Ka Leo o ka Lahui, Volume II, Number 646, 21 February 1893 — HE WEHI NO LILIULANI. [ARTICLE]

HE WEHI NO LILIULANI.

He wehi keia no Liliulani. Ke kuini Ihi kapu a o Hawaii; Ke koni ae nei kou aloha, Paila hana mau i ka puuwai, Ua like me ka wai e haaleana; Ke koii hana mau i ka iwihilo, Ua milolii hoi kou aloha; Ua paa i ka hilo kaakolu ia, A aole oe poina kou Lahui; Kau hana pookela, oi kelakela, I manao ai hoi a e hooko; I ka pono kaulike a o Hawaii Ua hooko oe i ka makemake, Ka Leo aloha o kou Lahui, Ke hea mai nei ka Paeopua, E hoi e Liliu noho i ke kapu; E kau kihei a ke ae loa I ke kiko waena o Haleakala Hoike aku ana i ka Lahui Ua ola Hawaii kau i ka hano, Hanohano ke kuini oi-kelakela, I ka olu kohai o Wakinekona; Ua o na ia oe ke Kahikolu, I Moi oe no Hawaii; E ola o ka Lani a mau loa, Kulia i ka Nuu a o ko kapu, Haina ka puana a i lono ia, O Liliu o Loloku noho i ke kapu, E ola ke kuini o Liliulani, A ili, a kau, kau i ka hano. Haku ia e Mrs. Kala. Honuakaha, Feb. 16, 1893.