Ka Leo o ka Lahui, Volume II, Number 629, 25 January 1893 — Page 2

KA LEO O KA LAHUI.

"E Mau ke Ea o ka Aina i ka Pono."

 

Buke II.  HONOLULU IANUARI 25, 1893.  Helu 629.

 

 

HE NANEA KAMAHAO NO MAIKA

KE KEIKI

Hapa Ilikina a Hawaii hoi.

 

KE KANAKA MUA LOA NANA I PANA KE AKUA BEA A NA ILIKINI I MAKA’U LOA AI – A O KA WELI HOI O NA ILI KEOKEO – A ME KA LUKU IA ANA I KELA HUI KEAKA A LI.

 

Hiu a wela, lawe a lilo, ke keiki Hapa Ilikini, elua i ka manawa hookahi, na hana powa, a lae ka makeana o na hoahanau Conegokena, ka mare ana o Maika a me na hana hoomainoino.

 

Ia Kapena Sula ia hala aku ai ua pane mai la ua kaikamahine nei me na hoohie ana, hoi mai kaua iloko nei e kali ai a hoi mai o papa.

Ua hiki no au mawaho nei, mahope auanei au pa mai i ka leo, wahi a Maika.

Aohe sanana he mauu hilo komo mai kaua iloko nei e kali ai, me ke kii pu ana aku o ua io palupalu la i na liina o ka Hapa Ilikini a huki ana aku iaia, heaha no la hoi kou mea o ka hoololohe ana aku nei.  konu wahi kekake nuha no hoi oe ka hoololohe, eia iho ka noho noho iho, i ua Hapa Ilikini nei no a noho iho iluna o ka noho pulu, paa ana ke kani-ai o ua Hapa Ilikini kolohe la i ke apo ia me ka hoopili pu ia ana o kona ihu e kekahi mea palupalu i ano like ka palupalu me kona ihu, a ma keia wahi i pau aku ai ka ike ana aku o kou mea kakau ma o ka hapakue ana iho o ka peni kakau, a e ole ka hoopili ana aku o na puka pepeiao a kou mea kakau maka hakala o ka hale, e ole ia lohe mahui ia aku na leo o ua mau puiu nei.  i ka pane ana aku o ka eha koni kaili puuwai.

Aole no hoi oe e ae mai ana la e hoi aku kaua maluna o kela wahi e hoonanaea iki ai la a hoi mai keia.

Aha hoi paha oe e pulale e mai e sehoa i ka ikea maka e hoomanawanui oe, no ka mea e hiki mai ana no he manawa e hooko ia ai o kou iini iloko o na la pokole loa ma keia hope iho.  Hookuu ae oe i ko lima e apo nei.  e noho aku oe maluna o kela uoho, no ka mea ua lohe aku nei au i ke pahupahu ana mai nei o ke alanui pii, manao au o Kapena Sula ae keia eia la ke pahupahu loa mai nei iloko o ka hale nei la, mahope kaua loaa pono.

I ua kaikamahine nei no a noho pono iho iluna o kona noho, hei o i ana no o Kapena Sula, loaa pono oiua ia’u e keia mau kolohe.  wahi a Kapena Sula i hoopuiwa mai ai me na helehelena o ka aka e hekau ana maluna o kona mau papalina.

Aole paha o maua ke kolohe o ka ilio ke kolohe i ike maka ia e na mea a pau, a hu ae la ka lakou aka no keia mau olelo a Maika.

Eia ko mau mea au i kauoha ae nei ia’u la e kii.

Ae ua hiki, a hookahi a’u mea e hoounauna aku nei ia oe i koe, oia keia, e hoopiha mai oe i eono poka no keia pu panapana a pela no hoi me keia pu.

Ua hooko aku la no hoi o Kapena Sula e like me ka Maika i olelo mai ai, i ka ike ana o Maika ua hooko ia kona makemake, ua pane hou aku la oia.

Ke halialia e wale mai nei no ia’u, e haohao ana oe i ke kakahiaka o ka la apopo no ka nalowale ana o kekahi mau poka o keia mau pu au i hoopiha mai nei.

