Ka Leo o ka Lahui, Volume II, Number 643, 16 February 1893 — Page 4

KA LEO O KA LAHUI.

"E Mau ke Ea o ka Aina i ka Pono."

 

KA LEO.

JOSEPH NAWAHI

HONOLULU, FEBERUARI 16, 93

KA MOOLELO

HIIAKAIKAPOLIOPELE.

I HOOPONOPONOIA

MAI KA POE KAHIKO MAI A

ME KA POE I HOOPAA I NA

MOOLELO A ME NA

KAAO KAHIKO O

HAWAII NEI.

Panaewa ohia loloa,

Ohia uliuli ika ua

I moku paewa ia

E ka laau

O kepekepe

A ka uka i haili la

Ilihia

Ilihia ika leo

He leo wale no – e.

 

Alaila, i mai o Panaewa, ae; ilihia io i ka leo, i ihihia ia laua nei, i ka i ana mai nei, he mau kane olua nolaila, hewa ae nei ka waha, i kahi umeke poi, a me kahi kalo, heaha la hoi aia no ika ikaika? alaila loaa ke alanui ia olua.

Alaila hoomaka iho la laua e hakaka, oia hakaka o laua nei a luhi o Panaewa, luhi pu no hoi me Hiiakaikapoliopele, hoomaha iho la laua nei, a maha hakaka hou laua nei, ia hakaka ana a laua nei ike o Pele ia Hiiakaikapoliopele, e hakaka ana me Panaewa.

Alaila kahea aku o Pele ma Hoaiku kane ame na Hoaiku wahine auhea oukou, aia ko kakou kaikanaia ke hakaka mai la me Panaewa, e hele oukou e kokua iko kakou kaikaina.

I liki aku ana lakou la, hookahi no ka muka ana ae a lakou ia Panaewa, o ka make no ia pau i ka ai ia e lakou nei.

Alaila kena o Hiiakaikapoliopele ia Pauopalae a hele i ka luau moe o Hiiakaikapoliopele i ka luhi i ka luhi i ka hakaka ana me Panaewa.

A hoi mai o Panaewa me ka luau wahi apaa, kau ike ahi, ka la nei moe no, oia moe oia nei, a o ke ala ole mai o Hiiakaikapoliopele, hoala aku la keia ma ke mele penei.

E ala, e ala e - .

E ala e Hikaalani

E ala e Kehooilonaikalani

E ala e Hoomauwahine

A makalii la – e.

Aole i pau.

 

HE MAU NANEHAI NO KA NAAUAO.

Imua o na opio o ke au o Liliuokalani.

Nanehai 1. Mahea kahi o ka honua nei, aohe ona Lonitu?

Nanehai 2. Heaha ke kumu i oi ae ai ke anu ma na piko Mauna, mamua o na wahi ma ke kumu Mauna?

Nanehai3. I na paha e kapaeia na Kanawai mau o ka Poai Lani o ke ao holookoa, alaila ihea la e waiho ai ka honua nei?

Nanehai 5. Heaha la ka mea e moe ai (u@oi ai) na maka i ka wa e pule ai?

Nanehai 6. O ka hiona i ike ia ma ka moeuhane, he mau hoakaka anei ia o ke ola uhane o ke ao maluna ma ka Lani?

            [Ma ka loaa pono o ka haina, e kapaeia ai kekahi Nanehai, mai ka hoolaha mau ana].

 

            Ka la apopo e kapalulu mai ai ka mahimahi o na Kona, me ka hiipu ana mai me na Huanene.

 

            Ua hooholoia ka hoike a ke Komite Kuikawa e pili ana i ka Papa Ola. i Ehiku lala ka nui i Ekolu Kauka ka Loio Kuhina; Kuhina Kala@aina, a me ka Luna Nui o na hana hou, aole e uku ia kekahi o lakou, a na ka papa no e koho kona Peresidena, a me na Luna Nui e ae.

 

Aole keia he Mau Hana Hoohoka!

aka he mau:

Waiwai hou wale no, aolei popopo

e loaa no

Ma ke kumukuai emi loa!!

ma kahi o

N.S. Sachs.

elu 104  Alanui Papu, Honolulu   Helu 104.

Ona Waiwai Hou Wale no ko ko Makou Halekuai

Aole o na Apa Lole Popopo a Kahiko!

            Aole a makou mau hana hoopuunipuni; aole a makou mannu ekaeka, oia hoi, aole o makou paali aku ia paa lole kahiko i kumu e loaa ai he puka ma ko makou aoao, aka, haawi aku makou i na waiwai hou loa no ko makou makamaka a me na hoaloha, no ke

Kumukuai Emi Haalele Loa, e loaa ole ai Kona Lua ke Ukali ae!

