Ka Leo o ka Lahui, Volume II, Number 645, 20 February 1893 — HE MELE NO HAWAII. [ARTICLE]

HE MELE NO HAWAII.

Na mokupuni liilii nani Ka Paredaiso o ka Panipika, Ua poniia me ke aloha, O kona lahui ponoi. He momi nani oikelakela Aole he lua ma ke ao nei, Ka nani ia o Polynesia. Ka Paeaina o Hawaii nei. He Edena au i aloha ai, He ipo nau e hoopii nei, He makana na'u mai luna mai Ke one hana o'u kupuna. Hiaai au i ka nani O kou mau kuahiwi kilakila, Na awawa lipolipo, I hoo-pe ia e ke ala. Ua aheahe lau makani, O na opua aopolohiwa Na ale kai lelehuna O kou mau kahakai Ua paa mau no kuu aloha No kou aina i hanau ai O kuu ola nei no Hawaii A kau i ka pua aneane.