E haohao ana no hoi paha au i na no hoi oe e lawe aku ana i keia mau pu a ki wale aku no i ka makani a pau, lawe mai oe hoikeike ia’u a ina oe e waiho malie iho ana i kena mau pu malaila a hiki i ke kakahiaka o ka la apopo, aole loa e nalowale kekahi mau poka o kena mau pu a’u i hoopiha aku nei.

E hoomanao oe i keia mau mea a’u e olelo aku nei, i kou wa anei e haohao ai no kela mau mea a’u i hai aku nei ia oe, e hoomanao iho oe, o kekahi o ko kakou mau enemi ua paupauaho mai i keia ola ana.

                                                                                                                      Aole i pau.

 

 

 

HE MOOLELO KAILI PUUWAI

NO

SENIA LUTERA

 

Ka Ui Puuwai Mabala

O

ENELANI KAHIKO

 

A I OLE

 

He Nanea Hooheno no kekahi Kauna Wahine Opio me kana mau Aloha Ekolu.

(Kakauia no Ka Leo.)

 

MOKUNA XXVIII

 

E ola au, a malia hoi na keia mau nani a hanohano e kokua mai ia’u e hoopoina!  He nui na wahine i ola me ka ukana nui koikoi iloko o ko lakou puuwai – a pehea ka hoi au?

 

Aloha iho la ia i kana ipo, aka ua loli keia mau mea a i keia wa he mea okoa ke ku ana ma kona aoao i kekahi la ae, a me ka weliweli hoi hoomanao ae la loia ua paumaele kona lima me ke koko o Heneri.

O keia wa ka mua o kona hoomanao ana i ka mea ana i hana aku ai ia Heneri, a ia wa no oia i pane wale iho ai no ia ia.

Ua hauoli au ua kaawale aku ia kumu ino mai ko’u alo aku.  Oia hoi ka mea nana i hoopoino mau i ko’u nohona mai kinohi mai a ano ke hoomaikai nei au i ka lani ua lanakila au.  Mahope o keia haule aku la keia hiamoe a me ka oluolu oia i waiho maha ai iloko o ka apona a ka hiamoe a hiki wale i kona hoopuolo ia ana e ka pumehana ana i kona mau papalina.

Na keia pumehana me he hanu ipo la i hoala ae i ko ia nei moe ana.  Puoho ae la keia a o ka manao mua iloko ona i komo mai ia wa oia no hoi he la mare keia nona.

Ua nee malie aku la na hora o keia la ia Senia.  E ake ana kona naau o ka pau koke aku o ka mare ana.  I ka uhi ana iho o ke koloka o ka pouli a kau mai hoi na hoku o ka lewa, e uwiuwiki mai ana i ka nuu lani a e pahola ana hoi ka mahina me kona malamalama me he wai dala la ka anapa maluna o na mea a pau ua kahiko hou iho la ka Lede Senia i ka aahu o ka wahine mare.  Ia ia i alawa aku ai i ke aniani i ka manawa, hope loa mamua o kona mohai ana ia ia, a iho aku i ka rumi mare, kahi ona e kali ia mai ana puili ae la kona mau lima, a me ka leo i piha i ka ehaeha, kanikau ae la oia.

E Laionela, e kuu aloha poina ole, aloha oe, aloha oe no ka manawa hope loa.  I keia po ke hookaawale hou ia aku nei kaua a mamao hou mai ka pili aloha a kaua.  E oluolu ana ku kino, aka ua make nae kuu puuwai iloko ou.

Iho aku la oia i kahi a na hoaloha e lu ana ana a e noho makaukau ana o kona hiki aku.  Hiki aku la oia me ke kane imua o ke kahuna nana e mare, mare ia iho la @, a iloko o keia mau hana ana, ua like oia me he la aia iloko io ka hiamoe, he kohu moeuhane na mea e hanaia ana.  Aia wale no a hiki i ka lele ana mai o ke lii Codona a honi iaia, hoomaopopo ae la oia ua pau kona inoa mua o Lede Senia Lutera, a ua loli ai hoi a o ke Kamalii wahine Codona.

