Ka Leo o ka Lahui, Volume II, Number 629, 25 January 1893 — Page 3

KA LEO O KA LAHUI.

"E Mau ke Ea o ka Aina i ka Pono."

 

E paani ana ka Bana ma ka Pa Motele Hawaii, i ke ahiahi o ka la apopo.

            Ke manao ia nei ua poloke ke luau o ka huila o Kalaudine, a eia ie no i ka moana kahi i lula ai. He koko keia, aia wale no ia mea i ke Akua.

            O J.T. Waterhouse (Walakahaki) kekahi hoinoino loa i ke aupuni o na Hawaii, ma kana mau hana oio o keia mau la. Ua hookupu oia hookahi tausani dala no ke aupuni hou.

            Ua kohu kuli kekahi poe keiki i la makou nana aku i na keaka hoopunipuni a ko makou wahi hapala inika Sicott, pehea la oukou i bilivi i ka lele o ka elemakule i luna o ke aupuni uwea ma ka paa i ka huelo a ka ilio. Hu ka aka.

            Ua lohe ia mai o na Hawaii hoohui aina oia no keia: Uilama Kamaki, Keoki Makamu, Charley Notley , Charley Achi, a me Alamaira Hananui. Hookahi aku la no kumu o keia o ke ake loaa. Ua oi ke hala mamua o ke aloha aina. I hoowahawaha wale ia ai no keia poe e na haole a me na Hawaii.

            E lawelawe oolea ia aku ana na hana piliwai, o kela a me keia ano. Aloha no na wahine chefa i kahi ole e chefa si. O keia kekahi kumu make o keia lahui o ka piiwaiwai, a o keia no ka makou i poipoi ai e hoomalu ia, a aole no hoi he hoolohe ia. Alaa la, ua hiki mai ke Kai a-ka-hina-lii.

            I keia mau la e ikea ai, owai la o na alakai o ka lahui Hawaii e kupaa ana, a e hulikua ana paha i kona hoa kanaka a me kona makuahine. O makou kai olelo ia, aka ma ka hana nae e ike ia ai, o makou paha, o ka poe paha i imihala a hoino hoopunipuni wale ia makou.

            Me mea hilahila ke komo ana o kekahi kanaka a wahine paha e hoolilo i kona aina hanau ia hai. Aole e pau kela alina. Pela i hookae ia ai kela haole kaulana o Anola ma Farani, no kona kumakaia i kona aina. I kona hoolauna ia ana a lohe ia kona inoa, ua hoole ia mai oia. Pela iho la na Hawaii e hana ana i kekahi hana oia ano, e alo ana he mea hookae ia e kona lahui , a e ka poe ana e hoopili meaai aku ai.

            Mawaena o ka hora 11 me ka hora 12 o ka ponei ma kahi kokoke ika halepula o Kaumakapili, ua miki ae la na lima menemene ole o ka make me he aihue la, a kaili aku la i ke ola makemae o Mrs. Halauai. I ke 47 o na makahiki o kona hanu ana i na ea hu’ihu’i o keia ola ana, e hele kohana aku la oia ma kela aono o ka muliwai eleele o ka make mau loa, me kona haalele ana iho i kana kane aloha me kona ohana e haawe aku ana i ka ukana kaumaha o ke aloha me ka piha luuluu nona. Walohla wale.

            Ua huli hoi aku na Hons. K.M. Koahou, G.P Kamauoha o ka Mokupuni o Hawaii; J.K. Iosepa o Maui, a me J.A. Akina no Manokalanipo. Aloha no lakou.

            Ola ka pololi o ka poe aea wale, a nele hana ikeia mau la, i ka loaa ana o ka hana mai ke aupuni hou, he hana mai ke aupuni hou, he hana koa, Akahi no kekahi poe a ai i na ai maikai i ka Hotele Hawaii iho nei.

            Ua lawe ia o Kahikina Kelekona imua o ke Komite Kukakuka, a ao ia mai aole e haku ina manao hoouluulu. Aole i papa ia ka nema a kamailio ana ma ke kupono ma na hana a ke aupuni o ka manawa.

 

HUIALAHAO A ME AINA O OAHU.

Papa Manawa

Mai a Mahope o Okatoba 1, 1892

NA KAA        A.M.A.P.M.P.M.

Haalele ia Honolulu 6:15* 8:45 1:45 4:35 †

Hoea i Honouliuli 7:20* 9:57 2:57 5:35 †

Haalele ia 7:30* 10:13 3:45 5:42 †

Hoea i Honolulu 8:35* 11:55 4:55 6:50 †

NO KULANAKAUHALE MOMI IHO.

Haalele ia Honolulu 5:10 ‖ P.M.

Hiki i Kulanakauhale Momi ‖ 5:48

Haalele ia “ “ 6:55* A.M.

† Poaono wale no

*Koe ka Lapule

‖Koe ka Poaono

Sept. 28 tf-dly.

 

OLELO HOOLAHA.

