Ka Leo o ka Lahui, Volume II, Number 638, 9 February 1893 — Page 1
This text was transcribed by: | Lynn Nakagawa |
This work is dedicated to: | For my friend, Teresa Quon-Hyden. |
KA LEO O KA LAHUI.
"E Mau ke Ea o ka Aina i ka Pono."
Buke II. HONOLULU FEBERUARI 9, 1893. Helu 638
HE MOOLELO KAILI PUUWAI
--NO--
SENIA LUTERA
Ka Ui Puuwai Mabala
--:O:--
ENELANI KAHIKO.
A I OIE
He Nanea Hooheno
no kekahi Kauna
Wahine Opio me
kana mau Aloha
Ekolu.
(Kakauia no Ka Leo.)
MOKUNA XXVIII.
Ua makemake au e hoike aku ia oe no ke kaikamahine a’u i aloha ai. e ke ‘liiwahine -- ua like oia me oe, aka nae, ua ano like aku kona nani me na kukuna olino o ka la, a ooe hoi, me ka hau aiai e halii ana iluna o ka piko o na Mauna Alepa.
Ae, wahi ana me ka huli ana aku o kona maka i kahi e, he oiaio kau i olelo maila, he mele maikai io kela, a he ano hoehaeha naau nae.
A o ka maua mele kela e mele mau ai, i ko maua wa e noho pu ana i Parisa, no namakahiki loihi i hala ae nei, wahi a Laionela i nana hoomau aku ai i ka lelehuna a na huna wai o ka lua wai ma ko laua mau kapuai wawae.
A ke hoomanao nei no hoi au i ko’u mele hou au i ua mele la i keia mau makahiki aku nei. ke piha loa ia nei i ka hauoli. a he keu no hoi ko’u make, ina he mea mau ka hauoli, alaila o ka’u hana ia o ke mele mau i kela wahi mele -- no ka mea ua ike no oe e ke ‘liiwahine, no ka mea o na pua nani a pau he mae a make wale lakou, a o ka pua ano ole oia ka mea pua mau a loihi ka mohala ana -- O ka’u ia e hoomanao ae nei, ia’u e noho ai malalo o na lau laau i ke ano liula o ke ahiahi. e like me kaua e noho nei. a himeni aku la i ke kaikamahine a’u i aloha ai, aka aole loa au e ike iaia!
Ua holo aela ka maeele iloko o ka puuwai o ka ui Senia, i kona lohe ana aku i kela mau huaolelo i ka puka ana mai, mai ka lehelehe mai o kona kokoolua, nolaila, kulou aku la oia imua, a ninau malie aku la oia. i ka pane ana aku:
Alaila, ua make anei oia?
Ae wahi a Laionela i pane mai ai, me ke ano kaumaha. Ua make oia. O ka elua keia o kona mau makahiki o kona hiolani ana iloko o kona luakupapau, a o ka’u ia e ake nei e hoopoina.
Aka, pehea hoi oe i ake ai e hoopoina iaia ina he aloha io kou iaia? wahi ana i ninau aku ai, me ka ulu ana ae o kahi manao l@i iloko o kona pouuwai.
Ua oi aku ka maikai o ko’u poina ana iaia, wahi a ka pane me ka leo malie loa, no ko’u pono, a me ia pu, aka aole nae oia i hoopuka ae, no kana wahine mare, no ka mea, me he la i hawanawana ia mai iaia e kekahi mea ana i ike ole ai aole e hai wale aku i keia wahine ui nani ua mare oia i kekahi mea okoa, me ka lilo mua o kona puuwai i ka wahine okoa.
Ua hoomaha iki iho la o Senia, i kona lohe ana aku i na olelo o Laionela. Ua hoopaa ia oia me kana ka okoa, a heaha hoi ka hewa oia, ina ke noho kaawale la no kana ipo Laionela. Ua hoopono oia iaia iloko o ko laua mau la e hooipoiana, a hiki wale i keia la a maua e hui hou nei, a no keia manao o Senia i lawe aku i ka ehaeha iloko ona o na minute mamua iho. ana i manao wale ai ua lilo la ka puuwai o kana ipo kahiko i kekahi mea e aku.
