Ka Leo o ka Lahui, Volume II, Number 637, 8 February 1893 — Page 1

KA LEO O KA LAHUI.

"E Mau ke Ea o ka Aina i ka Pono."

Buke II. HONOLULU FEBERUARI 8, 1893. Helu 637

HE MOOLELO KAAO WAIWAI NO SENIA LUTERA

Ka Ui Puuwai Mabala o ENELANI KAHIKO. A I OLE He Nanea Hooheno no kekahi Kauna Wahine Opio e kana mau Aloha Ekolu. (Kakauia no Ka Leo.)

MOKUNA XXVI.

Ua like no hoi me ia a o ke ano puanuanu hoi! Ua hoopunipuni anei ka ike a ko'u mau maka ia'u? E na lani, he oiaio anei ua kahoaka o ka manawa? A e kuu aloha, o oe io anei ia. Ua kuhihewa no paha au; no ka mea, ua piha ae nei na makahiki elua o ka waiho ana o ka'u mea i aloha ai iloko o ka opu ana ole o ka honua! I keia manawa, ua kahuli ae la ka leo o ke mele a ua 'lii Codona la, mai ke kiekie a haahaa me ka nanahe malie, a mele mai la i kekahi mele ano hoalohaloha a kaumaha ke lohe aku, oia keia:

E ka nehe lau laau

E ka makani puia ala

E oili hou au me oe

E kuu ipo o na la i hala

Ua nalowale aku la na nanaina hauoli mai kona helehelena ui aku a he hiona o ke ano kaumaha ke hekau mai ana. Ua ike aku la o Senia, a ua ku aela oia iluna me kona hele ana aku imua e hoike aku ai i kana ipo Laionela, eia no oia ke ola nei, kana aloha hoi o na la i hala. Ua komo e maila nae ka hilahila iloko ona, nolaila, kuemi hope hou maila ia a noho hou iho la ilalo, me ka pana ikaika ana a kona puuwai iloko ona.

I ka ike ana i ka haku aina

O pii ka @ hewa i ka loa.

Ehia i ka eha koni a he manu laka

Ia @ e pupee ana i ka---

Eia au la he maka'u nei

I ka ike maka mai e paa.

Iaia nae i hiki aku ai ma ka puka, ua kukuli iho la oia ilalo me ka lalau ana aku o kona mau lima i ke ki o ka puka e wehe mai i ka puka, mamua nae o ka hemo ana mai o ka puka, ua lele koke aku la ua Hapa Ilikini nei ilalo a kukuli like iho la ma ka aoao o kana aloha i ka hemo ana o ka puka ua komo mai la o Kapena Sula me ka nui pu ana iho o kona hanu, ua hoomaka e mai la oia e huhu ia laua nei, aole nae i puka koke mai kana olelo, ua puka e aku la ka laua nei huaolelo, ua hewa maua, e oluolu oe e kala mai ia maua. He ike no ka kekahi o na mea kolohe i @ mea, he hewa e wikiwiki mai nei na waha i ka mihi. He keu no hoi olua a ke aloha ole ia'u, o ka olua hana ana iho nei i keia mau hana lapuwale heaha no hoi ko olua mea kakali ole, a hele mai e kuka pu me a'u, ua manao mua no au e hoohui ia olua a lilo i hookahi io, a i hookahi hoi pana ana a ko olua mau puuwai, a no ka olu mea i hana iho nei, he mea ia e hoinoino mai ai i ko'u noonoo. He oiaio no ia au e pane mai la e kuu hoaloha maikai, wahi a Maika i pane aku ai me kona iniki pu ana aku i kana aloha e hoopau ae i kona ano kaumaha. Aka nae e kala mai nae oe ia'u, ke hai aku nei au i ka mea oiaio aole loa au i hahaki i kau hua ai e malama nei, aka nae, ua hoopili aku au i kahi a ko'u hanu e hanu nei ma kona mau aoao e like me keia malalo iho.

Aloha e ka ihu o ae-hoa ea

I ka honi ana aku kohu lalana

Akahi hoi a laua ka manao

Ua lilo ka ulua nau e Maika.

Aole i pau.

O na Luna Nui o ka Hui Hooholo Mokuahi o Waila Ma. Ua manao lakou e ku mai ana ka Mokuahi Kalaudina i Honolulu nei i ka Poaha o keia pule. Ua nui ka puiwa o kekahi poe o ke kulanakau hale nei i ka Poakahi nei mamuli o kekahi lono lauahea, ua ike ia ka Mokuahi Kalaudina. Heaha ana la na hopena, ke puiwa e welo nei no. Kohu manu ka hoi i pili mua i kepau a ke kanaka kia manu ka eena @.

KA KAKOU MILIMILI.

Ma keia kakahiaka a makou e puka aku nei, ua pono ia makou ke hoike aku i ko makou mau makamaka heluhelu no ka manawa puka o ka kakou wahaolelo, aole ia i kulike loa e like me kona wa maa mau mamua mamuli o ke noi a ko makou mau limahana no ke ano okaikai o ke kulana o ka aina e hiki ole ai ia lakou ke hana mahope iho o ka hora 5 o ke ahiahi o na la apau. Nolaila, ua hooko aku makou i ke noi a ko makou mau limahana i aloha nui ia, a e hoopuka ia aku ana KA LEO O KA LAHUI, i na hora makamua o kela a me keia la, e hoouluhua ole ai i ko makou poe heluhelu. Nolaila, e hoomanawanui a mai kunukunu.

HUI ALAHAO A ME AINA O OAHU.

Papa Manawa Mai a Mahope o Okatoba 1, 1892

NA KAA

A. M. A. P. M. P. M.

Haalele ia Honolulu 6:15 8:45 1:45 4:35

Hoea i Honouliuli 7:20 9:57 2:57 5:35

Haalele ia "      " 7:30 10:13 3:45 5:42

Hoea i Honolulu 8:35 11:55 4:55 8:50

NO KULANAKAUHALE MOMI IHO.

Haalele ia Honolulu 5:10 P.M.

Hiki i Kulanakauhale Momi 5:48

Haalele ia "      " 6:53 A. M.

Poaono wale no

Koe ka Lapule

Koe ka Poaono

Sept. 28 tf-dly

NO KE KUAI.

1--He Pa-Hale ma Alanui Sheridan. 11 80-100 eka. Uku Hoolimalima $315 no ka makahiki.

2--He Pa-Hale ma ke Alanui Aupuni ma ke Awawa o Pauoa 1 37-100. Uku hoolimalima $100 o ka makahiki.

3--He Pa-Hale ma Alanui Liliha, kokoke i ke Alanui Kula,

4--Hookahi Mahele Kuleana i ka Hui o Paleluahine Awawa o Manoa. He 513 ka nui o na eka aina ma o ka Hui ma keia Awawa, a ua mahelehele ia hoi iloko o 33 Kuleana. He 15 1/2 eka aina ka nui o ka mahele kuleana hookahi.

5--He ekolu apana aina taro ma Hauula: Koolauloa, Oahu, 1 15-100 eka.

E ninau ia J. M. MONSARRAT. (Maunakea) jan13tf.