Ka Leo o ka Lahui, Volume II, Number 633, 31 January 1893 — E NA-I WALE NO OUKOU I KUU PONO AOLEE PAU. [ARTICLE]

E NA-I WALE NO OUKOU I KUU PONO AOLE E PAU.

O ka mea nana keia olelo oia no ka Moi Kamehameha I., nana ponoi no i pane ae keia mau olelo mai kona waha ae. Oia hoi, mahope iho i ka lilo ana o na mokupuni a pau o Hawaii nei malalo una, ua lilo ae la hookahi Moi, oia hoi o Kamehameha I. Ua hola ae la o Kepanila, ke alii o Kau, he kaua kue ia Huaa, ke , 1 'lii o Puna, me ka manaʻo o Kepanila, i na oia e lanakila, alaila loaa ia mau kanaka on a, aole nae i ko. Oiai, ua hoouna awiwi aku o Huaa i kana elele imua o Kamehameha ma Kamakahonu, Kona, Hawaii, e

hoike ana e kipi ia mai ana oie e Kepanila, ke alii o Kau. I ka lohe ana o Kamehameha i ka hoike a keia Elele. ua ala ae la kona mau hulu mahamaha, me ka oni pu ana o kona mau aahuki a me na io hoohana; me kona manao e komo hou aku i loko o ka hookahe koko, aka ala e mai la kela kanawab ana i kuahaua ai ma Hilo. No ia kumu, ua hoouna aku la oia ia Makona kana elele mama uni wale e hoike aku ia Kepanila, e hoopau i kona manao kaua, a e hoi koke mai oe a hoike mai ia'u i kana pane. Ua haalele keia elele ia Kamakahonu. a ua holo mama aku la oia, a hiki ma Waiohinu, i Kau, a hui aku la me Kepanila,- a hoike aku la i ko Kamehanaeha manao Oia ka wa o Kepanila i hoike mai ai, ua pau koʻu manaʻo kaua, a na hoi aku ka elele a hoike aku imua o ka Moi Kamenameha I, a oia ka ua liona la i pane ae ai; "E na'i walo no oukou i ka'u pono aole e pau."