He elua makahiki i kaa hope aku mai ka la o Senia i mare ai a lilo oia ke Kamalii-wahine Codona, a iloko oia manawa aole no hoi oia i noho luuluu e like me kona mau la mua o ka mare ana iho.  Ua oluolu kona noho ana a ua malama maikai kana kane a ua malama no hoi oia i ka inoa o kaua kane me ka hanohano a me ka maluhia i kela a me keia la.

Ua kaapuni laua i ka honua iloko o keia mau makahiki elua aka ua hu mai hoi ke aloha no ka home no na wahi kamaaina i na la opio a huli hoi aku hoi no Enelani, a ua noho hoi no kekahi manawa e hoomaha ai ma kekahi hale e kokoke i ke Kakela Keokeo, ka home o Kahi Lutera.

Ua piha kona naau i na anoai no na wahi kahiko a kona mau wawae i kai hele ai i na la opiopio na alanu hele i pipapaia me na kahiko ulunahele ame na malapua, a aole no hoi o Senia hopohopo o kona ike ia iloko o keia mau makahiki loihi oiai ua lohi ae hoi kona pilalahi kino a hookanaka makua iho, a ua ulu ae ka ui a mohala pono ae me he pua rose @ ia mohala piha.  Ua hele o Senia @ kelakela kona mau ano a pau @ ui maoli no e hoohauli a e hoo@puni ai i ka noonoo maikai o keka@ kanaka.  He nani oia i na la @ i launa ai me Laionela, aku i @ wa ua nele ka hua olelo i ka olelo e lawa ai ka wehewehe ana I kona nani lua ole I keia manawa.

E aloha ana no anei o ia ia Laionela i keia wa, oia ka ninau?  E like me ka pio ole o ka pa ana o ka malamalama o ka la a me ka nihau ana o ka nehe a ka makani a k@ iho i ka napao ana a ka la pela no i pio ole ai ke aloha o Senia ia Laionela, pela no i haule ole ai ka ha@ a ka hoomanao iloko ona no ka@ aloha.  Aole e hiki i kona noo@ ke poina a e holoi ae hoi i ke k@ kunia paa ia o Laionela iloko @ koua puuwai.  Me ka hiki ole i ka puuwai ke noho panaole pela no @ hiki ole ai iaia ke kaohi iho i ke aloha.

I ka po a me ke ao aia oia me @ ina oia e hiamoe e ikea ana iloko @ ka moe-uhane me kona mau a@ no a pau ka oluolu ka hoepolohia ke aloha palena ole e like one @ la o ko laua hooipo mua ana.  I k@ wa e hauoli ana na mea a pau @ kau ana no kona mau ma ka ia ia.

Ina no oia e alawa ae i ka @ lipolipo o na lani e ike ana no @ i na helehelena ui o kona aloha @ kau mai ana.  Ma na wahi a pau @ kau ana kona mau helehelna @ ona.  E helu mai ana no hoi ke alamakani i kona inoa o ka po a make ao.                                                                                                             Aole i pau.

 

 

 

Kauka Yong Kam Pung.

(APANA)

 

Helu 81, Alanui Maunakea.

Ke Kauka Loea o ka

Aina Pua

 

Ua hiki ke hoola ia kela a me keia @ ma’i, mai ko na kane, wahine a @ na keiki liilii.  O na ma’i ha-no ua hiki loa ia ke hoola ia me ka maalahi.  A o na ma’i e pili ana i ka maka pau pu ia i ke ola.  Ke hoike ia aku nei, me ka oluolu pu o kahi auhau.  Ka poe pilikia h@ keiki a hele nui paha o ke @ a paa a lohi paha ka hanau ana, @ paha o ka waiu, e hele nui mai i @.

 

E KIPA mai e ka poe i @ luu ia me na haawina pilihua a ka @ a na’u oukou e hooluolu aku.

KAUKA YONG KAM PUNG.

Honolulu Dec 5, 1893.                                                                                      3m dly