Ka Leo o ka Lahui, Volume II, Number 626, 20 January 1893 — Ke Kulana i Keia Wa. [ARTICLE]

Ke Kulana i Keia Wa.

I keia wa he hookahi aupuni. oia hoi ke aupuni kuikawa, a kuloko paha. Ua haawi aku ka Moiwahine Liliuokalani i kona aupuni malalo o kona ike ana ua hooweliweli ia kona kulana ma ka pae ana mai o na Koa Amerika. a me kona ae ana e ike i ke aupuni kuloko, Me ke kue no na oia i ae aku ai, a aole no ka hiki ole iaia ke hoomalu i na enemi kuloko kue i konanoho ana aupuni. Mamuli wale no o kona manao he pono e waiho me ka hookahe koko ole a kue aku i ke aupuni a ke Kuhina Amerika i kukulu mai ai, a kakoo mai. Mamuli o keia kulana ua ike aku nei na luna aupuni e, malalo o ka olelo kaohi e i ana, ke ike nei, me ke kali o ka hooiaio ana a loaa mai ka pane a ko lakou mau aupuni. Aole he ike mali ana, aka - he ike no ka wa. Ua hala aku nei ka hoike a na luna aupuni a pau i ko lakou mau aupuni. Ua kuihe loa na luna aupuni o Enelani, Farani, Potugala a Iapana. Aole a na Kanikela, no ka mea, aole lakou i helu ia ma keia mea.