E ike auanei na mea a pau, ke papa loa ia aku nei lakou, aole e hoaie wale aku i kuu wahine mare ia Mrs. Keliinohola, oiai, ua haalele kumu ole mai oia ia’u. O ka poe e hoolohe ole ana maluna no o lakou ke poho.

MR. KELIINOHOLA.

Halekoua, Ianuari 13, 1893.

Jan16 tf.

 

NO KE KUAI.

1 – He Pa – Hale ma Alanui Sheridan, 11 80-100 eka. Uku Hoolimalima $315 no ka makahiki.

2 – He Pa – Hale ma ke Alanui Aupuni ma ke Awawa o Pauoa 1 37-100. Uku hoolimalima $100 o ka makahiki.

3 – He pa – Hale ma Alanui Liliha, kokoke i ke Alanui Kula.

4 – Hookahi Mahele Kuleana i ka Hui o Paleluahine. Awawa o Manoa. He 513 ka nui o na eka aina ma o ka Hui ma keia Awawa, a ua mahelehele ia hoi iloko o 33 Kuleana. He 15 ½ eka aina ka nui o ka mahele kuleana hookahi.

5 – He ekolu apana aina taro ma Hauula: Koolauloa, Oahu 1 15-100 eka.

E ninau ia

J.M. MONSARRAT. (Maunakea)

Jan13 tf.

 

Aole keia he Mau Hana Hoohoka!

AKA HE MAU

WAIWAI HOU WALE NO, AOLEIPOPO

E LOAA NO

MA KE KUMUKUAI EMI LOA!!

MA KAHI O

            N.S. SACHS.

Helu 104         Alanui Papu, Honolulu           Helu 104

O na WaiWai Hou Wale no ko ko Makou Halekua, Aole o na Apa Lole Popopo a Kahiko!

            Aole a makou mau hana hoopuunipuni; aole a makou mannu ekaeka, oia hoi, aole o makon paali aku i na apa lole kahiko i kumu e loaa ai he puka ma ko makou aoao, aka haawi aku makou i na waiwai hou loa no ko makou mau makamaka a me na hoaloha, no ke Kumukuai Emi Haalele Loa, e loaa ole ai Kona Lua ke Ukali ae!

            Ua wehe ae nei makou i keia wa he laina hou a na Lihilihi a me na Lihilihi: Kuuwelu i hoouma pololei ia mai Europa mai, ma o ko makou mau kauoha ponoi ana aku, a ke hooia aku nei makou e kuai ia aku ana no me ka emi loa i oi ae ka emi mamua o kekahi mau halekuai e ae. Ua loaa pu mai no hoi ma ko makou halekuai nei, he mau lako hou o na Apa Keokeo, na Lako Kalakoa a me na Kinihama, A ke kuai aku nei makou ma ke kumu lilo, no ka mea ua makemake makou e loaa ona wahi e hoahu ia ai ko makou mau waiwai lako huluhulu. Ua wehe pu ae nei makou he huhiehu o na APA HULUHULU Farani,, na Silika PANI’O a me na APA SILIKA LAU.He mea pono e ike ko makou makamaka a me na hoaloha i keia mau waiwai hou a nani. Emi ke Kumukuai. O na APA SILIKA ELEELE, PAPAMU, a pela aku, e loaa no ma ko kumukuai haahaa loa.

            Na papale o na Wahine i humu a kinohinohiia, Papale o na Keiki o ke ano hou loa, e kuai ia aku no ma ke kumukuai haahaa loa. Na Pua Papale, na Hulu Papale hou. e pela aku, e loaa no ma ko makou halekuai me ke kumukuai emi loa. O ka loaa koke ana mai nei no ia o ka mea humu papale hou o ko makou halekuai mai Nu Ioka mai. He loea kana mau hana hookinohinohi ana i na papale. Ua hiki ia makou ke kaena ae ua oi ae kona loea mamua o na mea hana a kinohino papale o kekahi mau halekuai papale e ae.

            E hoomanao hou iho e na makamaka a me na hoaloha, o ka pono, pololei, kaulike, ko inkkou moto, a aole o na hana poholalo, a mamua o ko oukou hele ana aku i kekahi halekuai e aku, e kipa mua mai ma ko makou halekuai. E kilohi mua. E nana. E lolelole. E hooia no oukou iho.

N.S. SACHS

575-tfd.          104 Alanui Papu, Honolulu.

 

He Kuai Hoopau Nui MA KA HEIAU O NA PAIKINI! No Keia wahi Pule Hookahi Wale iho no! A HE OIAIO E Kuai oau aku ana ka Makou mau LOLE KEOKEO a pau, oia hoi Na Lilina, na Kalakoa a me na Lole Kilikia me na Huluhulu Na Kinamu a me na Lole Nani onaano a Pau.

            E pau ana i keia Pule no ke Kumukuai hiki ole ke manaoia no ke emi loa. E hoomanao o na Lede keia kuai kamahao e panee ia aku nei imua o oukou

575-tfd                        S. EHLRICH.            Ka Heiau na Paikini