Ka Leo o ka Lahui, Volume II, Number 644, 17 February 1893 — HE MOOLELO KAILI PUUWAI NO SENIA LUTERA Ka Ui Puuwai Mabala O ENELANI KAHIKO. A I OLE He Nanea Hooheno no kekahi Kauna Wahine Opio me kana mau Aloha Ekolu. [ARTICLE]

HE MOOLELO KAILI PUUWAI NO SENIA LUTERA

Ka Ui Puuwai Mabala O ENELANI KAHIKO.

A I OLE He Nanea Hooheno no kekahi Kauna Wahine Opio me kana mau Aloha Ekolu.

(Kakauia no Ka Leo.)

Ina manawa & pan a Laionela e hoopuka ai i keia mau olelo, ua like ia me ke Mii e * ho\ihou ana iloko o ka puuwai o ka ui Seaia. Ua nui na manawa _ ana i ake ai e hele e ike i kona home o na la opio, eia uae he mea hiki ole ia ke hooko ia, no kona makau o ike ia mai oia e na poe a pau o ua home la o kona luaui makuakane. Ua makemake no oiu e waiho ma]ie ia lakou iloko o ke koloka oke kuhihewa aia no au iloko o ka ilina me ko'u in» l kupuna. A ua manao no lioi oia, ina paha e ike mai ana kona luaui makuakane iaia, he mea ia e hoohikiwawe ia ai o kona ola. t Ua ano uiha ia oia i ka noho ana iluna o ka hanohano a me ka waiwai, a he ake oia e loaa iaia kahi maluhia, mai ' na poe a pau e hele mai ana e ike iai* a me kana kane. Maliope iho o ka huimua apa 6 Laionela a me kana ai- . kane ke'lii Codona iloko o ka V hauoli, mai ko laua kaawale anano na makahiki loihi, ua

hoi .ae la no ko ke 'lii Codona mau helehelena a kona waihooluu kahiko. ~ Me he la' aole he hauoli iloko ona ko na mea a pau a kona mau maka e ike aku ai. A no Seniā hoi a me Laionela, ua lilo ae la laua he mau hoaloha maikai loa, e kipa mau aku ana oia i kahi o kana mau aikane i na wa a pau ana e makemake ai, me ka mea ole nana e keakea aku. I kekahi po kalae maikai, oiai na mea a pau ua hamau koe wale iho no ka iuli ana o na lau lemi, hooluliluli malie ia ana e ke aheahe makani, ua ulu koke ae la kekahi manao nana i hoano e ae i kona noonoo maikai, oia hoi ua ike oia, aia oia ke komo kulipolipo aku la oia iloko o ke aloha no ka nani nohenohea e maalo mau nei imua o kona mau maka, e pili pono ai keia waki hooheno: •'AkaM ka ono o kuu puu I ka uhu nui maalo i kuu maka; i Manao hoi au e lawe a lilo! Kaohi ia mai hoi e»ka hilahila." Nana hoi e hoala mau mai ana na noonoo ana iloko ona, no kana lei aloha i kaili ia mai kona puuwai akii. Ua noonoo nui iho la oia no keia mea, ua ike maoli no oia aole e hikHaia ke alo ae, ua kukuni paa ia aku la ke alolia iloko lilo o kona puuwai, -no ka ui Senia. Ua noonoo liou ae la oia, o keia wahine ana $ makemake a e hoano e ia nei kona 1100I noo, he wahine oia na t kōna hoaloha maikai — kona wahi hoaloha hookahi, i aloha a i haawi aku i na hilinai ana e like me ka hoahanau ponoi! A o kana uku panai ka ia e Jiaswi aku ai! A oia, o Sir Laionela Mavila e powa a e kaili mai i ke aloha o ka wahine a kona hoaloha mai iaia maiv Pela . I iho la no keia mau hana hoolauwili e hoonaku ana iloko o ua opio nei, ia manawa oke aumoe. » No kihi wa aku.