Ka Leo o ka Lahui, Volume II, Number 645, 20 February 1893 — Page 1

KA LEO O KA LAHUI.

"E Mau ke Ea o ka Aina i ka Pono."

 

HONOLULU FEBRUARI 20, 1893

 

SENIA LUTERA

 

Ka Ui Puuwai Mabala

 

ENELANI KAHIKO

 

He Nanea Hooheno

no kekahi Kauna

Wahine Opio me

kana mau Aloha Ekolu.

 

(Kakauia no Ka Leo.)

 

            No kona ike maka maoli no hoi kekahi, i ka hoohai a hoomahie launa ole mai o keia wahine ana e kuko nei iaia, ina manawa a pau ana e hookokoke aku ai ma kona aoao.

 

            Ua hiki iaia ke ike maopopo aku i na akaku o ke aloha iaia e maalo mau ae ana iloko o na onohi maka poni eleele o ka iwa kiani o ke kakela o Codona.

 

            A i kekahi manawa ana e hoohali kamailio ai me ia, aia hoi e hekau mau ana na mino ka o ka waipahe maluna o kona mau papalina a ka nani i hooipo ai, a i kona manawa e kamailio mai ai, me he la he moeuhane ia imua o ke alo o ua Mavila nei.

 

            A i ka wa a laua e lulu-lima pu ai, e komo mau ana kekahi manamanalima o ua nohea nei e hooheno ma ka poho o lima o ua opio nei, a he mea hoi ia e hooi mai ai i na ulupuni ana a ke aloha iloko o kona puuwai.

 

            Aole no hoi he makala iki mai o na hoomanao ana iloko ona no ui Senia; aka he hoohuoi wale no kona no ka loaa ana o kekahi mele ana i mele ai i na la i hala.

 

            He oia mau no kona aloha no kana lei mua, ke aloha hoi ana i olelo ai, aohe wahine o keia ao nana e hoomaalili; a e hoomanao mau ana oia no ua lei nei ana o ka wa i hala.

 

            Aka, i kana hoemaopopo iho, me he la, ke aneane ae la e pa’i a pa’i ke aloha o kana ipo mua me ko keia ulua hou ana.

 

            He ano e loa nae hoi keia aloha ana e hiipoi nei, no ka mea, i kana hoomaopopo iho me he la, e ume loa ia aku ana kona naau @ @ili me keia ulua hou.

 

            Ua ulu mau keia noonoo iloko ona i kela a me koia la, a hiki i kona hooholo okoa ana i kona manao awahua a ka lokoina; oia hoi, e kaili io ana oia i ua ulua nei ana mai ka poli mai o kana aikane, mamua ae o kona pupule ana i ke aloha iaia.

 

            O kekahi keia o na hana manawaino a aloha ole a kekahi aikane i pili paa ko laua aloha ia laua iho e hana ai.

 

            A pela paha i kohu poho ai keia wahi hooheno a ka poe haku mele;

 

Akaka ua aikane hulu-manu I ka pinai i kuu laloaa E kuhi ana a he pono keia I kanui mali hoi a ka waha.

           

            Me konahoomanao ole ae no kana wahine a makua maikai, e noho mai la ma ko laua home, me ka hua hookahi a kona puhaka, a o ka milimili a me ke aho hoi a ua kane la i na manawa a pau ana e hoi aku ai ma ko laua home, mai kana hele ana a pau.

 

            Aole he kowa a he wahi kaawale no ko laua aloha, oiai ua piha loa ae la hoi i ke aloha o ka wahine ana e manao nei aohe ona lua iloko o ke ao holookoa a wahine hoi a kona hoaloha oiaio hookahi iloko o ke ao, ana i haawi pau ai i kona puuwai.

 

            Ma keia wahi e kuu makamaka heluhelu e hoomaopopo ai kaua, ua komo kino ke aloha iloko o ka opio.

Ko kahi wa aku.

HE NANEA KAMAHAO

 

NO

 

MAIKA

 

KE KEIKI

 

Hapa Ilikini a Hawaii hoi.

 

KE KANAKA MUA LOA NANA I PANA KE AKU BEA A NA ILIKINI IMAKA’U LOA AI-A O KA WELI HOI O NA ILI KEOKEO-A ME KA LUKU IA ANA O KELA HUI KEAKA A LI.

 

Hiu a wela, lawe a lilo. Ke keiki Hapa Ilikini, elua i ka manawa hookahi, na hana powa, a me ka makeana o na heahanau Conegokena, ka mare ana o Maika a me na hana hoomainoino.

 

            I na pela ke hookuu aku nei au ia oe e kuu hoaloha, e like me kaunoi; a he mea maopopo, e ili mai ana ke koikoi o keia hewa maluna o ko’u hokua, ke hoao oe e kumakaia ia’u; nolaila e hooko i ka olelo a ka waha.

 

            I ka lohe ana o Maika i keia ae oluolu ana mai o kona hoaleha i kana noi, ua hoopiha loa ia oia i ka hauoli, a no kona makemake e nalowale oia mai ka hoomeopopo ana mai a kona mau hoaloha iaia, ua ui hou aku la oia i ua hoaloha nei ona, no ke kokua ana mai iaia ma ka haawi ana mai iaia i na pono a pau e pili ana i ka makai, a me ona pena no ka hoano e ana ae i kona helehelena.