Ae, ua manaoio no lakou ua make au, wahi ani i hawanawana iho ai iaia iho.
Heaha la ke ano o kana olelo, he oiaio anei aole paha.
Aole i pau.
Ke h@na mao ole ala ka ua i ka mahiko o Kahuku.
Ua hopuia ma ka po o ka Poalua nei kekahi kanaka ma ka inoa o Papa. He kanaka keia no Kaneohe, a wahi ana he $50,000 ana iloko o ka Banako o Bihopa, a oia kona kumu i alo mai ai iloko o ka ua, aka ma kahi o ka loaa o ua mau kala nei ana i moeuhane ai, aia hoi, noho aku la oia i ka hale makamaka ole.
HE NANEA KAMAHAO
--NO--
MAIKA
KE KEIKI
Hapa Ilikini a Hawaii hoi.
KE KANAKA MUA LOA NANA
I PANA KE AKUA BEA A
NA ILIKINI I MAKA’U LOA
AI -- A O KA WELI HOI O
NA ILI KEOKEO -- A ME KA
LUKU IA ANA O KELA HUI
KEAKA A LI.
Hiu a wela, lawe a lilo, ke keiki
Hapa Ilikini, elua i ka manawa
hookahi. na hana powa, a
me ka makeana o na hoa-
hanau Conegokena. ka
mare ana o Maika
a me na hapa
hoomaino-ino.
Aole au e bilivi ana i kau mau mea e kamailio mai nei. aole au i hanau ia i Kawaihae kahi hoi o ke kaipulu, no ka mea. ke pili ka ihu o kekahi moku i ka uwapo he kapae wale ae no ko hope, nolaila, mai no oe a manao mai ia’u he hupo loa.
He oiaio no kau mau mea e nai mai la ia’u e kuu hoaloha maikai, a no kau mau mea i olelo mai nei. ke pili ka ihu o kekahi moku i ka uwapo, he kapae wale ae no ko hope, ae hai aku no hoi au ia oe i ka ka mea oiaio loa, he oiaio; ua pili io no ka ihu o ko’u moku i ka uwapo o ka laina mua wale no kai noopaa ia, o ka hoopili aku hoi koe o hope a pili pu ma ka aoao o ka uwapo, hauhili e ia hoi e oe.
Heaha ananei ae la no hoi. he nani ae la no hoi ia, ua loaa ponomai nei olua ia u e keia mau kolohe, a he hookahi wale no a’u mea kupono e hana aku ai maluna o olua, oia keia.
E hoohui aku ana au ia olua a lilo i hookahi io a hookahi pana @ a ko olua mau puuwai, pehea ko olua manao no keia mea?
Ua manao ae la ke ola o ua mau kolohe nei. i ka wa a Kapena Sula i kamailio mai ae e hoohui ia laua i hookahi io, ua wikiwiki aku la ko laua nei mau waha i ka ae.
I ka pau ana o ka lakou kukakuka ana no na mea e pili ana no keia loaa pono ana o Maika ma ia Kapena Sula, ua hoeu koke aku la o Kapena Sula ia laua e hoi lakou e paina i ko lakou aina kakahiaka. ua eu like aku la lakou no ka rumi aina.
Oiai lakou e hoopiha ana i ko lakou mau houpo lewalewa, ua ninau koke mai la o Kapena Sala ia Maika, e hahai mai i na mea a pau e pili ana no kana huakai o ka po nei.
Ua hoomaka aku la ua Hapa Ilikini nei e hahai ina mea a pau loa e pili ana no kana huakai, a me ka haule ana ona mailua iho o ka puka aniani. a ma ia wahi i hoomaka mai ai o Kapena Sula e akaaka no ka haule ana o Maika ma ka pukaaniani, ua pane aku la o Maika ia Kapena Sula.