            Ua wehe ae nei makou i keia wa he laina hou o na Lihilihi Kuuwelu i hoouma pololei ia E@ropa mai, ma o ko makou mau kauoha ponoi ana aku, a ke hooia aku nei makou e kuai ia aku ana no me ka emi loa ae ka emi mamua o kekahi mau halekuai e ae. Ua loaa pu mai no hoi ma ko makou halekuai nei, he mau lako hou o na

Apa Keokeo, na Lako Kalakoa a me na Kinihama,

A ke kuai aku nei makou ma ke kumu lilo, no ka mea na makemake makou e loaa ona wahi e hoahu ia ai ko makou mau waiwai lako huluhulu. Ua weho pu ae nei makou he luhiehu o na APA HULUHULU Farani,. na Silika PANI’O a me na APA SILIKA LAU. He mea pono e ike ko makou makemake a me na hoaloha i ke@a mau waiwai hou a nani. Emi ke Kumukuai. O na APA SILIKA ELEELE PAPAMU, a pela aku, e loaa no ma ko kumukuai haahaa loa.

            Na Papale o na Wahine i humu a kinohinohila, na Papale o na Keiki o ke ano hou loa, e kuai ia aku no ma ke kumukuai haahaa loa. Na Pua Papale, na Hulu Papale hou, e pela aku, e loaa no ma ko makou halekuai me ke kumukuai emi loa. O ka loaa koke ana mainei no ia o ka mea humu papale hou o ko makou halekuai mai Nu Ioka mai. He loea kana mau hana hookinohinohi ana i na papale. Ua hiki ia makou ke kaena ae ua oi ae kona loea mamua o na mea hana a kimohine papale o kekahi mau halekuai papale e ae.

            E hoomanao hou iho e na makamaka a me na hoaloha, o ka pono, pololei, kaulike, ko makou m@t@, a aole o @a hana poholalo, a mamua o ko oukou hele ana aku i kekahi halekuai e aku, e kina mua mai ma ko makou halekuai. E kil@hi @aua. nana. E lolelole. E hooia no oukou iho

:N.S. Sachs:

575-tfd.  104 Alanui P@@@. Honolulu.

 

$5,000 Makana! Haawi Wale ia!

E Hoomaka ana keia kuai me na makana Dala mai kela

Poakaahi aku, Nov. 7, 1892

            A e hoomau ia aku ana e like me ka hiki.

            I loko o kela manawa kuai, o kela a me keia mea e kuai ana a hiki i ka $2.50, e loaa ana iaia he makana nani o na

Lako Dala a me Aniani Peachblow,

Ma ke aniani maoli, a i ole, ma ka Lako Satina.

E Hoomanao

            Aole o kela a me keia mea kuai 5, 6, a 10 ana paha a ka mea kuai e loaa ai @@ makana, aka, e haawi ana makou he makana i na mea e pau e kuai ana a piha loa huina maluna ae ma na waiwai kuai. Oiai, e waiho ana makou i ka hana, a e kuai ia aku ana na mea pau mamua ae o ka la 1 0 Ianuari, 1893.

E hele mai i hookahi, e hele ma no a pau loa, mai ke nui a ka liilii.

Chas. J. Fishels.

575-tfd  Halekuai alakai o na kumukuai haahaa loa.

 

He Kuai Hookelakela Nui!

Hele mai Hookahi, a i ole Hele mai no a Pau Loa

ma ka hale kuai alakai o

B.F. Ehlers & Co – Painapa.

Helu 99 Alanui Papu.

 

Oili Pulelo Painapa e kela i Kaupoku o

Hanalei; aka i hewa no nae i ka lele

nua i ka hooulu i ka la ino.

 

Oiai he manawa @@huno keia no ka aina nei, no ka mea ke wawalo mai nei @@ leo pilikia o ka lehulehu mai o a o, a ke kuai hoonaho mai nei hoi, kekahi ea @@ e kuai e hoao ana e kulai kekahi i kekahi, nolaila ke komo pu aku nei au @@@ @@ hana maikai no ka mea.

 

He Kawa ia Na’u i Lele a Opu

He mau makahiki loihi i hala ae nei, akahi okoa kuu aluhuai ke ahi o @@maile a me ke Kawelu o Lanihuli, a i mea @e hou e Le@@eia ai kela olelo kaulana a kahiko

 

Ohi Hapuku ka I’a o Kapaau.

Eia ma Ko’u Halekuai nei na Papale Manalii o @@ @@ @ a pau, @@ Lako L@l@ na Hapii a oukou o na paikini a pau, mai ke nui a ke akulele, na Lako Lele @ @ Lede a me na Keoaimana o ke ano hou loa i ike @@@ oia e ma Hawaii nei, @@ @@ malu o na waihoolulu a pau, a pela aku, a pela aku

 

E Kuai ia aku ana no ke Kumupaa.

Nolaila mai hoohala i ka ike ana ia kaua.

E hoomaka ana @@@ kuai hookel@@@ia mai a me keia mua aku. Na ka @@@@ mua no ka loaa, eleele aku no ihope, aole. tf-d;y.  B.F. Ehlers & Co.

57