Ka Leo o ka Lahui, Volume II, Number 630, 26 January 1893 — E KO OLE ANA. [ARTICLE]

E KO OLE ANA.

E like me ka ioihi o na la e kaalo nei, ua ulu mau ko makou noonoo e haule ana ka hana o keia mau la, e like me ka haule ana o ke kumu i ala mai ai oia mau hana, no ka hevya o na kumu i hoala īa He hilinai loa makou i ka olelo ao ma keia mea, aole e ola na hana ma ona hana e kue ana ika pono. A he oiaio ke ike nei kakou i ka pololei oia mea. Ua hoike ia mai ko ke Akua nani i keia mau la me ka maopopo loa, ma ka hoohaule ia ana o na hana a ka poe kalai pilikino, a kuko noho oihana o ka 'ehulehu, me ka manao, a pau ae la ka Ahaolelo, ua kaa ka hana a lakou i manao ai maluna; ao ke kanawai malalo. Aka, ua hoole ia kela, aua hoopuehu ia ka poe hana hewa, manao hewa a alakai hewa ika Moiwahine. Aia la ia poe i hea, i keia ia? Ka poe a makou iao ai, ka poe a makou i kue ai no ka mauna i ke kanawai ameka pono o ka lehulehu, no ko lakou pono pilikino iho ma na *bana kue kanawai, aia la lakou i hea? Ua nalo lakou mai ke alanui kalai aupuni no keia wa, a aia a mihi lakou, ua pono e nalo lakou. Nui ka poino a me ka ehaeha o ka lahui e noho nei. mamuli o kalakou alakai ana i ka Moiwahine, a lawelawe ana ina hana o ka lehulehu. Oia ■iho la no ka hopena oia mea. Aohe he hopena e ae. no ka mea, ua ao mai ke Akua, he make ka hana hewa. ahe ola ka liana pono. a lie mau loai keia a komo i kela ao, i kahi a ka hewa i kipaku ia mai ai, no ke ao ana i na anela e hana hewa, a no ke kipi ana i ko Ka Lani Hemolele.