Ka Leo o ka Lahui, Volume II, Number 645, 20 February 1893 — HE MELE PULE LAHUI. [ARTICLE]

HE MELE PULE LAHUI.

E ka Makua Lani e! E hoolohe mai ia makou; Ke kulou nei imua Ou, Na pokii luuluu nei. O makou na pua o Hawaii, Ka luhi Au i hana ai; E haawi mai i Kou aloha, No ko makou one hanau. O ka makou pule nonoi, E noho Oe ma Wasinetona, E alakai i na Komisina, No ka pono o Hawaii. O Kou Mana ke hooia mai, No ka manaolana pomaikai, O Hawaii ua lanakila, Ua hoi hou ke ea o ka aina. Ia Oe ka hoomaikai nui Ka Makua, ke Keiki ka Uhane pu. Kou Mana ka palekaua oi, No na Paemoku o Hawaii.