Hawa maoli au i hahai aku nei i kuu haule ana, loaa ka ia nei mea e akaaka ai, ina oia ka i haule, a pela kona hahai mai ia’u he noke aku hoi ka’u i ka akaaka e like me a’u i hahai aku nei, aole e nele kona huhu ia’u.
I ka hooki ana ae o Kapena Sula i kona akaaka ana, ua pane mai la oia, he makemake au ia oe e hahai mai i ka hopena o keia mau pu panapana, ua hoike aku la no hoi o Maika i ua mau pu panapana la, i ka ike ana iho o Kapena Sula, he 5 wale no poka o ka pu hookahi ua pane mai la oia.
I hea oe i hoolei aku nei i kela mau poka?
Aohe ka hoi ou lohe ua ki ia hoi e a’u i kela mau kanaka i hoala ai kuu hiamoe i ia po nei.
Aohe au e hoolalo aku ana i kau @au mea i olelo mua mai nei, koe wale no aia au a ike maka i na kino make o kela mau nowa.
Ina oe e makemake no ka ike maka, ano ka manawa nou e kauoha aku ai i ka oihaa makai, no no ke kii ana aku i na kino make o kela mau powa.
Ae, oia wale no ka hana maikai a’u e hana aku ai, mahope manao mai ke aupuni ua powa ia kela mau kanaka e oe ke lohe ia ae nau i ki, ina io hoi ua make kekahi mau mea ia oe e like me kau mea i hai mai nei ia’u.
No kahi wa aku.
@note: top of 5th column. The right side is blurry, I’ll type it as it appears:
KA KAKOU MILEMIL@
Ma keia kakahiaka a ma@
puku aku nei, ua pono ia makou @
hoike aku i ko makou mau maka-
maka heluhelu. no ka manawa @
ka o ka kakou wahaolelo. aole @
kulike loa elike me kona wa @
mau mamua, mamuli o ke nei @
ko makou mau limahana @
ano okaikai o ke kulana o ka @
e hiki ole ai ia lakou ke ha@
hope iho o ka hora 5 o ke a@
na la a pau. Nolaila, ua ka@
aku makou i ke noi a ke @
mau limahana i aloha nui ia, a e
hoopuka ia aku ana Ka Leo o wa
Lahui, i na hora makamae e k@
a me keia la, e hoouluhua ole ai i
ko makou poe heluhelu. Nolaila
e hoomanawanui a mai kunak@
HUI ALAHAO A ME AINA
O OAHU.
Papa Manawa
Mai a Mahope o Okatoba 1, 1892
NA KAA
A.M. AM P.M. @
Haalele ia Honolulu 6:15* 8:45 1:45 @
Hoaa i Honouliuli 7:20* 9:57 2:5@
Haalele ia “ 7:30* 10:13 3:45 5:4
Hoea i Honolulu 8:35* 11:55 4:55 @
NO KULANAKAUHALE MOMI @
Haalele ia Honolulu 5:@
Hiki i Kulanakauhale Momi 5:48 @
Haalele ia “ “ 6:55* A. M.
Poaono wale no
* Koe ka Lapule
* Koe ka Poaono.
Sept. 28 tf-dly:
NO KE KUAI.
1 -- He Pa - Hale ma Alanui S@
da a, 11 80-100 eka. Uka Hao@
malima $315 no ka makahiki.
2 -- He Pa-Hale ma ke Ala@
Aupuni ma ke Awawa o Pau@
1 37-100. Uku hoolimalima $@
o ka makahiki.
3 -- He Pa - Hale ma Alanui L@
ha. kokoke i ke Alanui Kula.
4 -- Hookahi Mahele Kulanui @
ka Hui o Paleluahine. Awawa o
Manaoa. He 513 ka nui o na @
aina ma o ka Hui ma keia A@
a ua mahelehele ia hoi@
Kuleana. He 15@ eka aina ka @
o ka mahele kuleana hookahi--
5 -- He ekolu apana aina t@
Hauula: Keolauloa, Oahu, I 15-@
eka.
E ninau ia
J. M. MONSARRAT
(Maunakea)
jan13 tf.