 

            Ua hooko aku la kona hoaloha i keia noi a pau a Maika, me ka hookaulua ole iho; pela iho la i oili pulelo ai ua hapa Ilikini nei mai ka halepaahao aku.

 

            A ma keia wahi o ko kaua moolele, ke noinoi aku nei auia oe e hoohuli hou ae i ko kaua moolelo ma ke alanui pololei.

 

            Oiai o kapena Sula i lele aku ai e puliki i kahi makai makau ole, ua pane aku la oia i ua wahi makai la.

 

            Aole anei oe o Maika?

           

            Ke aha la? Wahi a kahi makai.

 

            No kela lauoho loihi ou.

 

            E pani oe i kou waha, mai no oe a hoopua ae mahope au pilikia no kuu mahuka ana mai nei, ua pololei oe, owau io no ia e ku aku la imua ou e kuu hoaloha maikai, a mai no hoi oe a hoike ae i ke akeao pilikia auanei au.

 

            Heaha auanei ka’u mea e hoike aku ai i ke akea, e ninau aku ana au ia oe.

 

            Pehea oe i hemo mai nei?

           

            No ka lokomaikai o ka wiliki.

 

            A pehea hoi i loli ano e ae ai kou helehelena a like me ko’u nei ke ano?

 

            Kai no hoi i pena ia mai nei au e kahi wiliki.

 

            Ia wa i akaaka ae ai o kapena Sula a pane mai la;

 

            He hoohuoi no la hoi ko’u i na hana wiwo ole a keia makai me ko’u kuhi he mea okoa, eia ka auanei o oe no keia.

 

            Mai no kana a hoolilo loa maanei i ke kamailio, mahope lohe ia mai, e pono kakou e halihali koke i keia poe, a me keia waiwai o kaua i pakaha ia oi e keia poe imua o ka hale hookolokolo, wahi a Maika.

 

            Oi hoi ha, wahi a kapena Sula.

 

            O ko laua nei hoehu koke aku la no ia i ko laua mau hoa, no ka halihali ana i na mea a pau o loko o ka hale o luna no ka halepaahao, oia ka ua wahi makai makau ole ala i pane aku ai.

 

            Ike oukou i ka wi o ka niho o keia poe kolohe, ina au i hoolohe i ka oukou mau olelo palaue ka, ina ua lona ia kakou ka laau o ka hamohamo.

 

Aule i pau

 

E ka Lahui e!

 

E Ka Lahui Hoi!

 

E KA LAHUI ALOHA O HAWAII!

 

Eia ko oukou Leo la! KA LEO O KA LAHUI!

 

            He nupepa keia e kokua ana i ko oukou mau pono pili paa mai na kupuna mai, a mai ka po mai; ka pono hoi o ko kakouaina, a me ko kakou Noho Moi.

 

            He nupena keia e hoike ana i na mea ano hou loa, o ko kakou mau Paemoku, a me na nuhou ano nui o na Aina E mai; Ma keia nupepa no, e ike ponoia ai na mea ano nui loa, e pili aua i na hana a na Komisina elua i holo aku nei no Wasinetons.

 

            Oiai, aia aku nei ko kakou makamaka kakau nupepa noeau i Wasinetons, me ke Komisina Alii; oia o Hon. J.E. Bush, ke kolopa uneune o ka Moana Pakipika; alaila, o na lono oiaio loa a pau, no na mea e hanaia ana ma Wasinetons, e hoouna pololei ia mai ana ia i ko kakou nupepa, ma keia mua iho.

 

            Oiai, no ka pono o ko kakou aina wale no, ko kakou lahui a me ko kakou Moi, ko Mr. Bush hele ana aku nei; a aole no ke kumakaia ana aku; alaila, e hooikaika pu ana oia me ke Keikialii Kawananakoa a me Mr. Numana; e loaa, a e hoihoi hou ia mai kou mau pono oikelakela e Hawaii.

 

            Ke haawi aku nei KA LEO O KA LAHUI i na hoomaikai ana he nui loa; ku ka paila hana ka haawe; no na makamaka a pau loa e hoouna maiiana i na mea hou ia makou.

 

            A pela pu no hoi me na poe a pau loa i panola mai i ko lakou mau lima kokua no ke ola makamae o ka kakou no ke ola makamae o ka kakou nupepa, ka ahailono o ka lamaku iloko o na home aloha o Hawaii.

 

HUI ALAHAO A ME AINA O OAHU

 

Papa Manawa

 

Mai a Mahope o Okatoba 1, 18@2

NA KAA

                       

                                    A.M     A.P.     M.P.    M.

Haalele ia Honolulu    6:15     8:45     1:45     4:35

Hoaa i Honoo Huli      7:30     9:57     2:57     5:35

Haalele ia        7:30     10:13   3:45     5:35

Hoaa i Hoonoo lulu     8:35     11:35   4:55    

NO KULANAKAUHALE MOMI I@@O

Haalele ia Honoolulu              5:

Hiki i Ku@@@@@@@ Momi

Haalele ia

 

Sept. 88 if-dly