I keia la, ua hookohu ia aku o William E. Rowell, i Luna Nui no na Hana Hou. he hope ma kahi o Henry W. McIntosh i make.

G.N. WILCOX

Kuhina Kalaiaina. Keena Kalaiaina, Dec. 1, 1892. dec2=3tsd.

U hookohu ia o J.H. Barenaba i keia la i Comisina no na Pa no Apana o Koolaupoko Mokupuni o Oahu.

A penei iho ka Papa.

Wm. H. Lowell, Awa, J.H. Barenaba

G.N. Wilcox.

Kuhina Kalaiaina Keena Kalaiaina, Dec. 30 1892 3ts-dly.

I keia la, ua hookohuia aku o Keoki Kimokeo i hoa no ka Papa Alanui, no ka Apana Koho o Kau, Mokupuni of Hawaii, i panihakahaka ma kahi o G.W. Kaholokahiki i waiho mai.

G.N. WILCOX,

Kuhina Kalaiaina. Keena Kalaiaina, Nov. 30, 1892. dec5 3tsd.

Ua hookohuia o Mr. Wm. H. Lowell a me Mr. Awa. i keia la, i mau Komisina o na Pa no ka Apana o Koolaupoko, Mokupuni o Oahu.

Eia me keia iho ka Papa:

G.Barenaba

Wm. H. Lowell

Awa.

G.N. WILCOX,

Kuhina Kalaiaina. Keena Kalaiaina, Dec. 19, 1892. dec22 3tsd.

Mamuli o ke kaa ana o ka la 25 o Dekemaba, 1892, a me Ianuari 1 1893 i ka Lakapule, nolaila, o ka Poakahi Dekemaba la 26 1892, a me Ianuari 2, 1893, e malama ia ana ia mau la i mau la kulai aupuni. A o na Keena Oihana Aupuni o ke Aupuni, e pani ia no.

G.N. WILCOX

Kuhina Kalaiaina. Keena Kalaiaina. Honolulu. Dec. 9, 1892. 3ts-dly.

KA LEO O KA LAHUI

JNO. E. BUSH.

Lunahooponopono a me Puuku.

POALUA, IANUARI 10, 1893

E HOOKUU ANA KA AHAOLELO I KA POAONO

Ma ka auina la Poakahi nei, ua hele aku no Komite o ka Ahaolelo imua o ka Moiwahine e hoike aku e hookuu ana ka Ahaolelo i ka Poaha, Ianuari 12, hora 12 m. o ke awakea.

Ua pane mai ka Moi wahine aole au i makaukau e hookuu i ka Ahaolelo ma ia la, aka ke pane aku nei au imua o oukou e na Keonimana. I ka Poaono, Ianuari la 12, hora 12 o ke awakea, ua makaukau au e hookuu aku i ka Ahaolelo.

Mamuli e keia leo mai ka Nohoalii mai, ua hooholoia me ka lokahi a ua haule pahu na hana pupuahulu a ka Aoao Hoomaemae.

Nolaila, ke hoike ia aku nei ka lohe i na mea a pau, o ka Poaono e hiki mai ana, oia ka la e hookuu ai keia Kau. Ahaolelo loihi.

AOHE HILINAI IA.

He lono kai loaa mai ia makou, aohe hilinai o ka Moiwahine i keia Aha Kuhina e ku nei, i keia wa, a no ia hilina ole ia, ua kauoha ia mai na Kuhina e ka Moiwahine e hoihoi aku i ko lakou mau Komisina ma o ke ano maikai.

No keia hana, ua noi ae ka Loio Kuhina i ka hale ma ka Poakahi nei, e hookuu aku ia lakou no kekahi hana ano nui.

I ka hapalua o ka hora 10 o ka Poakahi nei, ua komo aku na Kuhina, a o kela mau olelo maluna ae, oia kai pane ia mai ia lakou. O ke kumu o keia, no ke kuikahi ole o kona manao, me kona poe Kuhina.

Nolaila, ke hoike nei makou lohe, a na lono hou mai no makou, i na aole keia poe Kuhina e hooko ana, alaila e hoouna ia ae ana kekahi Elele i ka Hale Ahaolelo, no ke kokua ana aku i ka Nohoalii, aka, ke olelo nei makou, na ke Akua no e kokua mai i ka Nohoalii.

Ma keia, ke olelo hou nei makou o keia kauoha ana mai o ka Moiwahine i na Kuhina e hoihoi aku i na hookohu, ke olelo nei makou ua pololei no.

Oiai hoi, na ka Moiwahine i hoonoho mai ia @-, a he kuleana no kona e hoopau ai. Oiai hoi, ua koi mua ka Aoao Liberala e wae ia na hoa o ka Aha Kuhina maiwaena ae o na hoa o ka hapanui o ka Hale i koho ai, aka aole loa pela i hanaia ai, ua hanaia keia hana e ka Aoao Hoomaemae, me ke kueana mai i kekahi mau aoao i loko o ka hale.

Nolaila, ma keia leo o ka Nohoalii, ke kakoo nei makou a ua lana ko makou manao, e kokua mai ana no na lani.

HOOHENO O KA AHAOLELO

Ua hoike ae ka mea hanohano o Lahaina, ina e hele ana ke alii Kakina o Maui, alaila, hookahi no ia nei, lauhue Hawaii no laila, he kanalua au nona.

Na R. W. Wilcox hoi, ka Lunamakaainana o Waialua, ua maopopo mua kona manao hoolilo ia Puuloa no Amerika Huipuia, a oia ka"u e olelo nei, aole pono.

Nui ka hooikaika o ke alii Kakina e hooholo i ka olelo hooholo, oiai oia ka Luna Hoomalu o keia komite i manao ia waiho aku no lahoi ka ike a hea.

Ua maalo hou ae iloko o ka hale Ahaolelo ke Komisina Pelekane Woodhouse, no ka hoolohe ana i ke kulana o ka hana a na hoa hanohano o ka hale Ahaolelo, no ka mea e pili ana i ka olelo hooholo a W.O.Smith.

Ua hoololi ia ka olelo hooholo ma kona a W.O. Smith i lawe ae ai, ma ka olelo ana na ka Peresidena a me ke kakau olelo e apono ina Komisina o keia poe komite, a ua kue hoi i ka pauku 29 o ke Kumukanawai maia mea, ua hoololi ke alii Maradena, au lilo aku la na ka Moiwahine e koho keia poe, me ka apono o ka Aha Kuhina oia ka nani.

Ua lohe ia mai, ua hele aku kekahi poe wahine haole mikanele i mua o ka Moiwahine, e olelo ai, aole e kakau inoa i ka bila kanawai Opiuma he keu no o ka wini.

Iloko o keia kau Ahaolelo, ua hanai kuala paa ae kekahi mea hanohano i kekahi alii o ka Hale, he huhu keia no ka olelo ia ana he hoao e kipe noehaa keia kau.

Mahope iho o ka hoopanee ana o ka Hale i ka auina la Poalima nei, ua hele aku ke alii Dreier i mua o ke alii P.P.Kanoa, a olelo aku la heaha la ke kumu o kou koho ana ma kela aoao, ua pane mai ke alii Kanoa, aole ia oe ia wahi. aia no ia ia'u, oiai o ko'u kuleana no ia.

AHAOLELO O 1892

LA HANA 163.

Ianuari 5, 1892

Halawai ka hale e like me ka mau Heluhelu ia ka moolelo o ka la hala a aponoia.

Komite Mau.

Komite Pa@-, ua pau i ke pai ia ka bela helu 239.

Kuhina Kalaiaina, ua kakau inoa ia ka bila e pili ana i ka oihana mahiai a me ululaau.

Nana no. pane i ka ninau a S.K. Pua e pili ana i ke kai lawaia o Keehi, ma Moanalua, no ke aupuni ia.

Na hana o ka La.

Heluhelu ekolu o ka bila 223 a ua hooholo loa ia.

Heluhelu ekolu ana o ka bila 240, hooholo loa ia me ka hoololi.

Bila 235, lilo ka hale i ka hoopaapaa a holo ka pauku 1 elike me ka bila.

Pauku2 holo me ka hoololi.

Pauku 3-8 hooholoia, a haawiia no ke kakaaupoepoe.

Heluhelu elua o ka bila 233 a holo, haawiia no ke kakaupoepoe.

Bila 218, holo, kakaupoepoe.

Bila 211 holo, no ke kakau poepoe.

Bila 231, holo no ke kakaupoepoe.

Hoike a ke Komite Ola no ka palapala hoopii 177.

Hoolaha mai ke Kuhina o ko ua Aina E he bila kanawai hou no na eemoku Paka.

Heluhelu ekahi a elua ia, a hoohole ia no ke kakaupoepoe.

Heluhelu mai o Kamika he olelo hooholo e kohoia i 5 @- e hoike aku i ka Moiwahine e pau ana ka Ahaolelo i ka Poalua @- nei.

Awakea hoomaha ka hale.

Auina La

Maraden, noi e hoomoe ma ka papa aponoia.

Bila @- holo no ke kakaupoepoe.

Bila 144 hoololi pauku @-ke